هل الزوج البيتوتي نعمه أم نقمه ؟؟؟؟؟؟؟؟؟؟؟؟؟

خواتي انا زوجي بيتوتي 100 % ولكن تعودت على طبعة اكيد فية ايجابياتة وسلبياتة ولكن الزوجة تتعود علية
اكيد تحس الزوجة انها مقيدة كثير بس لكن في نفس الوقت لوصار عندة شغل طول اليوم يصير البيت من غيرة مب حلو
الله لا يخلينا منة
دمتم بكل الحب
تحياتي
ريحة مشموم

اانا بصراحه زوجى بيتوتى بمعنى الكلمه مااقدر اطلع او اروح اواتكلم فى التليفون

او اخلص شغلي يطلع الصبح الدوام ويرجع ويقعدلى فى البيت

بصراحه شى ممل جدا

السلام عليكم ورحمة الله وبركاته

تسلمون حبيباتي على الردود الرائعة والمفيدة وان شاء الله كل وحده ترتاح مع اطباع زوجها ولو كانت غريبة

واتمنى الي عندها اي تجربه مع زوج بيتوتي تحكيها لنا عشان نستفيد :)

أنا زوجي من النوع البيتوتي و مزهقني مره لأنه على طول منسدح قدام التلفزيون و ما يسوي شي حتى من طفشي منه أروح أنام و أتركه يعني الدنيا تقوم و تقعد و هو في عالم ثاني

خخخخخخخخخخخخخ هذي المشكلة حبيبتي انه بعالم ثاني بعيد عن عالمنا

شاكرة لك مرورك العطر وان شاء الله يتغير للافضل يا عسل

:sm215: ياويلي نفس المعاناة انا زوجي بعد ماداوم صار يرجع بس يبي ينام من المغرب وانا اطفش واموت لإني احس اليوم يبدي بعد ما يجي هو يجي وينسدح نفسي اذبحه صرت ابكي وانا استناه يوديني بيت اهلي ولا نطلع لإني اطفشح كله لحالي واذا بغيت اروح لحالي عند اهلي يجون ياخذوني يقول ايه تركتي زوجك لحاله و بلا بلا بلا

الزوج المحب للبيت

نقمة ونعمة

نقمة ما يترك لك مجال ترتبين ولا تعدين له مفاجأه أو تزورين لهك

نعمة البيت احصن له عن المفاتن ورفقة السوء

وشكرا ً لج

يعني المفروض منا يكون بيتوتي 100% ولا هايم بره البيت

صراحة بيتوتي مررررة مو حلو وفلة مرررررررة موحلو يعني وسط ..

أنازوجي حبيبي معتدل بس غالبا يكون في البيت .....

الرجل البيتوتي؟؟؟؟:21_148:احسن شي يكون معتدل يعني زوجي من النوع اللي يروح شغله ويرجع البيت العصر يعني معي وقت طويل اخلص فيه شغل البيت والاشياء التانيه ...
وبعد هيك ممكن يروح صلاة المغرب او اذا في مشوار بنروح مع بعض انا وهو ... بحب قعدته بالبيت بيكون قريب اذا احتجت لاي شي ...بنقضي وقت كتير حلو مع بعض بنشرب قهوه بنحضر تلفزيون او بنزور اهله او اهلي ..
اعتقد انه الرجل البيتوتي باعتدال الي يقضي وقت مع زوجته واولاده افضل من الزوج اللي بيطلع من البيت وما بيرجع الا اخر الليل ولاشو رايكم ؟؟

هههههههههههه لا تسمعكم امي .. لان انا ابوي من النوع البيتوتي وهي ما عاجبها هالشي خصوصا ان ابوي مدرس يعني يشتغل للظهر والمدرسة قريبة للبيت واحيانا اذا ما عنده حصص متأخرة يرجع من وقت وينام له العصر شوي وباقي اليوم يكون في البيت .. وهو من النوع اللي كل طلبات يعني طلباته ما تخلص وفوق هذا يقعد شهرين اجازة وهو من النوع اللي يقوم من صلاة الصبح ولا ينام ولازم امي بعد من تقعد تصلي ما تنام واذا نامت يروح يقعدها يعني حتى لو الريوق جاهز لازم تقعد معاه وهو يتريق وفوق هذا ما يحب يطلع زين واذا طلعوا الليل ما يحب يتأخر ..
وامي من النوع اللي يحب الطلعات ، اقصد الطلعات مع صديقاتها او روحة الاعراس وتحب تتأخر وابوي ما يرضى .. فتلاقينها على طول منقهرة من هالموضوع وكل ودها يسافر وتشجعه على السفر بروحه علشان تاخد راحتها شوي ههههههههههههه


اما انا فزوجي يشتغل للمغرب يعني يطلع من 7 الصبح ولا يرجع الا 6 ونص المغرب (w) وهذا متعبني نفسيا وااايد لان اكون بروحي واتملل اضافة الى اني عندي عيالي يمللوني ومحتاجة احد يساعدني عليهم ولا عندي الا ابوهم الله يخليه يساعدني عليهم ..
بس الحمد لله اذا وصل البيت ما يطلع يعني يصير بيتوتي .. يقعد معانا او نطلع ، ومخصص ليلة وحده في الاسبوع اللي هي ليلة الجمعة يطلع فيها مع اصدقاءه واحيانا لما اكون ليلة السبت عند اهلي يطلع مع ربعه بعد واذا كان تعبان يقعد في البيت او مع اهله ..

لكني اتمنى طبعا ان يقضي معاي وقت اكبر .. اتمنى لو كان يشتغل للظهر ويرجع البيت ، واكيد طبعا البيتوتي يكون ممل وانا اعرف هالشي لان زوجي لما يكون في البيت ما اعرف اسوي شي وحتى النت ما اقعد على راحتي ولا اقدر اسوي له مفاجآت او حركات ولا اقدر اتكشخ وافاجأه ..
يعني لو بيدي اتمنى اول شي يقعد معاي كم شهر اجازة واذا تمللت يروح يداوم .. :21_207:

اكيــــــــد بيكون ممل

نا اشوف ان الزوج البيتوتي علاجه كلاتي
~


~~~~~~~~~~~~~~~~~~~~~~~~~~~~~~~~~~




حطي المكنسه في ايد والبامبرز في الايد الثانيه وقولي يالله حبيبي المساعده زينه اول مره يسكت ثاني مره اما ثالث مره بيهج لهله اواصدقائه كذا سويت معه والحين بس ادور عليه ماالقاه يعني احنا الحريم طماعاااات

تسلمون

ابصراحه ساعات احس ان زوجي بيتوتي ... بس الى حد معين ... يعني مب دايم يطلع مع ربعه ولا اخوانه .. بس يحب يطلع معاي ومع ريمان .. وطول الوقت يذاكر عشان دراسته .. بس فالويكند وايد يآخذ راحته .. يطلع ويسير عند ربعه ويسولف ويسهر معاهم .. وها الشي ابصراحه يسعدني .. لان طول الأسبوع احس انه محكور اشوي ..

و الله يا ملاك انا ريلي بيتوتي بس مو زاعجني الموضوع

لان هو بالشغل من الصبح للساعة 7 بالليل فيعني اذا يبي يروح يسهر ورى الشغل يعني ما راح اشوفه طول اليوم

شكرا لك يا عسل

شكرا اختي على طرحك للموضوع بالنسبة لزوجي بداوم من الصبح لغاية الساعة 7 او 8 المسا واحيانا بكون بتوتي واحيانا بطلع شوي وبرجع الساعة 10 المسا بس المشكلة في يوم الجمعة بقضي يوم الجمعة مع اهلة وقليل ما بنطلع مع بعض وهذا الي قاهرني وما بقعد في البيت معايه كثير يا دوب ساعة او ساعتين هذا اذا مش اقل انا بحب يشاركني القعدة في البيت مش كثير بعض الاحيان بحتاج ان اكون معاه نشرب قهوة ونتكلم بس هو ما بحاول يعطيني اي وقت من وقته بالعكس بطلع مع اهله اكثر مني وهاي مسببه لي مشكلة كبيرة ومخلياني احس بنقص من ناحيته. اسفه اني طولت عليكم بس يفضل الزوج يكون بيتوتي نوعا ما مش كثير بعض الاحيان حلو الزوج يشارك زوجته القعدة في البيت.