مشكلتي مع اختي

مرحبا اشلونكم ؟؟ انا بنت عمري تقريبا 17 مشكلتي الوحيده بحياتي واللي مكرهتني دنياي اختــي مااعرف اتعامل وياها اهي اكبر وحده وبيني وبينها تقريبا 12 سنه فررق تفكيري غير تفكيرهـأا تعاملها معاي كاني جاهل ماافهمـ خواتي اللي اصغر منها بسنتين ولا ثلاث احسهمـ يفهمون شوي اهي كلـــــش حاولت بكل الطرق ارفع لمستواها دامها اهي ماحاولت تنزل لمستواي وتفهمني واطوف لها بس ماكوو فايدهـ بالنهايه اعصب ولا اقدر اكمل المشكله انها البجر بكل شي تتحكم وتدخل فيه عصبيه لابعد الحدود ماتحمل متسلطه نوعا ما اي شي يصير بالبيت لازم تتدخل .. امي وابوي يعتمدون عليها حيل وهالشي شوي مضايقني مرات ابي شغله من ابوي يقولي روحي اسألي اختج .. زينه هالشغله ولا لأ اوكي ماعندي مانع اسألها بس خل تعدل اسلوبها خل تتعلم تحترمني دايما تحطمني تهز ثقتي بنفسي .. يعني عادي اكلم رفيجتي تاخذ السماعه وتقعد تتسمع تتأكد اكلم بنت ولا لأ تصرفاتها كلش مو شي تحرجني حيييييييييييل مرهـ قبل مااطلع لي خط .. كنت استخدم نقال امي فرفيجاتي يدقون علي ع نقال امي فمرهـ وامي طالعه السوق دق واحد وازعجها اختي شكت فيني على طول ليش ماادري جان تدق علي وتسألني منو 79 قلت ماادري قالت اوكي اوكي انا طنشت الامر ولا اهتميت اول ماردت جان تزفني زف وقالت لي منو 79 هااا دق علينا وماادري شنو قلت لها انا شدراني واخذ تلفون امي بشوف الرقم وبدق جدامها لاني مو مسويه شي غلط عشان اخاف ادور الرقم ادورهـ مالقيته قلت لها مالقيته جان تقولي ليش تمسحينه هاااا قلت لها مامسحته كان يومها باجر عندي امتحان فاينل تخيلو باجي لي فصل كامل مادرسته اقسم بالله صعدت غرفتي قفلت على عمري الباب وقعدت ابجي بجي وكتابي مافتحته واخر شي مااقدمت عدل وجبت د :( وبعدها بيوم قعدت تجيك عالارقام جان تقولي منو فجر قلت لها رفيجتي جان تقولي توج مسيفه رقمها امس مو موجود قلت لها من عرفتها وانا مسيفه رقمها بتصدقين صدقي ماتبين كيفج انا اهني جد عصبت ضايقتني جان تقولي دقي عليها قلت اوكي انا البنت مو حيل امون عليها عشان ادق ودقيت وخلتني احطه سبيكر اول مره ماردت جان تقولي طرشيلها مسج طرشت لها ودقيت جان ترد وتكلمني وانا حاطته سبيكر واختي ليما الحين مو مصدقه انزين تسمعين صوتها وسوالفها بعد مو مصدقه هالموقف صار قبل 6 شهور تقريبا بس هالموقف تكرر لما كنت بـ 2 متوسط مع اخت رفيجه اختي احرجتني معاها كنت اكلمها من تلفون البيت وماكان عندنا سبيكر كانت تاخذ السماعه وتسمع وترد تعطينياها اقول اي وترد تسمع تخيلو لي يومكم هذا ماادري شنو قالت البنت هذيج الحزه بس اللي اعرفه اني كنت اقول اي على عماي والبنت مندمجه تسوولف وامس داقه علي رفيجتي ع نقالــي اهي اللي داقه لما سكرته زفتني قالت لي التلفون حاطنه للضروره مو للقرقه ,, رفيجتي مو معاي بالمدرسه بمدرسه ثانيه انا ماادق عليها واهي دوم تدق وتسأل عني فيها الخير ماقالت اهي ماتدق ماتسأل ليش ادق عليها .. اقولها بعـــــد لاتدقين علي وربي احرجتني وضايقتني لما اشوف خوات رفيجاتي وربــي اغبطهمـ رفيجاتي دايما يحرجوني ليش ماتدقين بس احنا ندق عليج .. ومن هالحجي اتمنى تتغير بس ماكو فايده بوطبيع مايجوز عن طبعه ولا الاسبوع اللي طاف اكلم رفيجتي واهي نايمه بغرفتي دخلت وانا اكلم رفيجتي واقولها انا دلوعه امي وابوي واضحك واخر المكالمه قلت للبنت شدي حيلج الماده هذي سهله ولما سكرتهـ الا اهي سمعت كل شي جان تقووولي الحمدلله والشكر شنو دلوعه امج وابوج وتتطنز .. انا سكتت يعني جد انا اخر العنقود وامي وابوي مو مقصرين وياي وعادي اضحك مع رفيجتي جد عكرت مزاجي وبالليل لما كنت نايمه فجاهـ قعدت اسمعها تسولف مع خواتي ووتتطنز علي حتى وانا نايمه @@ تخيلوو اختج تحش فيج تقوووول مالت عليها تقول لرفيجتها الماده سهله خل تعلم نفسها وانا اقسم بالله كل اللي ماتبيني اسويه احاول ابتعد عنها عشان تتغير بس ماكو فايده يعني لما اشبك تزفني وانا مدمنه انترنت من نت باولى متوسط اشبك الحين ماقمت اشبك الا مره بالاسبوع ولا كل اسبوعين مو دايما ولا مبين بعينها وصايره ادرس ولا اكوو فايدهـ بس تزف ياناااااس اختي حيل عصبيه تدرون صارت فيني حاله نفسيه من اسمع صراخ اقفل على نفسي الغرفه لاني جد اخااااااااااف وحتى لما مدرسه تزف بنت وربي احاول اشغل نفسي صرت اكرههـ الصراخ عادي عند اختي الحين تزفني شوي تزف اخوي شوي تزف الخدامه يعني عادي يصير يومها كله زف واهي دايما تكسر فيني لما بديت احط ميك اب كرهتني بعمري تعلق وتتطنز بالاول ماقمت احط وحبطتني بعدين حاولت استعيد ثقتي بنفسي واطنشهاااااا مرات احس اني اكرهـا ,, انا انسانه مااحب اشكي يعني رفيجاتي مااقولهم عن مشاكلي ولا ابين لهم اني متضايقه من اختي ابين لهم اني احبها وانها حبووبه ليش ماادري !! دايما تقولي انتي فاشله مع اني كنت بنت متفوقه وشاطرهـ والحين جد صرت فاشله نزل مستواي عن قبل انا اللي ماكنت اعرف ال 90 دايما 95 الحين نسبتي 70 :( مرات احط اللوم عليها واقولها اهي السبب في كل اللي يصير لي ومرات اقول هذا وهم انا اللي ماقمت اهتم مو اهي السبب .. وربي صرت اكرهـ امسك الكتاب صرت اكرهـ الحياهـ .. لما يصير شي بالبيت ومن باب اني وحده منكم وفيكم اعلق على مشكله تقعد تزفني وتقولي انتي من كلمج احد طلب رايج واهي بكل شي تبدي رايها حتى لما يكون الموضوع بيني وبين اخوي ومحد يطلب رايها لما اشبك بالليل بعـد 12 تزفني وتقولي عيب واهي عادي للـ 3 والـ 4 ويكون وراها دوام وابوي يشوفها عالنت انا اكون شابكه ومحد يشوفني تسويلي مصيبه عيب ماتستحين هالحزه شابكه لو ابوي مر وشافج الناس شيقولون عنج بنت فلان شابكه انصاص الليل لما اتكلمـ الساعه 11 بالتلفون تسوي لي جريمهـ اهي عادي تكلم الساعه 12 و 1 مع رفيجاتها لما اكلم رفيجتي اكثر من 10 دقايق تفشلني برفيجتي واهي عادي تنام عالسماعه دايما تشك فيني ولا تشك بعمرهـا دايما اهي الصح واهي اللي فاهمه واهي اللي ماينخاف عليها اللي يقهرني ان امي عادي ماتقول لها شي ولاتحرمها من شي واهي تحط حرتها فيني بس هالحرهـ من وين تجيها ماادري !! انا انسانه اجتماعيه وواعرف بنات واجد وعندي ارقامهمـ تزفني على صداقات وان واجد البنات اللي اعرفهمـ تبيني اكون مصلحجيه ارافق البنت لماده ولا لشي وبعدين اقطع علاقتي فيها يعني مو ضروري انا رحت مدرسه واهي مدرسه وتم علاقتي فيها انا انسانه مااحب جذي احب اكون صداقات وتدوم العمر كله اختي كرهتني بالصداقه .. تكفووووووووووووون ابـــــي حـــــل خلاص وربي كرهت دنياي والسبه هالعيشه