اللي عندها خبرة عن اجهزة شفط الحليب تدخل ضروري

ظ

ظبيانية2007

عروس متألقة

04-06-2007 | 01:06 PM

السلام عليكم

عندي استفسار يهم المرضعات و امهات اليوم و غد

كثير منا يشتغل او تصير له ظروف مضطر يترك الرضيع في البيت

و في نفس الوقت نرضع رضاعة طبيعية

و لذلك الحل الوحيد المتوفر هو استخدام شفاطة الحليب لتخزين الحليب و استخدامه

سؤالي :

شو احسن انواع شفط الحليب اللي تنصحون فيها ( يعني تشتغل زين و ألمها أقل )

و شو طريقة التخزين اللي تتبعونها

ننتظر ردودكم

r

raytha

عروس جديدة

04-06-2007 | 01:12 PM

استخدمت اليدوية ،، وفادتني وايد !
مثل اللي يستخدمونها في المستشفى!

ظ

ظبيانية2007

عروس متألقة

04-06-2007 | 01:16 PM

ريضة اي نوع انتي استخدمتي

فيه وايد بيجون افنيت و ميدلا

شو الماركة اللي استخدمتيها؟؟

أ

أم المهند

مشرفة سابقة

04-06-2007 | 01:41 PM

هلا فيك أختي ومبروك عليك الولادة ..

شوفي حبيبتي في ولدي البكر كنت أشفط الحليب من صدري يدوي بدون آلة ، بس هالمرة بإذن الله ناوية أشفط الحليب بآلة ، ودرت ولفيت وبحثت ومن خلال قراءاتي الكل أجمع على إنه الشفاطة ماركة Avent هي الأحسن والأفضل والأسهل .. صحيح غالية السعر بس تستاهل .

وبالنسبة لطريقة التخزين طبعا بعد الإستعمال مباشرة غسليها ونظفيها بمحلول خاص بتنظيف الرضاعات وهالأشياء .. وتاليها حطيها في الجهاز المعقم إذا عندك وإلا رجعيها لكرتونتها بعد ما تتأكدين إنها نظيفة ، ويا ليت لو تلفينها بخرقة أو فوطة قد مقاسها وتكون نظيفة بعد عشان تحميها من الغبار ..

الله يسهل علينا جميعا ودعواتك لي ..

l

lany

عروس رائعة

04-06-2007 | 03:28 PM

Avent احسن شي

ظ

ظبيانية2007

عروس متألقة

04-06-2007 | 04:42 PM

مشكورة أم مهند على التوضيح

تسلمين الغالية

ع

عضوة

04-06-2007 | 05:01 PM

انصحج بماركة افنت

هذي صورته

وماركة tommy tippee
انا مجربته وواااايد ينفع وحلو واذا ماعندك حلمه يبرزها كمان
والله عن تجربه
وهذي صورته