ما اعرف شو اسميها بس لا تحبطوني

مرة اسامه;3900512:
حلوووووووووه ..الله يوفقك ياااااقلبووووووو

مرورج الاجمل فديتج

ويـــــــــــــــــــــــــــــــــــــــن التــــــــــــــــــــــــــفاعل ...........؟

تسسسسلم اناملج
بس عادي اصحح لج شوي اخطاء املائيه
هههههههه
بونه اللي انتي كاتبتنها
تنكتب امبونه
و الغذى تنكتب الغدا


بس صراحه
اول جزء بس ابدعتي
طططططططططرررررررررررررر والله

M!sS_CuTeYaH;3912985:
تسسسسلم اناملج
بس عادي اصحح لج شوي اخطاء املائيه
هههههههه
بونه اللي انتي كاتبتنها
تنكتب امبونه
و الغذى تنكتب الغدا


بس صراحه
اول جزء بس ابدعتي
طططططططططرررررررررررررر والله

تسلمين يا قلبي مرورج الطررررررررررررررر


اممممممممم انا افكر ما اكتب بالرمسه الامارتيه لاني لاحظت البعض ما يفهم ..!!


يعطيج ج العافيه ع المرور فديتج و لا تقطعينا

حلا فلسطين;3914225:

تسلمين غناتيع المرور العسل

بلييييييييييييييييييز كملي
ماقدر استنى اكثر
القصه جنااااااااااااااااااااااان

هلا بالخنسااااء

تسلمين يا قلبي ع المرور العسل .. و ان شاء الله بنزله قريب

وين الردوووووووود

يلااااااااااااااااااااااااا متى بتنزلي

انتظر باقي القصه ..

نووووووووووووووووووووووووووووووو:sad:] دمعه عذاب فديــتك وين باقي القصه لازم لازم تكملينهااا بليـــــز الله يسعدك ويوفقك ما نقدر ننتظر اكثرر من كذاا بصراحه من روعه القصه ننتظرك ياقلبي على احرر من الجمرر لا تطولين وان شاء الله تكونين مبسوطه با الاجازه :up: وبالتوفيق:9_33:

اسمحلولي ع التاخير الكبير و اوعدكم ان شاء الله ما تاخر مره ثانيه ..

الجزء الخامس




خبر يمكن ما كان لا ع البال و له ع الخاطر الكل يشتم ويسب و امم راشد كانت تلعن اليوم اللي يابت فيه بدور < ام شهد<
ام فهد : عساها ما تتهنى يون انها نزلت راسنا
ام بشار: صلو ع النبي يا جماعه ما اتصير هاي الرمسه
ملاك : تحاول تغير الموضوع : خالتيه قال خلويلد انج بتوصلين ع الساعه 4 العصر
ام بشار: انا كنت مغلطه و اتصلت عليه و خبرته
ملاك: اللحمد الله ع سلامتج
ام بشار : الله يسلمج

وصلو منصور& محمد من التقنيه حدرو و سلمو و حسو الجو متكهرب بس ما علقو و ربعو غرفتهم

ملاك ربعت غرفتها و قبل لا تحدر

محمد : ملاك يا الجلبه
ملاك : احلى طاف
محمد : يا الحقيره ما تسمعيني اناديج
منصور: خلك عنها هاي الهبله
ملاك: الحقران يقطع المصران
منصور: يعل مصارينج البط
ملاك : انا بسكت عنكم و هذا من كرم طيبي بس لان البيت اعصابه مو متحمله
محمد : هيه انزين تعالي قولي شو صاير..؟
ملاك: ..ماشي خالتيه بدور رجعت حق ريلها
منصور رفع حوايبه : و ليش هم زعلانين..؟
محمد بضحكه سخريه : يعني ما اتعرف ترى قوم امك يحبون يخربون ابيوت الناس
ملاك: اكلو تبن و احترموا اعماركم
منصور : انتي اكلي ما بقى غيرج يا الياهل
ملاك رفعت ايدها يعني يلايلا هب متفيجه و حدرت غرفتها
و صل حمدان البيت اللي حصل الطابق الاول شبه فاضي بس حشره في غرفه ام راشد و ما اهتم يمر عليها و يسلم من اطباعه الانانيه و المصلحه بس طيب و ذكي جدا في الدراسه
صعد الطابق الثاني و دون انذارات توجه للغرفه التوام حمدان: عطوني الواير النت
محمد : نحن نبغاه
حمدان : هو عندكم من امسات بالليل ..؟
منصور : و الله نحن انام بالليل و انش الصبح انروح التقنيه و قبل ساعه واصلين يعني هب لاحقين ع شي و بعدين انته تاخذه بعد ما ترجع من الكليه
حمدان : هيه بس انا الصبح دوام و العصر كليه و بالليل نايم متى ايلس
منصور : هب شغلي و الله
فهد يظهر من غرفته ع اصراخهم
فهد : بلاكم ..؟ ليش هو هب شامل ..؟
حمدان : امبله شامل
فهد : يلعن القحط اللي فيكم روحو اشتروا واير ثاني
حمدان : اشترينا بس اذا شغلنا كمبوترينا مع بعض علق عند واحد فينا
فهد : و ليش ما تتصلون ع شطره الاتصالات
حمدان: اتصلنا و ياه واحد و ما عرف شو السالفه و قال بيرجع بعدين بس طاف
فهد : المهم لا تضاربون ع اشياء سخيفه اوكيه ترى البيت مو متحمل و نزل
و نزل تحت و اتصل ع خالد اللي كان غارق وسط شغله
< دعاء<
خالد : هلااااااااا فهود
فهد : مرحبا بك زود
خالد : بلاه صوتك
فهد : جيه انته ما عرفت
خالد : خير اللهم اجلعه خير ليش شو صاير ..؟
فهد : خالتيه رجعت مع ريلها و فشلتنا بالمحكمه
خالد : اوف اوف لالا مو معقوله لا حوله وله قوه الابالله خلاص خل ارجع من الشغل و نتفاهم
فهد : يصير خير ..امنو راح يشل خالتيه من المطار
خالد : ولد عمي خالد
فهد : و هذا متى وصل من الاكويت
خالد : قبل اسبوع ياي يخطب بنت خالته
فهد : اها بارك لها و سلم عليه و عقبالك
خالد : يوصل مالت عليك ما حصلت غيري
فهد : بعرسك و بتشوف
خالد : هههههههه بنشوف يلا عاد سكر لا اي المدير و يحس فيني
فهد : ههههههههه خلاص اوكيه باي
..........

ملاك خذت دش دافى و غيرت ملابسها و درست و لبست عبتها و نزلت

تنظر ابوها ياخذها للمعهد
وصل ابوها من المسيد و شالها
ابو فهد : امج ناشه
ملاك : ما ادري..؟
ابو فهد: و اخوج عبود و رغد
ملاك: بعد ما ادري
ابو فهد : انتي عايشه بالبيت ..؟
ملاك : بتأأفف ايييييييييييه بس كنت في غرفتي ادري
ابو فهد : ادرس و ادري الله يعلم شو بتكون نتجيه نهايه العام
ملاك : خير ان شاء الله و نزلت المعهد و ابوها روح في دربه
ملاك و هي تركب الدري مال البوابه شافت شله شباب يمشون و شالين ملفات و عرفت انهم طلاب مال المعهد من جيه مشت بسرعه و حدرت البنايه و تمت تركب الدري و شافت قطوه و ماتت من الزيغه عاد هيه صدق ازيغ من القطاوه و ردت ببرد للين ورى و تمت تنزل و قفت باحد زويا بوابه المعهد حدرو شله شباب و احد فيهم استغربت ليش ملاك واقفه معنه شافها و هي تنزل من السياره ركبو الدري و شاف القطوه و تمت الشاب يضحك و يقول حق ربعه و بصوت مسموه ههههههههه حليلها زايغه من القطوه ملاك حرجت
جان الشاب تم يأشر حق القطوه عسب اتخوز و خازت و قال وصوته فيه نبره استهزائيه ليدي فرست
شافته ملاك و بكل احتقار طافت بسرعه و حدرت الكلاس

نرجع البيت اللي ام الريم كانت واصله توها
ام الريم : ترى بقول لكم شي و محد يحرج في الفتره اللي هي يت يلست عندكم يوم كانت اونها تبى تطلق خبرتني انها عطت مهرها ثاني يوم الملجه حق بو شهد بحجه انه هو محتاج هالبيزات
ام راشد بصدمه ملحوظه ع ويه اليميع : الشو ..؟ يا فشلتي يا دام العرب
ام فهد : لا فشله وله شي انته خلو هالسالفه ما بينا و محد بيعرف
و رن الجرس يقطع رمستهم
فهد اللي كان قاعد في اخر الصاله نش و راح يشوف امنو هالشخص المتفيج
و فتح باب البيت و شاف حرمه متغطيه من فوق لين تحت
؟؟: السلام عليكم هذا بيت بو فهد
فهد : هيه نعم و انا فهد ولده خير
؟؟: امك موجوده ..؟
فهد: لاء هب موجود < طبعا امه ما تقتدر تستقبل حد بهذي الظروف<
؟؟: خلاص انا امرها بعدين
فهد : ع خير
توه بيسكر باب الحوي و انتبه انه في حرمه ثانيه بس من انتبهت انه فهد شافها ع طول حدرت السياره
حدر فهد البيت و هز جتفه مو مهتم بالموضوع
نصعد الطابق الثاني
منصور& محمد
شبا ب اذكيه بشكل مو طبيعي و عندهم اللغه الاجنبيه توب و اربعه ساعه يلعبون لعبه بالنت مع ناس مختلفه في دول مختلفه
منصور: الجلب شفته
محمد : ايه شفته شو قالو لك عمي
منصور: هالحمار بوريه
منصور: باق البيزات كلها
محمد : هذا هو ياه تعال خل نذبحه
اذن المغرب و منصور و محمد يالسين مكانهم محد نش يصلي و مح عاطي اهميه لهذ النقطه

بو فهد توضى و روح المسيد و بعد الصلاه يلس مع ربعه في يلسه يسونها بعد كل صلاه يسلفون و يشربون قهوه
بو طلال: بو فهد وين اعيالك ما انشوفهم معاك
ابو فهد : انحرج من هذا السؤال ..؟ تدري هم شباب م ا يحبون يلسون بيلسات جيه و انا ايلس بعد كل صلاه
بو طلال: ايه مو مشكله يصلون و يرجعون البيت
بو فهد : لاه هم يصلون بالبيت
بو طلال: الله يهديهم
لف ويه بو فهد حق بوسعيد
بو سعيد : اقول بو فهد تعال انسوي مشروع
بو فهد : لاه دخيلك سوينا ن قبل و فشلنا
بو سعيد : لاه هالمره انا ضامن مع طوني و بعدين نحن تقاعد يعني متفرغين
بوفهد : منو هذا طوني بعد
بو سعيد : هذا طوني من اصل شامي و رجل اعمال و مجرب هالشغله و كاسب منها ذهب
بو فهد : عباره عن الشو المشروع
بو سعيد : هم اربع مشاريه ملابس و اغنيه و اجهزه اكترونيه نبني بنايه و اناجرها
بو فهد : بس يا ابو سعيد هذا وايد يبغله راس مال كبير
بو سعيد : وله يهمك انته نص و انا نص و طون ينص و الباقي ع ربك
بو فهد : ان شاء الله و مده ايده و تصفحو
ورن تلفون بو فهد
بوفهد :ها خلصتي< لا سلام وله كلام
ملاك: ايه خلصت ابويه
بو فهد : اوكيه انتظري بي اخذاج
و سلم ع الربع و ظهر
ملاك ما خلصت بس باقي ع الحصه عشر دقايق بس المسافه ما بين بيتهم و المعهد 15 دقيقه ف ع ما اتخلص
توه الاستاذ بيكمل شرح الا استاذ عامر يحدر و يسال استاذ اسامه و هو ياشر ع ملاك : شو اسمها
ملاك: ليش استاذ
استاذ عامر: سكت
استاذ اسامه : اسمها ملاك
استاذ عامر: طيب اي صف
استاذ اسامه : ثالث عدادي ليه هو فيه حاجه
استاذ عامر و هو طالع : لاءه ما فيش حاجه طلع و استاذ اسامه هز اكتافه بلا اهميه و رجع يكمل درسه بس ما حصل ملاك بيمكانه و شافها عند باب الصف
ملاك لاحظت الاستاذ عامر يكلم الشاب اللي قال لها ليدي فرست و يقول و بصوت واضح اسمها ملاك صف ثالث عدادي ملاك و الشرار يطلع من عينها : كيف تتجرأ و اطرش هذا يحقق معاي يا اللي ما اتخاف ع عرضك
صاعقه حلت ع الشاب و الاستاذ اللي معاه
ملاك: ضاع المذهب ما اتخاف ع بنت ابلادك شو بيقول عنا هالغريب يوم بسير ابلاده ..؟
بس انا بوريك امنو ملاك و حدرت غرفه المدير
و رفعت سماعه التلفون تتصل
ملاك: ابويه وين انته
بو فهد : انا تحت يلا انزلي
ملاك : ابويه اصعد صاير شي
بوفهد : شو صاير
ملاك : ابويه الله يخاليك اصعد
بوفهد : انزين
سكر التلفون و كان خايف ما يدري ليش ..؟
ام ملاك طالعت الاستاذ و الشاب بحتقار شديد و قالت في ثوره و الله ما اعديها و الله

ام المدير اللي زي الاطرش في الزفه يحاول يفهم السالفه وصل بوفهد و قالت ملاك السالفه كامله و كل دقيقه بو فهد ويه يشب نار اكثر و اكثر و اكثر و بعد ما خلصت رمسه ظهر بو فهد من جيبه بيزات و فراها ع مكتب المدير و قاله مشكورين ع الثقه و اوعدك ما اتشوفنا مره ثانيه و سحب بنته و طاف احذال الولد و هو يقول اتفو ع هاي التربيه
في الدرب كان بو فهد يشوف بنته بي فخر عرفت تتصرف ما سكتت و كتمت و الله عرفت اربي
و صلو البيت و ملاك سيده صعدت غرفتها بدون ما تسمع الموال و حصلت خالد يلعب مع عبود بلي اشتيشن
خالد : سير لاه ما اتعرف تلعب
ملاك: مرحبااااااااا
خالد : هلا اشحال الدراسه
ملاك: ببتسامه اتسلم عليك
خالد : ههههههههه الله يسلمها
ملاك: الا ارمسك خالتيه ام عبدالله اتخبرت عن خالتيه بدور < ام عبدالله ساكنه براس الخيمه و التواصل معاه صعب يعني احيانا تمر شهور دون لا يشفون بعض<
خالد : ايه تخبرت و هي من ذاك الوقت و هي تصيح
ملاك:ههههههه حليلها و خالتيه عوشه < مال قطر
خالد : تخبرت بس اتقول ما اتروم اتي عسب بنتها فرح قربت اتربي
ملاك: اها الله يعني
البشكاره : يلا تعالو عشى
ملاك: بسم الله الحينه عشى
خالد : ايه الحينه ثامن و نص
ملاك : اوكيه انا بغير و بلحقكم
خالد نزل و خذ عبدالله معاه
ملاك قبل لا تحدر غرفتها ضحكت ع حال اخونها التوام هههههههههههههه اللحمد الله و الشكر
محمد يضغط ع المواس بطريقه هستريه و يصرخ ابن الذين ...
ام منصور يالس و وحاط التلفون ع الاسبيكر : شفته يعله النفاذ ولد الذين
ملاك: حادره عرض : حرام عليك دعي عليه عسب لعبه سخيف
.؟؟: امنو هاي اللي اتصرخ
منصور: ما عليك منها بشكارتنا
ملاك: في عيونك بشكاره حرمتك يا الاشلق
؟؟: ههههههههههههههههههههههههههههههه شكلها اختك
منصور: اقول اجلب ويهك لا افلعك الحينه و ما يخصك في اختيه فاهم وله ها ..؟
؟؟: فاهم فاهم ريلكس فديتك
منصور: يلا يلا انا برمسك اخلاف
؟؟: اوجيج باي
سكر التلفون و اتوجه للملاك دون انذارات و صفعها ع ويها
انا مليون ستميه مليار مره قلت يوم ارمس في الفون ما ابي اسمع حسج يا المنحطه
ملاك حطت ايدها ع خدها و قالت محد منحط غيرك يا الجلب و تمت تركض لين غرفتها و سكرت ع عمرها الباب
منصور: افتحي ها انا منحط ما عليه افتحي اقولج لو كنتي حرمه
ملاك: اعناد هب فاتحه اوكيه بعدين انا هب حرمه انا بنت و بوريك
منصور: بتشوفين يا الجلبه بيج يوم بتصحين اصياح و بتصارخين شرات السبلان ما يكون اسمي منصور
ملاك : رووووووووح زين
محمد : خللك منه.ا اللللللللللللللححححححححححححححق منصور يعلك الينون هالجلب رجع بيذبحني تعالي بسرعه روح منصور الغرفه و هو يركض ام ملاك غيرت ملابسها و نزلت تحت تتعشى و رجعت فوق عسب اتنام الصبح و بعد ما قومت البشكاره ملاكك ورحت غسلت ويها و لبست ملابسها و اتجهت للغرفه امها
ملاك: امايا ها بتروحين وله اشوف فهييييد ..؟
ام فهد : لاء بويدج وايد غيبت عبود
ملاك : زين انا تحت
نزلت ملاك تحت و اتجه للحوي و روحت صوب حديقه بيتهم و شعلت ورده لونها ابيض و تمت اتشمها و هيه تتمشى و اتحس بعدم الراحه للهذا اليوم و كلاعاده مره ولد جيرانهم السخيف بس ملاك ع طول عطته ظهر و هو حرج من هاي الحركه و سكر جامته و مش بسرعه جنونيه
هز جتفها ملاك و قالت يوم بيموت انا ما يخصني ..؟ تقصد انه يوم سرعه لانه السرعه تؤدي الى الحوادث و العيا بالله
ظهرت ام فهد و مدت مفتاح السياره للملاك : افتحي السياره و شغليها خل تسخن انا بلبس عباتي طلع عبادي و ركب السياره و شافته ملاك يصيح
ملاك: بلاك..؟
عبدالله : ما ابي اروح الروضه
ملاك: يا سلام حلو ه هذاي ابويه انته غبت يومين
عبدالله : مروه بنت خالوه مزون < ام الريم < اتغيب
ملاك: غريبه معنى خالتيه حرصيه ع انه مروه ما اتغيب يمكن اليوم اتي
عبدالله : هز راسه و استمر في الصياح
ملاك صرخت انته بتسكت وله ارشك بكف الحينه سكت عبود و بخوف غطى ويه ركبت ام فهد السياره و تمت اتسوقها و هي تسمع ولدها يصيح بس عاطتنه طاف لانها تدري لو رمسته بيحن قلبها و بترجعه نزلت ملاك المدرسه و عطت نظهر احتقار للحراس و حدرت و شافت روضه واقف عن بوابه جناحها
صوت طاف و روضه ما عنده جرأه اتي و اترمس ملاك حدرت و شافت العنود تنتظرها كالعاده و سلمو ع بعض و بدوى يتمشون
رن جرس الطابور
ملاك: مالي خلق احضره
العنود : وله انا
ملاك: بنشرد
العنود : هههههههههههه شرات ذيك المره
ملاك : ايه و مسكت ايدها و تمو يركضون لين وصلو المسرح و يلسو خلف الكوليس و تمو يسولفون
و مع العنود ملاك نست كل همها
العنود طلعت رساله من جيبها و عطت ملاك : هاي نسيت اعطيج ايها امس من بسمه
انعفس ويه ملاك و فتحتها
&#37;% تدري اني موت احبك و انه مالي غير حبك و اللي ينبض في ضلوعي ما هو قلبي هذا قلبك &&

ممكن اتمشى معاج باجر

ملاك رفعت رسها اللي العنود مااااااااتت ضحك ع شكلها
ملاك: برشج الحينه بكف بخليج تصطلبين اوكيه
العنود : اوكيه اوكيه هههههههه و الله ما اقدر امسك نفسي
ملاك: يعني هي تبى اليوم تتمشى معاي
العنود : ايه
ملاك : ويعيه
العنود : في بطنج ..لأيش ان شاء الله
ملاك : اتشوفين شكلي انتي وله ما اتشفين
العنود : ليش شكلج عادي
ملاك : مو متكشخه وله شي اعتذري لها
العنود : انزين اكتب لها رساله حرام عليج اتقول تتمنى اتحصل راسله منج
ملاك: اني يور ادريم انا مو مال مصخره
العنود : ملاكوه حرام عليج
ملاك: اصلا لو اتعرفين الحرام انتي ما كنتي اتسوين هاي الاشياء السخيفه و اشرت ع الرساله
سكتت العنود شويه
ملاك : سوري اذا ضايقتج بس هذا الصدق
العنود : انزين امشي لانه ما قمت اسمع حشره اخاف خلص الطابور
ملاك : يلا

في التقنيه محمد و منصور ظاهرين من المحاظره و يلسون في الكوفي

محمد : منصور ليش جيه انته محرج
منصور: شي واحد منحط و انا يوم كنت راقد في الكلاس عسب الاستاذ ما كان يشرح فر عليه غرشه ماي و نشيت و تمو الشباب يضحكون و يلست اسالهم و محد طاعو يقول امنو
< ترى منصور و محمد يشلون حديد و يحبون هالنوع من المشاكل <<
محمد : حط ايده تحت حلجه و تم يفكر بعدين قال تعال تعال
منصور: ها شو
محمد : عرفت عرفت وين انروح نسال
منصور: وين
محمد : عند جسووووم الاهبل تراه ما يزيغ من حد و بيخبرك امنو اللي فر غرشه الماي عليك
منصور : هيييييييه و الله و سار بسرعه عند جاسم و مسكه منصور من غندورته
منصور: جسوم الحينه تقول ما اخليك امنو هالحمار اللي فر عليه غرشه الماي
جاسم : اول شي نزل ايدك و بعدين انا ما يخصني عسب تيلس اتصرخ سير عند المنحط اللي اسمه قاسم هو اللي فر عليك
محمد شاف منصور و رواح له بس للاسف ما حصلوه شرد اقصد خلص اكلاسته و رد البيت
محمد : ما عليك باجر بنلعن اصله
منصور: و امنو قال لك اني بعديها ع خير اصلا
وقت الظهرو من الدومات ملاك طلعت و رجعت البيت و ابوها ما هوشها هالمره لانه الحصه الاخيره كان عليها رياضه فا كانت القاعه الطابق الاول و صلت البيت تغذت عقب صعدت فوق غيرت ملابسها و تذكرت انها ما بتروح المعهد اليوم و تمت اتناقز من الفرحه << اللحمد الله و الشكر فتحت التلفزون و يلست تقلب بهذي القنوات لين
حمدان : ملاكوه جيه ما تدرسين ما عندج معهد
ملاك : و الله الناس يقولون السلام عليكم و بعدين اليوم انا هب رايحه المعهد
حمدان : و الناس يوم اتسلم اتسلم ع ناس شرتها هب ع حيونات
ملاك فتحت عينها و طالعته و هو ضحك ضحكته المعتاده و روح غرفتها يزهب اغراضه
ع الساعه 4 وصل خالد و كان شكله تعبان حيل ما فيه نفس حدر غرفته و نام وصلت الساعه 5 و ملاك حست باملل
نزلت تشوف قوم امها لقتهم للحينه ع نفس الموال
بس رن الجرس و شافت ملاك حرمه عند باب بيتهم
فتحت باب الصاله ملاك: خير اختيه
؟؟: امج موجوده
ملاك دون لا تسال امها : هيه حياج تفضلي
حدرو حرمتين و ام فهد حرجت ع ملاك : انتي هبله انا مو مستعده استقبل ضيوف
ملاك : و اانا شو دراني قربو و ام فهد ظهرت تسلم بس بس وقفت وفجأه يوم كشفو عن ويهم وحده من الحرمتين كانت حرمه المطوع و الثانيه ..
ام فهد .. انتي شو دخلج بيتي بعد اللي سويته اظهري خاري
ملاك منصعقه شو سالفه هالحرمه بدت الحرمه دموعها تنزل و تتقرب من ام فهد و اتحاول و تبوس رسها لكن ام فهد
تستمر و ادزعها روحي لا بارك الله فيج اطلعي من بيت و في لحظه الم صاحت ام فهد و دموعها سيلان
ملاك : امايا بلاج امنو هذيله
فهد : و هي تبعد الجرمه عنها ..و بصوت كله الم و حسره هاي عمتج اخت ابوج
ملاك فتحت عينها ثارت منها الدموع و هي اتشوف الحرمه اللي اتصيح هاي عمتي و بدون لا اتحس ركضت للداخل و طاحت بحض يدتها و بدت تشهق و اتكح و اتصيح

%%% نهايه الجزء الخامس





توقعاتكم

1. سو سالفه عمت ملاك ..؟
2. منصور & محمد شو بيسون في سالفه الشاب
3. ام شهد بتظل بعيده عن اهلها
4. خالد هو مفأجأه الجزء القادم


و اعتذر عن تاخري مره ثانيه


و لا تنسونا بالرود الحلوه

اذا فيه اختصارات انا اعتذر لانه الابتوب كان يعلق عندي و اطر اعيده من اولو يديد

و اسمحلولي ع التاخير مره ثانيه

وييييييييين الردود

ويـــــــــــــن الردود يا بنااااااااااااااات .......................!!!

وين الردود صار لي اكثر عن اسبوعين منزلته و ما شي ردود .....!!

مشكوووووووووووووووره فديتج

القصة رووووعة بصراحة