تجمع حوامل الشهرين 7 - 8

[FRAME="15 60"]خواتي الحوامل العزيزات

مبروك عليكن الشهر للجميع

و تقبل الله منا و منكم اجمعين

شموع خافته و متلثمه بشماغ عدول مشكورين على المعايدة و الله يتمم ولادتكم على خير و تفرحون ان شاء الله


انا الحمدلله كملت شهر رمضان كامل لاول مره في حياتي صح انه فيه ثقل و ارهاق بس الحمدلله عدنا على خير

و للحين ما جهزت نفسي لاستقبال البيبي مع انه اول بيبي بس شو اسوي غير انتظر؟؟
انا احين في اسبوعي الثاني من شهري الثامن و بديت انتظم في اكلي و شربي لانه عندي سكر حمل.. و عندي موعد في المستشفى اخر هذا الشهر...
انا اراجع في مستشفى الوصل في دبي و كل يوم اسمع حريم اخوان زوجي و خالاتي يتكلمون انه صار مستشفى مب اوكي للولاده.. لانهم يهلكون الحرمه لما تيجي تولد عندهم .. و غرفهم فضيعه لا تلفزيون ولا ثلاجات ولا حتى الله يكرمكم خدمة تنظيف زينه.. هذا اللي جاري في هذي الاشهر.. انا والله كل يوم ادعي و اقول الله يعدي ولادتي على خير و ما اشوف شي من اللي يقولونه لي عن هذا المستشفى لان الصراحه فات على قطار نقل الملف من هذا المستشفى..

همم شو بعد..!
اوه صح ما قلتلكم اشتريت شي بسيط جدا حق البيبي و قريب بفصل جلابيات دانتيل حق المستشفى و نصيحه اذا تبون جلابيه استقبال روعه و جاهزه عندكم محل في الغرير اسمه لوجين للملابس الداخليه في عندهم اشيااااء وايد حلوه والوان هاديه حتى الفلبينيات اللي في المحل فاهمات و عارفين ذوقنا و اسعارهم بين ال 500 و 1000 يعني يناسب الكل..
اتمنى اني ما طولت عليكم بس شو اسوي ما عندي حد اكلمه غيركم لانكم فاهميني وحاسين بكل وحده في هذا التجمع لا تبخلون بالردود و ساعدوا البنات اللي في التجمع ترا في ناس مثلي و مثلكم محتاجين دعم و خبره من غيرنا..[/FRAME]

ختى الله يتمم عليك ويقومك بالسلامه ويخلى لك البيبي وتقر عينك فيه ويجعله قدوم خير عليكم وانا مثلك عندى سكر ومتعبنى دايم مرتفع مع انى محتميه وهذا اول حمل لى يكمل الشهر السابع لانى سقطت اربع مرات اكبر واحد 5شهور والحين مسويه ربط وتعبانه ماتحرك من السرير ولاجهزت ولاشي لالى ولاللبيبي بس اهم شي عندى انه يجى طيب ومتعافى يارب

الله يساعدكم يارب ويساعدني ويخفف عني وعنكم انا يومين واخش الثامن ودا اول حمل ليا وانا مرعوبه وبالاخص اني بغربه مع زوجي بفكر اخد ابره الظهر وبحاول اقنع نفسي ان ان شاء الله هستحمل الالم ادعولي بالله

هلا وغلا فيكم امهات ان شاء الله تكونون بخير

انا الحين بالسابع ودوم احس بالثقل ومااقدر امشي كثير لاني بسرعة اتعب الله يسهل علينا جميعا

السلام عليكم
شو الاخبار توني من كم يوم دخلت السابع
وهذا اول حمل لي وعندي موعد ابره عشان دمي سالب

مرحبا بالجميع
والله يسهل علي وعليكم الحمل والولادة
انا في الاسبوع الثالث من الشهر السابع والله يهون علي
كان الحمل متعبني بس الحين تعبانة من الربو ونسيت الحمل
بس وقت النوم الله لا يوريكم الالم اللي احس فيه بالورك يمكن ثقل البيبي
واذا جيت اقلب علشان اريح لازم اصحي من النوم واقلب
بس الله يعوضنا خير ان شاء الله

اختى ليمونه االله يهون عليك ويسر لك ولنا يارب ونقوم بالسلامه

ياعمري الله يسهل لنا جميع يارب انا اللحين الحمد لله بالاسبوع الثاني من الشهر الثامن رابع حمل لي بعد اجهاضات
وربي يكون معي ومعكم ان شاء الله ويسهل ولاداتنا يارب
DXB الله يتمم لك يالغالية اذا ما يمدحون بالمستشفى حاولي تغيرينها واذا فات الفوت على قولتك بنقل الملف عليك بالدعاء ياقلبي وربي يسهل لك الزمان والمكان وبنات الحلال
<<<<<< دعوة مامتها هههههههههه فديتها الله يخليها لي يارب
متلثمة بشماغ عدول الله يتمم لك عيوني وجعلك ما تحسي بالغربة يالغلا ويجي البيبي ويملي حياتك ان شاء الله وانتبهي لنفسك لا تتحركي كثير عشان الربط وربي معك ان شاء الله
ريدليبز الله يسهل لك ان شاء الله وما تحسي بالغربة انا مالي خلفية بابرة الظهر لكن انصحك ما تخذينها الا اذا الدكتورة قالت لك بعدين كل دقايق نتحمل الالم ونشوف اطفالنا معافين مشافين ننسى كل شيء تعبنا نصيحتي لك لا تفكري بالابرة
بلوسومس الله يتمم لك يالغلا وماتشوفي شر ربي يسهلها انتبهي لنفسك ولا تتعبي كثير عارفة احيانا ماشاء الله بنزلة وحدة تنتهي من التجهيزات
فوفو مي الله يسهل لك ان شاء الله وانتبهي على نفسك ولا تنسي هذي الابر ومواعيدها ولا تخافي ان شاء الله تقومي بسلامة انتي والبيبي بصحة وعافية
ليمونة اي والله يالغالية معااااااااااااااااانة في النوم والتقليب الله يكتب اجرنا يارب ويسهل لك ويبعد عنك الربو وييسر امورك ان شاء الله
دعووووووووووووووووووووووواتكم يابنات لي ربي يقومني انا والبيبي بصحة وعافية :21_207::21_207:

شموع خافته الله يسهل لج ويقومج انتي والبيبي بالسلامه ان شاء الله
كم عاطينج موعد الولادة ؟

يارب يالغلا ان شاء الله اخر موعد 7/12/2007 الله يتمم لي ولك ولكل حامل يارب على خير

مرحبا انا جديدة على هالقسم وزمان كتير ما شاركت في المنتدى
بس حبيت اشارك معاكم لانو انا حاليا باخر الشهر التامن وهدا حملي الاول يعني انا بدخل الشهر التاسع ب 20/10
وما مصدقة متى اولد لدرجة انو اول اشي بعمله من الصبح هو انو اشطب يوم من الروزنامة من شان اوهم حالي انو الايام بتمشي بسرعة.

ادعولي و الله يتمم على خير للجميع

الغالية شموع خافتة ولايهمك ان شاء الله راح انتبه لنفسي

وان شاء الله يسهل علينا جميعا

مرامي هلا فيك وحياك بينا الله يسهل عليك يارب ويتمم لك بخير

[FRAME="13 70"]السلام علكيم ياحبوبات كيبفكم

رجعت بعد غياب دام شهر وشوية :)

أنا الحين في الاسبوع الـ 33 والحمدلله

:9_33:

لما كنت في بداية السابع كنت أعاني من النعاس الشديد مثل ما ذكرت لكم سابقا

والربو :(

الحين والحمدلله أختوا عني هذه المشكلتين

ولكن أعاني من مشاكل جديدة

:sm215:

ياريت لو تفيدوني

:cry:

وخاصة هذا أول حمل لي

:o:1_8:

ويا أهل الخبرة أفيدوني أرجوكم

:groupwave:

انا اعاني ألام شديدة جدا جدا في منطقة الحوض

وصار عندي نوع من الاكتئاب

كثير من الاحيان أبكي وحدي بدون سبب

:cry:

وهذا الاكئتاب جاني في بداية الحمل

والحين مرة ثانية

حتى ما لي نفس اني أطلع ابدا

أرجوكم أفيدوني حتى أتخلص من الاكتئاب

الحمد لله انا أصلي واقراء القرآن وموضبه عليه

وأسمع محاضرات جميلة حتى يقشعر البد

ولكن الاكتئاب ملازمني

لدرجة فعلا اني أبكي كثير لما أكون وحدي

ومالي نفس أبدا اني اطلع من البيت

حتى أروح بيت أمي ما لي نفس

ساعدوني تكفون

:1_81::1_81::1_81::1_81:[/FRAME]

هلا اختي الايثار

اخطر شي في الاكتئاب انج تجلسين لوحدك لازم تتطلعين وتروحين وتجين على الاقل في السيارة

ولازم تتكلمين مع زوجك وتصارحينه عن اللي مضايقك صدقيني راح تخفين وتصيرين زينه

وهو امر طبيعي في الحمل بسبب تغير الهرمونات

وخليك مواضبة على قراءة (سورة الم نشرح لك صدرك )تراها تشرح الصدر

واهم شي في الموضوع كله انك ماتحسسين نفسك انك متضايقة ومكتئبة لان كذا حالتك تزيد

طلعي وقابلي الناس حتى لو مالك نفس

انا فاهمتك وعارفة كيف يكون الوضع صعب بس حاولي تساعدين نفسك بنفسك لان مهما كانوا اهلك وزوجك مساندينك

مااحد عارف حجم الوضع وصعوبته غيرك

اتمنى اني ساعدتك شوي وان شاء الله الله يفرج ضيقتك

هلا والله بالايثار سلامتك ما تشوفي شر يارب يسعدك بلوسوم كفيتي ووفيتي اهم شيء يا الايثار لا تجلسي لحالك وتوكلي على الله وانتبهي ترى النفسية هذي تاثر على البيبي واكيد دام اول حمل لك تخافي عليه استعيني بالله واستغفري كثير واطلعي وروحي وجهزي اغراض البيبي واذا جهزتيها كل شوي افتحيها وناظري فيها راح تحسي بشغف له وتنسين ان شاء الله هالاكتئاب الله معاكي ويسهل امرك ويقومك بسلامة يارب يالله مابقى لنا شيء ان شاء الله انتي مثلي بالاسبوع 33 ربي معانا ان شاء الله ويسهل لي ولك ولكل حامل يارب ويرزقنا بالذرية الصالحة المشافى يارب

[FRAME="13 70"]السلام عليكم

الأخت Blossoms وشموع خافتة

كثيييير أشكركم على ردكم علي

وان شاء الله راح انفذ وصيتكم بقدر المستطاع

لانه فعلا أنا تعبانه نفسيا كثيييير

وفعلا كثيييير خايفة من الوضع والولادة

والولد كيف يطلع

هل أقدر أربه مثل ما أتمنى

ويكون ذات أخلاق عالية ودين وأدب

أناكثييير خايفة عليه وخاصة عصرنا هذا ما فيه أمان

والأجيال الله يكون في عونهم

اتمنى أربي ولدي احسن في تربيته

بس دعواتكم لي

أشكركم [/FRAME]

لا تخافين ان شاء الله راح تقدرين تربينه احسن تربية وتشوفينه معرس ان شاء الله

مرحبا بنات أنا جديده معاكم في هالتجمع لأني في أول أسبوع من السابع يعني في الأسبوع 28 وحاسة بتعب وضيق في التنفس لدرجة أحس نفسي روحي بتطلع مني والوقوف ما أقدر أوقف لمدة 10 دقايق من دون ما اتحرك على طول أتعب ويضيق نفسي. الله يسهل علينا

اختي ريحانه حياك الله بين اخواتك وربي يسهل علينا وعليك والله انا نفس الحاله وثقل من اسفل وكثرة تردد على الحمام وانتى بكرامه بس كله ان شالله بااجره

مرحبا حوامل

شخباركم ان شاء الله بخير و سهاله..

انا احين في اسبوعي 34 يعني ما بقى لي غير هذا الاسبوع و ادخل التاسع ..

ادعوا للجميع ان يسهل امرهم و يفرج همهم...

هذا اول حمل لي وانا للحين ما جهزت نفسي ولا البيبي بس ان شاء الله قريب ..

اما لموعد المستشفى كل يوووم اتمنى ان الوقت يمر بسرعه عشان اولد لاني احس بثقل بين ريولي.. الله يعين

النوم صار خفيف شوي,, حتى زوجي صارله اسبوع ما ينام معاي على الفراش يخاف مني مادري شو مخوفنه.. خخخخخ

و ان شاء الله قريب بنتقل لتجمع الشهر التاسع... الله يحفظ الجميع

اختكم ليلي دبي