زوجج كم يعطيج...........؟

خواتي عندي سؤال يخص الموضوع الحين انا وحده اشتغل وبعدنا ما عندنا عيال فهل هو ملزم انه يعطيني مصروف؟؟

سؤال يحيرني واايد ؟؟؟ لان ربيعاتي يقولون طالبيه بمصروف بس انا استحي لانه ما يقصر في اغراض البيت ؟؟

اماراتيةوالنعم;4204025:
خواتي عندي سؤال يخص الموضوع الحين انا وحده اشتغل وبعدنا ما عندنا عيال فهل هو ملزم انه يعطيني مصروف؟؟

سؤال يحيرني واايد ؟؟؟ لان ربيعاتي يقولون طالبيه بمصروف بس انا استحي لانه ما يقصر في اغراض البيت ؟؟

أختي هو ملزوم يصرف عليج .. سواء تشتغلين و لا ماتشتغلين ..

و المصروف يكون خاص فيج غير مصروف البيت ..

و شي راجع لج ..

انا بصراحة من تزوجت تعودت اني ما الزمه بمصروف معين وحتى لما جبت عيال ..

وهو بصراحة مو مقصر قاعد يسوي اللي يقدر عليه .. وانا اذا احتجت شي اطلبه وهو يعطيني


واما اذا في مناسبة وحبيت اسوي له مفاجأة او اجيب له هدية فاحاول اشتغل على هالموضوع قبل بفترة .. يعني احيانا اطلب منه فلوس علشان بشتري غرض وطبعا المبلغ اللي اطلبه يكون اكبر من اللي محتاجته والباقي اشتري له هدية او اعزمه او اسوي له اي شي ..


والحمد لله ابوي بعد مو مقصر معاي ،، بين فترة وفترة يعطيني مبلغ وطبعا اول ما تزوجت كنت ارفض يقوم يهاوشني ويقول انا ابوج لا تستحين ووو ............... والحين لما يعطيني اخذ وانا ساكتة :gum: وغاااااالبا المبلغ اللي يعطينه اياه ابوي اصرفه في شي حق زوجي " هدية مثلا او عزومة او اسوي له حركات ومفاجآت ...."



واكثر شي زوجي يكرمني فيه لما اقوله بروح مكان مع اهلي سوق مثلا .. يعطيني فلوس فوق اللي احتاجه او اللي اطلبه ويوصيني ما احرم العيال من شي وان اخذ لهم اللي يبونه مع ان لما نطلع مع بعض ويبالغ ولدي الكبير في طلباته زوجي يطنشه لكن لما اطلع مع اهلي يقول لا تحرمين الولد من شي .. اتذكر مرة وانا حامل السوق مع ابوي وخواتي وهناك اتصل فيني زوجي وسمع ولدي يبكي قال لي شفيه ؟؟ قلت له مللني كل شوي نمر على لعبة او شي قال يبغيها فأصر علي ان اشتري له اللي يبغيه ولا اخلي بخاطره شي وقال لي بعد مو قاصرتج فلوس قلت لا عندي بعد قالي اذا قاصرتج شوفي تسلفي من عند خواتج وبعدين بعطيج :2_106:

شكرا على الموضوع الحلو....

انا ما اطلب مصروف من زوجي بس هو يعطيني لأنه يسير الدوام اسبوعين فلازم احصل على المصروف عشاني وعشان ولدنا ول يخلي البطاقه عندي عشان مايقصر علينا شي وهو مب موجود..وبالنسبه للطلعات وغيره كل عليه.. بس هو مايقصر ويانا والحمدالله كل الي نحتاجه ايوفرلنا اياه حتى قبل لايروح الدوام ياخذ كل الي نحتاجه .... والوحده فينا لازم اتفكر في زوجها لأنه يسير ويشتغل ويتعب وحيانا يغيب عنها ومع هذا طلباتها ما اتخلص.... والرحمه زينه..

الله يحفظه ويخليه لي يارب....

أنا لو فية بنك يصرف عليه كان أحسن لأن طلباتي وايييييييييييييييد

أنا مــب متــــــــــــــزوجه بس عندي فضوووول

وقلت دأم قريت الموضوع لازم أرد :21_207:


بس ماماتي مب حارمتني من شي الله يخليها لي يارب

ويخلي لـكمـ ريايلـكم ولايـحرمكمـ من بـعض اللهم أمــــين

حاليا ولا ريال بسبب الظروف وغلا امريكا


بس يتعدل وضعنا وراح يكون لي

موضوعج حلو ومميز

اما انا اغلب طلعاتي هو يكون معاي بحكم اني في غربه ...اهلي وصديقاتي مب معاي
وهو يدفع عني اللي ابيه
وعلى حسب مرات تكون مصاريفي زياده عن اللزوم وهو ينبهني ...اني اخفف مصاريفي شوي
ومرات تجيني شهور مااصرف كلش ..مااحتاج شي اشتريه
وهو بعد حاط حسابي في حسابه ..وبين فتره وفتره يشيك حسابي ويزيدني على كيفه عن طريق النت...
مرااااااات اكون فالسوق بروحي ويكون خاطري فشي بموت عليه وفي حسابي مبلغ مايكفي اللي باشتريه..أكلمه بالنت يحو ل لي على حسابي...

يعني المصاريف تكون بالاتفاق ..وعلى حسب ميزانيته...

السلام عليكم
عن نفسي زوجي مو مقصر معاي بشي الحمد لله(g)

يعطيني شهريا 3000 درهم واذا فيه مناسبه يمكن مصروفي أنا وعيالي

يوصل 4000 درهم (f)


أختي دمعه أعارض كلامك لان التعب مو حق الريال بس حتي المراه احس أنها تتعب أكثر من الريال:21_207:

وكل واحد يتحمل على المصروف وعلى العيال وتربيتهم::balloons:

موضوع رائع يا اختي الغاليه

وانا عن نفسي صج اني اشتغل ,, بمصروفي اسوي اللي ابيه لي مثلا لو رحت السوق بروحي

وماعندي شي بيدي ,, اسحب من معاشي بس مب ذاك القيمه

بس لما اطلع برووحي معاه لا ,, هو اللي يعطيني

وعسى ربي يخلي لنا رياييلنا يااارب صج يتعبون عشان مصاريفنا وعشان الحياه تستمر

اماراتيةوالنعم;4204025:
خواتي عندي سؤال يخص الموضوع الحين انا وحده اشتغل وبعدنا ما عندنا عيال فهل هو ملزم انه يعطيني مصروف؟؟

سؤال يحيرني واايد ؟؟؟ لان ربيعاتي يقولون طالبيه بمصروف بس انا استحي لانه ما يقصر في اغراض البيت ؟؟

بصي حبيبتي انا رايي ده يختلف بين كل واحده والتانيه ..وطالما بتشتغلي يبقى خلي ده مصروفك الشخصي ولو هو متكفل بالاطفال والبيت خلاص,,,لكن لما تخرجوا مع بعض او تتغدوا بره او كدى هو يجيبلك حاجتك ,,لكن انت بتشتغلي عشان كيانك ويبقى ليكي استقلاليه في فلوسك ويبقى ليكي مصروفك فخلاص
ونصيحه متسمعيش لحد كل واحده ليها ظروفها ووضعها وحياتها في واحده مبسوطه مع جوزها من غير لا مصروف ولا اي حاجه وفي واحده تعيسه رغم ان جوزها بيديها مصروف يعني في النهايه السعاده مش بالفلوس وماتسمعيش لكلام حد
واي حاجه تانيه هدايا او مجاملات للاهل هو وانت تشتركوا فيها حسب ظروفكم وكمان لازم تحوشي من مرتبك ليكي ولحياتك للمستقبل يعني مايكونش كله ضايع في كلام فارغ انت عارفه احنا بنحب اللبس والمكياج والحركات بس لازم تحوشي للمستقبل وتجيبي دهب وكدى ...يارب تكوني استفدتي وربنا يوفقك

موضوع مهم جدا
أنا ريلي يعطيني 2000 درهم
بس لما نظهر كل شيء عليه
واعتقد مهم ان للمتزوجة مصروف

مادري يابنات انا غبر عنكم شوي

انا اشتغل وزوجي بعد واثنينا تقريبا مثل الرواتب وعلينا قروض بس احنا من تزوجنا الحين سنة ونص نحط راتبي وراتبه ويا بعض ونسدد الديون الشهرية يعني القروض والمصاريف الثابتة من ابيال ومعاش الشغالة وللبيبي والباقي يكون مصروفنا واذا نقصنا اي شي بالفيزا ايانا يعني كأني في الاخير اصرف انا على روحي واساهم بعد في صرف البيت بس طبعا مصاريفيي وايد ولاتكمل لو كان جم الراتب يذوب على الشوبنج تكمل وزوجي اعرفه مايقصر ولوعنده اكثر مابيبخل عليي وانا مااطلب منه لانه هو الرجال ولو فصلنا الرواتب بتصير القروض والمسوليات كلها عليه ومابقى له شي وانا راتبي ماينجاس وبعد اطلب منه لا ماتعودت.. بس كم مرة اذا اتزاعل اقول له عطني مصروف يقول اوكيه من هالشهر بس نرد نتصالح مااخد منه بالعكس اساعده

انا زوجى يعطينى 50 دينار كويتى ملابسى والمصروفى على

الحمدلله بما أبي اشتغل وراتبي أكثر عن راتب زوجي بمرتين.. بس لازم يعطيني مصروف لو حتى 500 درهم..

المهم اهو يعطيني 1500 وراتبي أوفره للمستقبل...

ماشاء الله تبارك الله عليكم

الله يسعدكم ووفقكم ويجعلكم قرة عين لأزواجكم

ويحفظكم لهم ويحببهم فيكم ولايشوفون غيركم

والله يخلي لكم عيالكم وان شاء الله تبلغون فيهم

والله يرزق اللي ماعندها بالذريه الصالحه الباره يارب

والله يرزقني وخواتي الغير متزوجات بالأزواج الصالحين البارين

ويكونون كرماء معانا أخلاقاً وديناً يارب العالمين ويرزقنا

بالذريه الصالحه الباره يارب سبحانه قادر على كل شئ

وماتنسونا جزاكم الله خير من دعائكم :)

اول مايسحب يعطيهم لي كلهم وان احتاج اعطيه ..... والحمد لله فكت كثير مشاكل لان احاسبه على كل درهم .... لان الرجال مالهم امان ...وعلى فكرة عاجبه الحال وهو مبدر عكسي مااحب اصرف عبث وديننا الكريم يحثنا على عدم الاسراف

يعطيني مصروفي 1000 درهم من غير الايام العاديه والطلعات كلها عليه

انا عن نفسي راتبي بايدي بس اجمع نصه حق السفر

و هو عليه الايجار و الفواتير و مصروف البيت

و اذا طلعنا حسب مرة انا مرة هو

سلاااااام عليكم
بصراحه انا من تزوجت ما عطاني مصروف ...يقول لي اذا تبين شي قولي بس انا استحي اقول له عطني ما تعودت اوقول لاحد عطني .....فقام بروحه لما يحس انه محتاجه شي يجيبه من غير ما اقول له...عرف طبعي