~إستفسارات مخطوبة ~

~ Princesa ~ 15-07-2007 13 رد 491 مشاهدة
~




ماشاءالله في الصيفية تكثر العروس والحفلات وبالتالي تكثر الخطايب "جمع خطبة ":gum:

والبنت في هالفترة النفسية لا يعلى عليها والمخ يكون خارج نطاق التغطية وتصيبها حالة من

التتنيح >> هاتي من الآخر بليز :2_106:

أنا"وأعوذ بالله من كلمة انا " حابةأخلي هالموزوع مرجع لإستفسارات البنت المخطوبة " ماهي

العروس "

لأن العروس ماشاءالله لها منتدى كامل هنا :ok:

يلا بنات عليكم بالمتزوجات

وإنتوا يالعرايس والمتزوجات هالله هالله فينا ترانا ننرحم :sad:

>> عدت نفسها من المخطوبات :D_smil1:

تراني لسا بنوته أدعوا لي بالزوج الصالح

بس مايمنع أحط إستفساراتي تحسباً للحالات الطارئة التي قد تعتريني في ذالك الوقت:gum:





~فائدة مرفقة ~

هل تريدين الغيث المدرار والذرية الطيبة والولد الصالح والمال الحلال والرزق الواسع ؟ عليكم

بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ

السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].
~
اول إستفسار لي >> تعرفون لازم الإفتتاحية تكون على ايدي :2_106:


أنا أبي اعرف كم مدة الفترة الي بين الخطبة والردعلى الخاطب بالموافقة او الرفض ؟؟

بالنسبة لبنات السعودية >> لأن التحليل شرط عندنا قبل العقد

هل التحليل يكون قبل الشوفة الشرعية أم بعد ؟؟
P
جزاك الله كل خير و انشاء الله تلقى ابن الحلال اليسعدك
~
prof_nona21

شاكرة لك مرورك خيتو

ويسلمو على الدعوة ياقلبو


بس ليه مارديتي على استفساراتي ؟ :confused:
c
الله يرزقك يا ب بالزوج الصالح
ا
الله يرزقك بولد الحلال اللي يخاف الله فيك

بالنسبة للاستفسار الاول
أنا أبي اعرف كم مدة الفترة الي بين الخطبة والردعلى الخاطب بالموافقة او الرفض ؟؟

تختلف حسب المناطق بس غالبا مابين اسبوع الى عشر ايام كحد أقصى لأن بعده شوفة والاستفسارات الدقيقة للطرفين

هل التحليل يكون قبل الشوفة الشرعية أم بعد ؟؟

أفضل الشوفه أول لأنه ازا ماحصل ارتياح أو قبول فما منه فايدة الكشف
وفترة الكشف ممكن الوحدة تستفيد منها انها تتأكد من احساسها وتستخير مرة تانية
وجاهزين لأي استفسارات
وبالتوفيق
~
.

.

cute rouma

أشكر لك مرورك العطر يالغلا


:9_33:
~
.

.






المكاوية السمرا

أشكرك على دعوتك الحلوة ولك ولأحبابك بالمثل إن شاءالله

يعني أفهم من كلامك إن السؤال الدقيق عن الرجال يكون بعد الشوفة !!


وين الباقي ولا مافي مخطوبااااااااات :B_wink: !!


تقبلي مني هال:9_33:ه
r
الله يوفقكم يا مخطوباااااااااااااااااااات



رووووووووز
ق
[GRADE="00008B FF6347 008000 4B0082"]أما بالنسبه لنا في البحرين

أول ما تتم الخطبه: أما تكون عن طريق المعارف أو عن معرفه(يعني الإثنين عارفين بعض وخالصين)، أو عن طريق الخاطبه، وممكن حد ما تعرفونه بالمره بس الأم شافتك في عرس.

تجي الأم تخطب البنت: طبعا بدون رجال هي وبس أو هي وبنتها الكبيرة أو أحد تثق فيه، وبالعادة لما تكون الأم غريبة وسامعة عنا، اول جية لها تكون إطلاع فقط ، يعني تشوف البنات وتختار ما في بالها وحده معينه أو تكون حاطه وحده في بالها ورايحه تتطمن على أخلاقها وكلامها وشكلها.
وأوقات ما تفصح الأم عن نيتها يعني ما تقولها صريحة آنا جايه أخطب، لكن اللبيب بالإشارة يفهم.

المرة الثانية تتصل الأم: وتكلم أم البنت وتقول لها إن بنتج عجبتني وحابين نخطبها لولدنا وتعطيها شويه معلومات عن ولدها، مثلا أسمه، شغله، دراسته إذا مفتخرين بشهادته.

بعدين أم البنت تخبرهم ان يعطونا مهله نسأل فيها عن الولد. (عادة تكون المهلة أسبوع أو إثنين على حسب وعشان البنت تعطي موافقتها المبدئية بالإرتباط، وعيب إن أم البنت تتصل وتخبرهم عن موافقتهم لازم ينتظرون أم الولد تتصل وبعدها يقولون لهم الخبر أو يقولون لهم إن البنت بعدها تبغي وقت عشان تفكر.

المقابلة: هالمرة تجي أم الولد والولد عشان يشوف العروسة ويقعد معاها، طبعا إحنا ماعندنا إنها تقعد من غير حجاب قدامه، لا تقعد بحجابها عدا الوجه والكفين، والباقي أمه تخبره عنه.
يعني قعدتهم مع بعض تسأله: وين راح يسكنون، طموحه، إذا عنده رياضه معينه يمارسها (يعني في شباب يمارسون الرياضة والبنت ما ترتاح لكثرة خروجه وسفراته مثل اللي يسافر مع المنتخب)
وتسأله شنو يمثل له الزواج وليش حب يرتبط، تتكلم عن دينه وأخلاقه طبعا بطريقة اللف والدوران مو تقول له في وجهه إنت تصلي أو اشلون أخلاقك، لكنها بذكائها تقدر تستشف هالأشياء من دون ما تسأله، يعني الأخلاق تعرفينها إذا كانت نظراته سخيفة أو يطل من الباب وإنتي قاعده.

وطبعا قبل المقابلة يقعد الولد مع والد البنت اللي يهريه أسأله،ههههههههه

وبعد المقابلة: تطلب أم البنت مهلة للتفكير والموافقة والسؤال مره ثانية.
وبعد الموافقة
يجون الرجال عشان يتفاهمون على المهر وترتيبات الزفاف.
وبعدها يروحون يسوون فحص ما قبل الزواج (طبعا إذا البنت عندها أمراض تخبر أم الولد وهي بدورها تخبرهم إذا ولدها عنده أمراض) يعني يكونون متطمنين للي يعرفونه، وبعدها يسوون الفحص (لأن العقد عندنا لا يكتب إلا ببطاقة الفحص).

وبعد النتيجة: يروحون الإثنين عشان يشترون الشبكة والدبل، ويرتبون لليلة الملكة.
وبعدها ممكن تستمر الخطبة شهور معدودة أو سنه لحين ما يرتبون عش الزوجية، ويسوون حفلة الزواج.

هذي بالنسبه لعاداتنا واي سؤال آنه حاضرة[/GRADE]
ب
الله يزقك بالزوج الصالح واللي يسعدك..........................

للاستفسار الاول
أنا أبي اعرف كم مدة الفترة الي بين الخطبة والردعلى الخاطب بالموافقة او الرفض ؟؟

تختلف حسب المناطق بس غالبا مابين اسبوع الى عشر ايام كحد أقصى لأن بعده شوفة والاستفسارات الدقيقة للطرفين


وحياة سعيدة إن شاء الله يا حبوبة............
~
.

.

رووووز

آجمعين يارب : )

:9_33:
~
قطاف

أشكرك على هالمشاركة القيمة بصراحة

حلو نتعرف على عادات البلدان الأخرى

ماتخيل يقعد يسئلني بالشوفة أحس لساني بينبلع

أنا زين مني دخلت يسوي معي مقابلة بعد !!

نورينا دووم

:9_33:
ع
مرحبا موضوعك حلو أختي
بس وين البنات ؟؟
أنا بصراحة مخطوبة صارلي سنتين يعني خبرة
واللي عندها اي أستفسار حاضرين
X