هل انا أخطأت أختي بحق زوجها ام لا افيدوني؟

FONT="Arial"]هلا اختي...
اسمحيلي اقولج ان اختج غلطانه...
صح ان مرات عاداتاتنا وتقاليدنا تسببلنا مشاكل ومشكلة اختج اكبر دليل...
لازم تنصحين اختج لأن حرام تهدم بيتها بايدها وعشان شي اصلا حرام يعني الي طلبه ريلها شي مب مستحيل واصلا هذا من حقه يعني هي على ذمته ومن حقه يطلب منها اي شي...

ربيعتي مرت بنفس التجريه...هم نفسكم يعني عادي تيلس مع ريل اختها فأول ماملجت ريلها طلب منها ماتيلس مع ريل اختها وتتغشى منه..فالبدايه كانت رافضه الفكره لكن عقب تم يشرحلها ليش؟وانه هالشي اصلا حراااااااااااااااااااام...والحمدلله اقتنعت ربيعتي والحين ماشاء الله معرسه وفبيت ريلها...

انتي سألي اختج شولي راح تستفيده لو طلقت؟راح تييلس مع ريايل خواتها؟انزين اوكي لين متى بتيلس معاهم؟خليها تكبر عقلها وقوليلها الحمدلله ان قالها احين عيل لو سكت عنها لين مايعرسون وعقب منعها شو كان صار؟...

اسمحيلي بس هذا الي اقدر اقولج وان شاء الله اكون ساعدتج..[/FONT

ندايم;3968602:
هلا الغاليه...

ادري انه عدنا في البلاد عادات متعودين عليها و نشوفها عادي...

بس لو نرجع للدين تراها غلط...

و الحمو الموت...(( الرسول ما ينطق عن الهوى ))

الغاليه هو ما قالها لا تختلطين فيهم الا لانه يغار عليها و يحبها...

و تراه ما غصبها...كلمها بالتي هي احسن....

بس هي الله يهديها حطت ريايل خواتها في مستوى المحرم...

اللي يوديها و ييبها...و المفروض من الاساس ما تيب طاريهم...

مب كل الريايل نفس الطبع...

الله يسعدها و يستر عليها و علينا...

خلها تكثر من الدعاء...

[GLOW="FF99FF"]أختي كلام البنات صحيح ازوج اختك صادق في كلامه ولازم تطيعه وهذا هو الدين الحق والله
يوفقهم ...[/GLOW]

:flower::flower::flower::flower: تحياتي الغريبة 111

شوفي يااختي من ناحية الاشرع فااصلآ حراااااام انها تجلس معاهم

وبعدين زوجها ماطلب منها شي عظيم

كل الي طالبه انها ماتجلس مع ازواج اخواتها وهذا من حقه
وانا اشوف انها ماتتطلق عشان هالسبب

والله خسرانه انها تطلق عشان سبب مثل كذا

والله يختااااااااار لكم الصالح

زوجها عنده حق
مايصير زوج اختها يوصلها الجامعة حتى قبل زواجها

العتب;3967546:
السلام عليكم ورحمة الله وبركاته

رائعتي من حق زوجها أن يطلب منها ما يرضيه ... شريطة أن لا يغضب الله ... وهو بطلبه هذا بالفعل لا يغضب الله بل يرضيه لقول الله تعالى في كتابه العظيم ( يَا نِسَاء النَّبِيِّ لَسْتُنَّ كَأَحَدٍ مِّنَ النِّسَاء إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ) كما قال ( وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنّ)
تخيلي رائعتي بأن النبي عليه السلام قال في الحمو ( أخ الزوج واقاربه ) بأنه موت فما بالك بمن هم أبعد ...
رائعتي زوجها صائب ولا أحد يستطيع لومه ... لان التمادي في مثل هذه الامور مستقبلاً سوف تؤدي الى ما هو أكبر ... وعلى فكرة كل ما ثقلت المرأة زاد احترامها وتقديرها من من حولها ... وكان من المفترض أن لا تقوم أختك بتحسيس من حولها بهذا الموضوع حتى أنت رائعتي ( سامحيني ) لان هذا سوف يُثير النفوس وسيضرب بالعلاقات الاسرية من أتفه وابسط موقف ... وسيفسر على أن قطع رحم لان أخواتكِ سوف يتضايقن من هذا المنع وما الى ذلك ...

تقبلي أحترامي

العتب

لا فض فوك

اختج ضحيه عادات وتقاليد منافيه للدين

أعذريني لكن أختك غلطانه
خاصة أنه ما طلب منها إلا ما طلبه الشرع
ويجب أن تفخر به لأنه حريص عليها ويشجعها على فعل الطاعات
وأي رجل مهما كان لا يحب سماع زوجته تمدح رجل آخر أمامه.

أكيــــــــــــــــــــد كل ريال بيكون موقفه مثل موقف ريل اختج

وكلامه مليووووون بالميه صح

والمفروض تقتنعون في هالشي من دون جدال ....

والأخوات ما قصرن