مشكلتي مع حماتي هل لها حل؟

احب اطرح عليكم مشكلتي واتمنى اسمع نصيحتكم وخاصة ذوات الخبرة
والمتزوجات
انا مخطوبة تقريبا من 7 شهور وكاتبين الكتاب وبعد شهر حفلة زواجنا.
مشكلتي الاساسية هي ان حماتي وبناتها بحبو يتدخلو بالصغيرة والكبيرة
ويعطو رأيهم بكل شي ببيتنا ,من فرش وبرادي
وحتى ملابسي يلي اشتريتها للجهاز
واغراض المطبخ
وانا صراحة تعبت من تداخلاتهم واريد ان اضع لها حد لكن بدون ما اخسر احترامهم ومحبتهم
وخاصة ان بيتنا فوق بيتهم يعني بصير جارتهم لما بتزوج
هم صحيح بحبوني وببرروا تدخلهم انو محبة فينا بدهم كل شي ببيتنا
حلو وعالموضة وراقي
وكأن بس هم يلي عندهم ذوق وانا ما عندي ذوق
هيك صرت بحس
وبحبو يفرضوا رايهم بكل شي حتى طقم الذهب يلي المفروض العروس تختارو
هدية كتب كتابها حماتي اختارتو على ذوقها
هم صحيح بيسالوني لكن بالاخر بيمشو كلمتهم وبحاولو يقنعوني ان اختيارهم هو الافضل
وان يلي اخترتو انا مش مناسب ومن هالكلام
فانا مليت وقررت اوضع لهم حد
بدون ما ازعلهم او ياخدو مني موقف
وخايفة تكون نظرتهم لي اني ضعيفة الشخصية
لكن انا والله بتحاشى المشاكل
لاني انا وخطيبي منحب بعض كتير
ومستحيل نخلي اي شي يفرق بيننا
وخطيبي بيسالني رايي بعد اختيار اي شي
حتى يتاكد ان كان كل شي على ذوقي
وانا ما بدي اوقعه بمشاكل مع اهلو بسببي
هو ما بنكر ان معظم الاوقات ذوقهم يكون حلو
لكن انا احب يكون الي رأي ويكون البيت يلي بدي عيش فيه
على ذوقي وارتاح فيه
وبحاول دائما فهمهم ان كل هالامور ما بتهمني
لاني انا انسانة قنوعة كتير وغير متطلبة
المهم عندي يكون زوجي على خلق ودين
وعمري ما طلبت شي منه فوق طاقتو لاني بعرف قدراتو
بالعكس بحاول ساعدو على قدر ما بقدر لكن هو بيرفض طبعا
وهو فاهم هالشي وكرمال هيك بحبني وبيحترمني اكتر.

فشو رايكم كيف اتصرف معهم
خوفي الكبير ان تدخلاتهم تستمر بعد الزواج وخاصة بكون قريبة منهم

والله تعبت وصرت مكتئبة من ورا الموضوع:sad:

كيف اوقفهم عند حدهم بدون ما اخسرهم؟