فرق السن بين الزوجة وزوجهااااااا

المهم انه طيب معاكي ويعاملك احسن معامله
وبالتوفيق من الله سبحانه وتعالى
لاتهتمين لكلام الناس

والله يوفقك بحياتك

السلام عليكم
اختي غلا
الف مبروك
اول شي انا اخالفك في حاجتين
اول شي
من يقول اهل السعوديه البنت مالها راي خاصة اذا تعدت ال26 ؟
بالعكس مو كل الناس كذا .. قليل مره اللي ما ياخذ رأي بنته
الشي الثاني ..
انتي حطيتي العمر هو عيبه الوحيد وانا شايفه ان العيب الاساسي شخطيته قدام اهله .. حاولي انك تبينين له ان هالشي مايعجبك .. امور حياتكم انتي وهو اللي تبتون فيها فقط لا غير ولا على العمر اذا انتي ماعندك مشكله ومانتي معترضه لا تشيلين هم الناس
الناس مايرضيهم شي .. لو اخذتي واحد عمره 25 قالوا اصغر منها
ولو اخذتي واحد بالاربعين قالوا كبير
فخلي الناس على جنب لأنك مارح ترضينهم بأي حال من الأحوال
وليش ترضينهم على حساب راحتك ..
خلي عنك الناس وكل من سألك قولي احبه لو هو كبر جدي .. كذا بيسكتون عنك وبيعرفون انك راضيه بنصيبك
واهم شي ترضين ربك اولا ثم زوجك وأهلك اللي مختارينه لك ولا رضا الناس غاية لا تدرك
ماقلتي لنا هو متزوج ولا مطلق ؟؟ ولا مادخلش دنيا ؟؟
الله يوفقك يارب

استخيري ياقلبي


وربي ييسر لك اللي فيه خير

استخيري رب العالمين والله يوفقك حبيبتي

:9_33:

شووووفي حياتي اهم شي في الرجل اخلاقه ما يعيبه الا اخلاقه اما العمر وغيره

لا تفكرين فيه اهم شي انه طيب وخلووق وصدقني اذا كان اخلاقه عال العال

بتعشين عيشه ولا احسن منها وما عليك من كلام الناس لانك انتي اللي

راح تعشين معه مو هم لان شكله مراح يفيدك صدقني كان كبير ولا صغير

وبعدين موو كبير مره ترى المراه تعجز بسرعه مو مثل الرجل لان الحمل يكون عليها اكثر

من الرجل شووفي اللي فيه مصلحتك واختاريه من دوون تردد وماعليك من

كلام الناس وانشاء الله يوفقك ويكتبلك بما فيه الخير

عزيزتي انتي بنفسك قلتي (مايعيبه الا العمر) انتي برأيك تعتقدين من خلال عشرتك البسيطه هذي معه(اتركي كلام صاحباتك انا اسألك انتي) ان وانتى معاه تحسين انه غير عنك والا كبير حيل عليك.....انا اشوف انك اصلا ماتفتكرين بهالامر لانك مرتاحه معاه لولا كلام صديقاتك عنه وانه شايب وماعرف ايش(انا اشوف ان كلام الناس مايقدم ولايأخر حاجه ابدا)لان القرار بيدنا والسعاده بيدنا والناس ماراح تسعى بسعادتك(ليش ماتقولين ان كلامهم بناء على غيره منهم وهل تتوقعين لو وحده فيهم تقدملها بنفس عمر هالشخص ومواصفاته راح ترفض(اشك بصراحه انها ترفض ومستحيل خصوصا اذا رجل صالح وخلوق وفيه دين وكل الصفات الطيبه)

عزيزتي سكري اذنك ولاتفتكرين لكلام احد واذا على الناس ماراح يعجبهم اي حاجه ابدا اذا ماتزوجتي بيتكلمون واذا تطلقتي هم بيتكلمون واذا ماجبتي عيال بيتكلمون واذا جبتي واحد وأخرتي انجاب الثاني قالوا هذي ماجابت الا واحد مدري شفيها ..واذا انجبتي ثمانيه قالوا ماصارت يكفي عندها عيال وشتبي اكثر.............يعني في كل الحالات مايعجبهم شي.
ولاتسمحين لاحد حتى لو صديقاتك يتكلمون عن زوجك مثل الكلام اللي قالوه ..خلي عندك رد حازم حتى مايتجاوزون حدودهم...

بالنسبه لمشكلة اهله انسان عمره 44عمر طويل قضاه مع اهله فطبيعي انه مكتسب عادات من ضمنها انه يشارك اهله في قراراته يمكن متعود ......انتي بنفسك عمرك 26 سنه هل تعتقدين انه ماعندك اي طبع او عادات تعلمتي تسوينها في بيت اهلك وهذي االاطباع لازم بعضها يبيلها تغيير وتكيف مع حياة جديده مغايره لما تعودتي عليك في بيت اهلك؟
...انا اقولك اكيد عندك وراح تسعين فيما بعد لتعديلها بناء على ماتتناسب عليه وماتتطلبه حياتك الزوجيه وهذا امر طبيعي جدا
يعني لاتعتبرين هذا الامر عائق او مشكله (لانك الآن من ضغط وكلام صديقاتك لا اراديا جلستي تبحثين عن اي عيب في هذا الزوج علشان تقولين هذي عيوبه موبس العمر تبين تقنعين نفسك اكثر بوجود عيوب ماتعتبر عيوب

عزيزتي انتي بالتدريج بتقدرين تساعدينه بدون الحاح وضغط منك على تغيير هذي العاده وانك تفهمينه ان قراراتنا ومايخص حياتي انا وياك يرجع لنا ونقرره لوحدنا بدون تدخل من احد بطريقه محببه وحلوه منك صدقيني راح يتقبلها

اطردي الشيطان من بالك والعمر اللي بينكم ماهو كبير جدا لكنه عمر ناضج وفيه علامات النجاح باذن الله ...والكثير من حالاتك نجحوا في حياتكم اهم شي قناعتك واذا حسيتي الشيطان وسوسلك في اي امر الجئي لرب العالمين واستخيري وادعيله وهو قريب من دعائنا بإذن الله

مبروك مقدما وبالتوفيق و اتمنالك الذريه الصالحه باذن الله