تجمع حوامل الشهر التاسع - فقط -

السلام عليكم جميعاً
شلوونكم مشتاقتلكم وااايد والله

سمعوا اللي صار فيني مادري شنو هالعذاب بس يالله الله كريم
يوم الثلاثاء اللي طاف كان عندي موعد بمستشفى خاص عشان السونار علماً بأن موعدي هو 23/7
الدكتورةسوتلي سونار لمدة نص ساعة تقريبا ادور حركة البيبي وانا اصلا كنت طول هاليوم مو ماكله شي نهائي عشان جذي يمكن ماكان يتحرك بس انا ناسية يوم قالتلي الطبيبة انه ما يتحرك جنيت قالتلي لازم نسويلج تخطيط روحي غرفة التهطيط وانشالله خير، سويت تخطيط لمدة نص ساعة وانا بالتخطيط والا في عوار بظهري وبطني واختي وياي بغرفة التخطيط وزوجي واقولهم لا مابي اولد اليوم وانا اتغشمر اصلا يعني العوار ماكان قوي
المهم الطبيبة شافت التخطيط قالتلي ترى انتي فيج بالتخطيط مبين انه طلق قتلها طلق شلون يعني وطبعا الدموع جت بعيني قالتلي تعالي لازم اكشف عليج كشف سريري طبعاً انا ولا مرة كشفت من تحت من اول حملي قتلها لازم يعني قالت ضروري دخلت غرفة الفحص والا تفحص وتقولي ترى انتي ولادة لاون تدخلين غرفة الولادة الحين انتي مفتوحة 3 سم والا قمت ابجي نفس اليهال واقولخها مابي اولد لا مابي الحين مابي وابجي والا تهديني وتقولي ذكري الله وين زوجج ناديه والا دخل زوجي قالتله لازم تدخل ولادة الحين مفتوحة 3 سم وانا ميته بجي المهم قالتلي ذكري الله وتوكلي على رب العالمين

قلت ما راح اولد بالخاص لا،ه بصراحة غالي علي مو بمقدرتي فا رحت البيت بدلت ملابسي لاني كنت كاشخة على اساس اني اطلع اتعشى ويا زوجي بعد السونار وهالحجي كان الساعة 2 الفجر طبعا رديت البيت بدلت وخذيت شنطة البيبي وكل مستلزماتي ورحت المستشفى استقبلوني والا الطبيبة قالت لازم اكشف عليج قلت ياربي مرة ثانية يعني عاد الكشف عوااااااااااار قالتلي شوي شوي ماراح أذيج والا تكشف وتقولي فعلا انت يولادة 3 سم والا لبسوني ملابس العمليات وغطو راسي وحطوني على كرسي ودخلوني غرفة الولادة وانا ميته بجي مو من العوار لا من الخوف واختي وياي وزوجي وامي المسكينة قلبها نار علي والا عطوني حقنة شرجية واااااااااااي تعور ودشت الحمام لمدة نص ساعة خلص ودخلت غرفة الولادة انطر اي عوار
صارت الساعه 5 الفجر مافي اي عوار والا الدكتورةقالت نوموها والا عطوني ابرة منوم نمت للساعة 12 الظهر هم مافيني اي عوار وامي وزوجي مساكين قاعدين برة ميتين عشاني والا الطبيبة فحصتني لقيتني هم 3 سم مافي تغيير طبعاً من كثرة الفحص اللي فحصوني والا انا قمت انزل دم عوروني من الفحص بالاخير الطبيبة قالت انقلوها غرفتها واذا جاها عوار ردوها غرفة الولادة واقعد بالغرفة مالتي والزيارات رايحة ورادة من الاطباء وكل من دخلت علي فحصتني من يوم الثلاثاء ليوم السبت وانا انفحص كل ساعتين ومجهزيني طول الوقت ثلاث مرات حقنة شرجية ليمن صار ويهي اصصصصصصصصصصفر ومابي اشوف اي احد من التعب غير ان نفسيتي صارت زفت لاني ليمن كنت بغرفة الولادة شفت جدامي ثلاث حالات ولادة طبيعية وصرخت ليمن مت كأني انا اللي ولدت ثلاث مرات ويعطوني مهدئات عشان ارتاح بالاخير قلت لزوجي طلعني من هني انا راح اموت مو قادرة تكفى طلعني ابي ارد البيت
والا زوجي ما تحمل مسكين دموعي قالي راح اخذج غصب راح كلم الطبيب قاله صعب تطلع مفتوحة 3 سم اي وقت ولادة قاله راح تطلع يعني بتطلع قاله على مسئوليتك الشخصية قاله موافق وصج خذاني زوجي على مسئوليته وطلعت ونمت امس بالبيت بسريري وانا مرتاحة ومافيني اي عوار ولا اي افرازات حتى الدم من رديت البيت وتسبحت وقف وماعاد ينزل مني دم نهائي بس في عوار مال الدورة خفيف يجي ويروح وكاني قاعدة ويا زوجي رافعين حالة الطوارئ القسوى ان في ولادة بأي وقت والله يستر ادعولي بنات عاد تعذبت الاسبوع اللي طاف بالمستشفى بالفحوصات وبالتحاليل والابر والابر الشرجية ادعولي لا تبخلون علي الله يرضى عليكم انا تبعت لدرجة اني ما ابي اولد من الخوف والرعب اللي شفته اللي لا يورية لأي اي يارب

طولت عليكم اسفة بس حبيت اني افيدكم باللي صارلي
لا تسوون نفسي اي عوار خفيف تروحون مستشفى او ان اي شي معناتاه ولادة لا كاني انا حاليا مفتوحة 3 سم وماكو ولادة والله يسهل على كل الحوامل يارب ولا يشوفون اي عذاب

السلام عليكم

الله يسهل عليج يا ام يـــــــوسف

وتقومي بالسلامة
لاتتوترين ولاتخااااافين

هذي ولادة وعقب بتشوفين النونو

بس امشي وكلي حبات تمر

ومابقىشئ ع موعدج

ويوم بتحسين بطلق

لاتخافي وانسي كل وحدة شفتيها
لانج انتي مسؤولة ع الولادة وتشوفين البيبي

واذكري الله ولحظات واتعدي

وطمنيناعليج

الله يسهل عليكم

ترا في الالام تحسين فيها قبل الولادة
لانها تهيئ الجنين للخروووج


عسب جي تحسون الم وضغط
انا امر بهالمرحلة


بس ان شاءالله نولد كلنا ونرتاح

الله يسهل علينا جميعا

ونفرح بشوفت النونو


:)

امونةة;4044004:



غلا
الله يسهل عليج يارب
وهذا الي يسمونه الطلق الكاذب
ان شاء الله تتقرب ولادتج
يا الغالية

هلا حبيبتي يعني تتوقعين ولادتي قربت :yes: قولي هيه :yes:

لانه فيني افرازات بس لونها صفرة

وبطني يفورني ما عرف من شو ؟؟؟ يمكن من الضغط


طمنيني حبيبتي





شحالج الحمل ويااج ؟؟؟؟؟

غلا عمري ~شمامي ~ام يوسف الله يسهل علي وعليكم ويفرحنا بشوفة النونو بصحه وسلامه ......امونة شلونك يالغاليه شخبار المشي هاه ما في بوادر ولا علامات آلام افرازات ؟

الله يسهل عليكم جميعا

اختي ام يوسف انتي ارتاحي اليوم في لبيت بس لازم تروحي تطمني على البيبي كل يوم لأنه فيكي طلق مثل ما بين التخطيط

توكلي على الله و هو بيسهل عليكم


بنات الإفرازات البنيه المتعكره و الخفيفه - سوري على التعبير - بدون ألم او ألم خفيييييييف

هل هي من علامات الولاده

امونة جزاها الله خير قالتلي يمكن

مين تعرف حد صار معاه هالشي

الله يسهل عليج يا ام يوسف. وزين سويتي يوم طلعتي لانهم يلعبون في الوحدة لعب..

هلا حوامل شخباركم كلكم بدون ذكر اسماء :1_42:

هلا ام يوسف .. والله مع هالغيبة انا قلت المرة شكلها سوتها وولدت
بس طلعتي يا عمري تعانين واحنا ما ندري
يالله قربت شوفت الاحباب ... الله يسهل عليش يارب


غلا عمري شخبارك اليوم
ترى الطلق الكاذب مشكلة كل يوم اقول خلاص بولد ولا في اثر
الله يساعدنا

هلا الريم
ترى من اسبوعين قام ينزل مني دم مثل الدورة ... مو بس افرازات
في البداية مع الم خفيف جدا بعدين الالم راح
ويوم رحت الموعد قالت لي الدكتورة عادي هالاشياء تنزل في التاسع
وفي ناس يستمر عندهم كم يوم ويولدون ... وناس مثل حالي وقف الدم ولا ولدت :gum:


الله يسهل على الجميع

الله يسهل علييييييييييكم كلكم والله اتعب شي في الحمل الشهر التاسع لأن الوحده تكون قاعده على اعصااااابهاااااااا



ربي يوفقكم وتقومون بالسلااامه

هلا بكروشات التاسع

حبيت اطل عليكم واشوف شعوركم

بس يمه خوفتوني وفرحتوني في نفس الوقت

وقلت في نفسي متى اوصل لهم


الله يسهل عليكم ان شاء الله بولادة سهله وطفل معافي

الله يسهل عليكم و تولدون بسلامة باسرع وقت

السلالام عليكم كرووشات ..


اقول اليوم سرت لكم سيره ..بس شوو تعب ..


ترى انا بالعاده اسير قرابه الساعه ..

واليوم احس اني طولتهااا ..قلت خلالاص هاانت ..


وانا امشي شوي حااسه بوجع فظيع قطع بطني تقطيع ..قلت خلالالاص هذا وجع ولاده ..الحمدلله


بس خساااره بس وصلت البيت ..وقف

الحمدلله والشكر ..


يا الله يا بنااات ادعولي ان الله يفرجهاا عليه في هاليومين والله محتااااااااااااااااااااجه دعوااتكن ..

هلا الكروشات

شحالكن اليوم


ام صلووووووووووحه شحالج وشو اخبار الحمل ويااااج والمشي ؟؟


كربلاء حبيبتي طمنيني عليج عسااااااااااااااااااااااج طيبه وشو اخر اخبار الحمل والمشي معاج ؟؟

شمامي هانت حبيبتي وان شاء تولدين بالسلامة ، شو نسوي بعد لازم نصبر صبرنا كل هالايام ما بنقدر نصبر كم يوم


امونة حبيبتي وينج طمنيني عليج شو الحمل وشو المشي معاج ؟؟؟


احلى شهد وينج الغاليه لا حس ولا خبر طمنيني عليج وعلى النونو ؟؟؟


ام المهند شو اخر اخبارها الصراحه وحشتنا سوالفهاااااااااا؟؟

ام عبادي وملوكي شو اخر الاخبار ؟؟؟

الشروووووووووق وينها مختفية ؟؟؟ّ!!!!!

ومنو بعد اخاف ناسيه حد

المهم


شحاالكن ...؟؟ طمنوني عليكن ؟؟؟؟؟؟؟؟








انا اخر اخباري

اني امس وانا راقده حسيت بشويه الام مع افرازات بس الالم كان خفيف


الحمدلله والنفسية احس عن قبل بواااااااااااااااايد


:)

ســـــــــــــــــــلام عليكم .........يــــــــــــــــــــــــــلا هانت وبنولد ......وليش خايفييييييين نحن اول واخر ناس نولد ....بس لو اتفكروووون في البيبي الي بييييكم ملاك اموووور .....الله يسهل علينا ......وكله خير ولد ولا بنت المهم صحته زينة

:سلاااااااااااااام يابنات... شخباركم..

غرووب وامونة وام عبادي شخباركم... وكل المشاركات في هالموضوع يارب تكونو بخير...

بقول لكم عن ولادتي وشلون تعذبت.. طبعا بسبب الضغط والسكر كان لازم يحطون لي طلق صناعي في الاسبوع 38.. وفعلا حطوا لي تحميلتين شفت الويل لما حطوهم. بس ماجاني الم ورخصت روحي اليوم الثاني.. ومن بعدها مثل ماتعرفون ماررحت اتابع اي مكان.. قلت بخليها على الله متى ماجاني الطلق بروح.. وماجاني.. طفت موعدي ب 4 أيام.. بعدين فكرت اروح عيادة خاصة اتطمن على بنتي.. ورحت واول ما الدكتورة حطت الماوس على بطني قالت لي الماي كلش قليل والمشيمة ماتوصل الدم زين للمخ.. وعلى طول قالت بطلب لك الاسعف وعلى طول طلق صناعي.. انا هني مت من الخوف وقعدت اصيح:cry:

المهم رفضت الاسعاف ورحت مع زوجي الطوارئ وكشفوا علي لقوا الماي فعلا ناااقص.. وقالت لي الدكتورة تنويم وبكرى الصبح طلق صناعي.. كان الوقت بالليل وانا برووح البيت بخذ اغراضي واتحمم.. وقعت على مسؤليتي ورحت البيت على ان ارجع اليوم الثاني.. ورحت اليوم الثاني .. كان يوم جمعة والاستشاريين ما يدامون .. بس الدكاترة العاديين.. لامهم حطوا لي طلق الساعة 10 الصبح ومت من الالم..المفروض يلقون طريقة ثانية غير اليد يخلون التحميلة فيها.. كانت عني الام بسيطة مثل الدورة بس خفيفة.. مرت 6 ساعات.. وما صارشي.. جى وقت الزيارة.. ومن دخلوا عي امي وزوجي الغرفة... جت دكتورة ولادة.. وخلت اهلي ينتظرون برع الغرفة.. وقالت لي شوفي يا سوسو انا بحط لك تحميلة ثانية وبوسعك بيدي.. بساعدك وباذن الله مايجي الفجر الا وانتي والدة.. هذا الكلام كان الساعة 5 العصر..اقول كم حطت التحميلة وحركت ايدها فيني وانا صرخت صرخات اللي في لجناح كلهم سمعوني... وقعدت اصيح من الالم.. حاوت تهديني لكن مافدرت.. قعدت اصيح مثل الطفل.. دخل زوجي وهو مخترع من صراخي على باله ولدت ههههه:eek2: وقعدت امي تهدي فيني.. وانا ادري ان ما بيجيني طلق وبنتي في خطر.. وبالليل بديت احس بطلوق خفيفة بس تألم.. كان يجيني الالم كل نص ساعة.. بعدين كل ربع ساعة.. خفت وقلت خلاص هذي ولادة.. ظليت طول الليل وانا اصيح من الالم.. والصبح جات الدكتورة وشافت التخطيط تقول هذا مو طلق ولادة.. والشيخة تبي تح لي تحميلة ثالثة.. انا هني سويت نفس حركة المرة اللي فاتت ورفضت ..قالت لي في ناس يجيهم الم مع التحميلة الثالثة والا الرابعة وناس السادسة.. صرخت عليها قلت لها انا مو لعبة رايحين جايين تحطون لي تحميلات... وطبعا هي ماتقدر تحط لي الا برضاي.. قلت لها سووا ي عملية بنتي تعبانة وحركتها قلت كثيير. قالت لي صبري الين بكرى تجي الاستشارية وتقرر لك عملية او لا..

وكل هالوقت كانت تجيني الام تخليني اعض ايدي واتيبس مكاني من العوار.. وبعد مو طلق.. ولما سألت السستر. قالت لي الالم هذا لان الدكتورة امس وسعتك بيدها 3 سم.. تخيلو الظلم شلون.. 3 سم باليد.. وااااااااااااااي مابي اتذكر.. وهاليوم تهاوشت مع زوجي لان قعد يعاتبني ليش ماخليت التحميلة الثالثة.. اكيد لان موحاس ابد بالم ولاشي.. ينتظر بنته تشرف وبس..

المهم اليوم الثني جتني الاستشارية واخييييرا..وزفتني . . تقول اللي صار في البيبي لان فيني ضغط وسكر... ولاني ماراجعت احد طول اسبوعين..المهم قررت اني حالة طارئة واحتاج لعملية.. وقالت لي لا تاكلين شي واول ماتفضى غرفة العمليات بيدخلوني.. انا هني ارتحت شوي لان بشوف بنتي اليوم وبتطمن عليها.. وبنفس الوقت جتني رهبة من العملية ومن التخدير.. لان اول مرة اسوي عملية.. بعدين جهزوني للعملية بعد ساعتين.. حطوا علي سيلان.. ومن الخوف ابرة السيلان صيحتني.. وزوجي ميت من الخوف وقاعد يقرى علي قران.. وكانوا حاطين التخطيط ..مرة وحدة نزل نبض البيبي لي 60.. ركض زوجي للسسترات بسرعة.. وماتوا من الخوف.. بالخير طلعت بنتي غيرت مكانها..شيطونة من وهي في بطني الله يحفظها..

الساعة 4 حطوني على السرير وودوني لغرفة العمليات.. وهم يمشون فيني بسرعة جتني الصيحة.. تذكرت المسلسلات لما يدخلون الحالات الطارئة العمليات.. المهم وصيت زوجي على بنتي اذا صار فيني شي.. ودخلت غرفة التجهيز.. والشي اللي تضايقت منه حيل هو اللولب اللي يحطونه في فتحة البول الله يكرمكم.. والله انه يألم.. بعدين جاني دكتور التخدير يهذر علي يقول عن الفرق بين البنج النصفي والكامل... وبروحه قرر لي النصفي مع اني كنت ابي الكامل.. ورضخت له.. واااااااااااه من البنج النصفي... ضربني الابرة وانا قاعدة وكنت طول الوقت ارجف واصيح والممرضات يهدوون فيني..وكلها ثواني ونملت رجولي لي بطني وحسيت نصف جسمي دااااااااااافي.. وحطوا حاجز وبدوا الشغل. وانا ولادارية بشي.. ودكتور التخدير قاعد ويسولف معاي يبي يلهيني.. وكلها ربع ساعة وسمعت صوت حبيبتي نووور... وجابوها لي وبستها على خدها وودوها.. وبعدها بنص ساعة خلصوا مني.. بعدين ودوني الاننعاش.. وبعد ساعة طلعوني من العمليات للجناح..وانا يمشون فيني بالسرير .كنت بس ابي اشوف حد من اهلي عشان اصيح.. ومن شفت وجه امي وزوجي على طول بديت المناحة.. واصعب شي كان اني اتحرك وانام على سرير الغرفة.. وكل هذا كوم ولما يروح لبنج كوم.. على طول طقوني ابرة وحطوا لي تحميلة.. وخف الالم كثير..

مللتكم..ادري.. بس بصراحة اول تجربة ولادة وعملية.. الالم خف عندي كثييير في اليوم العاشر من العملية بس ان جاني التهاب بسيط في الجرح..والحمدلله على كل حاال.. بس الحين لما اتذكر التفاصيل اشوف انها كانت تجربة ممتعة خاصة ان ثمرتها كانت احلى بنوتةفي الدنيا..

ادعو لي بالشفاء التام والهداية لبنتي اللي مجننتني لانها ماتنام.. وسلامتكم..

الحمد لله على سلامتك يا سوسو و الله قصتك حزنتني علكي

طيب يعني الواحد مهم انه دايما يتابع مع الدكاتره في الشهر التاسع ؟؟؟؟

الله يسهل

الحمد لله على سلامتك و سلامة البنوته

الله يحفظها لكم و يحفظكم لها

غلا عمري ان شاء الله قربت

كثري الدارسين- القرفه - و توكلي على الله

كيفكم حوامل وخبار البيبيهات غلا عمري مشكوره على السؤال والمشي انسي ماراح امشي الولاده ؟؟؟؟؟؟ قيصريه

الحمد لله على سلامتك سوسو والله يحفظ نوور واتشوفيها عروسه