بنات الكويت ساعدوني لو سمحتوا

love2_kiss2 31-05-2007 9 رد 274 مشاهدة
l
ابي اعرف وين ممكن احصل على دراعات كويتية حلوه وغريبه بالكويت
وشو اسامي المحلات والمراكز أو المشاغل اذا ممكن؟
انا سمعت عن العربيد شو رايكم فيه؟
جزاكم الله الف خير
o
ينقل الى ركن استفسارات عروس
بواسطة oioon


هلا حبوبة..

ان شاء الله بنات الكويت يساعدونج...

ادخلي الرابط

تجهيزات عرايس الكويت الجــــــــــــــــــــــــ 2 ـــــــزء .

وبالتوفيق...


تحياتي لك

:9_33:

عيوووون
ق
في العربيد بالفروانيه عندهم تشكيله كبيره من الدراعات ويسولوج اي مديل انتي تبينه

حتى لو تيبين لهم الصوره

وفي درعات جاهزه في مجمع النقره اسعارهم معقوله من 35 الى 100 تقريبا

وقبل رمضان يحطون درعات في ارض المعرض بمشرف

الله يوفقج وتلاقين اللي يعجبج
ك
العربيد

مشاعل الحويله

انسام الخلف

مجمع الاوقاف
غ
انا توني مخيطة بالعربيد لبستها كان عندنا استقبال
الكل سألني عنها
زووووووووووووووغة
خيطتها ب28 دينار
واختها عند انسام ب 270 دينار
شوفوا الفرق
عاد انا ماصدقت كل الي اسألوني قلت لهم من عند انسام
خخخخخخخخخ
وصدقوا من كثر ماهي كشخة
د
هلا والله الغالية
الدراريع بمجمع العربيد بالفروانية
او
مجمع الاوقاف ( دراريع جاهزة)
او
النقرة الشمالي ( دراريع جاهزة)
اضافة الى المصممات مثل:
انسام الخلف
عواطف الحاي
اديبة المحبوب وغيرهم اذا تبين ارقامهم رسليني عالخاص اخاف الادارة مايرضون نحط ارقام اهتي
ا


أختي العزيزه love2_kiss2

ما شاء الله خواتي بنات الكويت ماقصرو معاج

الله يوفقج ويسر لج امورج ان شاء الله

أختج الدانــــه


l
في العربيد مكن احصل دراعات جاهزه ول لازم افصل؟
غ
لازم تفصيل اختي
ويكون عندج وقت كافي عشان اذا في تصليحات
ض
هاي اختي العربيد لازم تفصيل اما اذا تبين جاهز عندج مجمع الاوقاف تلقين جواهز وعندج ببعد يم سوق شرق معارض عند مستشفى الاميري اسمهم بيت ديفا وبيت شرق وكاريزما اغلبه يكون شغل كويتيات تحصلين للي تبينه اهو طريقته مثل معارض وحريم يعرضون شغلهم واغلبهم كويتيات ويعرضون دراريع بدلات كله شغلهم وفي شغلات حلوه وراقيه
X