ابغى اسأل العرايس اللي سبقوني

مواطنه 03-06-2007 9 رد 435 مشاهدة
م
السلام عليكم ورحمة الله وبركاته

كيف حال كل العرايس والمتزوجات والعازبات والكل الكل في المنتدى؟

انا هذي اول مشاركه لي هنا طبعا انا عروس زواجي في شهر 7 هجري ومحتااااااااااااسه فريت بالنت ادور حد يحس فيني وطحت فيكم وقلت خليني انثر كل اسألتي هنا لانه محد راح يحس فيني غير اللي زي وضعي او سبقوني ياربيييييييييه

ببدا بالاسئله:

1_ انا متملكه لكن عندي شعور غريب كني ماني مصدقه او كني في حلم بصحى منه واذا اهلي قاموا يتكلمون بعرسي احس الامر ما يعنيني كني منب مستوعبه يعني باختصار متنحه بقوووووووووووه السؤال :هل هذا الوضع طبيعي ؟ واي عروس تحس مثلي كذا ؟

2_ انا من الشعب الممتلىء مع طول السؤال هو انه شلوووووووووووووون بلبس اللي اشوفه بالسوق جد فشيلللللللله ابغى شعور الممتلئات مثلي وش تلبسون واي الاشياء اللي ناسبتكم
طبعا انا طويله ومليانه لكن فيه خصر ومعالم تصدقون بنات اناظر الملابس (اللانجري) واحس راسي يعورني وعجزت اشتري شي للحين تعقددددددت اخاف اطلع حوسه مع العلم ان خطيبي يحب الاوزان الثقيله وخزياااااااه بس مدري اخاف عقب العرس يوهقني يقول يالدبا اذا شاف الحقيقه المره باللانجري ثم يضيع وجهي
بجد انا ترا اتكلم بجد مشاعري متضاربه وخاااااااااااااايفه بقوه

3_ زواجي مابقى عليه الا شهر ونص تقريبا وانا اغلب الاشياء ما اشتريتها واحس مهب ممديني واذا طلعت للسوق افطس من الحر وبسرعه ارهق ثم اطفش واتعب وادوخ واشتري اشياء بسيطه وارجع للبيت لاني فيني فقر دم ابغى حل للحاله ذي يكون سريع عشان يكون عندي طاقه لانه طاقتي صفررررررررررر قولو لي وش اكل ووش اشرب ويضبط فقر الدم واتنشط شوي


كثرت الهذره بس والله بجد احس اني مكتووومه ومافي حد اقوله اللي بخاطري اذا قلت لاهلي شي او اشتكيت قالو انثبري وانبسطي واحمدي ربك انك بتعرسين لاحوووووووووول ياذا العرس وصديقاتي متزوجات كلهم انا اخرهم وكلهم يقولون انبسطي ترا هذي احلى ايامك لاحووووووووول

اتمنى تفهموني وتتجاوبون معاي


مع حبي:9_33:
t
ياحبيبتى اولا الله يتمم لكى وانا حاسة فيك لانى مثلك ممتلئة وكان يجيينى الاحساس هذا وياربى لوشاف جسمى كذا وماادرى ايش صدقنى الرجال يرضى بالى عندة ومادام انه يحب الدبة فعادى مرة ولانجرى ضرورى لكل عروس ولكن تلاقى المقاس عادى وبعدين مولازم تشترين كل شي ذحيين اشتري بعد الزواج بعد ماتعرفى ايش يحب وايش يكره و فقر الدم خذى له البنجر من الخضروات وقطعيه مع السلطة هو يرفع نسبة الدم على طول اناجربتة فى بنتى والله يتمم لك على خير وان شاء الله انك استفدتى منى
p
هالو مواطنه ..
انا صار علي من ليلة عرسي شهر و نص تقريبا .. حبيت اشوي اذا ماافيدج اسولف معاج..
بصراحه انا كنت وايد مشتطه على العرس و تجهيزات العرس و زوجي كان في قمة البرود و مفهي في تجهيزات العرس يعني بالعربي عكسي.. بس ترى شطتي مافادتني بس عورت راسي و راس اهلي.. و اذا على قولتج انتي من الشعب الممتلئ ..ترا عادي العكس استمتعي بجسمك و خليك واثقه من نفسك و ياويلك ياويلك اذا حسستي زوجك او اي احد حولك انك مو راضيه بشكل جسمك و تدلعي و لبسي كل اللي بخاطرك و ترا في ملابس تناسب اللي اجسامهم مليانه اكثر من الرشيقات ..تقدرين اتروحيين محل "ايفانس " و تاخذين لج منه كم قطعه ترى ملابسه وايد كيووووت و طبعا في وايد محلات لملابس المليانات بالمملكه ..
اخيرا اختي ماوصييج بعمرج ..ترى فقر الدم مو شي هيين ابتدي اهتمي بصحتج و كثري من السبانخ و عصير البرتقال .. والله انشالله يشفييج و يتمم لج على خير و اتصيرين احلى عروسه
واذا عندج اي استفسار او بخاطرج اتنفثيين عن نفسج ترى انا و خواتي بالمنتدى حاضريين لج
ا
أول شي ألف مبرررررررررررررررررروك والله يتملج على خير وبعدين هذا العرس وبلاويه شتسوين ونصيحتي للتعب مثل باقي البنات ما عليه زيادةةةةةةةةةةةةة
ش
اختي انا بعد عندي نفس احساسج
1_ انا متملكه لكن عندي شعور غريب كني ماني مصدقه او كني في حلم بصحى منه واذا اهلي قاموا يتكلمون بعرسي احس الامر ما يعنيني كني منب مستوعبه يعني باختصار متنحه بقوووووووووووه السؤال :هل هذا الوضع طبيعي ؟ واي عروس تحس مثلي كذا ؟
انا ماعرف وين اروح وين اجي وكيف بلقي فستان العرس وين بتمكيج؟؟؟؟؟؟؟؟؟؟؟؟؟؟؟
وخايفه اطلع مو حلوه يوم العرس يقومون يشمتون فيني الناس مع انه كل الي حولي يقولون اني حلوه بس اخاف مااعجب زوجي وعلي فكره اختي مليانه بس تلبس قمصان نوم واذا ملقيت شي يناسبها تفصل عند وحده شغلها نضيف في قمصان النوم
o
ينقل الى ركن استفسارات عروس
بواسطة oioon
حبيبتي...ماادري بس احس انه شعورك انك مومصدقه شيء عادي على حسب تجارب اللي قبلي لاني مومتزوجه...
بالنسبة للجسم عادي زيك انا بالضبط ممتلئة شوي وطويله...
طبعاً انا اخفف وزني...ونزل كثير...انتي كمان حاولي تنزليه...وحاولي دايماً بالفساتين او التنانير انك تلبسي شي طويل ومخصر قصة السمكه...لانه تعطي جسم متناسق بالفعل..

لاتحاتين اللانجري...طبعاً مع اضاءة الشموع والاضاءة الخفيفه كل شي بينخش:2_22:

فقر الدم اكلي الجرجير والقرنبيط..وايد مفيد..

الله يتمم لك يارب...

:9_33:
عيووووون
م
oioon;3833385:
ينقل الى ركن استفسارات عروس
بواسطة oioon
حبيبتي...ماادري بس احس انه شعورك انك مومصدقه شيء عادي على حسب تجارب اللي قبلي لاني مومتزوجه...
بالنسبة للجسم عادي زيك انا بالضبط ممتلئة شوي وطويله...
طبعاً انا اخفف وزني...ونزل كثير...انتي كمان حاولي تنزليه...وحاولي دايماً بالفساتين او التنانير انك تلبسي شي طويل ومخصر قصة السمكه...لانه تعطي جسم متناسق بالفعل..

لاتحاتين اللانجري...طبعاً مع اضاءة الشموع والاضاءة الخفيفه كل شي بينخش:2_22:

فقر الدم اكلي الجرجير والقرنبيط..وايد مفيد..

الله يتمم لك يارب...

:9_33:
عيووووون



راي من راااااي الغاليه :D_smil1:
إ
مرحبا اختي

أولشي سلامات

وفقر الدم حاولي تاكلي أشاياء غنية بالحديد مثل الكبدة والموز والباذنجان
وتجنبي الأكلات السريعة اللي بدون فايدة ولاتطلعي من البيت وبطنش خالي

لازم تاكلين وجبة خفيفة عشان تصير عندش طاقة وأفضل الوجبات الخفيفة السلطات والفواكه

وانصحش تاخذي بعض الفيتامينات والمقويات اللي تساعدش وتمدش بالطاقة اللزم ولازم تاخذينهه

بإستشارت الطبيب

أما عن سالفة انش دبدوبة لاتخافي أهم شي زوجش راضي بعد الزواج بتحسي الشي عااادي

من كلامش حسيت جسمش مقارب للجسمي انا بعد دبدوبة شوي واذا اقول دبدوبة عن روحي زوجي ما يرضى

يقول آنة ما احب لضعاف، حتى لو مجاملة بس الزوج يتوقع منش الحنان والزوجة الصالة مايتوقع طريقة الجسم والشكل

مدام شافش فهو مقتنع فيش

والفساتين خليهه ناعم أرتب عليش بس بما انه فستان زواج لازم شي فخم فقطعة القماش ممكن تاخذينهه فخمة

ومشكوكة وغيره والموديل ناعم عشان ما يصير فيه زحمة واجد اعتقد شفتي فستاني اللي عرضته في قسم العروس
في اللبس طلع روعة الكل قال عنه حلو وخاصة انه طريقة الطرحة جاية هندية واجد حلوة طلعت

واخيرا طولت عليش من الهدرة
والله يوفقش
م
فديتكم كلكم
مشكوووووووووووووره كثير على مروركم الجميل والاكثر من حلو بجد معنوياتي ارتفعت وحسيت انه فيه حد يرد الصوت ويستوعب كلامي ومقصدي

بس اخاف على كذا اتخذ بنفسي مقلب واتطلع كل عضلاتي ومواهبي الله يستر

بالنسبه لفقر الدم فيه حد يقول الحلبه زينه اذا غليتها وشربت كوب كل يوم لمده عشرين يوم لو خلال الدوره الشهريه يعني من 5 الى 7 ايام بس الله يعين على الريحه
مدري هالمعلومه صح والا اشاعه؟


احبكم كلكم
z
هلا الاخت مواطنه
احسن نصيحه اقدمها لج انك تخففين وزنك شوي
وبعدين لاتتعقدين انك مليانه بالعكس العروس المليانه شوي (مو وايد) يكون عليها الانجري اكشخ واكثر انوثه

بس ماعرفنا كم وزنك يعني بالظبط؟
X