والدة عروس

التائهه 30-06-2007 11 رد 292 مشاهدة
ا

السلام عليكم ياعضوات أحلى منتدى

جايتكم وكلي عشم انكم تساعدوني

زواج بنتي بعد شهر وكتبت فيها أبيات شعر اريد اسويها لها مفاجئه ليلة زواجها.

المطلوب:.

ابغى منكم فكره لتقديم الشعر علشان تكون مفاجئه حلوه..

ووين احط الابيات على الطاولات ولا وين؟؟؟؟؟


هذا مع كامل حبي وتقديري للجميع
ا


أختي التائهه

ألف مبروك والله يتمم لبنتج على خير ان شاء الله

ليش ما تسجلينه وتحطينه لها بأول الزفه ولا بآخرها

أو

صممي لها كروت وحطيه مع التوزيعات

والله يوفقج ويسر لج امورج ان شاء الله

أختج الدانــه



ا
الله يبارك فيك اختي الدانه

والف شكر على التواصل

لكن هي محدده لها زفه هي مجهزتها من زمان ومااريد افركش عليها تخطيطاتها

وفكرة الكروووووووت حلوه

تحيتي وتقديري اختي الدانه
M
الف الف مبروك على زواجها.. والله يهنيها ان شاء الله
واحب اهنيها لان عندها ام مثلج... الله يوفقها ان شاء الله
انه عجبتني الفكرة ان تخلينها تسجيل وتكون في الزفة... او ان تقولينها علنا بعد ماتدخل وتقعد... او تكتبينها في ورقة وتحطينها في مكان حلووو في غرفتها..
ا
الله يبارك فيك يا ميس حلوه

والف الف شكر على الدعوات الحلوه والكلمات الأحلى

وبخصوص الزفه مافيه مجال لان زفتها جاهزه وهي حابه الزفه اللي اختارتها وماابغى اخرب عليها

الف شكر اختي

تحيتي وتقديري
ا
هلا عزيزتى
ومتباركة لزواج بنتك
والله يتمم لها على خير

انا رأي من رأي خطيبي
سوى لي قصيدة بيوم الحفلة
وكتبها على ورق وسيلة معتق
وعلقها على بوابة الصالة
وكتب علها من تحت اهدائها من ..... الى تؤم روحي ......

والله يسعد ايامكم


تحيتى،،
ق
امي الحبيبه التائهه/
تحية عطرة لك انتي ام مثالية وعظيمة الله يوفق بنتك ويارب تفرحين فيها والله يسعدكم.
بصراحة فكرة الدانة روعه الله يجزاها خير
ا
الف مبروك والله يتمم على بنتج بخير

ونعم الأم المثاليه

الله يسعدكم يااارب ويسعدناا معاكم
---------

عندي اكثر من فكرة وان شاء الله يعجبونج

ا- في بداية العرس وقبل لاتدخل العروس .. تكونين مجهزة شاشه عرض جمب الكوشه او اي مكان بالصاله وفيه صورة بتنج بمراحل حياتها المختلفه .. وصورتج وانتي تكتبين الشعر او خلي يكون مسجل وكأن مشغلين فييدوو
2- ممكن تسوين بوابة داخل الصاله ومعلقه عليهاا شرائط ملونه حجمهاا كبير وكتوب عليها الشعر

3 ممكن تضعين طاولات عليها عطور وبخور والخ وايضاا علب كشخه فيها شموع او ككاو ومكتوب عليها الشعر وكل من يدخل ياخذ وحده

هذاا اللي يحضرني الحين من افكاار

اتمنى اكون افدتج او قدرتي تتوصلين لفكرة في بالج


والف مبروووووك مرة اخرى

وعلميناا شنو توصلتيله عشان نستفيد منج اختي الغاليه

وشكرا
ق
رايي إنج تسوين لها تسجيل بصوت شاعر أو صوتج وخلفية موسيقية

وتخلينه يشتغل آخر الحفل لأن أتصور روحي إذا أمي قالت فيني شعر راح أبجي على طول

وأنتي ما تبغين يخرب مكياجها

والله يتمم لبنتج على خير
ا
اخواتي العزيزات

الشيخه

إن شاء الله تكونين شيخة على طوووووووول وفي جميع مراحل حياتك

قمه

اتمنى لك من كل قلبي البقاء بالقمة دائماً

النهاية الخالده

إن شاء الله تكون كل نهاياتك خالده وسعيدة

قطاف

اتمنى لك أختي تقطفين النجاح والسعادة في جميع مراحل حياتك

الف الف الف شكر خواتي على المساعدة

تحيتي وتقديري للجميع
*
أنا مع أخت قطاف

فكرتي إنك تروحين تسجلين هالشعر في استديو ويفضل بصوتك أو صوت أنثى يكون إلقائها حلو كأنها انتي مع خلفيه موسيقيه

وبعد مابنتك تخلص زفتها وهي قاعده بدل مايبدا الطق أو قبل لا تمشي وتطلع تشغلين القصيده

الفكره مره روعه وبسيطه وردة فعلها بتكون حلوه

والله يوفقها وييسر لها ويخليكم لبعض

شكل زواجها مثلي بعد شهر

ادعوووولي
ا
تسلمين بنتي الدانه <<< بما ان زواجك مع بنتي اكيد انك من سنها علشان كذا بقولك بنتي

الفكره مره حلوووه

يعطيك العافية

والله يسعدك في حياتك الجديده ويسخرلك زوجك

تحيتي وتقديري
X