ولدي والمصاصة

الله يكون بالعون يااارب

ممكن انك تقطعي حلمة المصاصة وشوفي شو ردة فعل ابنك
ممكن كمان تغمسيها مثلا بن او مرة بحيث لما يحطها فمه يتغير عليه الطعم ويقرف ممكن

المهم انتي ابدئي معه من الصبح بكير بحيث انه مايجي الليل الا وهو مسكين تعبان وبده ينام
اعطيه اشياء حلوة ياكلها ويتسلى فيها والعاب كمان ممكن ينسى الله يحميه ويعينك ربي

أختي بقولج طريقتي مع ولدي

لأن ولدي فطمته من اللهاية لما كان عمره سنه ونص بعد

الحمد لله ما تعبت وياه

بس في يوم من الأيام جلست وياه أكلمه عن المصاصة و((( أقنعه ))) إن المصاصة مو زينه وإنها اتخرب الأسنان وخليته يردد معاي كم مرة:
(( مو حلوة مصاصة ))
(( وع وع مصاصة ))
(( أخ مصاصة ))
(( مع السلامة مصاصة ))حتى حسيته إنه اقتنع تماما خليته بنفسه يرميها في الزبالة :z_clap:

حتى إذا حان الليل وجا وقت النوووووم:rolleyes::rolleyes::rolleyes:اتذكرها

لكن قام يردد نفس الكلمات وأنا أذكره بعد لا مصاصة بعد اليوم لأنها في الزبالة خلاص

وتم يجلب في البداية مب عارف كيف ينام ، وتمينا على ها الحال ثلاث ليالي بس وبعده نسى والحمدلله

يعني استخدمت وياه أسلوب الإقناع ( البرمجة النفسية ) والتشجيع

اختي الله يعنيج في البدايه لازم بصيح وبيكون نومه متقطع وبيتعبح خاصه اذا كان متعود يحطها كل شوي وهو نايم ..
بالنسبه عن تجربتي انا في البدايه قطعتها في النهار وبعدين في الليل ..
لا تخلينه يشوفها واذا طلبها حاولي تلهينه وتكلميه هذا اللي سويته وتعبت وااااايد في البدايه لكن الحمدلله في النهايه النتيجه كانت ان بنتي نستها وتركتها ....

مشكورين خواتي على ردودكم واهتمامكم بس انا اللي مخوفني ومخليني مترددة شوي ان انا بره ديرتي يعني بعاني شوي فمادري ابدا الحينولا لما ارد بلادي

حطي عالمصاصة ((صبر )) بكسر الصاد

أحسن شي يقرف منها من نفسه

موانا ناوية احط صبر لان كنا نسوي جذي قبل حق عيال البيت بس المشكلة انا في غربة يعني ماعندي

نفس مشكلتي بالضبط ....

الله ايسر الامور يا رب واقطع عن ولدي المصاصه ..... ادعولي

رووووووووووووووز

بقولك شي انا بنتي قطعت عنها المصاصه لما كان عمرها سنتين واهم شي تكون الظروف الي حواليك مساعدتك اني تقطعينها عنها وانتي اول شي تكوني متقبله الفكره لانك كل ما بكت رجعتي اعطتيها وما استفدتي شي

بقولك انا ايش سويت مع بنتي وكانت عيند ومتمسكه فيها مره
.......... قطعت راس المصاصه اول مره اخذتها وطالعت فيها قلت لها الدودو اكلتها .......... رمتها وهكذا كل مره تحطها بفمها ترميها ولما جاء اليل خليتها عندها ورقبتها كل مابغتها حطتها شوي وبعدين رمتها وكل يوم اقص منها شوي لين ما اقتنعت اناها ماتصلح وخليتها تكبها بالزباله
ومن يومها ما سالت عنها

حطي بدل الصبر حنه :)

أفكار :)

الله يعينك اختي
انا ماعندي اي فكره اقولها لك
لأنه اولادي مايستخدموها

خخخخخخخخ عطر الندى والله ضحكتيني حنة مرة وحدة
مشكورة اختي كندة على مرورج الطيب وانشالله اخذ بفكرتج

الله يكون بعونك

لا حطي بدل الحنا
نسكاافيه

مرت اخوي لما بغت تفطم ولدها

حطت له نسكافيه على صدرها
وكل ما بغا يرضع يقرف

واخر شي انفطم

يمكن هالطريقه تنفع مع المصاصه

انا بنتي كملت السنتين و نص و هيه ماسكه فيها
تخيلي لدرجة تنام و ايدها على فمها علشان لا أحد ياخذها منها لما تروح في النومه

و ولدي كمل معاها السنه و هم على المصاصه
وجا ذاك اليوم اللي قررت فيه اني خلاص اترك ا لمصاصات

استخدمت المره و حطيتها على المصاصات

هاي المره تلقينها عند محلات الأعشاب و طعمها مر

و كل ما يطعمونها اقولهم لحسها الفرفور و لا فيها فرفور

و عشت معاهم ليلتين صياح متقطع على الليل
بس عقب الحمد لله نسوها و ارتحت والحين و الله انقرف بس اشوف المصاصات و عيالي اهم شي صاروا يخافون منها

اهم شي زوجج يقتنع انها خطوه مهمه و يتحمل صياحها بالليل كمن يوم


والله يوفقج

باركووووووووووووولي ..... طريقتي يابت نتيجه

الحمد لله ما طولت عليها ... قصيت المصاصة من النص .. وعطييييييييتها لولدي وهو حاس انه فيه شي ويطلعها ويقولي ماما ... حياتي والله وانا فاهمه شو يقصد بس استهبل .. واقوله لااااااااا .... ما حلو .... ويقوم يفرها ... وكم ليله مستمرة معاه على نفس الموال .. والحمد لله شكله على نهاية الاسبوووووووووووووع بيقاطع المصاصة

واذا نش الفليل اعطيه المصاصه المقصوصة ويفرها ويرقد بدوووووووونها *___*

يا الله عقبال عيالكم

رووووووووووووووز

والله الياهل ماينفع معاه الا انج تحطين المره او الحنه

واحسن شي تقصين راس المصاصه من فوق عشان يكرها

.