طلب خاص من بنات الكويت 0000000

أن شاء الله بنات الكويت ما يقصروا ;)

الله يسمع منج يا اخت سحايب
وتسلمين لي

انتي تامرين يابنت احلى بلد:)


اليلوه هي زفه العروس الكويتيه قديما ولغاية الان يعيدونها كحركه



تدخل العروس وهي لابسه فستان بسيط نوعا ما ولازم يكون لونه يا احمر او اخضر وتكون لابسه الهامه والذهب الكويتي القديم وشعرها يكون سايب وتدخل الصاله ويكون مجهزين لها الكرسي وسط الصالة وعليه او مغطيه قطعة قماش خضراء
تقعد عليه العروس ويقومون الفرقة او اذا تبين مجموعة بنات يمسكون قطعة قماش ثانية لونها اخضر مربعه ومطرزه بخيوط ذهبية وعليها بعض العبارات مثل هب السعد وشغلات ثانيه مو ذاكرتها المهم وكل وحده من البنات تمسك طرف قطعه القماش الخضراء ويوقفون ويخلون العروس تحتها وتقعد مقابل العروس الطقاقة
(وطبعا تكون لابسه الثوب المّسرح الثوب الكويتي القديم وهم البنات
اللي معها )وبعدين تردد الطقاقه بعض الكلام والبنات يشيلون وراها

واذا انتي بتسوينها بدون فرقه يعني بس بنات تلقين الفنانه فطومة لها اغنيه لليلوه اسمها (هب السعد )


هذا اللي اعرفه واتمني اذا في اي غلط يصلحولي البنات :(

وانشاء الله بنات الكويت ما يبخلون عليج بشي

ومبروك انشاء الله

تحياتي:D:D

تسلمين يا في على هالمعلومات الطيبة

بس حبيت اعرف اذا كنتو تسون صينية للحنة والا لا 0000
بعدين العروس تقعد في وسط الغرفة على كرسي 00ما يصير تقعد على الارض علشان نحني ريولها

بصراحه احنا ما عندنا ليله للحنه :(

حطيلها صينيه للحنه بتكون اضافه حلوه

عادي خليها على الارض بس اظن على الكرسي اريح لها وتقدرين ترفعين ريولها بسناده

مشكورة يا اخت في على هالمعلومات ونخدمج بالافراح