يامئمن الرجال يامئمن الميه في الغربال

اول شي نرحب فيك يانرجسيه ونتمنى انا نشوف مشاركاتك المفيده

لانه واضح من كلامك انك متحامله وايد على الرياييل ما ادري ليش

بس ودي اعرف ليش كل هالقسوه والنظره السودايه على الرياييل ليش

يعني جنه العيوب والاخطاء ما تطلع الا منا احنا

عيل انتو ملائكه يالبنات ما تخطون ولا تقسون

وليش تعتبرين الزواج الثاني خيانه ليش مع ان الشرع حلل للريال اربعه

واذا انتي محتجه على طريقة التعارف بين الزوج وصديقة زوجته يعني

اللي اشوفه انه الريال ختمها بالزواج

وبعدين ليش ما تكون الخيانه من الزوجه اللي ممكن انها تنظر لواحد غير

زوجها وتتعرف عليه ويمكن اللي يستر بعد تصير علاقه محرمه وتصير

سوالف مو زينه

على العموم اصابعك مو سوى يا نرجسيه وبعدين احب اقولك لو كانت

الزوجه حريصه على زوجها انجان ما خلته ينظر لوحده غيرها وانتي

عارفه قصدي انشالله


وكحلي عينك

المهلي مايولي والله مير يحييك


وبعدين الرجاجيل ينضرون للمره ان كل شي عليها محرم ومحللين لنفسهم كل شي مهو ولا لا

وانا ماني واقفه ضد الشرع بس ابي اسال الي يلاقي وحده تحبه وتخلصله وماترفضله ابد طلب ليه يتبطر على النعمه

وصحيح فيه حريم يخنون انا مااقول انهم ملاك بس الانسان الي مايرضي على نفسه شئ المفروض هم بعد مايرضاه على غيره مو يالكحل بس الصراحه ان الي تخون اكيد شافت شى من زوجها وتبي تنتقم منه في نفسها بس الي تسوي ذا الشى ماتدري انها خانت نفسها ومبادئها قبل ماتخون زوجها

على العموم الرجاجيل مالهم امان من المليون نلاقي واحد صالح

وســــــــــلامتك:D :D

اول شي كحلي عينك

تصدقين انا متوقع ردك هذا لانه الحين مبين واضح لي التحامل الشديد

على جنس الرجال منك ماني عارف ليش

وبعدين يانرجس والله لو كل وحده تشوف ريلها يخونها وبتسوي مثله

انجان صارت الدنيا فوضه بس مثل ماقلت لك يمكن اللي راح يدور غير

زوجته اكيد شايف شي يضيق خلقه منها , تلاقيها ما تعرف شي

ما تعرف حتى تحط عطر ماتعرف حتى تمشط شعرها ماتعرف تلبس

شي يديد , لاهيه بالبيت وبالطبخ والاكل والريال خله يولي

وصدقيني صدقيني ولا تقولين هالشي مو صحيح انه لو بتنعزم المره على

حفله ولا بتروح عرس ولا سوق انجان شفتيها من صباح الله واهي قايمه

تغسل وتتمكيج وتروح صالون وتلبس احلى فستان ؟؟؟ طيب ليش

وهالمسكين ماله شي يعني بس للناس

يامعوده خلينا نكون واقعيين شوي .. انا ماني متزوج بس بصراحه اشوف

بعنيني كل اللي قلته لك بالاول


وكحلي عينك ياورد النرجس

اولا


مساء الخير :mad:

ثاينا

والله يا كحل ان كنت رجال فانت كحلت عيني بهالرد الحلو ;)


وثالثا


والله ليس مقياس النقاش الهادف الى حل لهذه المشكله بالمهاترات النسائيه الرجاليه وعفوا على الدخول بعنف معني ضد العنف مع المرأة:o ولكن لا تكمن الخيانه بمسمى الزواج الثاني نعم توجد خيانات وعلاقات مشبوهه لا يحللها الشرع ولا الانسانيه ولكن يا اخواتي قبل اخواني اليس من الحق ان نعطي الرجل حقه وننصف فعله ومجهوده لاسعادكن واراحتكن من شقاء الحياة المتعبة او نقابل كل حاله شاذه بعصيان وتهليل ورايات ضد الرجال بفعل انسان شاذ لا يخاف الله فما بالكن هل يخاف من زوجته او يقدرها .
الانسانيه بنيت على احترام الانسان بيميزان واحد وهو انه انسان ليس بنقيضين رجل وامرأة انما الازدواجيه التي نراها ان المرأة والرجل واحد بمشاركتهما الحياة وافتعالهما الثبات من اجل الاستمرار بعيش رغيد لاولادهما ليربوهم على تقوا الله واحترام الغير وينمون عندهم احترام الانسان بانثاه وذكره هكذا هي الحياة (l)

ولكن سوف ارفع المذكره المقدمه من اختي النرجسيه الى حقوق الانسان لكي تحاكمها محاكمة عادلة ترضي الرجل :D


اشكرك اختي على طرحك لمثل هذا الموضوع الحماسي الذي فعلا لم تزداد حماسته وجرأة الرد الا بنقاطك المشؤومه ;)

اسف وشكرا


اخوكم المحب 1لبندر

حبيب قلبي البندر الله محيك

اخوك كحل عند حسن ظنك وريال ويعجبك انشالله

بس والله يا اخوي مانبي نصير انا وانت في كفه والحريم في كفه

ونفتح جبهات قتال ضد بفضنا البعض لا يا اخوي لانه مانبي نزعل العالم

علينا وبعدين كلنا مكملين لبعض وبعدين معروف انه لكل قاعده شواذ

واصابع اليد مو مثل بعض



وكحل عينك

كفو بعد جبدي جبدك :)


مافيك اقصور انشاء الله


بس انت حطيتني مثل الفتان الله يهديك :(

انا حبيت اشارك وان كان هناك من مواجهه فسوف اواجه ولكن مواجهه مبنيه على اسس التفاهم بين المرأة والرجل وانشاء الله نحن لا نسيء الى اخواتنا وامهاتنا وزوجاتنا بس للاسف مو متزوج انا ;)

يعني النساء النص الكامل لنا (u)

شكرا اخوي يا كحل المنتدى على الرد الحلو


اخوك المحب 1لبندر

الله يحييكم وتسلمون على الرد بس ابى اعرف ليه مافي رد نسائي الى الحين :( ؟؟؟؟؟؟

على العموم عندي لكم مقوله ابيكم تفهمونها((لم يخلق للمرء قلبين في جوفه))
يعني بصراحه تضنون ان الانسان لما يتعرف علي وحده وهوه متزوج مين يكون يحب ؟؟؟؟؟؟ اكيد يتصنع الحب لوحده فيهم يعني كذاب والسموحه على كلامي

وبعدين الى يبي يتزوج كذا وحده تضنون انه راح يعدل معاهم لان هذا من ابسط حقوقهن عليه انا عن نفسي مااضن لان الرجال هذى الايام مدللين زياده عن الزوم وهي فتره وراح يتعب صدقوني(اسفه)

وبعدين الزوج اللي يقدر زوجته يالبندر مستحيل يخونها ولايحط نفسه في وضع يخلى احد يرفع عليه الرايه اكيد راح يشوفها ملاك لانه هو يبيها كذا مو؟؟؟؟؟؟؟

الحياه تبحث عن التضحيه من اجل ان يعيش الحب والصراحه راحه ومهو عيب ان الزوج يصارح المره بعيوبها ويقلها انتي فيك كذا مهو عاجبني بس بطريقه حلوه صدقوني الزواج رابط مقدس مهو كلام على ورق فالرجال في ذا المجتمع من اول زواجه علا الصوت علشان يسيطر على الوضع تمام

:) وســـــــــلامتكم:) :) :)

العزيز الغالي البندر

العزيزه الغاليه النرجسيه

احنا ليش قاعدين نتناجر ونتخانق على شي المفروض كلنا نعرفه

واهو لو كان الزواج بين اثنين جمعهم الحب والود انجان مافي حد تروح

عينه على حد ثاني

بس تبون نتزوج مثل يدي ويدتي مايصير ياجماعه

الحين الناس فهمت وابسط شي يطلبه العريس اذا حب يتزوج انه يشوف

العروس ويمكن يصير الحب والتفاهم من اول نظره

ياحبايب قلبي انتو هونوها وتوهون

وبعدين انشالله انا وانت يالبندر الله يوفقنا نتزوج خوات علشان كل ما

تزعل وحده تروح لأختها وجذي اشوفك وتشوفني وايد اشرايك:D :D :D

اهلا وسهلا بالنرجسية00

واقول تسلم يدك على ذا المقال00

وفعلا الرجال عيونهم فارغة000

لكن لا تنسين ان الطرف الثاني كان مراة00

;)

وشكرا مرة اخرى (l)


واتمنى ان نكون اصدقاء

o.k;)





















وهذي مني لكي:p

اهلين بنت السعوديه

ياهلا فيك ومرحبا وحياك ربي في المنتدى

بس عاد انجان هذي اول مشاركتك من اولها هجوم وهجوم شرس علينا

ليش يبا ليش عيونا فارغه

لا لا هذي الحجي ما يصلح منك

وبعدين انا اعتقد انك ماقريتي الردود والموضوع من اساسه

بس دخلتي ويالله عليهم عليهم

على العموم نتمنى نشوف ردود الواقعيه وبعدين المسأله محلوله

ومنتهيه



وكحلي عينك

<center>
هلا وغلا بالنرجسيه

والله يالغاليه الله سبحانه وتعالى ماحكم ولا حلل ولا حرم على عباده شي

ان كان صغير صغير او كبير الا كان له فائده لنا او ضرر فايبعدنا عنه

يعني مكسب دنيوي ومكسب رضاء العباد والفوز بالجنه بالاخره

اقصد من هذا كله

ان الله سبحانه وتعالى حرم على المراه ذكر محاسن النساء الاخريات عند زوجها

وهذي اول غلطه تقع فيها الزوجه الغبيه ... عفوا ً

والاغباء من هذي الي تمثل دور الي ولا همني وواثقه بنفسي

تخليه يرد على صاحباتها وتقول له ليه كذا ماسلمت عليها لا مره ثانيه سلم عليها

ولا الي تركب صاحبتها معها بسياره ان كان بسبب وان كان بدون سبب

وتجي الثانيه بكامل زينتها

ياشيخه الله يلوم من يلومه إذ الزوجه غبيه فاتستحق اكثر واكثر من هذا

فاصلة ،،،،،،،،،،،،،،،

مو كل زوجه يخونها زوجه تكون هي نفس ماذكرت اعلاه

للاسف فيه رجال الخيانه " والعين الزايغه " شي لا يتجزاء من طبعهم

هنا يجي دور الزوجه الذكيه الي تترك العصبيه جانبا وتفكر ان مجرد نظره من عابثه ماراح تخليها تهدم حياتها علشانها

تحاول تغير من طبع زوجها تحاول تكون له صديقه قبل لا تكون زوجه على الطالعه ونازله غيرانه ومخاصمته لانه كلم ثاني ولا شاف هذي

يعني باختصار خير الامور الوسط ابعدي عن الي يضرك وخليكي ذكيه ولا تامني احد على حياتك ان كان صديقه او زوج

الزوج حبيه كانه اعز اصدقائك واخشيه كانه الد اعداءك :(

وش رايكم الان فيني مو اعرف اتفلسف ؟! :D

تكفون ادعو لي اكون زوجه ذكيه واعصابي راااايقه لابعد درجه

والف شكر اختي نرجسيه على هالموضوع المهم جداً

تحياتي

اسفــــــــــــــــــــــــــــــة:o


اخواني الكحل والهجير00



لكن في رجال كذا00


بس الحقيقة الي حبيت اقولها000





وان شاء الله انها تحسم الموضوع00







هي00
























ان الخائن خائن00





















سواء رجل او مرأة00




لان الخيانة هي الغلط الوحيد الي ماله مبررات00







انبسطوا0000