تجمع طالبات جامعة الكويت

ههههههههههههههههههههههههههههههههههه
يحليلكم
ايه في تخصصات تكووون صعبه
وفيه تخصصات سهله
بس كل شي يبغي اليها دراسه وجد


وسحابه معلومات تخصصات الحاسووب وتقنية المعلومات هاي كلها اشياء صعبه يبي اليها ناس مصطلبين
اختي انفصلت لان معدلها نزل وما قدرت ترفعه ( مع مساهمه الاهمال بذلك )

اما التخصصات التجاريه مدري اي شي عنها بس اسمع في البحرين يقولون عندنا صعب
لان في الثانوي يكووون سهل .. لكن اذا راحوا الجامعه وايد يكون صعب

وبغيت اسال لوو درست مثلا اللغة الفرنسية في الجامعه وش يعني بشتغل ؟؟
يبين لي ما بحصل شغله لان احنا ما نعتمد على اللغة الفرنسية نعتمد على الانجليش

ومشكوووره دانه الكويت على جوابج لاستفساري واتمنى تييبون لي تخصصات زياده بعد

_ شعري مجعد الصراحة التخصصات الأدبية وتكونين غير المعلمة متنوعة .. على العموم مثل ما قالت دانة في بالأداب أداب للعلوم الإجتماعية ومختلفة بأنواعها جغرافيا تاريخ ..إلخ .... غير الفلسفة يعني ...

لكن تدرين إذا دخلتي أدب إنجليزي في كلية الأداب في إمكانية تشتغلين مترجمة ... في وكالة معينة عرفتي ..
وغير كلية التربية ماراح تقدرين تصيرين غير مدرسة وأنتي بالتربية فشلون يعني تبين تغيرين ؟؟؟

يااا بنااات الأداب عفية بسألكم على الفلسفة كم المعدل المقبول والمطلوب إذا بتخصص فيه ؟؟

وفي مجال عندي لثاني سنة دراسية وعقب أتخصص صح ؟؟ لأنه بكل صراحة الإهمال ذابحني ومعدلي زفت ونزلوا لي إنذار واحد .... يعني شنو عواقب هالإنذار ؟؟ الي تقدر تجاوبني عفية لا تبخل علي ...

مشكورين ...

مشكوووره بنت المطيري

وانا كنت احب ادرس لغة انجليزيه لان خاطري احصل الشغل بسرعه من اخلص الدراسه

وكنت اقول اقول يعني اني ما ابغي اصير مدرسه لان لو درست تاريخ وجغرافيا وش بشتغل بعدين غير مدرسه يعني ؟

وكنت بسال اذا اخذت لغة انجليزية هل يصير اخذ شي تخصص مساند له

ومشكوووووووووووووووووووووووووره بنت المطيري على جوابج للاستفسارات

شعري مجعد ما أظن انه في تخصص مساند للإنجليزي ..

وبالنسبة لأنج ما تبين تكونين مدرسة لازم تنتقلين من التربية لكلية ثانية في الأول ..!

<< ما عليه بنت المطيري تحمليها

يعني لازم الحين انقل من كلية التربية الى كليه ثانيه ؟

وش الكليات الموجوووده

سي يو ليتر

يعطيج العافيه حبيبتي على هالموقع انا بالسنه الثانيه كلية العلوم

قوة بنات رجعنا لكم مرو اخري

شعري مجعد في كليات وايد غير التربية عندج الاداب والعلوم الاجتماعية والعلوم الادارية والحقوق وكلية البنات والشريعة هذي للتخصصات الادبية وكل كلية لها عدة فروع من التخصصات.......الخ

واي استفسار احنا حاضرين

يسلموووووووووووووووووووووووووووووو دندونه الكويت

ويعطيج العافيه يا رب على هالتفاعل

وجان ما ابي اثقل بس ابي اسال عن فروع كل كلية !!

ومتى راح تعلن نتائج القبول حق الطلبة الكويتين ؟؟

السلام عليكم ورحمة الله ويركاته ..

شعري مجعد نزل قبول أسامي الطلبة الكويتيين كما أعتقد من قبل جم أسبوع ... تعالي انتي ما عندج دليل الطالب الي يوزعونه على كل طالب يدخل الجامعه ؟ ترى فيه بكل تفصيل عن التخصصات الموجوده بكل كلية وراح ينفعج حيل .. ومثل ما قلت لج اذا بتصيرين غير مدرسة لازم تنقلين من كلية التربية لكلية ثانية تناسبج وطبعا لازم تكونين مخلصة عدد وحدات معينة ..

هلا بنت المطيري

لا يا حسرة ما عندي هالدليل اللي تتحجين عنه

من جذي احس اني ضايعه ..

وللحين جامعة الكويت ما اتصلوا فيني وخبروني اني انقبلت بشكل نهائي

واذا بغيت ادخل كليه الحقوق لازم جم وحده اخلص ؟؟

ووحدات هذي مال شنو ؟؟

( وبغيت اسال عن كلية البنات .. وكلية العلوم الاداريه ) هاي مال شنو ؟

واحس اني كثرت اسال بس على الله وعليكم وعن جد عن جد مشكورين

سي يو سون

شعري مجعد

القبول الفوري اعلنوه من جم اسبوع

وباجر بالجرايد بحطون القبول اللي مانقبلوا فوري.

راح اكتب لج كل كلية وتخصصاتها:

العلوم الادارية : تخصصاتها: الادارة والتسويق - التمويل والمنشآت المالية - الطرق الكمية ونظم المعلومات - المحاسبة - الاقتصاد - الادارة العامة.

التربية : التخصصات الادبية : رياض الاطفال - انجليزي وعربي واسلامية وعلم اجتماع وتاريخ وجغرافية.

العوم الاجتماعية: تخصصاتها: علم النفس - جغرافيا - علم اجتماع - خدمة اجتماعية - علوم سياسية

اداب : تخصصاتها؛ لغة عربية - لغة انجليزية - تاريخ - فلسفة - اعلام - فرنسي

الشريعة : تخصصاتها : العقيدة والدعوة - التفسير والحديث - الفقه واصوله - الفقه المقارن والسياسة الشرعية

البنات الجامعية : تخصصاتها : علم التواصل واللغات - العلوم الاسرية - علوم المعلومات - الفنون والتصميم - اذارة التقنية البيئية.

اللي كتبتهم طبعا تصلح للتخصصات الادبية

كلية التربية اهي الوحيدة اللي تصيرين مدرسة فيها بعد التخرج اما الباجي مو شرط

العلوم الادارية اهي اسمها كلية التجارة سابقا يعني بعد التخرج ممكن تشتغلين في بنوك او ادارات .

هلااا السلاااااااااااااااااااااااام عليكم دندونه الكويت

تسلمين حبيبتي ومشكوره يعطيج الله ألف ألف عافيه

وبغيت أخبركم إنه طلع لي في البحرين تخصص تمهيدي إنجليزي

وآنه الحين محتاره بين المنحة فلسفة في الكويت أو اختار انجليزي في البحرين

بس الكل يقول لي ان الكويت هناك دراستهم احسن ويقدرون درجاتج وتعبج أكثر

وقالت لي وحده من بنات هني انه لازم انقل من كلية التربية إلى كلية اللي ابغيها

وهذا اللي بغيت اسال عنه أنه هل الكويت راح يرضون ينقلوني من كلية التربية ألى كلية ثانية

ادري أنه عادي اني اغير التخصص اللي ابغيه في كلية التربية بس ما ادري اذا هل يصير اروح كلية غيرها

لأن مكتوب عندي هالملاحظه : نظام القبول المركزي : يقوم الطالب باختيار رغبة واحد كلية واحده فقط حيث يتم قبول الطالب بالكلية وبعد مرور فصلين دراسين يتم تحديد التخصص داخل الكلية بناء على الوحدات المجتازة والمعدلات التي احرزها

فيا ليت اللي عنده خبره يقول لي هل يصير إني اغير من كلية التربية في الكويت إلى كلية ثانيه ( على الرغم أن هي منحه ) او ما يصير ؟

وسؤال ثاني يعني شنو الوحدات المجتازه ؟؟ وشووووووووووووووكرن وسي يو سوون

هلا شعري مجعد لاشكر على واجب
بالسبة حق سؤالج الاول ماعندي علم عنه .

بالنسبة للوحدات الي هي تعتبر المواد لان المواد لها وحدات والتخصص بعد السنة الاولى اذا اجتزتي الوحدات المحددة للكلية

اسمحيلي ترا مااعرف اشرح

بنات الجامعة الخبيرات انشالله يفيدونج
لان انا السنة الياية اول سنة لي بالجامعة وبساعدج باللي اعرفه واقدر عليه

مشكوره علىىىىىىىىىىىى الجواااب

انتي اول سنه في الجامععه يعني سيم سيم في العمرررر

بالتوفيق لج دندونه الكويت بس بسالج جهزتي الثياب وال ........................................... ؟

<< صج فاضيه

سي يو سون

سلالالالالالالالالالالالالالالالالالالالالام عليكم
هلا والله ببنااااااااااااااااات ديــــــــ الكويت ــرتي
انا بكلية الصيدلة رايحة سنة ثالثة احم احم
منو يعرفني لووووووووووووووووووووووووووووووول

هلا والله جعري مجعد
اي والله انا الان في طور التجهيز ( حشى عروس) شريت بدل وشحاطات وجناط وساعة .......الخ
تعرفين بعد لزوم الكشخة واول سنة مشتطين شوي

بس انشاءالله الله يوفقنا كلنا

اشدعووووووووووووة ماكو ترحيب :(
خلااااااااااااص زعلت :"(

هلا والله فيج صيدلانية
بس البنات مادري وينهم هالايام ماكو احد


ويييييييييييييييييييينكم يابنات نبي حماس وسوالف

تسلمين والله..

اي والله اشفيكم ليش ماكو أحد:(

ابشرررركم بنات قبلوني تخصص اشعه:)