ولدي عمره 3 سنوات ونص

هلا حبوبه الله يسهل عليج ولادتج

اعتقد من الغيره او يبغي تهتمين فيه اكثر

وان شاء الله البنات ما بيقصرن معاج

.

والله اني مهتمة فيه وايد...

عمري ما قصرت وياه..

.

السلام عليكم اختي حاولي تحببيه بالبيبي يلي جاية وتقوليله بكرة بتلعب انت وياه لأنه اكيد ابنك غيران والله يحميلك ياه يارب ويسرلك ولادتك

.

هو بالعكس حاب البيبي..

بس في البداية كان يبغي ولد وطلع اللي في بطني بنت ... حتى يوم خبرته قلتله ماما بتينا بنية تم يصيح اونه انا ابا ولد واذا يت بنية بكسر راسها... بس بعد فترة تقبل الوضع ودوم يقول متى بيطلع البيبي ودوم يكلمها.. وهو الحين مستانس انه بتيله اخت ويتريا

بس ماعرف ليش يعاند...

.

اتريا الباقين يردون عليه

.

مرحبا اختي
ما ادري بالضبط شنو اقول لش بس الله يساعدني ويساعدش على هالمشكلة
اختي انا بنتي عمرها 3 سنوات بالضبط يوم ولدت عليها في فترة الحمل اتحب البيبي ودايما تمسح على بطني وتسألني متى بيطلع البيبي ، المهم ما راح اطول عليش كانت الأمور عادية بس من اول ما ولدت اتغيرت بنتي 180 درجة اتحب اختها الجديدة " الصغيرة " بس زادت غيرتها ودايما تلصق فيني احسها اتراقبني وين ما اروح وين ما اجي دايما تباني ولا تبغي اتفارقني حتى النوم صارت اتنام بالوسط بيني وبين ابوها بس اتحب اختها الصغيرة بدرجة مو معقولة وهذي بادرة جيدة بس انقلبت محبتها الي اختها الثانية اللي عمرها سنه وعشرة شهور الى عداوة دايما تضربها وتاخذ العابها وتسيطر عليها الخ.......
ما ادري وش الحل معاها
ان شاء الله خير اختي واتكون هذي الفترة عليهم مؤقتة

مشكورة حبيبتي..

انشاءالله اتكون فترة مؤقتة

انا ما احب ولدي يكون مزعج.. وما ابا الاطفال يكرهونة

.

^

ههههه ياحليله والله ...
الله يحفظه لج ...

الحل اللي عندي ...

شوفيه شنو يحب .. مثلا لو يحب الالعاب قوليله ترا مابشترلك لعبه جديده لو سويت كذا ...
او مابعطيك حلاوه لو لعوزتني ...
قوليله خلك شاطر واسمع الكلام عشان الكل يحبك وانا بشترلك كذا ...

بس رجاء لاتعطينه كلام من غير تطبيق يعني لو قلتيله بشترلك حلاوه اشتريله ... عشان يصدق وجذي

والله يوفقج .. انتي يمكن بعد متنرفزه منه بسبب الحمل والتعب اللي عليج
الله يعينج ..

قبل يوم اقوله اذا جلست بشتريلك هدية وفعلا يسمع الكلام الين ما اييبله الهدية..

بس الحين يوم اقوله يقولي مابا ويعاند...او يتم دقايق جالس ما يلعوزني ويرد بعدين لحركاته الماصخة...

بس اباه يعقل ويتأدب

.

^

هههههههههههههههههههههههههههه
فديته والله

انزين حل ثاني
اشتري الهديه وخليها واول مايلعوزج راويه الهديه وقوليله شووووف هذي هديه جديده لك بس ماراح اعطيك اياها الا اذا سمعت الكلام وقعدت شاطر ^_^

الله يهديه ويحفظه لج

وردة قطر;3992708:
^

هههههههههههههههههههههههههههه
فديته والله

انزين حل ثاني
اشتري الهديه وخليها واول مايلعوزج راويه الهديه وقوليله شووووف هذي هديه جديده لك بس ماراح اعطيك اياها الا اذا سمعت الكلام وقعدت شاطر ^_^

الله يهديه ويحفظه لج

ماشي فايدة منه.. الله يهديه بس

قلت بوديه عند مطوع يقرا عليه... امي اتقول مافي شئ كل اليهال جي

.