اليوم يبتلكم درسين سبشل ....
أول شي الدرس النحاسي اللي حطيته و انحذف ...
و ثاني شي المكياج الطاووسي :2_22:
و يلا خلنا نبدأ ...
الســـــــــــــلام عليكم و رحمة الله و بركاته ....
اشحالكم ؟؟؟
و شخبار الصيف وياكم ....
انزين اليوم ييت مع درسي الثاني اللي هو المكياج النحــــــــــــــــــــــــــاسي المنحوس ....
و أكيد تسألون ليش منحوس ؟؟؟؟
الله يسلمكم ...
اذا تذكرون درسي الأول ...
درس المكياج الفضي و البرونزي ....
ما كنت حاطة فيه صورة ... و في كمن بنية قالوا لو كنتي حاطة صورة أحسن ...
فطبعا أنا قررت أني أشمر عن ساعدي و أخلي هالدرس يكون مصور ...
و يبت وحدة عارضة اسمها " ماريا مرسيدس" ....
و تميت أحط لها ...
بس المشكلة أنه ويه ماريا مرسيدس على ورقة ...
و أنا مب متعودة أحط شدو على ورقة ...
فاخترب شوي ...
هههه ... يلا ما عليه استحملوا شوي ...
يلا نبدأ ...
أول شي نتعرف على عارضتنا الحلوة ...
احم احم ...
اسمع حد يقول " مب جنه هاي عارضة ماك.."
المهم ما علينا ...
أول شي نبدأ بترطيب الوجه ... طبعا بعد غسله و تنظيفه
و عقب نبدأ بالفونديشن على طول ...
طبعا أنا حبيت أخلي هاللوك خفيف جدا ...
فما حطيت كونسيلر أبدا ..
ما عدا تحت العين ...
مثل ما بتشوفون تحت ..
تغطية الفاونديشن بتكون كافية ....
ندمج 3 أشياء مع بعض ...
و بكميات قليلة ...
يعني نوقطه من المرطب
و نقطة من الفاونديشن ...
و نقطة من البرونزر السائل ...
و اذا ما حبيتي فاونديشن لا تحطين البرونز السائل كفايه ....
و طبعا استخدمت فرشاة سماش بوكس للدمج بين هالثلاثة أشياء ...
و بعدين حطيت كونسيلر تحت العين ...
و بعدين حطيت بفرشاة لانكوم هالبودرة الذهبية بكمي قليييييييييييييييييييلة جدا.....
و لا حظوا ان هاي البودرة فيها لمعة فبستخدمها مرة ثانية على عظمة الحاجب ...
انزين و الحين نحط بودرة حرة تحت العين ...
و أول خطوة مثل ما قلت نحط البودرة كإضاءة تحت الحواجب
و بعدين نحط ستار باودر رقم 926 على كامل الجفن و ندمجه مع اللي حطيناه قبل ...
و جي بيستوي ...
ملاحظة هامة ...
الألوان في الحقيقة تكون مختلفة ...
أحس في الورقة الألوان باهتة ..
بس في الواقع لما تحطين هالألوان تكون وايد غييير ...
و بعدين نحط هاللون النحاسي من NYX
بس على الأطراف ...
و كلمسة نهائية ناخذ هاللونين من ميكب فور ايفر ...
و نحط اللون النحاسي على العين من داخل و البني من برع
و طبعا تدمجون ...
طبعا مثل ما تلاحظون في الصور ان الدمج مول مب اوكي ...
بس في الواقع شي ثاني ..
و طبعا الحين دور الكحل ...
طبعا الأبيض داخل بالغلط المفروض بداله لون أسود ...
طبعا نحط الكحل اللي هو بين النحاسي و البني بس ما حبيت أوصله لين مدمع العين ...
و اللي حابه كيفها ...
بس أحس لو لون أسود بيكون أحلى ...
يعني نص العين نحاسي و النص الثاني أسود بس يكون خط رفيع جدا...
و داخل العين بعد أسود ..
لا حظوا كيف ...
و طبعا حطينا ماسكرا بعد ...
طبعا أنا ماحطيت كحل فوق العين ...
لأني أحس اللون الأسود يثقل المكياج ...
بس اذا وحدة حبت تحط أحس الكحل الكريمي بيكون أحسن شي
و بعدين نحط البلشر اللي بعد نحاسي من NYX و اسمه copper
و هالبلشر شوي غامق فحطيته بفرشاة لانكوم ..
صورة أوضح للبلشر ...
و أخيرا حطيت محدد على الخفيف مع جلوس...
و الحين نشوف اللوك النهائي ...
قـــــــــــــــــــــــبل ...
بعـــــــــــــــــــــــــــد....
و الحين دورالمكياج الطاووسي ...
أكيد ليش تسألون ليش طاووسي؟؟؟
انزين شوفي هالصورة ...
طبعا مثل ما ملاحظة أنه ريش الطاووس يتكون من ثلاث ألوان ...
الأخضر ...
الأزرق أو التركوازي ...
البني ....
و على هالأساس بنختار الألوان في الدرس ....
و يلا خلنا نبدأ ...
طبعا نسيت أرطب ويهي ...
لأني أصلا هالدرس كنت مسوتنه و أنا ملانه ...
فطبعا نسيت أو بالأحرى تناسيت ....
و بعدين بديت بالكونسيلر
طبعا ي هاللوك كل شي كان بودر
ما استخدمت شي سائل أو كريمي ...
طبعا الكونسيلر دمجته مع الفاونديشن لأنه فاتح ....
و أعتقد أنه هاي ميزة الأشياء اللي تكون بودررة
دايما تنمزج بسهولة ...
و هاي صورة فرشاة الكونسيلر
و بعدين دمجت 3 أشياء مع بعض ...
شوية فاونديشن ...
و شوية برونزر....
و شوية بودرة فيها لمعة ....
و حطيتهم بفرشاة بودرة ...
و بعدين حطيت لوز باودر تحت عيني ....
و طبعا الحين دور الشدووووو ....
أول شي خلنا نشوف الفرش المستخدمة ...
فرشاة برجواز البيضا كنت أستخدمها لكامل الجفن و للإضاءة ما تحت العين ....
و فرشاة سماش بوكس السودة و البيضا للشدو التركوازي ...
و الفرشاة الوردية حق اللمسات النهائية و عشان أدمج بعد ...
بس كانت نظيفة ...
حطيت بودرة ماك اللي فيها لمعة كإضاءة تحت العين ....
و الصراحة أنصح كل بنية عندها هالبودرة تجرب و تشوف لأنه فعلا وايد حلو ...
اوبسسسسسسس ...
نسيت أحط صورة البيس ...
احم ...
و استخدمت بيس اوربان ديكاي
شو رايكم في الصورة الفنية؟؟
المهم ...
بعدين حطيت شدو من ماك اسمه silly goose
و طبعا كان على كامل الجفن ووصلته الى ما قبل الاضاءة ...
و بعدين حطيت الشدو الأخضر من ماركة
Bare Minerals
و الله وايد حبيته ....
و الدليل اني دلعت صورته شوي : )
على جفوني بداية من خط الرموش وو صلته الى كسرة العين ...
و طبعا الفرشاة كان مبلولة عشان اللون يثبت و تطلع لمعته
و بعدين يبت ستار باودر من ميكب فور ايفر ....
و بفرشاة سماش بوكس الجافة ( مب المبلولة لأنه لما استخدمه مع الماي حسيت أن الدمج صعب )
و حطيته فوق الشدو الأخضر و تميت أدمج لين ما تغير اللون لأنه اذا حطيتي بكمية مركزة ، بيطلع اللوك دفش
يعنييكون لونه بين التركواز و الأخضر ، بس يكون مدموج عدل
و لتحت العين
بناخذ فرشاة ماك ( 219)
و بناخذ الشدو البني و بنحطه تحت العين ...
و يستوي نحط جحال بني كبديــــل ...
على فكرة أنا دمجت اللون البني الغامج و الفاتح ....
و بعدين حسيت أن اللوك ناقصنه شي فحطيت اي لاينر سائل على خط الرمش ...
مع أني ما أحبذ لأن اللوك بالأساس ثقيل ...
بس كنت صدق حاسة أنه يباله .... ( يا عيني على الأحساس المرهف)
و لداخل العين أبيض للعيونها صغيرة و أسود للعيونها كبار ...
و أنا جربت الأثنين و الأسود طلع أحلى
شليت اللوز باودر بفرشاة الريشة اللي شفتوها قبل ....
و عدلت حواجبي ...
و لأنه مكياج العيون وايد ثقيل ...
حطيت بلشر مشمشي خفيف من ميكب فور ايفر ...
و الروج كان عبارة عن روج بلون لحمي من ماركس و سبنسر
و اذا تبين جلوس حطيت صورة جلوس سماش بوكس ك بديل ....
و على الألو ان وايد بتكون فاتحة و هاللي نباه ....
عشان ما يستوي غامق * غامق
و طبعا اليوم كنت متضاربة مع العارضة ماريا مرسيدس فما رضت أحطلها المكياج و عشان جي ما في صورة للوك النهائي ..
وي أويههه معقولة خلصت ؟؟؟
خخخ ما بغينا ....
انزين يلا مع السلامة ...
و ترقبوني في دروس أخرى ....
و ادعولي ...