ما هي مشاكلك في السفر مع الطفل

أهلين يا أمهات معقول ما فيه أي واحدة ما ردت يعني ما فيه أي مشاكل مع الطفل في السفر آمل أن تشاركوا لتعم الفائدة للجميع

كيفك هيمانه
ياقلبي عليك كأنك حاسه ان الموضوع معور قلبي
طبعا لي طفلين تؤام الله يحفظهم لي
لسا خالصين الشهر السادس
والصيف قرب
وانا ابي اسااااااااااااااااااااااااااااااافر
بس مو عارفه ايش اسوي
ما اقدر استغني عنهم ليله بس
كيف سفر
ومحتاره جد وش اسوي؟؟؟؟

موضوع حلو كتييير اكثر شي يتعبني بخصوص السفر هو طريق السفر
لان احنا منسافر بالسيارة وولادي بيزهئو وبيمللو والحق معهم بس انا اللي اطفش

ربي ييسر امور الجمييع مشكووورة

السلام عليكم خواتى ..

الحمدلله عيالى كبروا لكن يوم كنت اسافر بهم طبعآ كل اليوم نحن طالعين كشته ,,شو المشكله

الله يسلمكن يوم اوديهم الحمام عزكم الله يكون الماى وااااااااايد بارد ويتمون يصيحون وطبعآ مافى

سخانات فى الأماكن الخارجيه وانا ما أحب أستعمل الكلينكس المعطر لأنهم كبار مش بيبيات

يعنى..كنت وايد أعانى من هالمشكله ومالها حل بالنسبه لى ..

وشكرآ

موضوع حلوو

انا اكتر شي بيتعبني هو طريق السفر
طبعآ بالطايره بس الرحله طويييييييله 7 ساعات ونص ههههههه
وولدي يحبي ومايحب يستقر بمكان والله يستر


تحياتي

ودمتي بخير

مساء الخير يا الغاليات اشكركم على المرور واخذتم بيدي الله ياأخذ بيدكم اختي ترف الله يعينك عليهما ستة شهور مشكلة توأم مشكلة اكبر ما ادري ما عندك شغالة تساعدك ما اقول ألا الله يعينك ويعظم اجرك لا بد من العربانة تحطينهما فيها وكل شيء نحطه لعيالنا انتي دبل يعني ظعقف ما نحطه ولا انصحك تخليهم عند احد لأنك كما فهمت منك ما تقدرين تفارقيهم ولو ساعة واحدة فكيف ايام وستكونين مشغولة عليهم وتروح متعة السفر اقول تعبهم معك احسن من أن تفارقيهم اما اختي الدمشقية صحيح السيارة متعبة للكبار فكيف للأطفال الله يعينهم لكن ما تقدرين تحطي لهم شاشة ودفدي لتحطي لهم اقراص كارتون حتى ينشغلوا بها اما اختي naght lover الله يعينك ويعين طفلك على سبع ساعات اما اختي التي تقول مشكلتها بالماء البارد اقول لها ليش ما تأخذين من مكان إقامتك ماء حار في ترمس وتخفيفه بالماء البارد والله يوفقكم وسفرة سعيدة لا تنسوا شاركوا حتى كل منا يحل مشكلة اختها

هيمانة الريم;3858601:
السلام عليكم اشلونكم وكيف حالكم والله يوفق ابنائنا الطلاب في الامتحانات وبعد هذا الحر الشديد لا بد من السفر والتمتع بجمال الطبيعة لكن أطفالنا تواجهنا معهم بعض المشاكل سواء تغير الجو أو ضياعهم أو الذهاب لاماكن خطرة وابي نتحاور في بعض ما تواجهونه مع أطفالكم في السفر من بعض المشاكل التي تتعب الأم

والله نفس الموضوع كان شاغل بالي
السنه الي فاتت بنتي كان عمرها 5 شهور بعد عمري رحت معاها مصر وانبسطنا بس كنت خايفه عليها مووووت وعدت على خير
بس هالسنه عمرها الان سنه وشهرين وحركيه وعصبيه وكل شي تبغاه واخاف اسافر معاها وماانبسط

وللحين افكر في الموضوع...

تحياتي

مشكورين ع الموضوع
انا العام الماضي سافرت بالباص لسوريا24 ساعه وزياده لكن ما اخذت عزوز السنه راح اخذه معي بس خايفه من الطريق فكرنا بطياره بس الى الآن موعارفه؟؟؟؟ظ

يا صباح الخير يا اختي صحيح الطفل في الأشهر يكون اهون من السنة والشهرين لكن انتي احسبيها كويس هل بنتك ترضع طبيعي هل هي متعلقة بك وانتي متعلقة بها لحد انك ما تقدرين على فراقها ولو يوم وايضا هل أمك نشيطة يعني مو كبيرة في السن عشان تقولين احطها عندها كل هذه الأمور لا بد من التفكير فيها وأنا لو كنت محلك اخذتها معي ام عزوز اعانكم الله السفر بالطيارة مع الطفل فيه تعب لكن بالباص تعب على الكبير فما بالك بالصغير وما ادري شنو عمره صراحة ما ادري اشلون الواحدة تغير لطفلها بالباص لأنهم ما يقفون ألا بعد ساعات الله يهون علينا سفرنا

أنا بعد وايد أفكر إف ها الموضوع وأول مرة أسافر مع ولدي حبيبي عمره الحين سنة و4 شهور بس مدة السفر بتكون 4 ساعات بالطيارة وإلين المنطقة إلي بروحلها ساعتين زيادة وغير يلسة المطار فاتفقت ويا زوجي نيلسلنا كم يوم فالمنطقة إلي قريبة من المطار وعقب نروح المنطقة إلي نباها بس تراني واااااااااايد محتارة خصوصا إن ولدي ما يشرب مرضعة وصعب أكلة يعني ما عرف كيف أأكلة فالاماكن العمة أو الطيارة مصيبة أكبر ......... الله يعيني ...........

بالنسبة لي بسافر ان شالله بس بيكون معاي 3أطفال
5سنوات-3 سنوات وشوي- وسنة ونص تقريبا...
والسفر بيكون في الطيارة تقريبا 7ساعات
ومشكلتي في الطيارة مع ولدي الصغير اشلون باخليه يقعد طول هالفترة هو في السيارة مايستحمل لما نروح مشوار نص ساعة اما اهناك ان شالله فأحس انه مابيبهدلني لانه متعود عالعربانة..
ورحلة سعيدة لكل الامهات ان شالله..

يا أهلين اختي um_mohmed اعانك الله لأول مرة لكن أن شاء الله يسهل عليك متاعب السفر مع طفلك واقتراحك بأن ترتاحوا يوم أيدك فيه حتى ترتاحي من عناء السفر وعلى ما اضن أن هناك دواء ينوم الطفل ما ادري عنه لكن اسمع أن الكثير من من يسافرون ومعهم أطفال يأذونهم يعطونهم واكيد بعد استشارة طبيب حتى انتي يا اختي جوهرة الدوحة اذا تأيدين الدواء واذا مو حابة خذي معك ألعاب التي يحبها والله يسعدكم في سفركم

مشكوووووووووووره على الموضوع

هيمانة الريم;3876164:
يا أهلين اختي um_mohmed اعانك الله لأول مرة لكن أن شاء الله يسهل عليك متاعب السفر مع طفلك واقتراحك بأن ترتاحوا يوم أيدك فيه حتى ترتاحي من عناء السفر وعلى ما اضن أن هناك دواء ينوم الطفل ما ادري عنه لكن اسمع أن الكثير من من يسافرون ومعهم أطفال يأذونهم يعطونهم واكيد بعد استشارة طبيب حتى انتي يا اختي جوهرة الدوحة اذا تأيدين الدواء واذا مو حابة خذي معك ألعاب التي يحبها والله يسعدكم في سفركم

هلا اختي هيمانة الريم بالنسبة لولدي كنت موديته العيادة من فترة وطلبت من الدكتورة شي يريح ولدي في الطيارة فاكتبت لي دواء فينيستيل نقط بالفم اتقول ان الطفل يرتاح وينام عليها...

بس بعد لازم آخذ معاي العب احتياطية في الطيارة تدرين 7ساعات ما احس ان بيتم نايم طول الوقت اكيد بيقوم خصوصا ان المكان متغير عليه فنومه بيكون متقطع...

ومشكوووووووووووورة على الرد وتسلمييييييييين

هيمانة
ولدي عمره سنه و8 شهور بيكون معي مناديل رطبه وحفاضات عزوز كلوت بامبرز اسهل في التلبيس من العاديه
والله يعين؟؟؟؟؟؟:sad:

هلا اخواتي موضوع شيق جزاك الله خير اختى هيمانة الريم

انا انشاءالله راح اسافر مع 3 اطفال 9 سنوات بنت و5 سنوات بنت 6 شهور ولد وبيكون السفر بالطيارة تقريبا 5 ساعات .......... احاتي الاغراض اللي راح اخذها معاي للبيبي من حفاضات وحليب اما الاشياء الثانية انشاءالله اني بسيطر على الوضع والله يعين الجميع

كيف حالكم والله اسعدتني مشاركاتكم واشكر كل من يثني ويدعو وانا اقول الله يجزاكم كل خير ويخليلكم عيالكم ويخليكم لهم أختي جوهرة الدوحة اعجبتيني يوم قلتي أنك رحتي لطبيب وهي خطوة ليست بالسهلة ومثل ما قلتي لا بد من الألعاب وحبذا ما تكون من النوع المزعج للمسافرين اما أم عزوز صدقتي أن الحفاض الذي على شكل سروال الكلوت اسهل بكثير من الحفاض العايدي عشان ما تتبهذلي في التلبيس لأن الذين في هذا العمر باسم الله عليهم حركتهم كثيرة ما تخلي الأم تلبسهم بكل ارتياح لكن مع هذه الكلوتات ما فيه تعب أن شاء الله هذه دعاية مجانية هههههه ورحلة سعيدة

كيف حالكم واشلونكم والله اشكركم على كلامكم وثناءكم والله نحن نكمل بعضنا البعض حتى نستفيد يا أختي جوهرة الدوحة والله اعجبتيني في ذهبك للطبيب بدون أن تأخذي وصفة من احد وعلى كلامج لا بد من الألعاب لكن لا تأخذي شيء يزعج المسافرين اما ام عزوز العمر كله والله يخليه لك اما بالنسبة للحفاض الكلوت تصدقين أنه شيء مريح لحد كبير لأن الحفاض العايدي يبي له مكان وطفل هادي لأن في هذا السن باسم الله عليهم حركتهم كثيرة يبي لهم طول بال يا اختي عالم الهدوء الله يجزانا كلنا كل خير واشكرك على المرور والدعاء الله يسهل دربكم ودرب كل المسافرين آمين

والله انا الله يعيني هاذا الاجاازه بساافر بسيااره 12 سااعه ومعااي عياالي

وماادري كيف اسووي معااهم انا صحيح مااقدر ابعد عن عياالي ولا ثاانيه بس اذا اضطريت اتحمل واخليهم عند امي بس السفره هاذي مختلفه انا بساافر عند اهل زوجي وهم ماايعرفوون العياال

مااقد شاافووهم ومررررره متشووقين عليهم وبعدين بنقعد شهر وعندنا افرااح هنااك كثيرررر

وعياالي من النووع الحركي ماشاء الله عليهم

والله يكوون في العوون