m
master_student_2006
عروس مبدعة
04-06-2007 | 09:37 AM
حبيبتي انتي في نعمه
واحمدي ربج عليها ... ربج يحبج اذا انه سخر لج هالريال .. وعتبري كلامي وعظ او غيره بس والله لمصلحتج
شو تبين اكثر مني جي ... ريال يبعدج عن الفتن والمعاصي ... في احلى من جي ؟؟؟
حبيبتي هذي الدنيا محد ماخذ منها شي لا بالميك اب ولا بالكشخة ...
كوني صادقه مع نفسج .. حتى لو يسويه بدافع الغيره مب عشان حلال او حرام انتي فكري فيها
الريال يوم منعج من الجلوس مع عيال خالته او عيال خالتج .. ترا صدق ريال والنعم فيه ..
تدرين ليش منعج ؟؟؟ لأنه حــــــــرام ,, اذا اخو الزوج حرام .. وفي الحديث (الحمو الموت) فكيف باقي الرياييل ؟؟
يوم منعج من المكياج .. وخلاج تتنقبين ..
ترا التبرج حــــرام ... وغطاء الوجه واجب مع الريول والايدين ..
ويوم منعج من البنطلون...
ترا استر لج وحشمه لج ... وقريت فتوى انها حرام والسبب
من تشبه بقوم فهو منهم ... ولعن الله المتشبهات بالرجال ...
بصراحة اختي اسمحيلي .. بس كل شي انتي اشتكيتي منه شرعاً حرام .. يعني الريال مب غلطان في شي ومعاه الحق وياخذ اجر بها الشي .. انتبهي لنفسج عشان لا تقعي في الاثم بسبب تذمرج لطلبات زوجج اللي هي قبل كل شي اوامر الله عز وجل ..
واتمنى من باقي البنات ان يعينوها على دينها مش على دنياها لأنها فانية.. فاللي عندها كلمه خير لوجه الله تعالى فلتقدمها ..
والي ما عندها غير الدنيا وزينتها فالافضل ان لا تجـــــــــــاهر بالمعصية...
والله يهديج ان شالله ..
مرحبا يالغاليه ما اظن راح ازيد على خواتي شي بس احمدي ربج ان ريلج يحبج ومايقصر عليج الله يخليه لج ويسخره ان شالله في محبتج بس مايضر تصارحينه بأسلوب حلو وتجنبي العصبيه او تظهرين له انج مب مرتاحه صدقيني راح يتغير مع الايام اسألي مجربه
بصراحة وايــــد ريحتوني
يعني هالشي عادي ؟؟؟؟
بس والله تعبت حتى لو ابي اكشخ حق بيت اهلي ماقدر يقول لي كشخي هناك
معقولة كل هاي تشوفونه عادي؟؟؟
الغيرة حلوة بس هو مسوي لي حالة نفسيه من غيرته الزايدة
قبل كنت اسوق والحين ممنوع كل شي في حياته ممنوع
بس بحاول اتصبر يمكن يخف مع الايام الوالدة دايما تقول لي لانج صغيره يغار عليج
بس لين جبتي العيال بيخف وايد
مشكورين ياخواتي ماقصرتوا الله يجزيكم خير
اختى والله ماله داعى كل هالضيق الى عايشته
وزوجك معه حق فى كل الى يبيه
كشخه البنت لزوجها مو للناس
ةاكيد مو مانع عليك انك تكونى باجمل حالاتك لى زرتى اهلك او اقربائك
لكن بحدود
وياليت تكبرى عقلك شوى ولاتزعلين منى حبيبتى لانه المظاهر الخداعه
ماتسوى شى عند محبه زوجى وحرصه علي
ولكى منى كل الشكر
والله يالغالية الحال من بعضه زوجي بعد غيوووور يعني انتي مواول ولا اخر وحدة بس لاتنسين ان انتي في نعمة في ناس رياييلهم تخونهم وتكلم بنات ومطنشتهم بس الحريم يلبسون ويكشخون بس شنو فايدة هاللبس والكشخة اذا زوجها مايحبها احمدي ربج انه يقولج لبسي لي انا وبس ترىهذي نعمة ان الريال يحبج ويبيج له وبس
احمدي ربك يحبك ويغار عليك
اختي والله اكثر المواضيع في المنتديات تناقش غياب الغيرة عند بعض الرجال....
وتقدرين تشوفينهم بالمجمعات مع حريمهم ...والله انقهر لما اشوف وحدة حاطة ميك اب ولا عبايتها فستاان ولاريحة البخور واصلة لاخر المجمع ولا لابسة برمودا او بنطلون ضيييق والعباية كل شوي تنفتح .......وريلها يمشي حذاها وعااااادي عنده....والله اكون خاطري اطقه طقققق...
وين الغيرة...مادرى ان الجنة لايدخلها ديووووث......
واذا على سالفة السواقة اكيد هو يشوف الريايل اشلون نظرتهم للي تسوق او حركاتهم لما يضايقونها فاالشارع...
وانتي بنفس تقولين يحبج ومو مقصر...لاترفسين النعمة وطيعيه...
اهو لو مايحبج ويموووت فيج ماكان غار عليج...ترى حركاته كلها تدل على حبه...
اهنيج ممن كللل قلبي على هالزوج الغيور....ياليت كلللل الرياييل مثله.....الله يخليككم لبعض..
و
وَجَعّْ البَوُح
مشرفة سابقة
05-06-2007 | 07:32 PM
وليه زعلانه
هذا الرجال الصح
الله يهديك اجل تتمكيجي للشارع وتفتحي وجهك اذا سافرتي..تبين تكشفين حراااااااام
وزوجك معه حق بكل اللي يسويه
لااااااااااااااااااااااا زوجك على حق ومية حق اعذريني على الاسلوب والبنات الي يقولون غيرته زايده او ليه يمنعك لان البنت المسلمه لازم تتزين بس قدام زوجها والبنطلون اصلا محرم لانه تشبه بالجال والنت المسلمه شبهوها بالجوهره الي ماهو اي احد يقدر يمسكها بس محارمها وا حنا لازم نطيع ازواجنا ولا ننسى الحديث الي لو امرت المراه ان تسجد لاحد لامرتها ان تسجد لزوجها وهذ الحديث يدل على مكانة الزوج وصدقيني زوجك يموووووووووووووووت فيك ولاتخسرينه عشان اشياء تافها وكيف لو كان مايصرف عليك فكري في كلامي الف مره وريلاااااااااااكس وتقبلي مروري وليه رده بس بنتي جالسه تبكي دمتي بود
ريلج خوش ريال
حمدي ربج
بيدخلج الجنه من أسلوبه
انا ريلي مثل ريلج
بس هالشي ما أثر على حياتي
من ناحية الكشخة عند اهلج
الكشخة مب في البنطلون
تقدرين تكشخين في الجلابيات الراقية
وبعدين حطي في بالج انه الشيخ ابن عثيمين حرم ان المرأة تلبس البنطلون جدام الحريم
لا تخلي المظاهر تعمي ايجابيات ريلج
والله يهنيج على ريلج
طيعي زوجج يا روحي
وتذكري ان تبرج المرة برة بيتها حرام شرعا
وهذا حقه يا الغالية انت الحين زوجة وكنت تدرين عن اطباعه والتزامه قبل لا تتزوجينه
r
rدلوعة باباتها
مشرفة سابقة
06-06-2007 | 04:30 PM
Qatar's Bride;3832651:
عورتي قلبي والله
شوفي بقولج شي
هو ترا من كثر مايحبج يغار عليج
انا زوجي اول ماتزوجنا كان كوبي من زوجج من ناحية العباية والنقاب والمكياج وووووووو ولازال بس مع الوقت بدا يخف
يعني اذا انتي متضايقه من اللي يسويه مايصير تسكتين وتشيلين في قلبج عليه
لاااااااا
سوي له شاي وتعدلي وقعدي معاه وكلميه بهدوووووء
وضحي له انج متضايقه من كذا شي في معاملته بس لاتنسين توضحين
له انج مرتاحه معاه وانه ابد مب مقصر وانج تحبينه وتحبين غيرته عليج بس بعقل
قولي له اللي في قلبج بس بدون صراخ يعني بهدوء ولامانع تطلعين دموعج
فهمتي علي؟
بس على فكره ابيج تقنعين نفسج بشي وهذا الشي اللي انا دايم افكر فيه
الحمدلله ان زوجج يحبج ويغار عليج بعض الريايل يبون الفكه من الحنه فيخلون حريمهم على كيفهم عشان بعد حريمهم يخلونهم
بالعكس كفاية انه مايرضى انه ريال غريب يشوفج
شوفي ممكن انج تسوين كل اللي انتي تبينه بس هو ماراح يكون مرتاح وبالتالي انتي ماراح تكونين مرتاحه
صح ولا لا؟
ترا ياحبيبتي هالأشياء كلها تفاهات ومب مهمه اذا قارنتيها بزواجج
اطلبي منه الأشياء اللي تشوفينها ضروريه بالنسبه لج وفي نفس الوقت في احتمالية انه يرضى عنها
هذا رايي وسامحوني
وأتمنى اكون خففت عليج
اختج
وحده حالها من حالج:D_smil1:
ماشالله عليها كفت ووفت ^_^
بسم الله اختي اقول لك والله من قلب مخلص ويحب لك الخير دنيا واخره اتحسبين الحياة الطيبه بهاذه الصوووره لا والله بل الحياة الطيبه بالخوف من الله بقدر خوفك من الله تصفو لك الحياة فالبعد عن الله تعاسة العبد وضلالته والضنك اختي بماذا ترضين بقول الله سبحانه ام بقول ابليس قال الله سبحانه فمن اعرض عن ذكري فان له معيشة ضنكى ونحشره يوم القيامه اعمى :confused:وقول ابليس يتوعد فبعزتك وجلالك لاغوينهم اجمعين اختي العمل هاذا من اغواء الشيطان وبعدين اختي تحسبين الواحد منا لايريد المتعه بالدنيا الكل يريد المتعه لاكن تذكري ان الجنه حفت بالمكاره وحفت النار بالشهوات فلا تغتري بشبابك فكم شابه ماتت بدون سقم ولا مرض كل الذي قاله زوجك صحيح ولاكن لاتطيعيه بشئ يغضب الله طاعة الله مقدمه على كل شئ صدقين بقدر تقواك تحسين بالمتعه اللهم لك الحمد حتى ترضى ولك الحمد اذا رضيت ولك الحمد بعد الرضى
ترا والله الستر وايد احسن وحمدي ربج يوم انه يخاف عليج
شو بيزيد فيج اذا لبستي بنطلون برع ولا نظاره شمسيه والله ما غير تلفتين الانظار وتكسبين ذنوب
السلام عليكم..
بصراحة ما اشوفها مشكلة ولا شي
بس مشكلتج انج اتحبين اتقلدين الي حولينج
وتسمعين كلامهم..
في كثير من البنات يتمنون ربع ريلج" الله يحفظة لج ويخلية"
وانتي ماشاء الله مرتاحة
ما سمعتي عن
الحريم الي ريايلهم ايطقونهم
والا مب مهتمين فيهم
والا الحريم الي يتمونون ايشوفون ريايلهم من كثر ماهم دايما مع ربعهم
والا البنات الي متزوجين ازواج بخالاء وغيرهم من المشاكل..
خذيها مني نصيحة:
لا تتطلعين للبنات الي بسنج لان هم يتمنون ربعة
واحمدي ربج على النعمة الي عطاج اياها
تخيلي ان الله عطاج ريل مثل ما انتي تبين تلبسين وتطلعين وتروحين وتجين
لكن اهو مب مهتم فيج يعني يعطيج مصروفج وخلاص
او ان ريلج يخليج تطلعين وتروحين واتجين لكن ما يعطيج بخيل يعني
وغيرة من الاشياء..
ولو سالتي كثير من البنات راح اتلاقينهم يقولون يابختج " الله يهنيج يارب "..
واختي ريلج معاه حق انتي تلبسين واتتعدلين حق مين؟؟
حق ريلج والا حق الناس؟؟
اذا كان يهمج الناس يقولون عنج حلوة طبعا فئة النساء البسي عباية راس والبسي تحتة العباية الي تبين بخيوط مزركشة ملونة وغيرها
اما البنطلون تراه حرام مع ان البنات الحين خذوة شي عادي
والمكياج اهم شي انج حلوة بعيون ريلج..
اذا كنتي اتحبين ريلج صج ارضية ولا تهتمين بالناس
وفي مقولة وايد اسمعها
" من طلب رضى الناس فيما يسخط الله سخط الله علية واسخط الناس ومن طلب رضى الله بسخط الناس رضي الله عنة وارضى عنة الناس"
وترى الدنيا فانية وما بيبقى لنا غير العمل الصالح
ولو غمضتي عينج وفكرتي انج راح اتموتين ما راح تهتمين بكل هذا وراح تهتمين برضى ربي ثم زوجج..
واعرف وحدة توها بالثانوية وتلبس عباية راس وترى هي الوحيدة بالمدرسة
والله ثم والله ثم والله ان كل البنات وكل المدرسات ايحبونها
وحتى في مدرسة وقت الطابور ما تروح الا لما اتشوفها داشة وتفصخ عباية الراس
حتى وصلت درجة الثقة الي فيها ان لو تكلمو وقالو فلانة سوت محد يصدقهم ايقلولهم كذابين فلانة ما تسوي كذا
ولعلمج ترى محد صدق انها تلبس عباية راس الا لما شفنا بعينا لانها بالمدرسة تكشخ وتلبس وتتعدل بس ترى كلة محتشم يعني كم طويل ومب شفاف وحتى بالرحلة كل البنات لبسو بناطلين الا هي " تركت الي يسخط الله وربي جازاها بحب كل الي حولها "..
وعسى الله يسخر قلوبكم لبعض ويهنيكم..
