تجمع حوامل الشهر التاسع - فقط -

امين يارب

هلا عروس جنان

رمز المحبة;3886704:
بنات انا قريت في منتدى ثاني عن خلطة تشربها الحمل بعد دخولها التاسع بعشرة ايام

والخلطة هي: _كوب حليب سائل+5اعواد قرفه+5قرنفل(مسمار بالاماراتي)+عسل للتحلية+نص بيالة شاي زيت السمسم=يترك على النار يغلي ثم تشربه الام...

وكل اربع ايام تكرر العمليه.....واذا جاها الطلق قبل لا تروح المستشفى تشرب كاسه

الفائــــــــدة::: تسهل الولادة وتخفف الام وتفتح النفس عندج

*انا باجر لي عاشر يوم من دخلت التاسع ببدأ في الوصفـــــة والله يسهل عالجميع

....عطونا نصايح وارشادات مب بس شكاوي،شو نظامك الغذائي الحين؟هل في أمل ازيد وزن

البيبي..؟لانه صغير بيبيي

هاي الوصفه وااايد سهلت علي الولادة بس لا تشربينها

الا لما تحسبن بآلام الولادة ،، أنا من حسيت بويع الطلق

و سرت عند الدكتوره قالت اليوم بتربين رديت البيت

و ماما سوتلي هالخلطه و عطتني ينسون و بابونج

بس خروع لاااا تشربين


و لاتخافون اذا تأخرتو ف الولادة مب شرط تحسون بآلام

قبل الالموعد باسبوع ،، أنا اتأخرت عن يومي كنت أتوقع

اني بربي نص الشهر و بطني كان فوق بس بعد الموعد بيوم

فجأه حسيت الطلق ،، فعادي اللي اتاخرت خصوصا البكر

و البيبي اذا كان كيلوين و فوق هذا طبيعي

هلا بنااااااات اخباااركن ..

منو ربت فيكن طمنووناا ..


بناات انا للحين ما ربيت والله خااااااااااااااااايفه مووووووووت ..


ما ادري ارووح لمستشفى والي فيهاا فيهاا ..


ولا اتوكل على الله واخليها لين ما يجي الطلق الطبيعي ..

والله ما اعرف شسوي ..

انصحوووووووووووووووووووووني

بنـــات أنـا الحيـــن في الاسبـوع السابـــع والثلاثيـــن ....

وفي المستشفـــى يعطونــــي كل مــرة تاريخ مـرة 15/8
مرة 22/8 مرة 23/8 وآخر مرة قالولي 30/8
والله مسخــرة ... الحيـن ويش أســـوي قولولي وسبب كل هذا هو دورتي
كانت متلخبطـة شوي عندي يعني أنا حملت بعد ما تأخرت الدورة عني
شهرين وشي ... ولما كشفت طلعت حامل في الاسبوع الأول

مرحبا بكل الحوامل

مبروك لكل من ولدت وعقبالنا يا رب
انا الحينه في الاسبوع 39 وما في اي بوادر ولاده والدكتورة طمنتني قالت بعدج يعني عادي والمستشفى عطيني موعد الولاده تاريخ 3 شهر 8 وقالت ادا يا اليوم وما ولدتي اشربي زيت خروع في كوب عصير ونامي وتسبحي وبيجيكي الوجع
بس انا خايفه من زيت الخروع
لان كل من جربه قال توبه اشربه مرة ثانيه
شو رايكم اخليها طبيعي احسن

ليش اذا زيت الخروع يسوي مفعوووول ويجيب الوجع بشربه دخيلكن بنااااااات قولولي ..

ها كروشات وصامدات الشهر التاسع شلونكم

عاد بخصوص زيت الخروع مادري عنه صراحة بس عن تجربة انا كل ما شربت دارسين ويا حليب دافي العوار ما ينومني طول الليل

اليوم انا كنت طول اليوم بالمستشفى انا تميت اليوم 40 اسبوع وفيني عوار طلق خفيف يجي ويروح كل ربع ساعة او نص ساعة هذا بلش وياي اليوم بس غير منتظم سوولي تخطيط قالت الطبيبة مافي بوادر ولادة ممكن طلق كاذب روحي البيت وحاولي تكثرين المشي بس وربي انا ماعدت قادرة ابي اولد مو قادرة اغفى اكثر من ربع ساعة ياربي خلاص بموت والله حرام قتلها ابي طلق اصطناعي قالتلي ماقدر اعطيج طلق اصطناعي قبل تاريخ 6/8 ياربي مادري شهالعذاب

يالله ربي يسهلها على الجميع

ربي يسعدكم جميعا بشوفت البيبيهات يارب وترتاحوون انشالله ويرزق كل محرووم امين يارب العالمين

الله يسهلهـــا علينـــا ياااااااارب

:

سلام حوامل شخباركم ؟؟

انا حامل في الشهر التاسع الاسبوع 38

احس البيبي مووقته يطلع وساعات اتهوس عليه لانه كل يوم اقعد احس بطني شكل ثاني

وصاير ينزل علي ماي خفيف لما قلت للدكتورة قالت هذا موماي الجاهل لانه الماي الامينوسي
ينزل بكثرة ويسبح حتى رجايلي
وهاليومين ينزل علي شي لزج ابيض مخوضر ؟؟!! عادي تقولون؟ اللي عندها خبرة تعلمني
لاني بكرية وماعرف شي!!

ربي يسهل ع الجميع ..نسالكم الدعاء

:
:

أم قاسم

مو شرط الماي ينزل بكثره ،، انا نزل علي شوي

والدكتورة قالتلي اذا نزل عليج ماي او شي لزج ع طول اتصلي

فيني ،، غريبه دكتورتج قالتلج هالكلام

أنا ف البداية جي كنت أتوقع بس أمي قالت ان هي كان الماي

شوي ينزل عليها و أنا مثلها حتى اختي ،، مو شرط كل الحريم

ينزل عليهم ماي وايد،، روحي عند دكتورة ثانية أحسن

وهاليومين ينزل علي شي لزج ابيض مخوضر ؟؟!! عادي تقولون؟ اللي عندها خبرة تعلمني
لاني بكرية وماعرف شي!!

أم قاسم
هذا اللي ينزل معاك اللزج الأبيض سدادة الرحم يعني ولادتك قريبة بأذن الله
أنا في حملي اللي قبل هذا نزل معاي السائل اللزج لمدة يومين تقريباً نزل ثلاث مرات وبعد ماخلصت سدادة الرحم...
انفجر كيس الماي بالبيت وعلى طول رحت المستشفى وبعدها بكم ساعة ولدت .....

يعني هذي علامااااااااات ولادة الله يسهل علينا وعليك وعلى كل حاااامل
ياااااااااااااااااااااااااااااااااااااارب

بناااات ادعولي ان الله يسهلهاا عليه ..


انا اليوم نزل عليه شويه مااي ..مو وااايد ..بس يعني ..


وان شا الله انهاا علامات الولاده ..

اللهم اني اسئلك حسن الخلق وهون الطلق ..


ادعووووووووووووووووووووووولي والي يسلمكن ..

الله يسهل عليكم ان شاء الله

و تولدون بسلامة يا رب

عروس جنان;4096201:
بنـــات أنـا الحيـــن في الاسبـوع السابـــع والثلاثيـــن ....

وفي المستشفـــى يعطونــــي كل مــرة تاريخ مـرة 15/8
مرة 22/8 مرة 23/8 وآخر مرة قالولي 30/8
والله مسخــرة ... الحيـن ويش أســـوي قولولي وسبب كل هذا هو دورتي
كانت متلخبطـة شوي عندي يعني أنا حملت بعد ما تأخرت الدورة عني
شهرين وشي ... ولما كشفت طلعت حامل في الاسبوع الأول

الله يسهل عليكي يا رب و تولدين بالسلامة

والله انا مثلك بالضبط والله كريم

كل يوم تاريخ ولادة جديد مرة 18/8 و مره 25/8 و مره 30/8

و لنفس السبب

nada14

يالله هانت يا الغاليه انشاء الله تتسهل امورك يا رب

و تولدين بالسلامة

شماامي

هلا والله والله يسهل لك يا الغاليه

ام يوسف

يالله هانت وانشاء الله بالسلامة يا الغاليه

ام قاسم

طير السلام

يا رب يقومك بالسلامة و يسهل عليكم انشاء الله

شمامي عسى ربي يقومج بالسلامة امين يارب العالمين وترتاحين يارب من هالتعب كلنا عاد حاسيين ببعض الله يهونها عليج يارب ويهون عليج الطلق قولو امين

هنوف يارب الله يقومنا بالسلامة اجمعين يارب

ام قاسم عاد انا بعد من امس لليوم في شي لزج لونة اصفر او اخضر فاتح ينزل علي واييييييييييد مادري شنو هذا مع بعض العوار اللي يجي ويروح عاد ما مادري شنو معنى هذا الشي عاد انا بعد بكرية نفسج وخايفة وايد كل ما دشيت الحمام الله يعزكم لقيت كمية كبيرة من الشي اللزج نازل مني بس مافي اي دم فيه انا اللي عرفته اذا انه مخلوط ويا دم يعني ولادة بس انا مو مخلوط ويا دم بس كميته كبيرة ... الله يستر

ادعولي بنات الله يهونها علي عسى ربي يهونها عليكم جميعا يارب

اوكيدة كويتية وينج يا حبي انشالله تكونين ولدتي يارب وارتاح قلبج يارب انشالله تقر عينج بشوفت النونو يارب فديتج :)

صباح الخير بنات

وينكم من البارحة مافي احد

خير انشاء الله

يارب تسهلت اموركم

وانشاء الله الى كمل موعده ولد خلاص

هلا او يوسف حبيبتي دخلت عشانج والله ارد عليج انا صامده معاج

مثل ما انا ما في اي بوادر للولاده الحمدلله يارب الحمدلله وانا ان شاءالله متفائله خير ان ربي بيسهلها انا المفروض موعدي 18/7 واليوم 1/8 يعني عديت موعدي باسبوعين بالضبط الله كريم اهم شي سلامتي وسلامه النونو حطوا لي تحاميل بس ما انفتح الرحم عندي الله يسهلها علينا يارب ونولد طبيعي ونرتاح اميين

اوركيده الكويت

الله يسهل عليكي يا الغاليه

انشاء الله تولدي بالسلامة يا رب

مرحبا بنات
انا انضميت لحزبكم اخيرا من اسبوع
وولادتي ان شاء الله في 20 _8
علموني بنات اشلون اسويي القرفه يعني اشلون اشربها اخلطها مع ماي والا اشلون علمووني الله ييسر عليكم كلكم ان شاء الله
والحلبه اشلون اكلها <<عليميه سامحوها
والله ياارب ييسر لكم الولاده وتشوفون عيالكم وتستانسون يااااااااااااااااااااااااااااااااااارب