دكتورة هل انا حامل ؟ ارجوالرد

دكتورة اشلونج

انا متزوجة صارلي 9 اشهر

ودورتي منتظمة اتييني كل 33 يوم


قبل شهرين تقريبا حللت قبل الدورة اب 5 ايام

وطلعلي خطين واحد يبان بقوة وواحد خفيف

وحللت دم واطلعت النتيجة حامل


استانست وفرحت

ويا فرحة ما تمت

ابيوم الدورة نزل علي دم جنه دورة واستمر 5 ايام

رحت للطبيبة بعدها

قالتلي انه تم حمل بس البويضة ما انغرست بجدارالرحم

يعني كان عندي بويضة ملقحة بس طاحت

المهم الدكتورة قالتلي سوي تحاليل حق الهرمون وتعالي

المهم

يبت النتيجة وكان هرمون الحليب مرتفع اشوي

كانت نتيجته 705

وسوتلي سونار

وقالتلي فيج تكيس

في بويضات اصغيرة


المهم انا انصدمت

وقتلها اشلون فيني تكيس ودورتي منتظمة

واشلون فيني تكيس وحملت
؟؟

قالتلي عادي في ناس معاهم تكيس ودورتهم منتظمة

وعادي انج حملتي لانج ابذاك الشهر صار عندج تبويض

المهم اوصفتلي دوا حق الرهرمون ومنشط

وقالتلي اييها باليوم ال12 من الدورة

المهم طلعت

واستخرت ربي

قلت دام اني حملت

ليش العب ابروحي ابهالادوية

وقررت اني ما اخذ علاج

وفعلا شقيت الوصفة

وتوكلت على الله

ورحت وشريت عسل مع طلح النخل

وصارلي شهر تقريبا من خذيتهم

المهم يا دكتورة

انا الدورة المفروض اتييني ابتاريخ 1/6

يعني اليمعة

بس الحين طاف 3 ايام وما شرفت

اول مرة يصير معاي جذيه

سويت تحليل دم

والنتيجة اطلعت سلبية

والمصيبة ما في اثار للدورة

وحاسة ابالم خفيف ابظهري

هل انا حامل ؟