معقوله لاتريد الخروج مع زوجها لانه ملتزم

الله يصلح بالها ويهديها

تقترح عليه يخفف لحيته اذا كانت كبيرة زيادة عن اللزوم

واذا على كلامج يحبها بيفكر في الموضوع

لكن اذا ما عجبه خلاص تنسى الموضوع ولازم تتأقلم معاه ما هي اللي اختارت

(((ما اتفه اسباب البنات)))

ما ادري هذا اسميه دلع والا شو بالضبط

الصراحة شي غريب وعجيب:think:

اهي شلون تفكر في الشخص

او من اي ناحيه هي تنظر اليه

يعني نظرة مظهر او جوهر الشخص

يعني بعد مو كل شي لافته نظرها الي لافت نظرها للحية

والله حرام هذا الي يصير :no:

في بنات يتمنون زوج سواء ملتحي شكله مو وسيم غني او فقير ...مو مهم اهم شي زوج

على دين وخلق ويحبها ويستر عليها :pain:

وهي تقول انها ما تحب تطلع معاه لأن ملتحي

سمحي لي ولا تزعلين من صراحتي السالفة ومع الأسف:Zb_sor1:

تضحك

قولي لها حمدي ربك وشكريه

خل تنظر اليه من ناحية اخلاقه وشلون يعاملها خل تشيل فكرة المظهر من بالها لفترة من الزمن

وتشوف الأشياء الزينة الي فيه وبعدين تحكم اذا اهي

تنحرج انها تطلع معاه

مع الأسف

الصراحة تفكيرها غريب ......:down:

وخليها تفكر عدل في الموضوع لو فرضا زوجها اكتشف ان تفكيرها جذي

شنو راح يكون ردة فعله.....راح ينجرح منها وراح يغير تعامله معاها:mad2:

خل تحط نفسها مكان زوجها ....وزوجها فكر بطريقة تفكيرها مثلا ينحرج انه يطلع وياها

علشان انها ما تلبس نقاب ....

هلا هذا راح يرضيها .....خل تتخيل شنو راح يكون ردة فعلها:no: أكيد ما راح يرضيها

الله يصلحها ويهديها:B_wink:

ويوفقها:up:

اللي يقولون خلا تقوله عسب يخف اللحيه
اصلا هي روحها قالت مستحيل اقوله لانه بهالطريقه راح تاثم
ولحيته يوم شفته في الصوره لاحظت انه مب طويله وايد يعني مب اكثر من القبضه
ويوم سالتها قلت لها يعني تتخيلين حياتج تاخذين انسان غاوي وتتخلين عن ريلج
قالت بالحرف الواحد مستحيييييييييل انا احب ريلي وما بحصل شراته بس استحي يوم الناس يشوفوني بطريقه غريبه
هي يحليلها مب عسب بنت خالتي والله اعرفها صح انه تفكيرها يقهر
بس لانه اخر مره طلعت وياه تقول الكل كان يشوفها هي استحت وبعدين مب متعوده دوم تظهر ويا اخوانها العاديين وبعدين خطيبها القبلاني مب ملحي عسب جي ماتعودت
الله يهديها ويسعدها ويسعد كل من درت عليه

صدق صدق مسكين زوجها لأن يظن إنه زوجته راضيه فيه ... لا حول ولا قوة إلا بالله ... ترا النعمة زواله .... ومب زين البطر

الله يصلحها ويهديها...خلها تحمد ربها انها لقت انسان ملتزم....ومتفهم بنفس الوقت ....لانها لو اخذت غيره كان هو ما رضا انه يخرج معاها الا اذا تغطت

تسبيحات;3829869:
الله المستعان هي تريد (ملتزم)هذه الكلمه لاتصح يفضل باستبدالها ب(مستقيم)
وتريده بدون لحيه لاحول لاقوة الابالله
كيف واللحيه حلقها حرااااااااااااااااااااااااااااااااام
لماذا لاتريد الخروج معه بل من المفروض ان تفتخر
اما سمعت عن قول عائشه بنت ابي بكر رضي الله عنها واالذي زين الرجال باللحى*
فلتكثر من الاستغفار
ووفقها الله معه وهي جربت بنفسها مع من تراهم غير مستقيمين ماذا يفعلون
فأراها احسنت الاختيار فلا تغتر بوساوس الشيطان
وبلغيها سلامي
وفقكم الله

سلمت اناملك على ماخطته

انا مع البنات اللي قالوه

انزين تسحتي تتغشى ولاتلبس نقاب

الناس ليش تشوف جي لانهم يشوفون الفرق الريل ملتحي

وهي كاشفه الويه لازم يلسون يطالعون

الله يهديها بس

انا من رايي ان السالفه عاااديه

دامها هي توها مخطوبة فما تعودت على هالشي للحين وخصوصا انها تحبه ومتمسكه فيه فمع الوقت ببتقبل هالشي وبيصير عادي عندها بعد ماتحبه أكثر وتتعلق فيه اكثر

يعني السالفه يبيلها وقت

مثل اللي مو متحجبه وبعدين تحجبت أول شي تممكن تنحرج او تشوف ان نظرات الناس لها غير مع ان اغلب الوقت تكون هذي الاشيا مجرد أوهام بس لانها حاسه ان الوضع جديد ومتغير عليها


والصراحه انا الي اعرفه ان اطلاق اللحيه سنة، والسنة يؤجر فاعلها ولا يؤثم اذا تركها
اما اذا كان يؤثم فهاذي صارت فرض وواجب

والله ييسر امورها ويوفقهم

بسم الله


الله يهديها يا رب .. ..خليها تركز على الجوهر أكثر ..الشكل بتعبها كثير..

فهميها ان الشكل زائل ..و الجوهر باقي ..


و اذا ظلت مركزه ع الشكل راح تتعب كثير ..صدقيني..!!

[GLOW="FFFF99"]انا مع كلام اختي المكاوية السمرا عافاها الله ..:21_207:
وبعدين اذا كان امر اللحية خلتها تكرهه فربما امور اكثر تخليها ماتبيه ابد اقول خليها تستخير الله وتراجع نفسها ..
ولا تظلم الرجال اذا كانت افكارها بهالشكل فاكيد تبي تظلمه ... تحمد ربها على هالنعمة ...نعمة الزوج الصالح ..
لا وبعد تركها على كيفها من ناحية الغطى ... اقول تستخير الله لعله الله يختارلها مافيه خير لها وله ..[/GLOW]

.:9_33::9_33::9_33::9_33: تحياتي الغريبة 111

عجيــــــــــبه هالانســــــــــانه






الله يهديــــــــــهـــــــــــا

لله يهديها بس انا ريلي ملتزم وفيه لحيه ماشالله عليه اشوووفه قمر وشيخ الرياييل كلهم امشي وانا رافعه راسي وخاطري اقوول للناس شوفو حبيبي مب مقصر عليه ويحبني ويموت فيه ومانخلي مكان مانسير له مولات سفرات مطاعم فنادق حدائق العاب وسينماومستانسين ماشي عائق واحس الي يشووفونا غيرانين ويتمنون الي عندي وماعلينا من الناس حبيبتي يوم مابخلي ريلي يطلع ويستانس ويايه ويا منو بيستانس اشعلينا من الناس واشعلى الناس منا وكلمه لحية ريلي تجبر كل الناس تحترمه غصبن عنهم

حرام عليج اتسون فيه جذه ولاتنسين اتغطين ويهج لانه مو حلوه فحق ريلج وهذا التناقض مطوع وحرمته كاشفه ويهها لازم بيشوفونكم وانت السبب انهم يشوفونكم

والسموحه منج