ابي فزعتكم يابنات

مذهلـــه 15-07-2007 6 رد 1,044 مشاهدة
م
*

السلام عليكم

صبحكم الله بالخير يا حلوات

شلونكم،،؟

عساكم بخير؟؟

*

حبيباتي

انا من زمان اتابع هالمنتدى

طبعاً من بعيد لي بعيد

بدون تسجيل او مشاركات

وتبون الصج،، استفدت منه كثير

ابي آخذ مشورتكم في موضوع صغير

،،

مادري يمكن يكون اختياري للقسم سيء،،

بس قلت دامه لسوالف بنات عروس

انا بحاجة اني آخذ وأعطي معاهم بهالموضوع

وانا في حيرة من أمري

*

انا املجة صار لي جم شهر

انزين

المُتعارف عليه بقبيلتنا انه الوحده ما اتكلم زوجها او تقعد معاه

الا اذا صارت ليلة العرس

وادري انه زوجها ويحل لها ومادري شنو

بس دايمن الاختيار يكون تقليدي

يعني الام والخوات يعرفونج،،وبس

موضوعي اني خاطري ادق واكلم واعرفه

بس خايفة

اهوا عايلته عادي عندهم هالشي

بس قالولي لا اطيحين الميانة معاه

وخلي السالفة نفس باجي بنات عايلتنا

عن نفسي

مستبعدة فكرة اني اعرف احد او اطيح الميانة مع احد من اول يوم

بس بعض البنات اللي جربوا انهم يكلمون وقت الملجة قالولي خليج على عاداتكم احسن

قالولي انه الهيبة من اول ليلة حلوة

ومو حلوة تكون امطيحة الميانة اوردي من قبل اول ليلة

*

فهمتوا شنو أقصد

ابي شوركم

*

لو اني بادرت مثلن اني ادق عليه

لانه ايعرف عاداتنا شلون

فـ ما حاول يفتح هالموضوع مع اهلي

انه بيكلمني

او يقعد معاي

فـ بهالحالة لو اني دقيت عليه وبادرت

هل بطيح من عينه مثلن

او باجر تصير هالدقة نذير شؤم

اني انا بادرت وجريئة ومن هالحجي اللي يقولونه الشباب

*

ومشكورين عالفزعة وماقصرتوا

:)

*
م
هلا وغلا اختي

انا من رايي انج ما تتصلين احسن

لانه يمكن سبحان الله ياخذ فكره عنج

خليه هو يبادر بالشي هذا لو يبي بس انتي لا
m
والله ما ادري حنا في عيلتنا عادي اقعد معاه بروحي و يزورنا و نقعد نتكلم ويحاكيني
على الجوال و نسولف و اسأله و يسألني و كل شي بخاطره يقوله و كل شي بخاطري اقوله
اقولك اذا له خوات انتي صحبه معاهم و تقدري تتكلمين معاهم و تكوني قريبه منها خلها
تهمس باذنه انه يكلمك ويسأل عليك و من هالشي يعني لو هو يبدا يكون افضل
وبعدها عوديه يسأل عليك ويحكي معاك و احكي اي شي بنفسك
وساعتها عملتي يلي عليك اختي ما تخافي من حكي البنات اذا الرجال اخلاقه عاليه و متدين
لا تخافين ولا تحسبي حساب اي شي ثاني
وموفقه و بالمبارك ان شاء الله
م
انا من رايي انج ماتبادرين بالاتصال مو حلوه انتي اللي تبتدين شبيقول عنج اذا هو بدى واتصل عادي كلميه لكن انتي تبدين انصحج لا بالتوفيق
!
مممم اول شئ الله يوفقك ويسعدك


انا برأي ماتكلميه لانو مو حلوه بحقك صح انو يحل لك بس برضو مو حلوه منك لو هوا دق خلاص انتى كلميه




هذا رأي ...
@
اهو حلو انك تكلمينه قبل الزواج علشان تفهمينه تعرفيه اكثر
بس انو انتي اللي تتصلين هذي احس انها شينه
اهو اللي يتصل يكون ازين لا تتصلين عليه انتي
هذا رايي بس انا ما ادري لاني مو مخطوووبه
الله يوفقك ويسعدك
ع
انا اظن انه عادي لانه خلاص ريلج وراح تتعرفين عليه اكثر

ويتعرف عليج اكثر وجي تقدرين تغلبين على الخوف

بس على حسب انه هو تفكيره كيف بياخذ عنج فكرة اذا

انتي اتصلتي والا لا بيستانس بس مفروض هو يحاول يكلمج

اتري يمكن يحاول يكلمج او يخبر اخته بالتوفيج يالغالية
X