ديوانية الأخوات اللي يعمرون بيت العمر

السلام عليكم اخواتي وأنا اتصفح في المنتديات الكثيرة على النت وابحث عن مواقع تتكلم عن شؤؤن البناء وتصاميم الفلل لقيت في واحد من المنتديات ديوانية خاصة باللي يعمرون بيوت وكل وحده تقول كم مساحة الارض ووش نوع التصميم او المخطط حق بيتها وفي اي مرحله هم في البناء بعضهم خلص عظم وبعضهم في التشطيب ويكون من خلال هذي الديوانية مناقشات عن المقاولين الزينين وين نحصلهم ومهندسي الديكور متى نشاورهم ومحلات البويات والسباكة ونوعيات البلاط ووش الافضل وهكذا
وبما اني عضوة في هالمنتدى بأبدا بكم في الكلام
احنا ارضنا مساحتها 450 متر مربع صغيرة وموقعها حلو على شارعين
وصممناها بحيث يكون تحت استقبال وفوق معيشه ونوم وفي السطح العلوي سوينا صالة العاب للأولاد وفيها جلسه ومشب للعائلة وسوينا بلكونة صغيورة لتهوية المنزل وللجلسات الشاعرية بالليل:sad:
والآن نحن نبحث عن مقاول زين وأمين علشان نبدأ معاه
بس بشاوركم بنات متى يكون دور مهندس الديكور بعض الناس قالوا لازم تشاورونه في المخطط لأنه احيانا ينصح ببعض الحركات في البناء اللي تطلع للفيلة شكل حلو
المهم اللي تعرف منكم كم يكلف العظم والبناء بشكل عام تقول لنا بالتفصيل علشان تعم الفايدة وكم يكلف مهندس الديكور برايكم
يالله انا بانتظار ردودكم ومشاركاتكم ترى وراء كل بيت انيق وفخم امرأة:clap::9_33::1_3::ok: