أمهات يوليو 2007 حيااااكم الله

مراحب خواتي

كيفكم ان شاء الله تمام


خواتي العمانيات طمنونا عليكم والله مشتقه عليكم
خاصه انكم اليوم ما حد دخل الظاهر معطينكم اجازه

الله ييسر عليكم ويكفيكم ويكفينا شر هالاعصار


ام النوح طمنينا عنك
فتحت رابطة البحرين عشان اطمن عليها
ولقيت هذا الرد وقلت اطمنكم(ملقوفه)...

اليوم رحت المستشفى اتطمن على البيبي والالم للحين يروح ويجي وخفيف ومن رحت سووا اليي تخطيط وطلع عندي طلق وسووا اليي تحليل للابوال ( الله يعزكم) وطلع عني الالتهاب مرتفع واجد وقالوا ليي لازم رقاد علشان يحطون عليي مضاد في السيليان بس ما رضيت وقلت مدام كل شي اوكي بروح البيت وباخذ دواء مضاد للالتهاب فوافقت الدكتورة على شرط اني اكثر من السوائل واذا حسيت بالم ورا بعض اروح اليهم

الله يسهل ان شاء

الساعه 12:23ص


الحمد لله والله يسهل عليها ويطمنا عليها ويكتب اللي فيه الخير


شهوده \\مشكوره عالمعلومات وصراحه ذكرتيني باشياء كنت نا سيتها

الله يجزاك بالجنه



والله يهون على جميع الرابطه


اقول خواتي
شريفه ما لها صوت


الله يسمعنا خير لكل العضوات

يتصفح الموضوع حالياً : 2 (2 عضو و 0 ضيف)
‏مسلمه..وافتخر, ‏elsherog

مراحب اختي الشروق

اخبارك واخبار بدوري

هلا يالغاليه .........
انا بخير وبدوري كذلك ولله الحمد ......اخبارك انتي شو عامله وكيف سعودي ؟

الحمد لله تمام

ياحليلنا بنات الرياض السهر متغلب علينا

الله يعين


بشري خلصتي اغراضك
وجهزتي شنطة المستشفى


وصادقه اختي شهوده اغراضنا كاننا رايحين سفر

الله يعين

اما السهر على كيف كيفك ماانام الا الساعه 9 الصباح ............

اما الشنطه لسى ماجهزتها ............وتججيزاتي باقيلي فتافيت واخلص

الله يعين......

بيتي كله بيروح لبيت اهلي :)

صباح الخير بنااااات


أهل عمان طمنونا الله يخليكم لنا يااااارب


قلبنا معاكم والله

اهلين يا حلوات
مساء الخير لكم جميعا وحق بنوتاتكم وصبيانكم واخص سلامي توتي اللي حبيبتي دايما تسأل عني وام ع بدالرحمن، كل مره اقول برد عليكم لازم يصير شيء يشغلني عنكم بالخير

بنات سامحوني على القصور بس الجامعه والتعب والشغل مب مخليين فيني حيل بس مب غافلة عنكم دايما اشأر عليكم ولازم اذا مب كل يوم اطل عليكم كل يومين على الاقل

بنات عن اخباري التعب والعوار طبعا كلكم اتعرفونه والحمدلله والله يقومنا كلنا بالسلامه يا رب
التجهيزات الحمدلله خلصتها بس بقى التوزيعات كنت بسوي بروحي عندي افكار حلوه بس الصراحه ما عبر والجامعه والبيت والرشد ماخلوني بس حطيت عيني على شي بس للحين ماوصيته

بس بنات باقول لكم شيء



الدكتورة الله يهديها صروعتني (خرعتني)
بنتي للحين ماافترت للحين راسها فوق واول امس يوم رحت الدختر دكتورتي كانت محد ودشيت على دكتوره ثانيه مع انها من قبل اسبوعين جافت انه البيبي ما فترت للحين بس ماخرعتني بشي

بس هذه العله سيده قالت لي : المفروض الياهل يفتر الحين واذا ما افتر بنسوي لج قيصرية وانا اسمع ساعات انه الياهل يفتر بس حزة الولادة لين ييه الطلق، بس هذه صروعتني ومخيلتني للحين احاتي والمعين الله

طمنوني يا بنات الله يطمنكم

طولت عليكم الهذرة ومره ثانية سامحوني على القصور

بنات يعني في تمارين او اشياء اسويها عشان البيبي يفتر :sad:

أحلى شهد;3822281:
هلا والله بطمطومه

الله يسلمك قاعده أحاول اعدل شوي من أكلي بس الحاروق اللي يذبحني يمنعني من الاكل


ويارب يسمع منك ويعطينا ولاده سهله بإذن الله :clap: :clap: :clap:


والثقل والتعب طبيعي أختي والأمساك سببه حبوب الحديد والله يخففه عليك وعلينا يارب


بحملي بعلاوي جاني باسول واحد بوقت الولاده وصغييير جدا وراح بدون علاج


بس بهذا الحمل رد وطلع لي ومازال صغير بس مأذني وما اتوقع بيروح هالمره الا بالعلاج

قلوبنا وياكم يااهل عمان ربي يسلمكم من كل شر يارب ياليت لو فيه تواصل من بينكم يابنات طمنونا عليهم والله اني احاتيهم .

ام راشد اسفرت وانورت تو مانورت الرابطه الله يسلمج من كل شر ياقلبي وانا اعرف وحده في كل حمل يكون راس اليهال فوق تروح عند المساده اقولها مافيها خطر تقول لا عادي اهيه متعوده والله اعلم بس تحملي مواي مساده يبيلها وحده عندها خبره وشاطره الله يسهل عليج وينزل الراس من غير ولاشي ولاتحرمينا من طلاتك الحلوه .
كربلاء بشرينا عنكوالنتيجه باقي البنات شروق،،مسلمه وافتخر،،رميثيه،، احلى شهد ،،شلونكم عساكم طيبين

غلا عمري بشرينا جهزتي والا للحين ؟؟

غزالة زوجها وشريفه وينكم من زمان عنكم مالكم صييخه

ام عبدالرحمن ،،ام المهند،،سونيا نتابع اخبار عمان بالتلفزيون عنكم اول بأول وياليت لوحد يطمنا عنكم .


انا اخباري توتر على قلق والثقل وبطني على طول متيبس ساعات احس بطني خلاص بينفجر من كثر ماهو يابس وثقلان مااعرف شلون انام ا بس اليوم زعلت من نفسي عصبت على ريلي وتوه جاي من الشغل ياربيه والله كسر خاطري مادري متى بصير مره وزوجه صالحه خاطري مااتهور واكون صبوره موعصبيه.

elsherog;3828860:
مساء الخيرااااااااااااااااااااااات ............
بدا العد التنازلي يارب يهونهااااااااااااااااااااااا .........بنات انا من جد بديت اخاف :(

انا الخميس انشالله ادخل التاسع وانشالله بكره ابدا ارتب شنطتي انشالله ..............

على فكره بنات اليوم كلمتني دكتورتي وطمنتني انت نتيجة مزرعة البول سليمه ولله الحمد :)

مسلمة وافتخر .........اللي تولد اول تبشر الثانيه ...........ولنبقى على اتصال

سونيا يالغاليه ودي اعرضها لكم بس الا الان ماجبتها من المحل وغير كذا مافيني اصورها وانزلها بس انشالله ولايهمك .............

وتحياتي وسلامي للكل يالغاليات
وتصبحون على خير ..............:)

أم المهند;3838860:
يالله بنات شدوا الهمة وكل وحدة تزودنا بمعلومات عن الشهرين الأخيريين ..

شوفوا هالملعومة .. :clap:

نزول الرأس

* ـ النزول أو تثبيت الجنين يحدث عندما ينزل الجنين في تجويف الحوض، وعند النساء اللائي يحملن للمرة الأولى قد تأخذ فترة نزول الجنين في الحوض فترة طويلة قد تصل من أسبوعين إلى ثلاثة أسابيع، أما في حالة النساء اللائي حملن ووضعن من فقد يحدث نزول رأس الجنين داخل تجويف الحوض في مرحلة متأخرة من الحمل أو قد لا يحدث حتى حدوث الولادة الفعلية.

وعند نزول الجنين إلى الحوض، يلاحظ انخفاض في البطن وامتداده إلى الأمام، مما له نتائج ايجابية على الأم، فيصبح التنفس أكثر سهولة نتيجة لانخفاض ضغط الرحم على عضلة الحجاب الحاجز، وتستطيع أيضا تناول وجبه كاملة من الطعام من دون صعوبة بسبب انخفاض تكدس البطن.

يصاحب نزول الجنين بعض التغييرات السلبية أيضا نتيجة لضغط الجنين على المثانة ومفاصل الحوض وفتحة الشرج، فيزداد عدد مرات التبول وتصعب الحركة للشعور بالثقل وربما آلام في منطقة الشرج، وبسبب التغيير قي مركز الثقل قد تشعر الحامل باختلال في التوازن أيضا.

أم المهند;3838884:
المخاض الكاذب يظهر على شكل:

ـ حدوث انقباضات غير متكررة وغير متزايدة في العدد.

ـ الشعور بآلام أسفل البطن أكثر من آلام الظهر.

ـ تهدأ الانقباضات عند السير أو تغيير وضع الجسم.

ـ ظهور الإفرازات البنية اللون.

ـ شدة حركة الجنين مصاحبة بانقباضات.

المخاض الحقيقي

* ـ حدوث انقباضات قوية وشديدة ونشيطة وليست ناتجة عن حركة الجنين في الرحم.

ـ بدء الألم في أسفل الظهر ثم انتشاره لأسفل البطن ومن الممكن امتداده إلى القدمين، مع الإحساس بمغص شديد وقد يصاحبه إسهال.

ـ تصبح الانقباضات أكثر عددا وأكثر إيلاما وتتوقف شدة الانقباضات وآلامها على مدى اقتراب موعد المخاض، ولا تزداد هذه الانقباضات بشكل ثابت، لكنها على أية حال تزداد بقرب الولادة.

ـ تمزق الأغشية الرحمية وعند %15 من النساء يخرج السائل الرحمي قبل المخاض إما على شكل قطرات أو بشكل متدفق.

ـ ظهور إفرازات بنية اللون أو مختلطة بالدم.

عند الشك في حدوث المخاض يجب الاتصال بالطبيب في الحال من دون تردد، فمن الممكن انه قد آن الأوان لخروج الطفل إلى الحياة.

سلام بنات شخباركم

مشكورين خواتي على السؤال


اما حالتي فوصلتها الكم اخت مسلمة ومشكورة اختي والله كريم بنات اليوم ما في الم بس حاملة معاي الماي واشربه علشان يخف عليي الالتهاب مع شرب المضاد طبعا

دعواتكم بنات

بس بنات بغيت اسالكم مع هذي الاعراض

طلق خفيف والرحم مفتوح 1سم في احتمال اواصل الى الشهر التاسع واولد في موعد والا ممكن اني اقدم
لان الدكتورة خبرتني ان احتمال كبير ان اولد مبكر لان بولدي الاول كانت الولادة مبكرة فالي عندها معلمومة بنات فيدوني

ومشكورة خواتي:1_3:

ام النوح;3857262:
سلام بنات شخباركم

مشكورين خواتي على السؤال


اما حالتي فوصلتها الكم اخت مسلمة ومشكورة اختي والله كريم بنات اليوم ما في الم بس حاملة معاي الماي واشربه علشان يخف عليي الالتهاب مع شرب المضاد طبعا

دعواتكم بنات

بس بنات بغيت اسالكم مع هذي الاعراض

طلق خفيف والرحم مفتوح 1سم في احتمال اواصل الى الشهر التاسع واولد في موعد والا ممكن اني اقدم
لان الدكتورة خبرتني ان احتمال كبير ان اولد مبكر لان بولدي الاول كانت الولادة مبكرة فالي عندها معلمومة بنات فيدوني

ومشكورة خواتي:1_3:

هلا بك اختي ام النوح

وسلامات
ترى لقافتي من خوفي عليك :B_wink:


وحبيت اسالك
في ولادتك الاولى البيبي طلع سليم او انهم رقدوه عندهم
اذا ما شر
الحمد لله تقديم شهر ولاتاخيره
انا خاطري اولد في او ل التاسع
احس خلاص مليت

بس حبيت اقولك ان وحده اعرفها انفتح عندها الرحم1سم من اول التاسع ولا ولدت الا اخره

والله يكتب لك اللي فيه الخير :9_33:

هلا والله بمسلمة والله لو ما تعزيني ما صرتين تحاتين ومشكورة خيتو

عموما بولدي ولدت في الاسبوع 35 والحمد لله كان سليم وبصحة ووزنه حوالي 2 كيلو ونص

واني لما سالت الدكتورة عادي اذا مفتوح الرحم 1 سم قالت الي عادي بس احنا نخاف يسبب التهابات الى البيبي وثانيا انتين عندك طلق وولادتش الاولى مبكرة فحتمال قوي هالمرة بعد تكون ولادة مبكرة

وكل اتكالنا على رب العالمين والله ييسر ان شاء الله

موتي ولا حزن زوجي

غلا عمري بشرينا جهزتي والا للحين ؟؟

هلا حبيبتي

ان شاء اليوم ببدي عسب بروح بيت هلي وانا ما حب اسوي شي من دون الوالدة لان ريلي صعب اتعامل معاه كلما اقوله شي يقولي ما عرف ويتردد وما يحب السوق ابد خخخخخخخخخ


وان شاء الله بسير اليوم

طمنينا عليج

شحالج انتي

عساج مرتاحة

وشو اخر اخبارج؟؟!!!!1

صباح الخير على أحلى حوامل

شخباركم كلكم وبالذات بنات عمان والله نحاتيكم

ان شاء الله يارب اخباركم كلها طيبة وتطمنونا عليكم بأسرع وقت

اختي أم النوح سلامات يالغالية وما تشوفين شر

وان شاء الله ربي يقدم اللي فيه الخير والصلاح

ويسلمج في وقتج ويقر عينج بشوفة اللي ببطنج

غلا عمري ايه خلاص مافي وقت روحي اشتري وقضي للبيبي

وبالعافية يارب عقبال ما تشوفينه لابسهم وتشيلينه بين ايدينج


أحلى شهد وكربلاء .. رميثية.. مسلمة وافتخر.. أم راشد.. جزلا.. شريفة

ان شاء الله ما أكون نسيت حد وبالذات شريفة عسى ما شر صار لها فترة ما بينت

يارب يكون المانع خير شخباركم وشخبار بيبياتكم والله لكم وحشة و الله يعلم بمعزتكم

وانا هالفترة ما اشبك على طول خبركم التعب والثقل والدبة تضرب بدرج الكي بورد خخخخخخ

ومرات تحجب الرؤية وتعيق التنقل فديت اللي فيها والله

يارب يسهل ويقومنا بالسلامة

هلا بنات .. صراحة داخلة اطمنكم وطالعة .. الحمدلله اوضاعنا مستقرة اليوم.. البارحة كان يوم كئيب وثقيل وكل شوية يقولولنا الاعصار بعد ربع ساعة بيوصل بس الحمدلله ماوصل .. الامطار كانت غزيرة جدا ورياح قوية .. وحدث عن انقطاع بالكهرباء يعنى تخيلوا حوامل ونايمين بالحر :( ودخلت المياه الى بيوتنا ونزلت الوديان وانفجرت السدود وانكسرت الجسور..واليوم الصبح مرينا نتفقد الاماكن المجاورة ولكن الاضرار والخسائر موجودة للاسف سواء بشرية او مادية.. وحالة عمان بعد يوم امس كانها رجعت في فترة السبعينات :(.. ولكن بعض المناطق البعيدة عن مسقط كالصور ومصيرة والشرقية لاقت اضرار كبيرة.. ولكن الحمدلله على كل حال..
نسالكم الدعاء .. وشكرا لكل من سال عنا واعتذر عن الرد حاليا لرسائلكم