ساعدونى يابنات كيف انساه وابتعد!!!

السلام عليكم ،،
ا
انا ياخواتى عندى مشكله يمكن هى بالنسبه للبعض بسيطه بالنظر اللى يشوف للمشاكل اللى تجى للمنتدى، والله ما توقعت انى فى يوم اطلب مشوره لاى مشكله تواجهنى ، ولكنى فى هالمشكله مقهوووووووووره حيل وموعارف الحل بلييييييز بنات شورورا على بالخير الله يوفقكم :sad:
انا شابه عمرى 24 من الكويت حبيت واحد من احد الدول الخليجيه ومعرفتى فيه كانت صدفه ، كنت فى زياره لاحد قريباتى بهذه الدوله وشفنا بعض ، وقدر يعرف رقم موبايلى وقعد فتره يرسللى رسائل ، وبعدين كلمنى وعرفنى ، فى البدااايه كنت اصده ولكن كانت له قدره عجيبه فى الصبر ، كان يملك اسلوب حنون وراقى وروووومانسى ،سبحان الله واناا اللى كنت انقد على اللىلهم علاقه حب ابتليت وحبيته ، ومن البدايه وانا علاقتى واضحه معاه ، بانى مستحيل استمر بالغلط وانه اذا شارينى يجى ويخطب ، اهلى رفضوا مبدا انى اخذ واحد مومن ديرتى خاصه الوالد ، وبعد فتره طويله من الرفض ، وصارت فى الموضوع واسطات وجاهيات قبل الوالد ولكن بشروطه وهذا من حقه وكل اب يدور راحه بنته ،المهم ماااطول عليكم احس باننى كل يوم اتعلق فيه اكثر واكثر وهو احس فى معاملته برود ، ولما اقوله هالشى ينكر ويقول انتى حساسه ، عكس البدايه مااعرف ليش متغير ، يمكن لاانه ضمننى ان اكون له او مادرى السبب ، ومن بعد ما كنا نتراسل بالرسايل ونكلم بعض ا مره واحده يوميا ، قطع فجاه مده اسبوع من دووووون سبب وما حبيت ابين انى ملقوفه وصرت ثقيله معاه ، والصدمه الكبييييييره اللى عرفتها قبل شوى انه بيسافر اليوم مع اهله وبيطول شهر ، وقبل مايسافر بساعتين دزلى مسج وعلمنى ، والله يابنات انى ميته من القهر واحس بدااخلى نار واحترق كل ثانيه ، وفكرت انى خلاص بافل من الارتباط هذه وانا الحمدالله كامله جمال وصيت ومال وشهاده جامعيه والله بيرزقنى باللى احسن منه وبكره بفاتح الوالده فى الموضوع هذه ابيكم تساعدونى برايكم شاسوى ،