ساعدوني... ريلي ما يرقد بسبب ولدي !!!

السلام عليكم

خواتي اشحالكن

ابغي حل لمشكلتي الحمدلله انا رزقني بولد والحين بعده ما كمل شهرين وهو ما شاءالله عليه من النوع اللي ينش بليل كل ساعتين ويون وريلي رقد معانا اول يوم اللي رجعت فيه من الاربعين من بيت اهلي ويوم حس بونته نش وشل عمره وسار للغرفة الثانية ومن يومها ما يرقد عندنا فالغرفة واذا رقد يرقد الظهر بس وطبعا ساعتها ولدي مب معانا ارقده فالصالة او اخليه عند الشغاله اذا كان واعي واتم انا عنده اوني اجابله هههه ولا اذا كان ياي تعبان اخليه ينام ... واذا سرنا انبات فبيت ابوه يرقد معانا لانه ما شي غرفة ثانية هه بس انا بالفعل ينبط جبدي يوم يقولي تصبحين عخير ويروح الغرفة الثانية وهو يعرف اني انقهر مرة شوو سويت اوني معصبة والياهل يصيح واقول شو هذا محد يساعدني فيه حتى انت ما تحس ولا تشله عني بليل ولو يوم ( وانا اصلا ما ريده يشله لان الروحه تعبان وحليله من ينش الصبح ما يرقد الا بليل وفالنهار طبعا ما تكفي ساعات النوم) المهم قال اونج معصبة وطبعا انا من ذكائي ضحكت وهو عاد نقع من الضحك اشوي بيطيح عالارض قال لولدي صراحه امك افلام هندية بس انا والله بالفعل انجلط شو اسووووووووووووووووووي

كيف انظم رقاد ولدي عمته تقول عادي ينتظم بروحه مهما حاولتي وفنومهم صحتهم .... ما ادري انا ابغي يرقد معاانا بليل ساعات من القهر اقول دامك ما ترقد معانا مالك خص فيني ( طبعا فاهمين علي ) ويسكت ما يرد علي !!!!


شو الحل بنظركن.؟؟؟