حزن المفارق;3868606:السلام عليكم ورحمة الله وبركاته
عزيزتي.. استغفري ربك...أنتي انسانة عاقلة وفاهمة تقولين مليت من الدعاء ..مهما كان شعورك واحباطك لعدم استجابة الله لدعائك لا تخلين الشيطان يلعب عليك ويزين لك الملل والكلل..
واحسني الظن بالله ولا تخلين لليأس مجال أنه يتسرب لنفسك وأهم شي أنك لا تستبطئين الإجابة لأن الاستبطاء من أهم موانع القبول..
وعن تعطل أمورك لعل الخيرة فيما اختاره الله ويمكن اللي تتمنيه يتم لكنه مايرضيك فعليك بالصبر وإن شاء الله بيتم كل اللي ودك فيه على خير..
وإذا أنك حاسة نفسك تعبانة ومافيك حيل لشي اتركي كــــــل شي وارتاحي واسترخي وحاولي تنسين همومك وكل شي يكدر خاطرك لفترة بسيطة.. لأنك يمكن بالفترة الأخيرة ارهقتي نفسك كثير..
أسأل الله أن ييسر أمورك..
اه يا حزن المفارق
والله يختي الواحد فينا يحس عمره قو ي و يتم يضغط على نفسه ويبتسم ويجامل لين ما يطيح وما حد داري باللي عنده
يا رب الله يحلها لي من عنده واذا مالها حل يصبرني ويرضيني بقضاؤه لاني بالضبط مثل ما قلتي باتم اجامل واداري لين ما يصيبني انهيار عصبي لاني ما عدت اقدر اداري اكثر من جي
والله ما تعرفين شكثر الامور اللي معلقة تحدد مصيري وانا مب اول مرة اتعلق بالشي وما يستوي بالعكس بس هالمرة صدج تعبت ووصلت الامور حدها وسبحان الله انقلبت الاية فجاة وانقلبت على راسي والله المستعان
يا رب تساعدني وتحلها من عندك ولا تخلي حد يحس بضعفي غيرك يا رب
