ارجوكم ردو علي بسرعه عرسي بعد عشر ايام

اختي الفترة وايد قصيره حق الليزر لأن الليزر يبيله جلسات يعني موبس يوم واحد يشيلون الشعر من المنطقه كلها
يعني مثلا اتسوين اول جلسه وبعدها يعطونج موعد بعد اسبوعين اتسوين الجلسه الثانيه وهكذا

ماانصحج اتسوين لأن الوقت وايد ضيق ماراح يمديج ،، اجليها بعد العرس ومبروك مقدما وعلى فكرة ترى لازم اتكونين متيقنه ان بعد الجلسه الأولى الشعر ماتشيلينه إلا بموس
والصراحه انا وحدة اكره الموس واتخيلي انج توج عروس واتشيلين بموس منطقة الأبط ترى وايد صعبه ومقززة اجلي موضوع الليزر بعد العرس :)

حبيبتي .. أول شئ الله يسعدك ويوفقك يارب

بس حذاري إنك تسوين ليزر .. المده جداً قصيره .. ومافيه وقت
وبعدين الليزر يبي له أكثر من جلسه ولا يقص عليك الدكتور يقول بخلصك بجلسه وحده
مسسسسستحيل هالشئ يصير ..

غير كذا .. بعد الليزر الجلد يتهيج ويحمر .. وإذا بشرتك حساسه إحتمال يصير فيها
حرق خفيف ... وبهالفتره القصير لا تغامرين ..


وانتي تقولين شعر وجهك خفيف .. فيا تشقرينه أو تشيلينه بخيط

وأجلي كل شئ لوراء العرس

افضل شئ للوجه التشقير بس انتبهي اذا بشرتك حساسه انصحك لاتسويه عشان مايتحسس وجهك
اذا كان الشعر خفيف خليه
الله يوفقك ويسعدك بحياتك

هلا اختي

انا شخصياً ما انصحج فالليزر الحين لان ماعندج وقت المفرووض باديه من اول


وحتى نتايج الليزر ماتبين الحين مدام شعرج خفيييف


يبيلج عدت جلساات يالله تشوفين نتيجه مرضيه


انا سويت الحين 3 جلساات لوجهي وللحين ماخلصت والمده تقريباً 5 شهور يعني على مايحت الشعر يبيله وقت


وعلى ماينبت ويكتمل نومه يبيله وقت عساس تروحين تسوين الجلسه الثانيه


انا من رأيي تشيلين بشمع وتستعملين الخلطات الطبيبعيه مثل نبتت السعد والنشاادر ومرارة الماعزز


افضل واسرع وتخفف



وألف مبروووك

وبالتوفييييق ياارب

مشكورين على الردود..وانشالله الله يسعدكم دنيا واخره..والله انا دوم اشقره بس خاطري يصير صافي وبدون شعر فكرت اسوي وجهي بالشمع بس خايفه من الحبوب..شكلي بهون ..بس انا ما اقررت اسوي الا الحين لان اصلا انا ملكتي كانت من اسبوعين يعني اصلا ما كان في وقت..

الف مبروك وزواجك نفس وقت زواجي وأنابعد أعاني بس عاد أنا لا أقدر اسوي شمع ولاخيط ولا اي شي لإن بشرتي مررررررررررررررررررة حساسه بس بالنسب لج سويه بعد الزواج لإن مثل ماقالو البنات الوقت مرة قصير . .

اهلين فجر قطر

الفتره مرررررررررررررررررررررررررررررررررررررره قصيره ما انصحك تسوين لان اختي مسويه النتائج حلوه لكن هي قعدت تقريبا شهر وزياده لان هو في جلسات

زي ماقالو البنات المده قصيره بعد الزواج ان شاء الله لاحقه المراكز ماراح تسكر

اناا صديقتي فيهاا شعر طويل ومو كثيف واجد في وجهااا
جلسه وحده كفتهااااا
وان شاء الله امتكون بشرتج حساسه
لان لاتنسين وراج حماام مغربي
وهالسوالف
مبرووووووووووووك مقدمااا .

ربي يوفقك ويتمم لك زواجك على خير
مثل ماقالوا البنات المسأله جلسات مو بيوم وليله ..

قبل عرسي ب 3 ايام سويت ليزر حق باطي ووجهي

والله ان تم شهرين باطي بدون شعر حتى زوجي يقول انتي باطج مافي شعر كلش مايطلع لج؟

حبوووووبة صج انا انصحج به عليج بالليزر انا سويته عند الدكتور سناء عند فهد الباكر

وألف مبروك عقبال مانشوفج في ركن الحمل والولادة خخخخ بدبتج

مبروووووك على الزوااااج
فديييتج انا سويت ليزر ومن اول جلسه حسيت بالفرق الشعر ما طلع في ويهي اله اكثر عقب شهرين قوولوو ما شاء الله
انصحج اتسوين قبل الزوااج عشان تفتكين بس قبل استشيري الدكتووره افضل .

بالنسبه للوجه ابدا ما انصحج لان فعلا الشعر يغمج واااااااايد والشعره تصير غليظه

وبالنسبه للابط لاتغامرين بعد لان بعد الليزر بيطلع الشعر بسرعه وبعدها بفتره بيطيح

وهالفتره تختلف حسب كل وحده ودامها اول مره ماتضمنين يجي يوم عرسج والشعر يطيح؟

يمكن يتم وبتضطرين تشلينه بالموس وسااااااالفه وانتي توج عروس مانصحج تغامرين بهالسوالف

خليها عقب العرس احسن

مشكورين على الردود..وماقصرتوا..انا قلت بسوي حق الابط وبخلي الوجة خل يتخرع بو الشباب..
وعقبال كل البنات انشالله