الكركم والفازلين زاد السمـار عندي ...! 911 help me !!

p

pinky bride

عروس مشاركة

07-06-2007 | 12:36 AM

السلام عليكم ورحمة الله وبركاته

كيفكم بنــات عروس

بدخل في الموضوع على طول وبقولكم قصتي مع الفازلين والكركم

طول عمري اسمع من البنات فوايد خلطة الكركم مع الفازلين
وبصراحة ماكنت اهتم مرره ..بشرتي الحمدلله بيضاء وماكنت احس بسمار او سواد

الين ماقربت ملكتي "بعد اسبوعين" والزواج كمان قريب ..بعد شهرين

والحين بديت احتاس
عندي منطقة الركب فيها شوي سمار

قمت وسويت خلطة الكركم والفازلين بكمية متساوية من الاثنين
وللعلم تراني استخدمت كركم العطار اللي هو حق الجسم مب حق الاكل

يقول لي انه هو حق الخلطات ..وسمعت من بنت المنتدى بعد انه استخدم حق العطار

وسويت الخلطة

وماتدرون وش صار:sad:

سمرت ركبتي زياااااده حتى اختي لاحظت قالت لي اول احسن والله
بصراحة استخدمتها مرتين وكل مره اخليها ساعه واغسلها بعد كذا

ماادري خلطتي غلط ؟ولافيها شي ؟

هل استخدم كركم الاكل يعني؟
لان البنات مررره يمدحون في هالخلطة وودي تنفع معاي

بس مو ضااااابطة ابد:sad:

رجاءً بنوتات ساعدوني باللي يعرف اي شي واللي قد جربتها قبل كذا تقول لي وش صار معاها

وشكــــــــــراً لكم مقدمـاً

تحياتي لكمـ

غ

غزالة الحب

عروس مبدعة

07-06-2007 | 12:39 AM

اختي انا استعملتها ممتازة
استعمل كركم الاكل

وما اطول فيها بس 10 دقايق عشان ما اصبغ بلون اصفر

ونتايجها روعة من اول مرة

p

pinky bride

عروس مشاركة

07-06-2007 | 12:44 AM

حبيبتي غزالة الحب

مشكـورة وماقصرتي يالغالية ..

المشكلة اتخربطت بين كركم الاكل وكركم العطـار !

بس خلاص بستخدم طريقتك ويارب تنفع

الله يجزاك كل خيـر ..

تحياتي لكـ

ر

روعه

عروس مبدعة

07-06-2007 | 12:57 AM

هـــــــــــلا اختي

انا ماجربتها

بس اللي اعرف ان كركم الاكل هو الافضل

p

pinky bride

عروس مشاركة

07-06-2007 | 01:06 AM

مشكووورة حبيبتي روووعه

تحياتي لكـ ياعسل .. :)

ج

جادي السعوديه

عروس جديدة

07-06-2007 | 01:07 AM

طيب خلك من الكركم الحين دام زواجك قريب استخدمي طريقه بنت عذارى
سهله وماتبغى وقت ولا خرابيط >صراحه انا اكره اخلي على جسمي شيء يعلق فيه واجلس فيه مده حتى لو ساعه وشفت هذي سهله ورووووووووعه هذا الرابط واساليها اذا كنتي تقدرين تستخدمينها مرتين بالاسبوع بحكم قرب زواجك وتبين نتايج اسرع
http://www.3roos.com/forums/showthread.php?t=149934
بصراحه روووووووووووعه انا استخدمتها لي اسبوعين بالاسبوع مره واحس بنتيجه افضل من قبل
وبستمر شهر عليها وان شاء الله احصل نتيجه افضل

والله يوفقكم ويسعدك ويهنيك

p

pinky bride

عروس مشاركة

07-06-2007 | 01:13 AM

حبيبتي جادي السعودية ..

فديتك والله ..
والله بديت استخدم طريقة بنت عذاري من كم يوم .. وياااارب تنفعني ..

وربي يسعدك ويهنيك انتي بعد ياغالية :)

تحياتي لكـ

ش

شجره الطيبه

عروس جديدة

07-06-2007 | 10:27 AM

انا بس كنت احط فازلين اخضر على ويهي من فتره كنت احطه فليل قبل ما ارقد

بس الحين ودرت هالشي

بس الصراحه كان يفتح

وعلى ركبي كنت احط فكس و يفتح بس يباله وقت طويل

p

pinky bride

عروس مشاركة

07-06-2007 | 12:31 PM

شجره الطيبه;3861643:
انا بس كنت احط فازلين اخضر على ويهي من فتره كنت احطه فليل قبل ما ارقد

بس الحين ودرت هالشي

حبيبتي وشو الفازلين الاخضر ؟؟ غير عن الفازلين العادي يعني ؟

وليه تركتيه ؟

مشكووورة ياغالية على ردك ..