بنات تتذكروون ؟

السلام عليكم ورحمه الله وبركاته
بنات تتكرون من جمن اسبوع كنت امنزله موضوع تدعون لي فيهه
يابنات محتاجتكم
ابيكم تدعون لي الله يستجيب على الي في قلبي ,واحد تقدم لي اوو بحاجي ابوي قولوا يارب ابوي يرضي ويتقبل الموضوع لانه كل ماتقدم لي احد يقول لااا ويعصب مايقدر يتخلى عني بس ادعوا انه يرضه هالمره, وان شاء الله الله يحقق لكم الي تتمنونه

الحين بقولكم اشصار في السالفه عشان هم تدعون الي ان الله يهدي ابوي ويكبر عقله

السلام عليكم يابنات وان شاء الله كل امانيكم تتحقق.
بس عن سالفتي ماقدر اقول الى انا ماصار الي كنت ابي ، تخيلوا بنت خاله الي متقدم لي رفيجتي متصله فيني من اسبوع وقالت لي الصبي تقدم لي وابووي قال( والله عجبتني وانت وايد زين لانك حاجيتني بالطريقه الصح يعني ييت من الباب مو من الدريشه بس للأسف بنتي ماتبي الزواج!!!!!!!!!!!
انا يوم رفيجتي قالت لي هلحجي انصدمت اصلا ابووي مافاتحني بالموضوع غير جذي جذب على الصبي وقاله انا مابي ..
عقب هالسالفه سكت جمن يوم قلت يمكن يعترف لي ابوي يمكن يقول حق امي ، نطرت نطرت ما قال شي اليوم اتصلت في ابوي سألته الساعه جم برد البيت قال لي ليش مالقيت نفسي الى سائلته لو احد متقدم لي اول شي سكت الظاهر انصدم ،بعدين سألني من متقدم لج(يتغيبه) قلتله الفلان الفلاني وقالي شدراج قلت له بنت خالته رفيجتي وقالت لي ان تقدم لي وانت قلت له انا مابي وانا سويت نفسي جدام البنيه جني ادري عشان ماتطلع جذاب جدامهم >>> هاي الي قلته له عاااد مني ابوي مثل ماهو معروف عنه اذا اهو غلطان دائما يصرخ ويزف ويحرف الموضوع عشان يطلع الثاني اهو الغلطان وجذي ماينقدر ينرد علييه، المهم عقب ماقلت الحجي الي قلته رد علي وقال ( انا كيفي اذا انا بقولج بقوول واذا مابي بعد كيفي ، اووو بعدين انا مادخلتج جامعه عشان تحاججيني ترى اذا السالفه تكررت مره ثانيه بطلعج من الجامعه وبقعدج في البيت ومتى ماتطق في راسيي انا بطلج من البيت فاهمه ، او لعلمج الخاص انا قلت حق الصبي انا مابي الحين ماقلت انتي ))) تخيلوواا يجذب علي بعد مادري ليش قلبه مايعوره.... بعدين صك التلفون في ويهي ماعطاني مجال اتحجى ......عقبها ابدقيقتين رد اتصل او بالصراخ قالي شلون تبيني اقولج انتي اوو للحين ماقلت حق امج تدرين صار لنا جمن يوم متهاوشين ) الله اكبر على الجذب ما كان بقول حق امي ولا شي جمن مره السالفه صارت قبل اووو ماقالها بس يصير حظه خايس وينكشف اووووو بعد الله اكبر على الجذبه الثانيه اهوو من اسبوع تهاوش وياا امي بس الحين صار لهم جمن يوم يتحجوون عادي>>> بتقولون شدراج اهم الحين عادي بقولكم امي انا حاجيتها في الموضوع من قبل فصارت قاعده على اعصابها وتسوي روحها عاادي عشان يعترف لها بس ماعترف بشي. الحين الله يستر للحين مارد البيت يعني في مواجهه ثانيه يايه عقب شوي حدي ميته خوف