تجمع حوامل الشهر التاسع - فقط -

.

عنوان الأمل;4232689:
سلام ياربنات
انظميت لكم
ان شاء الله اتوصل معاكم
مود ولادي ان شاء الله 19/9
وان شاء الله اربي قبل

هلا حبيبتي حياج.. وانشاءالله اتربين بالسلامة

.

هلا بنات

رحت اليوم لموعدي والحمدلله كل شي تمام الراس لتحت والموية حول الجنين كويسة وقالت لي الدكتورة احتمال تولدين

اي يوم في ذا لأسبوع كوني مستعدة واعطتني موعد الأسبوع الجاي وتقول احتمال تولدين قبل يجي الموعد

واصلا موعد ولادتي في 5/9

بناااات عندي الم بسيط في الجهة اليسرى من ظهري مدري يجيكم ألم زي كذا في جهة وحدة؟؟؟؟

وحاسة بصداع شديد وتعب وخمول وكسل الله يسهل علينا الولاااادة يااارب

:salam:عنوان الأمل

حياك الله بيننا وانشااااااءالله تولدين وتقومين بالسلامة:salam:

هلا بنت دبي ....

اسكتي يا اختي .. أحس بألم مثل ألم الدوره في الرحم ... أحس ألم الرحم مثل يتقطع والألم يسير ويي ...

وغير اني خااااايفه من الولاده .......

انا عاطيني موعد 6-9 بس على هالعوارض اللي فيني أحس قبل سرت العياده عطتني موعد آخر 8

ما يندرى والله ....

أبى أقوي قلبي وابى الأمر عادي يكون عندي بس مب قادره

اقرو سورة الزلزله وااااااايد ... والله يسهل يااااااااااا رب ....

اهلين كروشات
دخلت الشهر التاسع وانا في الاسبوع الرابع منه ومافيه بوادر ولاده
صاير عند الشهر طويل اتمنى اشوف جنيني سالم غانم بفارغ الصبر
الله يسهل على الجميع

هلا رسن الجميله ... وأخيرن حصلت حد ويايه ...

يمكن حاسبيلج غلط .. يستوي ...

هذا حملج الأول ؟؟

انا مب قادره أنام من الألم اللي ييني ويسير وكل اشوي عز الله عالحمااااااام

الله يسهل عليكم كلكم خواتي

واني من اليوم الصبح أحس بألم تحت في المقعد وانتون بكرامة ويقولون هذه ريح بس ما يندري وتجيني على فترات متقطعة ويا ألم أقدر اتحمله أسفل البطن ولا يندرى ادعو لي يزيد الالم وأروح المستشفى ويقولون لي ولادة

خلاص تعبت ادعو لي بالتيسير

أنوار المدينه
اللـــــــــــــــــــــه يسهل عليـــــــــــــــج وعلى كل اللي في شهرهم

ياااااا رب سهل عليــــــــــنا ولادتنا يا رحمن يا رحيم ..

اللهم لك الحمد والشكر


أنوار المدينه ... متى موعدج الحينه ؟؟

قومي اتمشي اشوي لا تمين قاعده .. أحس المشي يريح اشوي من ناحية الألم اللي نحسه تحت

ا

اي بقوم اتمشى في الشقة واني عاطيني موعد 25/8 يعني هالسبت

ادعو لي بالتيسير

يا حي يا قيوووووووم برحمتك نستغيث

الله يسر لج ياااااااااا رب ..

يا كروشات (( على قولتكم )) هههه ..... من تحسون بيوع على طول كلو ...

ترا الله العالم بوقت ولادتنا ... ولازم يكون عندكم باور ...

يالــــله ياللــــــــــــــــــــــه سهل عليــــــــــنا يا رب

الله يقومكم كلكم بالسلامه ان شا الله ...

وينكم يا كروشاااااات انا بروحي في هالموضوع ...

بشرن ؟؟


انا بعدني أعاني من الألم اللي تحت

مب عارفه شو اسوي ... أسير المستشفى والا اترياااا ...

أمايه تقول تمي في البيت لين ما اتحسين شي نزل (( ماي دم ))

يااااااااااا رب سهل ياااااااااا رب

والحمدلله رب العالمين

.

ريم ريم ريم;4239199:
وينكم يا كروشاااااات انا بروحي في هالموضوع ...

بشرن ؟؟


انا بعدني أعاني من الألم اللي تحت

مب عارفه شو اسوي ... أسير المستشفى والا اترياااا ...

أمايه تقول تمي في البيت لين ما اتحسين شي نزل (( ماي دم ))

يااااااااااا رب سهل ياااااااااا رب

والحمدلله رب العالمين

هلا اشحالج.. يقولون اذا الالم ايي كل 5 دقايق يعني ولادة بس اذا بين فترة وفترة يعني بعده,.. انا اييني الم بين فترة وفترة..

اذا بدون الامهات جان الحين عادي مسويلنا عملية وقاصين علينا... هم يعرفون اكثر الله يخليهم حقنا

اليوم كان موعدي والحمدلله كل شي تمام...





.

هلا بنات شخباركم

بنت دبي الحمدلله انج تطمنتي على البيبي والله يسهل عليج ويقومج بالسلامة ويرجع اهلج بالسلامة


انوار المودة خلاص هانت ان شاء الله كلها كم يوم ونسمع خبر ولادتج


سديم حبيبتي شخبارش
الحمدلله انج تطمني على البيبي
بس على اي اساس قالت لج الدكتورة انج احتمال هالاسبوع تولدين؟؟
ليش يبين يعني, شلون؟

ولادتج بولدج قدمتى عن الموعد ولا أخرتي؟

ريم الله يسهل عليج
متى عاطينج موعد للولادة؟

هلا

شخباركم

للحين ما ولدت وظل الألم للساعة سبع الصبح يروح ويجي وبعدين خلاص حالياً ما في بوادر ولادة

الله يسهل علينا يارب والليلة ان شاء الله بروح أتمشى عشان الله يسر والله كريم هالكتكوت ما بيطلع إلا في وقته

.

Cute Mother هلا حبيبتي اشحالج.. ترى هلي ردوا الحمدلله ما اتشوفيني كل يوم اقول انشاءالله اربي اليوم قبل باجر خلاص الحين ابا اربي...بس شئ واحد باقيلي جلاليب المستشفى لين الحين ما يبتهم بيخلصهم الخياط تاريخ 1 \ 9 بس هذا ما يهمني المهم انه هلي وصلوا...

اليوم بعد كان عندي موعد... وقالتلي الدكتورة السكر عندج شوي مرتفع... قالتلي حاسبي علشان خاطر البيبي مب زين .. والبارحة بعد كان عندي موعد في الوصل بس قالتلي الدكتور السكر زين عندج ..الحين ماعرف اصدق منوا

وعطتني اجازة 3 ايام قالتلي ارتاحي مبين عليج تعبانة...


.

هلا حبيبتي بنت دبي
حمدلله على سلامة هلج
وان شاء الله الله يسهل عليج
شكلج عن جد بتخونيني وبتولدين قبلي عندي احساس قوي
اما عن الجلابيات انا شريت جاهزين ولا عورت راسي ويه الخياط
عالعموم الله يسهل عليج

انوار حبيبتي الله يسهل عليج

حبايبي انا توني بأول التاسع وحبيت انظم لرابطتكن مو تفشلوني


اختكم ملكه الأحاسيس

.

Cute Mother;4246610:
هلا حبيبتي بنت دبي
حمدلله على سلامة هلج
وان شاء الله الله يسهل عليج
شكلج عن جد بتخونيني وبتولدين قبلي عندي احساس قوي
اما عن الجلابيات انا شريت جاهزين ولا عورت راسي ويه الخياط
عالعموم الله يسهل عليج

انوار حبيبتي الله يسهل عليج

الله يسلمج.. لا انشاءالله انربي ويا بعض...
انا ماخذه جلابيتين جاهزات مؤقت اذا الخياط ما خلص جلاليبي بضطر اني البس الجلاليب اللي ماخذتنهم..



.