والله ما ادري وين اودي بنتي..أمهات دبي والشارجه افيدوني بمدرسه خاصه حق KG1ضروري

أ

أوراق الخريف

مشرفة سابقة

03-06-2007 | 12:05 PM

[GLINT]السلام عليكم ورحمة الله وبركاته[/GLINT]

خواتي والله تعبت من التفكير.. اتمنى من انكم تفيدوني بمدراس دخلتو فيه عيالكم علشان ال KG1 والله ما باقي شي لازم اقرر..
كنت مقرره اودي بنتي مدرسة الحصن لانها قريبه وايد من بيتنا يعني 100 متر يمكن واوصلها.. ولكن للاسف بينتقلون ل طوار.. انصدمت حيل يوم عرفت وللاسف بعيده عن بيتنا..

وبغيت اوديها مدرسة بوخاطر بالشارجه قلت يالله بخليها عن حماتي.. واليوم يوم اتصلت انصدمت انه ما شي مكان fully booked صدمه..

واتصلت بمدرسة الاتحاد.. وعندي تحديد مستوى امتحان ل بنتي.. بس مش مطمنه لاني قريت عنهم كلام.. وانا اصراحه خايفه على بنتي..

خبروني انتو وين سجلتو حق عيالكم..

اهم شي عندي الدين وثاني اللغه..:sad:
مش يقولون الدين بس شكل علشان الوزاره مقرره..

ارجوكم ردو عليي اليوم ضروري اخاف الا كل المدراس تنترس وبعدين ما احصل مكان ل بنتي..

اترياكم على احر من الجمر..

بتسوون فيني خير.. الله يخليكم ابغي شي مجرب..

أ

أوراق الخريف

مشرفة سابقة

03-06-2007 | 12:48 PM

وينكم :sad:والله بصيح من التفكير

ط

طيبة الكويتية

عروس جديدة

04-06-2007 | 01:45 PM

رجعي للموضوع هذا يا اختي و ان شاءالله يفيدج يارب
http://3roos.com/forums/showthread.php?t=247391
عني انا سجلت ولدي في الشويفات فرع الشارقه, صج انه اهتمامهم مو ذاك الزود بالدين لكن انا ويا ابوه متفقين نتابعه من الناحيه هذي و غير جذي بعد راح نسجله في حلقات تحفيظ قرآن يعني الحمدلله راح يحصل التعليم الزين و بنفس الوقت عارف دينه

أ

أوراق الخريف

مشرفة سابقة

05-06-2007 | 04:43 PM

[blink]السلام عليكم ورحمة الله وبركاته[/blink]

تسلمين حبيبتي طيبه.. بعضهم ما فيهم مكان اتصلت فيهن..

ط

طيبة الكويتية

عروس جديدة

05-06-2007 | 09:31 PM

جربي الشويفات يا اختي ان شاءالله تحصلي مكان فيها

أ

أوراق الخريف

مشرفة سابقة

06-06-2007 | 04:27 PM

طيبة الكويتية;3851245:
جربي الشويفات يا اختي ان شاءالله تحصلي مكان فيها

[blink]السلام عليكم ورحمة الله وبركاته[/blink]

مشكووووووووووره فديت قلبج..
حصلت مدرسة دبي الاولى ربيعتي بدوام تمدحه لي عندها معارف يدرسون هناك.. وباجر امر اشوفه مع بنتي ان شاء الله..

جزاج الله خير على الافاده..

ح

حاشمه_نفسي

عروس رائعة

06-06-2007 | 09:10 PM

عفوا بس انتي من اي اماره

اذا من دبي:
دبي الوطنيه زينه فالطوار
greenwood international فالمزهر
مدرسة البحث العلمي اخواني فيها تعليمها الاسلامي قوي وايد فقه وعقيده وسيره وكلشي والعربي قوي والاتجليزي قوي والاحلا انها فيها ACTIVITES

:)

أ

أوراق الخريف

مشرفة سابقة

07-06-2007 | 05:40 PM

حاشمه_نفسي;3858205:
عفوا بس انتي من اي اماره

اذا من دبي:
دبي الوطنيه زينه فالطوار
greenwood international فالمزهر
مدرسة البحث العلمي اخواني فيها تعليمها الاسلامي قوي وايد فقه وعقيده وسيره وكلشي والعربي قوي والاتجليزي قوي والاحلا انها فيها ACTIVITES

:)

تسلمين حبيبتي..
انا من دبي..
وافضل المدراس ان كانت في دبي تكون قريبه يعني القوز او جميرا او البرشاء..
وان كانت بالشارجه صوب الرقه..

ومشكوره حبيبتي..

F

FLoOoOoOoNA

عروس مبدعة

07-06-2007 | 11:26 PM

هلا اختي أم سعيدة وحمدان..

ماشاء الله تبارك الله....سعيدة احين افسن KG...

المهم..لو تبين مدرسة قريبة من المناطق اللي ذكرتيها عندج دبي الدولية في جميرا على مااعتقد وواااايد يمدحونها...

وعندج مدرسة ديرة الدولية بس احسها بعيدة عليج شوي ..أعتقد هي فالقرهود..

بس تعالي...كيف انتي من دبي وتبين ادخلين بنتج مدرسة فالشارجة؟؟ سوري عاللقافة بس فيني فضول :)

أ

أوراق الخريف

مشرفة سابقة

09-06-2007 | 06:06 PM

FLoOoOoOoNA;3865678:
هلا اختي أم سعيدة وحمدان..

ماشاء الله تبارك الله....سعيدة احين افسن KG...

المهم..لو تبين مدرسة قريبة من المناطق اللي ذكرتيها عندج دبي الدولية في جميرا على مااعتقد وواااايد يمدحونها...

وعندج مدرسة ديرة الدولية بس احسها بعيدة عليج شوي ..أعتقد هي فالقرهود..

بس تعالي...كيف انتي من دبي وتبين ادخلين بنتج مدرسة فالشارجة؟؟ سوري عاللقافة بس فيني فضول :)

هلا حبوبه..
هيه والله العيال كبرت هههههههههههههه ونحن صرنا عياييز.. شفتتي عادك..
ممممممممم في دبي انا ساكنه في بيت اهلي مع الماما والبابا هههههههههههههه.. لاني من دبي..
وفي الشارجه ريلي من الشارجه وكنت حاطه في بالي ان ما حصلت مدرسه اوكيه ف بظطر اني ادخلها مدرسه قريبه من بيت اهل زوجي.. وهكذا علشان اتم مع ام زوجي وخواته..
وعلشان جيه اسوي الي عليي علشان احصل في دبي ما ابغي اوديها بعيد عني وبظطر اني اسكن مع اهل زوجي..
قصة حياتي ههههههههههههههههههه..

ومدرسة دبي الدوليه Full وبوخاطر full والاتحاد كان عندي موعد امتحان حق بنتي غيرت رايي وما رحتلها لاني ما ارتحتلها.. والشويفات بعد ما ارتحت لها.. والبحث العلمي في قصيص بعيده.. والحصن بينتقلون ل طوار بعيده بعد مره..

وبقى لي اختيارين دبي الاولى او الفلاح النموذجيه هالمدرتسن اقرب لي واظمنلي وبقرر باجر ان شاء الله..

الحين عندي اختيارين

m

micky

عروس برونزية

11-06-2007 | 07:22 AM

خواتي والله هالموضوع اجا عالطلب
انا كمان متورطة وبدي مدرسة ابتدائية في الشارقة
بس انا لسا بدي انتقل للعيش بالشارقة وخايفة اتأخر بالتسجيل وما احصل مدرسة
شو الحل ساعدوني ؟؟؟؟

أ

أوراق الخريف

مشرفة سابقة

11-06-2007 | 08:05 AM

micky;3884421:
خواتي والله هالموضوع اجا عالطلب
انا كمان متورطة وبدي مدرسة ابتدائية في الشارقة
بس انا لسا بدي انتقل للعيش بالشارقة وخايفة اتأخر بالتسجيل وما احصل مدرسة
شو الحل ساعدوني ؟؟؟؟

هلا حبيبتي..
تقريبا كل المدارس Full
عندج الرساله شوفيها ان صكرو التسجيل والا لا..!؟

m

micky

عروس برونزية

11-06-2007 | 08:40 AM

يسلمو ام سعيدة وحمدان والف شكر على الرد
عندك فكرة عن اسعار هاي المدرسة وعنوانها او اذا الهم سايت ؟
بتعملي معروف معي
انا جدا شاكرة لردك الذوق

أ

أوراق الخريف

مشرفة سابقة

11-06-2007 | 05:34 PM

micky;3884600:
يسلمو ام سعيدة وحمدان والف شكر على الرد
عندك فكرة عن اسعار هاي المدرسة وعنوانها او اذا الهم سايت ؟
بتعملي معروف معي
انا جدا شاكرة لردك الذوق

والله ما اعرف اي شي عنها لاني بغيت اسجل بنتي وغيرت رايي لاني ما قدرت اوديها الشارجه بعيده عني.. خذي الرقم من البداله واسالي عنهم.. الي اعرفه انه في العزره..

ومدرسة البصائر النموذجيه زينه عيال اخو زوجي كلهم هناك والفيسس مالهم ما بين 7000 و9000 مع الباص وهي في الشرقان..

m

micky

عروس برونزية

11-06-2007 | 05:39 PM

الف شكر لك اختي وبارك الله فيكي
لو فيها غلبة عليكي سامعة عن مدرسة الأنصاري ؟؟؟
وشو رأيك فيها .... ؟؟؟

أ

أوراق الخريف

مشرفة سابقة

11-06-2007 | 05:45 PM

micky;3887254:
الف شكر لك اختي وبارك الله فيكي
لو فيها غلبة عليكي سامعة عن مدرسة الأنصاري ؟؟؟
وشو رأيك فيها .... ؟؟؟

لا والله ما سمعت عنها..!؟
شوفي عندج مدرسة الشويفات بعد قويه..
وهي قريبه من شارع الامارات في منطقة الدراري..
شوي غاليه لو حبيبتي اتشوفينهم ويمكن ما تحصلين مكان لانهم من احسن المدارس في دبي والشارقه ولكن ما حبيت ادخل بنتي لانه مختلط..

m

micky

عروس برونزية

11-06-2007 | 07:34 PM

الحقيقة انا كمان ما بفضل المدارس المختلطة
انا فعلا شاكرة لك التواصل معك مريح جدا
انا حاليا خارج الإمارات وكتير قلقانه من اني ما احصل مدرسة وبحاول آخذ معاومات اكيدة حتى احكي معهم مباشرة وبدون ما تضيع علي الفرصة

أ

أوراق الخريف

مشرفة سابقة

29-06-2007 | 08:00 AM

السلام عليكم ورحمة اللــــــــــــه وبركاتــــه

هــــــــــلا حبيبتي حبيت اطمن..!؟
هل رجعتي والا بعدج برى البلاد..!؟

وشكرا

m

micky

عروس برونزية

29-06-2007 | 09:03 AM

يسلموا ... كلك ذوق والله ... لسا ما رجعت بس سجلت الاولاد بمدرسة اقرأ
ما بعرف اذا سمعتي عنها ... وشو رايك فيها ؟

@

@أحبك@

عروس جديدة

29-07-2007 | 06:11 PM

السلام عليكم مانصحج الا في مدرسة دبي الاولى انا متخرجه منها السنه والله على مستوى عالي تدريس ولا احسن جان بغيتي اي معلومااات انا حاضره بالخدمه واختي الصغيره بدخلها kg 1هالسنه

اسمحلي على التأخير