طلبتكم خواتي - منتديات عروس

S

Snow-Queen

عروس جديدة

01-07-2007 | 07:24 PM

بسم الله الرحمن الرحيم

السلام عليكم ورحمة الله وبركاته

طللبتكم خواتي

:9_33:

هذي هو لون غرفتي وابي مكلمليات

اي لون اركبه للستائر والارضيه؟؟

انتظر الرد باسرع وقت ممكن

والسموحه على الازعاج

:9_33:

:B_wink:

r

roseqatar

مشرفة سابقة

02-07-2007 | 10:23 AM

صباحك عود وعنبر ..

اهلا بك غاليتي من جديد ..

وان شاءالله تلقين كل الفايدة معانا ..

ولاتنسين تعرضين لنا صورة غرفة اختك بعد .. تراني مانسيت :)

تفضلي درجات الالوان اللي تناسب مع لون صبغ الغرفه وركبيها مع الستارة ..

اما بالنسبة للقماش وشكل الستارة ..

بعطيك اقتراحين حلوين .. ان شاءالله يعجبونك ..

اما تسوينها مخمل نفس لون الصبغ بس شوي اغمق بدرجه .. وتكون اطرافه كلها ذهبي( ممممم

ماعرف ايش يسمونها بس تعرفين مثل الكراكيش :) )) دار مادار الستارة كلها .. ومن فوق الديزاين بعد

تقريبا مثل هذي الصورة .. شوفي الاطراف تكون بالذهبي

اما الفكرة الثانية .. سويها ستارتين في بعض .. تكون اللي تحت رومانيه .. وفوق تكون بس على

جمب واحد ستارة عاديه ..

ممممم شلون اوضح اكثر .. !!! يعني اللي تحت رومانية خليها مشجره مثلا ازرق وابيض وفيها ورود

ومن فوقها تجي ستارة الثانية تكون مثلا مخططه نفس الوان الستارة اللي تحت .. بس طريقتها

لما تبين تفتحينها تكون من جمب واحد يعني مسكه الستارة من جمب اليمين بس بحيث تكون

الستارة الرومانية اللي تحت ظاهره ..

مااعتقد فهمتي وصفي بس ان شاءالله فهمتي لاني مالقيت صورة توضح هالشي

هذي الصورة جبتها لك من كاتلوج عروس

شوفي الفكره شلون ان الستارة نرفعها من جهه واحده بس ..يعني بس عاليمين

وتحتها نسوي روماني طبعا الصورة مافيها روماني بس حبيت اوضح لك فكرة الستارة الثانية

وطريقة القماش تكون بهالطريقة

المشجر روماني .. والمخط مايل للستارة العادية ..

ان شاءالله وضحت الفكره ..

بالنسبة للارضيه ليش ماتحطين باركيه .. وترمين فوقه سجاد .احلى وارقى وخاصة مع لون الصبغ

[mark=CC0000]Roseqatar[/mark]

K

KiM

مشرفة سابقة

02-07-2007 | 10:32 AM

وعليكم السلام أختي Snow-Queen

عزيزتي

إذا كانت الدرجة تركواز مائل للأزرق (لأن التصوير غالباً ً لا يعكس اللون بدقة)

ممكن تستخدمي معاه اللون البني والبيج

شوفي تناسق اللونين

وهذه وصلة لموضوع قدمت فيه بعض الإقتراحات لهذين اللونين:

http://www.3roos.com/forums/showthread.php?t=245478

طبعاً ممكن تختاري ألوان أخرى مثل الأصفر أو الزهري مع البيج والأبيض أيضاً

وبالتوفيق أختي العزيزة

K

KiM

مشرفة سابقة

02-07-2007 | 10:38 AM

أوووه سبقتني في الرد أختي الغالية roseqatar :X_hell1:

حبيت أقدم أعجابي بإفكارها

ونتمنى أننا نكون قدمنا لك نصايح تفيدك إن شاء الله

تحياتي

r

roseqatar

مشرفة سابقة

02-07-2007 | 10:51 AM

الغالية KIM

صباحك ورد وجوري ..

تسلمين والله على كلامك الرقيق .. خجلتيني ..

وبصراحه افدتيها بأفكار جديده .. خاصة اللون الوردي .. عجبتني فكرة الوردي مع التركواز

غريبه وملفته ..

يعطيك العافيه يارب .. ماقصرتي ياام الذوق ..

[mark=CC0000]Roseqatar[/mark]

S

Snow-Queen

عروس جديدة

03-07-2007 | 08:43 AM

جزاكم الله خير خواتي
وربي يعطيكم العافيه
وان شاءالله من يخلص صبغ الغرفه بلكامل بصوره لكم وبحطه هنا
وافكاركم وايد حلوه ومشكورين على الافاده

:gum::gum:

S

Snow-Queen

عروس جديدة

03-07-2007 | 08:54 AM

هذه صور غرفه ثانيه ابي تعطوني راي للستاره

:B_wink:

S

Snow-Queen

عروس جديدة

03-07-2007 | 08:57 AM

واختي الغاليه روز
هذه صورة غرفة اختي

:gum:

S

Snow-Queen

عروس جديدة

03-07-2007 | 08:05 PM

هذا هو صبغة غرفتي بعد ما اكتملت
وضعت لكم كم من صوره
صوره مع اضائه
وصوره من غير اضائه
واتمنى تعطوني رايكم
لاني منحبطه لانه احسه لون شبابي

:sad::sad:

r

roseqatar

مشرفة سابقة

03-07-2007 | 08:46 PM

مساء الجمال ..

اختي العزيزة snow queen

ليش زعلانه ؟

ماعندنا احد يدخل قسمنا ويزعل .. لازم تطلعين وانتي راضيه وبابتسامه عريضة مثل هذي:D_smil1:

بصراحه اللون حلو ومريح جدا .. زاهي واهم شي انه مريح للنظر ومايؤذي ..

هو صحيح قريب من لون الصبيان بس وش فايدة البنات في هالموضوع ؟؟؟ لازم تكون لك لمستك

الخاصة اللي بتحول هاللون الى لون بناتي فرايحي وحلو ..

دمجي اللون الابيض معاه .. او الذهبي .. او الوردي مثل ماقالت اختي KIM

حطي مفرش فيه ورودوقلوب مثلا .. وسجاده قريبة من الوان وشكل المفرش ..

لو اخترتي البني مع الازرق بيطلع راقي جدا ودخلي معاه الوردي مثلا ..

صدقيني بلمستك انتي بتطلع احلى غرفه .. وكفاية انها غرفتك تثبت انها غرفة بنوتات :B_wink:

[mark=CC0000]Roseqatar[/mark]

r

roseqatar

مشرفة سابقة

03-07-2007 | 09:00 PM

الغرفة البرتقاليه .. ماقلتي لنا هي غرفة نوم ؟ او غرفه ايش بالضبط علشان نقدر نعطيك ستايل

الستارة ..

اما غرفة اختك ماشاءالله لونها جميل ..

على حسب مااشوفها تقريبا هي مشمشي على وردي صح ؟

وانا اقترح الالوان تكون ..

اما ذهبي مع الوردي

او وردي وبرتقالي <<< هاللونين راح يطلعون روعه في غرفة بنات ..

او وردي بدرجاته المختلفه ..

تفضلي الالوان المناسبه للغرفه

[mark=CC0000]Roseqatar[/mark]

S

Snow-Queen

عروس جديدة

07-07-2007 | 11:17 AM

جزاج الله خير اختخي الغاليه روز
بنسبة لغرفتي الحمدلله شغالين على ستارتي ودمجت لونين البيج مع التركوازي لكنه نسبة لون البيج اكثر فيه وعملت نفس ما قلت ستارتين وبعد ما يتركب بصوره لج

وبنسبه للغرفه البرتغاليه هذي غرفت الوالد غرفة النوم
ونفس اللون عملناه في الصاله الرئيسيه فبغيت اعرف اي لون انحط الغنفات؟؟ ( افصل الغنفات )
بعد الانتهاء الصبغه بصوره لج ان شاءالله

:B_wink::B_wink:

والسموحه اختي الغاليه على الازعاج والتاخر

:9_33::9_33:

r

roseqatar

مشرفة سابقة

07-07-2007 | 02:36 PM

هلا وغلا حبيبتي ..

ماشاءالله اللون البيج بيطلع راقي جدا في الغرفه مع لون التركواز ..

ذوقج حلو ماشاءالله ..

ولاتنسين تورينا الغرفه بعد تركيب الستارة .. ترانا ننتظر :D_smil1:

بالنسبة لغرفة الوالد ماشاءالله حلو اللون البرتقالي وخاصة انه يهدي الاعصاب لانه منعش

بس دام ان الغرفة للوالد الله يحفظه .. انا اقترح عليك اللون الذهبي مع البرتقالي .. بحكم انه

لرجل كبير ..

خلي الستارة مخمل برتقالي وذهبي .. وممكن تضيفون العنابي معاه .. وان شاءالله بتطلع غرفة راقيه جدا
وحلوة جدا ..

اما الصالة انتظريني ان شاءالله افيدج ببعض الافكار ..

حبيت اعرف الصاله صاله حريم ولا رجال ولا صالة البيت يعني للعايلة

وتقصدين بالغنفات .. الكراسي ؟ اسمحيلي لاني مو متأكده من المعنى

[mark=CC0000]Roseqatar[/mark]

S

Snow-Queen

عروس جديدة

08-07-2007 | 05:17 PM

والله ذوقج انتي الي احلى لولاج كان ضعت يالغاليه
ربي يعطيج العافيه
ومن عيوني فديتج اول ما اركب الستاره بصوره لج فالج طيب يالغاليه
:B_wink:
*************
وبنسبه لغرفت الوالد
ان شاءالله بسوي بلي اتقولين عنه يالغاليه
************
وبنسبة لصاله نعم اختي هي صالة البيت يعني للعايلة
وتقصدين بالغنفات .. الكراسي ؟
نعم يالغاليه اقصد الكراسي
:D_smil1:
***********
جزاج الله خير على الافادة والنصايح والرد الحلو منج لانه انتي حلوه
:9_33::1_3:

r

roseqatar

مشرفة سابقة

09-07-2007 | 09:34 PM

مساء الانوار ..

ربي يسلمج يالغالية ويجعله ربي منزل عامر ومبارك يااااارب ..

حبيبتي اذا الصله صاله العايلة انا افضل انها تكون حيوية افضل من انها تكون رسمية جديه

يعني افضل تكون الوانها منعشه وحلو لو يطغى عليها الخشب ..

مثلا في الارضية نحط خشب باركيه خاصة مع اللون البرتقالي واااو روعه

اما الوان الغنفات :) افضل انها ماتكون ساده تكون مشجرة ،

لو الطقم مثلا 6 كراسي يكون 4 مشجر و2 ساده او العكس 2 مشجر و4 ساده

وحلو لو تكون النقشات ورود ومقلم مثلا

وتكون المخدات الصغيرة (الكوشنات) عكس الكراسي
مثل هالصورة

وهذي الصورة 2 ساده و2 صغار مشجر شوفي الفكره شلون حلوة

او تكون الكراسي على شكل جلسه احلى

اما الالوان للكراسي .. خيارات كثيرة

ممكن تكون برتقالي وعنابي

برتقالي وزيتوني

برتقالي واصفر

برتقالي وبني

برتقالي وبيج

[mark=CC0000]Roseqatar[/mark]

S

Snow-Queen

عروس جديدة

20-07-2007 | 08:50 AM

سلام عليكم ورحمة الله وبركاته
اشحالج اختي روز
عساج ابخير ان شاءالله
رجعت لج ومع صور من غرفتي والستاره
وانتظر ردج وتعليقج يالغاليه
:B_wink:
مع انه يحتاج من الترتيب القليل في الغرفه
:D_smil1:

S

Snow-Queen

عروس جديدة

20-07-2007 | 08:52 AM

وقريبا بوضع لكم صور غرفت اختي ان شاءالله
(r)

r

roseqatar

مشرفة سابقة

20-07-2007 | 09:05 AM

ماشاءالله شكل الستارة وايد حلو .. وجديد .. ماشاءالله

حتى الشيفون اللي تحت روعه .. بس لونه مو واضح ..شو لونه ؟

اعتقد انه بيج صحيح ؟

وماشاءالله مفرش السرير يجنن .. عليج بالعافيه يالغالية ..

شرايج لو تحطين المخدات الكبيرة اللي على السرير بدال العنابي تركوازي ؟

والكراسي البنيه اللي قدام الستارة ارمي عليهم ثرو تركوازي .. بيطلع وايد حلو

فوق السرير حطي لوحه حلوة فيها ورد

وربي يبارك لك في غرفتك يارب .. ماشاءالله تهنين فيها

ونوم العوافي واحلام سعيده :B_wink:

صور غرفة اختك ننتظرها لاتنسين :D_smil1:

S

Snow-Queen

عروس جديدة

09-08-2007 | 12:21 PM

سلام عليكم ورحمة الله وبركاته
اشحالج اختي الغاليه عساج ابخيره يارب
اسمحيلي على التاخير لاني انشغلت اشوي
وبنسبه لغرفتي لون الشيفون تركوازي والستارتين وحده تركوازي والثانيه ذهبي
وان شاءالله برتب الغرفه مثل ما قلتي الغاليه
وجزاج الله خير على النصايح والارشاد
:21_207:
**********
هذي غرفت اختي
والسموحه على التاخير فديتج
وانتظر نصايحج
:2_106:
:9_28: