وايد استفدت منكن يا دوري عشان افيدكن

مدللة 06-06-2007 18 رد 7,326 مشاهدة
م
موضوعي هذا خاص للي بشره وجها باهته وتعبانه وفيها حبوب او كلف او تصبغات او اثار حبوب

اول شي احب اشكركن بنات ويزاكن الله الف خير يعلم الله اش كثر استفدت من تجاربكن والحينه انا مستويه الق الق احلى من يوم كنت بنيه والكل يتحرى انه الزواج اهو اللي حلاني بس والله اللي حلاني فعلا تجاربكن قبل ما كنت اسوي شي لا على ويهي ولا جسمي يعني ولا اعرف شي ويوم امي تنصحني ما اسمع النصيحه بس الحمدلله الحينه وعيت وبعد ما اشتركت بالهمنتدى الاكثر من رائع بمشرفاته واعضاءه استفدت واااااااااايد وبشتري تحسنت وايد

انا مشكلتي حاليا في بشره وجهي...عندي حبوب ابد ما توقف ولا عرفت شووووووووو سببها وما خليت علاج بس المشكله اني ما اوصل للنتيجه الي ابغيها وخساير فلوس على الفاضي..ارتاح من الحبوب شهر وبعد جي تطلع كلها مره وحده جنها كانت محبوسه مادري اش سالفت هالحبوب

الحين لقيت الحل وهالحل مب بس للي بشرتها فيها حبوب حتى اللي بشرتها مب موحده اللون او تعاني من بهتان او شحوب تستخدم اللي بقولكم عليه بس تسمي اول شي قبل لا تستخدم

من زين الاتات ومحله في الامارات صاير في المارينا مول وفي دبي في مركز الفردان
انا كنت سايره شوبينج وشفت المحل قلت اشوف مب خسرانه وفي وااااااااايد اشياء للبشره بس قلت بجرب شي واحد اذا حسيت انه اوكي بكمل المجموعه...شريت كريم الليل من زين لعلاج الكلف وحب الشباب والتصبغات
هذا يستخدم مره وحده بالليل وتحطين طبقه خيفه يعني لا تكثرين على الوجه ... واللي تشتغل هناك قالتلي تقدرين تستخدمينه بين الفخوذ او الابط يشيل السواد ويمنع ريحه العرق...انا استانست لانه فيه اكثر من استخدام والصراحه انا من فتره ما استخدم مزيل العرق بس استخدم بودره الشبه مع المسك المطحون اتجي جاهزه من العطار ومن وقفت استخدام مزيل العرق راح اسمرار الابط الحمدلله بس المشكله انه الشبه يعني مفعولها ما يطول من جي قلت جربي كريم زين على الابط بعد قمت اسوي شويه بعد السبوح وقبل لا اطلع الدوام....يا بنات الحمدلله مافي ريحه ولا شي بس اول ما اوصل البيت اسبح مره ثانيه
ما احب انه يتم طول النهار علي..ولاحظت انه ابطي فتح بزياده بعد ما استخدمت كريم زين ..بس احط كميه بسيطه مب وايد وافركه لين يمتصه الجلد عدل
واستخدمته لويهي ...يا بنات وااااااايد حلو الصراحه بس الحين بقولكم شو اللي كمل كريم الليل وخلى النتيجه روعه

انا كله اسمع عن منتجات بيزلين بس ما جربت وهاك اليوم كنت طالعه ويا ريلي ورايحه عند زين اكمل المجموعه وسبحان الله مااااادري شو اللي ذكرني بمجموعه بيزلين للعنايه بالبشره...وتذكرت صيدليه اسمها داليا بعجمان وحده من الاخوات الله يجزيها كل خير دلتنا عليها في موضوع عن منتجات بيزلين

ورحت تعنيت لين هالصيدليه خصوصا اني مب من عجمان بس والله العظيم ما ندمت وتعبي ما راح هدر
اللي بتقول انا ماروم اروح عجمان اقولها اتصلي بالصيدليه وهي قالتلي انه عادي يوصلون لاي اماره

المهم خذت من عندهم كريم بيزلين لتفتيح البشره وهذا ينظف البشره ويشيل الحبوب بعد والاثار وخذت صابونه بيزلين لتفتيح البشره واسعارهم حلوه يعني مب نفس الاماكن الثانيه

المهم جربت المجموعه كلها..يعني صرت احط كريم زين بالليل ويوم اصحى الصبح اغسل ويهي بصابونه بيزلين لتفتيح البشره وبعدين انشف ويهي وارش (حاطته في غرشه بخاخ) ماي ورد من الثلاجه بااااااارد على ويهي واتريا شوي لين ينشف بروحه وبعدين احط كريم النهار من بيزلين بس كريم النهار ما يحتوي حمايه ضد الشمس وهي عطتني سن بلوك لونه برتقالي بس ماذكر شو اسمه لانه بالبيت خاص بالبشره الدهنيه احطه بعد خمس دقايق من وضع كريم بيزلين للنهار

وبعد ما ارجع من الدوام اسبح واغسل ويهي بالصابونه مره ثانيه واحط كريم بيزلين للنهار مره ثانيه بس طبقه خفييييفه جدا

انا الحين كملت اسبوعين...بقولكم شي الحبوب خفت شويه مب وايد واذا حسيتو انه اول اسبوع طلعب حبوب زياده عن العاده بس لا تخافون حبوب صغيره مب طابوقه شرات حبوبي...لا توسوسون عادي لانه الكريم من زين يطلع كل الدهون المحتبسه في داخل البشره للخارج والحين بعد اسبوعين صح في اثار خفيفه بس اهم شي انه حلم حياتي تحقق

تعرفون كنت دوم اتمنى هالبشره الصافيه اللي فيها لمعه كنها زجاج مب عارفه كيف اوصفلكم تعرفون بشره اليابانيات كيف مشدوده ويوم يحطون كريم مرطب تلمع كنها بلاستيك او زجاج ان شاء الله تكونون فهمتو قصدي
انا الحمدلله وماااااااشاااااااء الله صار ويهيي جي احس اني احلويت حتى البنات اللي وياي بالدوام يقولولي انتي مسويه تنظيف بشره او تقشير كرستالي ...

حبيت افيدكم واقولكم عن تجربتي وما أبخل على خواتي لانيه لولاكم ما كنت عرفت لا زين الاتات ولا منتجات بيزلين

واي استفسار انا حاظره واي وحده تستفيد تدعيلي انه الله يرضى علي ويرزقني الجنه انا وكل اللي احبهم
أ
مشكوورة يالشيخه ..

..:)
]
ماشالله ..

الله انشالله يصفي بشرتج اكثر واكثرر

بس ياريت في من بيزلين في قطر

والله ينووولج مافبالج ويهنييييج
ب
مشكورة ياقمر وإن شاء الله ربي ينور وجهك زود وزود

ويارب الكل يستفيد

تحياتي
ر
اختي مدللة تسلمين عل افاده
وانشاءالله الكل يستفيد وجعله في ميزان حسناتج
ط
شو اسم كريم الليل اللي خذتيه من زين الاتات ومشكوره http://go.3roos.com/bllt7vea5wy . http://go.3roos.com/bllt7vea5wy .
م
أحـ!!..عاشقة ومعشوقة..!!ـبك;3854850:
مشكوورة يالشيخه ..

..:)




العفو حبيبتي هذا واجب
م
':
[(حصابي)][;3854853']ماشالله ..

الله انشالله يصفي بشرتج اكثر واكثرر

بس ياريت في من بيزلين في قطر

والله ينووولج مافبالج ويهنييييج



تسلمين حبيبتي واسعدني مرورج

دوري فالصيدليات اذا ما لقيتيه اتصلي بصيدليه داليا في عجمان وشوفي اذا يرومون يطرشولج اياه لقطر

بس ان شالله تحصلينه
م
بيــــــــان;3854995:
مشكورة ياقمر وإن شاء الله ربي ينور وجهك زود وزود

ويارب الكل يستفيد

تحياتي



تسلمين بيان على الدعوه الحلوه وان شاء الله تستفيدون
م
روح البحرين;3855141:
اختي مدللة تسلمين عل افاده
وانشاءالله الكل يستفيد وجعله في ميزان حسناتج


اسعدني مرورج وان شاءالله الكل يلقى النتايج اللي ترضيه
م
طلوله;3855876:
شو اسم كريم الليل اللي خذتيه من زين الاتات ومشكوره http://go.3roos.com/bllt7vea5wy . http://go.3roos.com/bllt7vea5wy .




اسمه كريم الليل
أ
مشكورة الغالية

ويعطيج العافيه على الافاده

انا كريم بيزلين والصابونة حاطتهم في اللسته

والحين انتي شجعتيني :cool2:
ا
تسلمين اختي وربي يعافيج

بس انا ببوظبي شو اسم المحل بالمارينا وشو اسم الكريم؟؟؟؟؟؟؟
وكريم وصابونةبيزلين هذا بس بعجمان؟؟؟؟؟؟؟


ياليت تكتبين اسعارهم كلهم عسب اعرف


انتظر الرد باسرع وقت
أ
دنيتي مبرووووووووووووووووووووك
وانا استخدم الصابونة وكريم التفتيح ومنجد استفدت مررررررررررررررررررررررررررررة :)
آ
تسلمين اختي ع الموضوع المفيد
م
أنا الشوق;3856502:
مشكورة الغالية

ويعطيج العافيه على الافاده

انا كريم بيزلين والصابونة حاطتهم في اللسته

والحين انتي شجعتيني :cool2:




اخذيهم وصدقيني ما بتندمين
م
القسوة طبعي;3859041:
تسلمين اختي وربي يعافيج

بس انا ببوظبي شو اسم المحل بالمارينا وشو اسم الكريم؟؟؟؟؟؟؟
وكريم وصابونةبيزلين هذا بس بعجمان؟؟؟؟؟؟؟


ياليت تكتبين اسعارهم كلهم عسب اعرف


انتظر الرد باسرع وقت



هلا حبيبتي

اسم المحل (زين الاتات) واعتقد موجود في الطابق الثاني انتي اسألي عنه انا شفته هناك بس هب متذكره وين بالضبط لانه اللي شريت منه في مركز الفردان بدبي واسم الكريم (كريم زين او كريم الليل معروف بالاسمين هذولي يستخدم بالليل فقط وفيه كريم ثاني للنهار بس ما شريته ..والله مب متذكره سعر الكريم بس اعتقد 120 درهم يعني بالهحدود)

اما منتجات بيزلين هي قالتلي مب متوفره الا عندنا في صيدليه داليا بعيمان اقصد الصيدلانيه هي اللي قالتلي يوم سألتها\
وقالتلي لو بغيتي مره ثانيه لا تتعنين لين عيمان نحن نوصل طلبيات لبوظبي والعين وجيه يعني كل الامارات..لو بغيتي اتصلي واستفسري منها اكثر
سعر الصابونه 22 درهم وسعر الكريم اعتقد 80 درهم مب متأكده لانيه فريت الكرتونه

وموفقه الغاليه
م
أنوثة طفلة;3859341:
دنيتي مبرووووووووووووووووووووك
وانا استخدم الصابونة وكريم التفتيح ومنجد استفدت مررررررررررررررررررررررررررررة :)




الله يبارك فيج يا عسسسسسل

والحمدلله انج استفدتي بعد
م
آخر العنقوود;3859401:
تسلمين اختي ع الموضوع المفيد



الله يسلمج وهذا واجب تجاه خواتي فهالمنتدى
X