بنات اليوم بديت رجيم الخيال يالله نتشجع واوعدكم في اسبوع راح ننقص 5 -7 كيلو او اكثر

الله يوفقك دنيا واخرة

بس ودي اجرب الفلفل بس خايفه انه يحسسني

مشكوره أختي والله كلامج مشجع واااااااااااااااااااااااااايدِ

حلو التشجيع واشكرج على الموضوع

بالنسبه لي ما اقدر اشارك وياكم للاسف لاني حامل وبالنسبه للبنات انا سمعت انه بذور الكتان مب زينه مادري شو تسوي بس الافضل عدم الاكثار واحسن تستفسرون قبل

شوربه الكرفس تخسس واااااااااااااايد وهم المراميه تخسس وشوربه الكراث قريب عنها بكتاب اجنبي مكتوب انها تخسس وايد

واهم شي شرب كميه كبيره من الماء والرياضه لنه ماشي فايده من ريجيم بدون رياضه على الاقل المشي لمده ساعه 4 مرات بالاسبوع

تراني كنت مربربه قبل لا اتزوج ومايا عرسي الا وانا سمبتيكا والجسم جنان والسبب اني ما اتبعت اي ريجيم لانيه من النوع اللي من اقول بسوي ريجيم سبحان الله اشتهي كل الاكل حتى اللي ما كنت احب اكله...يقولون شي نفسي

بس سمعت نصيحه وحده يزاها الله الف خير قالتلي كلي اكلج العادي بس الوجبات الرئيسيه وحطي الاكل بطبق الشوربه واترسي نصه سلطه اما الباجي من الاكل اللي بالسفره...والعشا يكون قبل الساعه 9 وابد ما اكل ونام ابداااااااا ولازم الرياضه كنت امشي يوميا ساعه واللله خسيت والكل يتحرى اني رايحه عند هذولي مالوت التخسيس

بس الحين بعد ما ربيت ببنتي الاولى متنت والصراحه تخلصت من عشر كيلوات بعد الحمال بالرياضه والحين رديتهم للاسف الشديد والحينه الحمال بعد مايصير امشي وايد خصوصا اني بالشهور الاولى

الله يعين وانا جسمي نفس جسم صاحبه الموضوع يعني امي تقولي انتي من فوق الإل بي سي...ومن تحت قناه مصر الفضائيه هههههههههههههههههههههههههههه


موفقات بنات واهم شي العزيمه...تدرون شو اللي خلاني اخس قبل
كنت حاطه ببالي شكلي وانا لابسه تنوره شفتها على بنيه في الكليه ماااااشاء الله عليها رشيقه بس ما تصلح للمليانات...ومن هاك اليوم وكل ما امشي اتذكر شكل جسم البنيه ماشاء اللله عليها والتنوره عليها واقول بستوي نفسهاااااااا لازم اخس والبس نفسها ...هذا الخيال اللي سويته عشان اضعف ومع الايام اقنعت نفسي انه معدتي صغرت واني اذا اتزاودت احس اني برجع كل الاكل والله حتى قمت اقول لاهلي هالكلام من كثر ما اقوله صدقته قمت ما اتزاود...ما قلتلكم كل شي نفسي

ويوم خسيت سبحان الله ووصلت لاخس من الوزن اللي كنت اطمحله شفت نفسسسسسسس التنوره في محل وشريتها على طووووووووول سبحان الله حسيتها مكافأه للي وصلته وطلعت روعه باللبس

يلا شدوا الحيل