هذا الي قالته لي الدكتورة اليوم

ام حمود وبرور 27-05-2007 15 رد 1,115 مشاهدة
ا
السلام عليكم ورحمة الله وبركاته

شخباركم اخواتي الحوامل وشخبار حملكم ؟؟؟

الله يثبت حملي وحملكم على خير ويقومنا بالسلامة...

ويرزق كل محرووومه يارب....

بصراحة انه اليوم رحت للعيادة عشان اسوي التراساوند ابي اعرف شفيني

ولد ولا بنت

بالعلم انه عندي بنت من قبل

والحمد لله بغيت اطير من الفرحة يوم قالت انه فيني ولد :B_wink:

بس بعدين قالت لي شي خوووووفتني مووووت :sad:

قالت لي انه في راسه ماء زايد عن الموجود ويحتاج حق متابعة...

وآنه حسيت انه قلبي طااااااااااااااح خفت كلش كلش...

وهي طمنتني قالت لي انه ما يأثر على الجنين بس لازم يعرفون شنو السبب من شنو زاد الماي..

وقالت لازم يحولوني على (السلمانية) للحالات الطارئة عشان يتابعوووون الموضوووع

بس من كثر ماكنت خايفة ماسألتها :sad:

أبي اعرف متابعة من اي نوووووووع

شنو يعني متابعة.... شبيسووون بالضبط

بيسوووون في الجنين شي؟؟؟ او بالحبوب والمضادات؟؟؟

ومن سمعت بالمووووضوع وآنه كلش حالتي حالة كله احاتي وخايفة...

فأرجو من الي عندها علم بالموضووووع...

او مار عليها هذي الحالة من قبل.....

تقوووول لي شسوووا لها.... شيصير في الجنين بعد ماينولد ....

هل انه شي عااادي او....... مع انه الدكتورة قالت لي عادي بس بعد خااايفة موت..

واتمنى انكم تردون علي بأسرع وقت وتطمنوني بعد...

واكون شاكر لكم...

تحياتي... العــــاشقة
@
والله ماعندي فكره ياحبيبتي ولكن حبيت ادعي لج

الله يرزقج بالذريه الصالحه وبصحه وعااافيه

الله يسهل امورج ويفرح قلبج فيه
ا
الله يبثب لج حمالج على خير وتقومين بالسلامه وتكون صحه البيبي زينه
وانتي لاتحاتين ولاتخافين ان شاء الله مافيه الا العافيه
a
والله ماعندي فكره يالغالية

بس انتي روحي وتابعي ... وان شاء الله ما يكون فيه شيء خطر عليه والله يرزقك بالذرية الصالحه ويطمئن بالك عليه يارب
s
الله يثبت حملج ويعطيج الولد المعافى

شوفي حبيبتي :

من تجربتي الشخصية مع ولدي وايد قالو لي كلام لدرجة اتخيلت ولدي معوق والحمد لله كاهو ولدي عمره سنتين وشهرين ما فيه الا العافية


فانتي دامها طمنتج ، اهي لازم تحولج عيادة خاصة باللي شافته وهذا بعده جنين

فانتي لا تخافين والمفروض حبيبتي اي سؤال يخطر على بالج تسالين على طول لا تترددين لازم علشان تكونين مرتاحة


والله ان شاء الله يريح قلبج


س
ماتشووفين الا العاافيه وتقومين لنا بسلاامه
وان شاء الله الجنين مافيهالا العاافيه بس روحي تابعي عند المستشفى يكوون احسن وعلشان تطمئنين اكثر
ر
عزيزتي الله يقومك بالسلامه انتي والبيبي انشالله
حابه اقلك ان الاطباء مايعرفون شي والله اعرف وحده عز المعرفه وهي حامل قالتله الدكتوره نفس اللي قالتلك هو وما طمنتها الا قالتلها البيبي فيه مويا زايده واحتمال عمليه بعد الولاده للبيبي لشفط المويه وظلت المسكين مرعوووووووووووبه وتدعي وتبكي بس والله لدرجة انها جلست يومين نفسها مسدةده عن الاكل هي وزوجها واتصلت على دكتور اطفال تسالو لان ماعندها خلفيه قالها ماتشيليش هم دا عادي بتتعملو عمليه بسيطه بعد الولاده لشفط الميه ويرجع كلو تمام اطمانت شوي وراحت لدكتوره تانيه عشان تتاكد قالتلها الطفل بكامل صحتو ومافيه اي شي طبيعي ميه الميه الحمدلله وطلعت الدكتوره الاولى حسبي الله عليها تبي الفلوس وبس لانو بذي الحاله لازم تحاليل والازم منو وولدت وطفله بخير الحمدلله ادعولو ان الله يهديه مغلبها مشالله عليه وتوتا توتا خلصت الحدوته حلوه ولا فتفوته لا تخافين ياقلبي ومافيش الا العافيه انشالله
ع
وحده من الاهل كانوا قالولها هالشي وهي حامل...

وربت وكبر ولدها والحمدلله ولا بين عليه اي شي من هاك الخريييييييييييييييييط

وصار بسن زواج بعد

توكلي على الله وراجعي طبيبة غيرها عشان ترتاحين اكثر

وبهالزمان الحمدلله ويييين وصل الطب..لا تحاتين يالغلا..

الله يريح بالج وتربين بالسلامه وتبشرينا بالخير عن المولود

تحياتي
أ
عادي لاتشيلين هم


أنت روحي جيكي عن دكتوره ثانيه عشان تتطمين أكثر

وتوكلي ع الله

ودوووم أقري على بطنج يعني يوم تقولين أذكار الصباح والمساء حطي أيديج على بطنج وأقري

وأن شاء الله ماعليه إلا العافيه

وطنينا عليج يالغاليه
ر
بقولك قصة على غباء بعض الدكتورات طبعا مش كلهم لكن بعضهم مرة كنت حامل وجات الدكتورة ست الحسن تشوف نبض البيبي فشفتها أتحوس وتلوس في بطني هي والسماعة وظلت فترة أدور على النبض وفي الأخير بكل وقاحة وبرودة أعصاب أتقولي مافي نبض . عاد شو تتخيلي حالتي أختي هذيك الساعة لما تسمعي حد يقولك هالكلام والله دارت بي الدنيا وما أحس بنفسي غير بعيادة ثانية والدكتورة سوت لي أشعة تلفزيونية وشافت كلشئ تمام والطفل بخير وكان نايم وعاطي ظهرة فعشان كذا هالدكتورة الغبية ما قدرت تسمع دقات قلبة . يعني يا اختي لا تعتمدي على كلام دكتورة وحده حاولي تتأكدي من عدة دكاترة عشان يبين لك الخبر الأكيد. ومافي غير العافية إن شاءالله وهذي سالفة أن الكيس أكبر من الطفل أو حجم الجنين صغير أو الماي زايد وناقص هذي ياما بتعيشي أختي وبتسمعي من هالكلام لكن لما الله تعالى يريد الحياة لطفلك راح اتكون كن فيكون ولا دكاترة ينفعوك . أتكلي على الله
أ
الله يقومك بالعافيه انتي والبيبي من غير شر يا رب

ما اعرف عن اللي قلتي

بس اختي قالوا لها حجم راس الطفل كبير و يمكن فيه شي او

ورم

بس قعدت خاايفه و الحمد لله ولدها ما فيه شي سليم ميه بالميه

بس راسه دميجه كبير شوي ههههه

الله يقومكم بالسلامه
ا
[FRAME="12 70"]والله اني اشوف تروحين تتابعين في السلمانية افضل عشان انهم راح يعملوا ليكي التراسوند تقريبا كل شهر بس اذا في امكانية يحولونك على قسم الاشعة مب الفاتح يكون افضل فنتي روحي وطلبي انش تروحين قسم الاشعة لان اجهزتهم افضل من الفاتح الي في السلمانية وانشاء الله ما كو في البيبي الا العافية عيوني بس لا تحاتين ترى مب زين عشانش ولا عشان البيبي وهي الدكتورة ماشاء الله عليها ماخوفتك قالت لك هاي الشي طبيعي.[/FRAME]
B
والله ماعندي فكره ياحبيبتي ولكن حبيت ادعي لج

الله يرزقج بالذريه الصالحه وبصحه وعااافيه

الله يسهل امورج ويفرح قلبج فيه
ا
حبيت اشكر كل من رد عليي وطمني

واختي رقية انة الحين في الشهر الخااامس

وان شاء الله برد اروح لدكتورة ثانية

وبشوووف شتقووول وذا طلع نفس الشي بتابع في السلمااانية

تسلمووون خوااااااتي بس بعد ابي اعرف الي صار لهم مثل هالحالة شسوااا في البيبي

اختكم: العــــاشقة
C
ما عليه شر انشالله

وترا كلام الدكاترة وايد وساعات يخووفون والحافظ الله

وحدة من معارفنا قالو لها ان بنتها ما فيها راس تخيلي
وبعدين ولدتها وكانت طبيعية بس جسمها مرن وايد بس طبيعي
ا
شكرا لكم خواتي

لانكم فعلا ريحتوني شوي

لان الاكثرية يقولون ان بعد الولادة يكون عادي

وان شاء الله خير
X