كيــف أعود زوجــــي يعطينــي مصروف شهري؟!!

حبيبتي
زوج اختج ماله دوى خخخخخخخخخخ
لنه الريال اذا ما عطى زوجته منه ومن نفسه قولي خلاص معناته انه ما يبي يعطيها
او مايبي يخصص لها مصروف اتصرف به بروحها بدون علمه او تاخذ شي من غير رضاه
يعني ما هما تسوي وتحن بيعطيها شهر وعشره لا
بس قوليلها ما لها الا الصبر والدعاء ان الله يفرجها عليها ويصير زوجها كريم اكرم من حاتم الطائي
وماتقول تبي شي الا جاب لها
واسمحي لني كنت صريحه
بس هذي الصج واللي لازم تعرفينه
وتحياتي

تعطيه رقم حسابها في البنك وتخليه يحول لها شهريا مبلغ ..

حبيبتي الرجال اذا تعود ماايصرف خلااص انسي يغير عادته وهذي سبع سنين يعني عمر اتوقع يبيلها معجزه وينها الفتره اللي راحت ليش سكتت ورضت الحين هو تعود ان مالها صوت وماعندها اعتراض والحين هو باعتقاده ان اختك مالها حق اطالبه بشي

يصراحه .. ما ادري كيف .. بس احسها صعبه ..

انا مخطوبه ولا عندي وضيفه .. وشايله هم هالموضوع ..
ما ادري كيف اخليه يعطيني مصروف شهري ..؟؟

حبيبتى بصراحه مشكله صعبه الله يعين اختك عليها :sad: بس هى اللى عودته على كده وبصراحه الرجاله مابيصدقوا

بصى حبيبتى هى تحاول تعمل ميزانيه بسيطه للاحتياجات اللى هتحتاجها طول الشهر

وتقول لزوجها عليها ده المفروض انه يحصل :ok: بس تكلمه براحه وبهدوء مش بعصبيه


وتحاول تفهمه براحه ان الزواج شركه بين الانتين وانها مقصرتش السنين اللى فاتوا فى حاجه :sad:

بس هى محتاجه منه على الاقل مصروف وهى تدبر حالها بيه :sad:


وانا شايفه حبيبتى انا فعلا مشكله

حاولى تنزليها بركن القضايا وان شاءالله هتلاقى حلول

وربنا يهديه يارب

مشكورات حبيباتي


بس عن جد ياليت أحد مر بهذا الشي
وتقدر تفيدنا كيف غيرت زوجها


أكيد مافيه أحد بيبقى على حاله
بس شنو الطريقه إللي تقدر تغيره فيها



دمتم بود

اذا كان الزوج طيب وما مقصرفيها بس لوبخيل الله يعينها
بمعنى في منافذ ممكن تدخل فيها
عسب تطلب مصروفها

اوتجرب مرة تقول انا اتسلفت من جارتي اوربيعتي كذا المبلغ

لاني احتجتهم
وابي اردهم واذا سال لشواحتجتي له يعني مشتريةلك هدية وتكون عندها هدية محترمة وباقةورد
كبدايةاتشوف هل هو من النوع الي يتاثر واذاقال ما يستاهل كل هالمبلغ تقول له والله الدنيا غلت وانت ما تييب هالسوالف عسب تعرف وشغلات حريم يعرفوها وانت تستاهل ..المهم تتحمل الدفاجة

وبالتدريج تبينله انها محتاجة ماتقول عطني المصروف

تقول له ابى اشتري هالشئ
واذا ناقش تقول له يعني لا بتعطيني المصروف وبعدما ودك تشتري لي

بالتدريج...
دفعةوحدة صعب
اذاالرجل تعود خلاااااص

بس في اصناف من الرجااال اذا حزمتي عليه او زادت الطلبات بيحس عقبها

وخلها تساومه يعني يعطيها مثلا 400 او350 اوحسب مصروفها عندكم ما تنزل عن هالمبلغ

انا دائما اذكرزوجي واقول له ترا هالمصروف من الحكومة (ترا عندنا الحكومةتنزل للزوجة 500 درهم) ؟؟مب منك خخخخخخخخ
شو يقدر يقوووول عقب
ومرات اطلب واطلب ويوم يعصب اقول له كل هذا من مصروفي
اذا عطيتني ما بصدعك بس انت عاجبك جي

فاذا زوجهامن النوع الي يشتيري لها عيل تطلب منه بيشتري

ومثل ماقلت بالتدريج ترمسه انها تبىمصرف بايدها لايام الحاجة


والله يعينها

اذامايعطيهايجوزشرعا تاخذ من غير مايدري شرط ان تصرف الفلوس عليها وعلى عيالها بشي ينفع ومايكون حرام وشكرا:9_28:

زوجها وملزوم يصرف لها راتب او مصروف شهري

هذا حال كل المتزوجات

بس غلطتها عودته من الاول مايعطيها

تراه الرجال ماينعطى وجه في هالموضوع

وضحيله من اولها انه ملزوم يعطيك مصروف شهري

مالها الا تكلمه وتكون حازمه معاه

مايصير تقعد كل ماتحتاج تركض وراه عطني مصروف؟!!! صعبه وااايد

تقعد معاه وتكلمه بكل هدوء ةعقلانيه وحزم اذا رفض تدخل ابوها

الله يسهل امورها ويسخر لها زوجها

مثل ماقالو البنات هذا الطبع مايتغير بسهوله...اعوذبالله من البخل مرض...انا اعرف وحده صار لها 9 سنين وزوجها بخيل مايعطيها مصروف مثل اختج مايقصر عن عياله بالحاجات الاساسيه بس حق وناست عياله مره يعطي وعشره لا...قامت تجرب تقوله انا محتاجه فلوس وهو طبعا يقول لأ قالت له اذا ماراح تعطيني باخذ من ابوي...ماصدقها بس مره وبعد مره قامت تعيد هالحركه وتقوله ابوي عطاني مصرف ..ابوي شرالي كذا ..اختي شرت حق عيالي وجبات ....بعد فتره بدى يتضايق ويعطيها شوي شوي...الحين كل مره يزيد المبلغ ...والله يهديهم كلهم...موجني مصختها صارت قصه:o

خلها تقوله بالطييب اذا مانفع مالها غيير المحااكم

<<< شرانيه

ما شاء الله روووووووووووعة

والله يااختي اني عندي نفس المشكلةزوجي يصرف ويشتري ومو بخيل بس مايرضى ينطيني مصروف خاص بية وكومة حجيت ويا بهذا الموضوع بس يطنش هو يتوقع اذا صار عندي فلوس رح يفقد سيطرتة علية الله يكملهم بعقلهم

انا اقول اقعدي معاه وكلميه عن الموضوع بس لاتحسسينه انه لازم يعطيج غصبن عنه لانه راح يناحسج قوليله حبيبي انت ليش ماتعطيني فلوس معاشك مايكفي؟؟ وبعدين انا مرتك في ويهك الناس ان شافوني مالبس حلو وكل شي عندي قديم بيقولون ويييي اكيد ريلها مايعطيها افلوس وهاي مب حلوه بحقك يقلبي آنا مارضاها عليك

تقنعه بالطيب انها مو صغيره علشان كل اشوي تطلب منه

على الآقل لو شي بسيط كبدايه

يعني معقوله كللللللللللش ما يعطيها شي

طيب هل هو بخيل ؟؟

وهل كل شي تبيه يوفر لها من ملابس وغيره وطلعات ؟؟

ان كان ايوه فخلاص تستحمل

اما ان كان بخيل

يا اختي البخل ما له علاج ويكفي ان مذكور بالقرآن الكريم

وان كان البخل له علاج فهو بيد الشخص نفسه

مو بيد غيره لأن البخيل عادته انه يعاند الي ينصحونه

ربي يهديه ويسخره لها ان شاء الله

بالنسبه للبنات الي مخطوبات

المفروض ان يصرف الخاطب على خطيبته من الملكه ورايح

يعني لازم يعطيها على حسب قدرته ان يعطيها مصروف

ولو الوحده عودت زوجها او خطيبها من البدايه يسهل عليها تدبر امورها

بعدين لما تكون معه تحت سقف واحد

ويييييييييه ليكون انا يصير لي نفسها .. انا ماحب اطلب من خطيبي فلوس حتى لو محتاجه .. واذا هو سألني اقول له مابي ..


يا انه يعطيني من غير مايسألني او ماابي

الله يسهل عليها ..

صعبه الحين عقب 7 سنوات .. لان ها الشي بديهي المفروض انه لها راتب حتى لو كان 500 درهم .. الصراحه ماعندي اي فكره لحل الموضوع ..

اسمحيلي بس هي غلطانه من البدايه .. انها سكتت


الله يسهل عليها ..

خلها تطلب منه بس ماتتوقع يوافق لانها ماعودتته بس م الايام تحاول وهو بيشوف وين تصرف فلوسها واذا حسها قد المسؤولية بيعطيها..