اسهال الاطفال؟

على حسب لو رضاعة طبيعية عادي يكون البراز سائل

هلا اختي
هو يقول الدكتور اكثر من 7 مرات باليوم يعتبر اسهال غير هيك يعتبر الامر طبيعي لا تخافي

وممكن مايكون اسهال لان اصلا البيبي بهالعمر ماياكل اكل بس حليب فتلاقي برازه العفو لين شي طبيعي

حتى 4 مرات يكون الامر عادي..

اذا وصل لحد 7 و 8 مرات يومين متتابعين.. لازم يشوفه دكتور..

ترا براز الطفل بهالعمر يكون داااااااائماً سائل فلا تخافي..

عادي لو 5 مرات بس اكثر لا

اختي اذا انتي جاسج اسهال عادي الصغير يصير نعاه نفس الشيء لان كل اللي تاكلينه يتاثر بيه الياهل اذا كنتي من اللي يرضعن طبيعي

ومثل ما قالن الخوات 7 مرات الحد الاعلى لليوم الواحد

واكثر من جيه لازم الدكتور يشوفه

السلام عليكم ورحمة الله وبركاته

مشكورات خواتي والله ما تقصروووووووووووون يزاكم الله خير ...

الحمد لله انا كان عبالي ان خمس مرات تقريبا اسهال ... بس الحمد لله طمنتوني .. في البداية بعد العملية انا صادني اسهاااااااااااااااااااال فظيع وصج تاثر فيه الياهل وكان السبب المضادات الحيوية ما اتحملها .. بس الحمد لله احين كل شي تمام

في أمان الله

دمع الليل الحمدالله على سلامتج والله ما ادري انج ولدتي..

طمنيني عليج..

انا ولدي..امس مشالله بطنه مشااااه من كمن يوم ماكان يسويها عدل بس اتصدقين ما ركزت في عدد المرات الي سواهااا

والله اني ام فاشله..

:9_33:الأسهال عند المواليد الجدد شيئ طبيعي أنا في بنتي الأولى كنت كلما أرضعها اتوسخ على طول وبصراحه استشرت وايد وقرأت كتب واكتشفت ان الطفل أول ما يولد ممكن ايضل 3شهور على هالحاله وما تخافي...:9_33:

الله الله يا دموعة و عروس:D_smil1:

صرتوا بقسم التربية و الطفل و تركتونه بروحنا:cry:

لا اضحك معاكم الله يحمي اطفالكم من كل مكروه:9_33:

و لا تنسون الدعاء بتسهيل الولادة لنا كلنا بالرابطة:sad:

السلام عليكم ورحمة الله وبركاته

عروس الموج هلا فيجججججججججججججججججج حبيبة قلبي ... شلونج يا الخوافة لحين وسواسية ؟؟.. ههههه وحشتيني وايد واييد شخبارج وشخبار حبيب قلبنا ؟؟...
والحمد لله ولدي ما يعاني من الامساك ... وان شاء الله ولدج بعد ما يحوشه مرة ثانية الله يخليه لج ان شاء الله


الاخت ام ملاكي تسلمييييييييييييييين حبيبتي طمنتيني ربي يطمن بالج ويخليج ... مشكورة


الاخت ابراررررري .. اي جفتي شلون حبيبتي ههههههههههه كبرنا وشيبنا انتوا لحين ...احنا بالنسبة لكم صرنا موضة قديمة ههههههههههههه

ربي يسهل لكم و يتمم لكم على خير
تصدقين احس موضوع الحمال كان بالنسبة لي حلممممممم ...واحين اعيش الحلم الثاني الامومة ... ان شاء الله انتوا بعد عقب الولادة بتحسون كل شي من زمااااااااااااان وبتنسون التعب والحالة وبتيون القسم هني تزورونا


في أمان الله