اخوي المراهق يتحرش باختي الصغيره

انا مع الاخت ريم فى كلامها

وفعلا لالالالالالازم تكلمى اهلك بسرعه يرجعو بأى طريقه حتى لو اضطراتى تقوليلهم ألى حصل فى التيليفون وابعدى اختك بقدر الامكان عن اخوكى ومتسبهاش لوحده ابدااااااااا

ربنا يعينك ويرفع عنك البلاء

لا حول ولا قوة إلا بالله العلى العظيم

اللهم ارحمنا برحمتك يارب

انا مع الاخت ريم فى كلامها

ولا تسكتين على الموضوع

انا رايي من راي الريم
اما لوفيرنتد قيرل فرايي مو من رايك المفروض ان الطفله تعرف ان هدي مو لعبه هدا شي حرام مو لعبه وموزينه
وطبقي اللي قالته لك الريم وانتبهي للبنت في كل خطوة تمشيها وحاولي انكم ماتجلسون بالبيت وكمان انتبهي لباقي خواتك واخوانك

لا حول ولا قوة الا بالله

اختي لا تسكتي

انا لو كان اخوي كان حيشوف نجوم الليل في النهار

سبحان الله

انت ليش اعصابك هادئة

هذي اختك ومستقبلها راح اذا صار شي ... لا تخلي اختك ولا ثانية من عينيك ولو اضطريت تبقين في البيت

طبعا لازم تقولين لاهلك ... هذا ذنب راح تحمليه انت اذا ما خبرتي اهلك وحميتي اختك الصغيرة وما وقفتي اخوكي عند حده

لا اله الا الله

سبحان الله

حبيبتي اني رايي من راي البنات واني مو مع الاخت وقفي اخوك عند حده وخبري اهلك ضروري اهلك يعرفوا وبعدين البنت صغيره وممكن نفسيته تتعب في المستقبل ومستقبلها يضيع وهي امانه مخلينه عندك بكره تتحاسبي عليه عند الله عز وجل

لاحول ولا قوه الا بالله الله لايبلانا كله من هالفضائيات والبرامج الهابطه اللى غيرت عيالنا وغسله مخهم حبيبتى ماقدر انصحك بشى زود لان الاخوات الله يعطيهم الف عافيه ماقصروا بارائهم وخاصه الاخت ريم *** الله يستر عليكمممممممممم

سبحان الله الله يعينك يارب ويعينك على ارانا المختلفه كل وحده تشوف من وجه نظرها ربي يبعد عنا وعنكم الشر ..
صراحه انا من راي ماتكلمينه كلش لانه سوا هاي في اخته الصغيره مب غريبه يسوي شي اعظم فيكم ..
لاتقولين لا والله الشيطان يخلي الواحد عمي ..
ربي يعينكم ويرفع عنكم البلا انطري هلج وعلمي امج .. لان الام شوي تقدر تتحكم بس الابو صعبه ..
وانتي حاولي من اختج تعرفين وشو سوا لها يمكن بس زخها .. ماتعمق اكثر يارب يكون هذا اللي حصل .. وبخصوص العذريه هاي طفله ولحين مافيها عذريه انا لاسمعت بعد البلوغ والله اعلم ..
انتي حاولي تتجنبونه وكلمي ام وقولي لها تمللنا تعالي بسرعه ولجات علميها واشتري لاختك حلاوه وشكليت وقولي لها
هو شسوا لج؟
يعني سايسيها رفع ملابسج؟
يمكن كان يبي يغير لج ملابسج هو اخوج بس مره ثانيه لاتخلينه عشان لازم البنت بس تغير لاختها ..
لاتخرعينها مسكينه بعدها ياهل وبتتعقد بسم لله عليها ربي يهديه .. استغفر الله الله يعينكم على مابلاكم .. ويرفع عنك ما انزل ..

الموضوع يحتاج لهدوؤ وحكمة وتروى

طمنينا اختى

ايش صار

أسماء زكي الدين:
أختي الله يعينك ويقرب عودة والديك ...


حبيبتي أولا لا تحملي نفسك الذنب أنت لم تتركي أختك مع سائق أو عامل حتى تحملي نفسك ذنبا بالعكس أختك كانت مع من هو المفروض يحميها من أن يقترب منها أحد أو حتى ينظر لها نظرة سيئة ...


غاليتي أعرف أن قلبك يحترق على أختك واخيك ..

حبيبتي أخوك لا تصرحي له بما عرفته لكن قولي له واشعريه أنك متعصبة ومتضايقة جدا .. قولي له: ماذا فعلت بأختك هي مرعوبة من وقت كانت معك .. ولا تتحدث !! وقولي له أنها تقرض اظافرها .. وأنها مرعوبة وخائفة ومن شدة خوفها لا تستطيع قول ما حدث معها ...


لا تواجهيه مواجهة تامة فلا تأمني شره على نفسك .. ولا تتركيه فيقترف ما اقترف مرة أخرى ..

قولي له أنهما أمانة في عنقه ووالداكما تركاكما أمانة في عنقه يصونها ويحميها لا أن يعرضها للخطر ...

ووضحي له رغبتك أن تأخذي أختك لطبيبة تعطيها مهدأ وتستخلص منها ما تعرضت له لأنها غير قادرة على الكلام ...

أختي لا تتركي اختك وهي نائمة بعيدة عنك ولا تنامي وقفل الباب مفتوح ... حتى بعد عودة والداك بالسلامة ...

مشاركتي جدا قليله لكن صدمني الموضوع
واحس انه جدا حساس وحبيت افيدج فيه

انا رايي من راي الاخت
اسأليه بدون لا تقوليله انج اتعرفين شي بس قوليله ليش خايفه منك شو مسوي فيها
مو راضيه اتخبرني ......... ومن هالكلام اذا حس انها خايفه اكيد بيخاف في البدايه انه ينكشف وبعدها بتخترب علاقته فيكم وبيستحي يكلمكم وبيحس انه شخص غير مرغوب فيه لا اتعلمينه بانك عرفتي السالفه عشان مايصير كل هذا ........ هو بينه وبين نفسه راح يندم عاللي سواه اكيد

واتحملي على اختج خليها عندج وتحت نظرج ............ الله يحفظها يارب

نسيت اقول عن كيف اتعاملين اختج

لازم اتبينين لها انه اللي صار عادي يمكن كان يبي يغير لها ملابسها ويلاعبها لا اتخلينها اتحس انه سوا شي غلط فيها

عشان ماتتعقد البنت حرام بعدها صغيره فديتها

لازم تخبرى اهلك عشان تقفو وقفة وانشاء الله المرادى تكون عدت على خير بس عشان ميتكررش تانى وحاولى تشغلى كاست او برامج دينية امام اخوك عشان ربنا يهدية كانك انتى البتسمعى عشان يسمع والدعاء هوة الحل وانشاء الله خير

أختي طمنينا

شنو صار معاكم


انشغلنا عليج :(

استغفرالله العظيم حبيبتي ديري بالك علي اختك وخليها تحت عينك دايما والله يستر عليكم وعلي نساء امة محمد والله الموقف وايد صعب ولكن من الافضل اهلك يدرون

عهوود;3773446:
نصيحة منى اختي الغالية

طمني اختج وفهميها ان هذا الشئ عادي ولما تكبر بتفهم عشان ماتستوي لها حالة نفسية خصوصا
انتي قلتي قامت تقرض باظافرها هذا يعني انها خاايفة ودلعيها ولعبيها يعني خليها اتحس بالحنان
لما يرجعون اهللج ماتخرعينهم واتصارخي واتصيحي لالالا
خليهم يرتاحون لو بعد اليوم الثاني خبريهم مب على طول . وجوفي امج خذيها على جننب
وكلميها بالهداوة والسياسة
واذا جفتيها بتسكت عن الموضوع انتي خبري ابوج
لان هذا الشئ بياثر على اختج والامهات بيتناسون هذا لشئ عشا اولادهم وعن الفضايح
خبري ابوج بالهداوة وفهميه ان ااخوج مراهق مب مركز هو شو سوى وهم ان شاء الله بيتصرفون
بس انت حاسبي على خواتج مب تمسكين وحدة واتهدين الباقي خليهم عدالج على طول
واخوج حاولي تتقربين منه وزيدي ثقافتة والاسلامية
وعطية فيديو عن محاظرة وقصص عن المراهقة واتفهمه هو في اي سن وان هذا السن خطير
لازم هو يفهم عشان يتعدا
اختج لو جفتي حالته زادة انصحكم انكم تودوها عند دكتور نفسي واباج اتخلينها ترتاح لج اكثر
عشان تخبرج عن كل شئ يستوي لها

وشكرا


واتمنى الستر لكم والصحة والعافية والله يبعد عنكم المشاكل

يعني يا أختي كل اللي ذكرتيه جيد وممكن يساعدها إلا

عهوود;3773446:
نصيحة منى اختي الغالية

طمني اختج وفهميها ان هذا الشئ عادي ولما تكبر بتفهم عشان ماتستوي لها حالة نفسية خصوصا

كيف عادي أخوها يتحرش بيها يكون عادي؟! هذه مصيبة وإذا البنت فهمت كدة راح تسمح له يعمل فيها أكثر بعد كده .. بالعكس المفروض تبين لها إنه ما هو عادي أبدا وهو شيء حرام البنت عمرها 5 سنين ما هي صغيرة إنها ما تفهم !! المفروض من سنتن فاهمة إنه ما حد يقرب منها ولا يلمسها ولا حتى أخوها !! ربنا رزقني ببنتين وولد والحمد لله بناتي حتى من أول ما يبدأوا يقفوا على رجولهم وا،ا أغير لهم أو أحممهن أحثهن على أن يسترن أنفسهن حتى عن ابوهن ..


أقول لك أختي لما كنت مسافرة وتركت بنتي مع أبوها وعمرها 5 سنين وصيته لما يحممها ما يخليها تخلع الأندر ويحممها وهي لابساه .. طبعا هو زعل وفهم كلامي غلط وقال لي بنتي لن أنظر لها!!

أنا لم أقصد ذلك وقلت له: ما قصدته أن تجعلها تشعر بالاستحاء منك فتستحي من غيرك !! والآن لا أحممها أنا إلا وهي لابساه ...


بنتي الصغيرة عمرها 3 سنوات ما أسمح لأخوها يدخل الغرفة وأنا باغير لها ولا يشوفها وهي بتغير ... ولا البنات يغيروا بحضور بعض .. ولما باضطر أحممهما مع بعض (البنتين) بأخلي الكبيرة تلبس شورت لغاية ما نخلص حمام

فوفوعرب;3773294:
لاحول ولاقوة الابالله

الصراحه موقف صعب الله لايحطك فيه مره ثانيه

شوفي كل الاطراف الي في الموضوع اكيد يعيشون الحين حرب نفسيه

وأولهم اخوك ... اكيد لان اخوك زي ماقلتي متربي( (يعني مايشوف افلام قذره ويخاوي قليلين

ادب...والا كلامي خطاء؟؟))........يعني كانت همزه من همزات الشيطان

شوفي انتي لا تصارحينه ولاتقولين لاهلك لأنك كذا بدمرين اخوك ويصير خلاص انسان قذر لانه فقد

ثقة اهله فيه وراح يتغير لانسان ثاني.

بالنسبه لاختك قوليلها ماتقول لاحد لا لأخوك اولاَ , ولا لأبوك وامك ولا لأحد ثاني ابداَ ابداَ

وانتي سوي نفسك ماتدرين عن شيء اضحكي معه عادي وسولفي واضغطي على قلبك شوي

عشان تحلي المشكله بعقلانيه
وانتبهي لأختك زي ماقالوا الخوات لاتغفلين عنها حتى بالنوم لان عقلية اخوك لسى ماأنضجت

يعني يسوي الشيء بتهور بدون مايفكر بنتائجه ونهايته يندم (( هاذي هي شخصية المراهق))

صدقيني انه الحين ندمان شعر راسه وده لو يرجع الزمن وماسوى هاذى الشيء

فاأنتي خليك اكثر نضج واحتوي الموقف

فسوي الأن الي حطيت تحته خط

وبعد يومين او ثلاثه حطي لأخوك شريط عن هوى النفس ومداخل الشيطان

وشغلي شريط سورة البقره في البيت عن الحسد وحتى يستمع له اخوك ويهبط شيطانه

وقوليله اني مشتركه في منتدى لتسميع سورة البقره عشان ما يحس بتغيير وحاجه

وافتحيله على المواقع الاسلاميه وخليه يشوف مقاطع للمجاهدين في القوقاز ناس تركوا

اهاليهم وزوجاتهم واولادهم وزهرة ومتعت الحياة الدنيا قمعوا جماح شهواتهم خليه يشوفهم

عشان يتعض.

يعني سويله دورات تأهيليه تربويه بدون مايحس.واحذرك مره ثانيه تقولين لأهلك لأن ابوك اعرف وشلون بيكون تصرفه..بيضربه قدامكم كأنه

حل المشكله الله يهدي بعض الأباء وراح تفقدون اخوكم للأبد لاسمح الله لأنه بيحس خلاص

المفروض مايكون له وجود عندكم أو بيتمادى بعد مادريتوا ..بما أتكم دريتوا ولاراح يسمع نصيحة

احد.

ونصيحتي الأخيره عشان تحفضون اخوكم من الضياع بأذن الله زوجوه اول ماياصل العشرين

ولا يتأخر ابداَ ودوروله انسانه مناسبه من الأن

والله يحفظكم في مايحفظ به عباده الصالحين....اللهم امين

الله يجزاكـ الجنه يافوفو عرب عالحل الطيب

معاها 100% كلامها عين العقل

لاحول ولاقوة الا بالله خليها قدام عينك لا تغفلين عنها

الله يكون في عونج يا أختي

اختج الصغيره امانه في رقبتج

حافظي عليهاا وقولي حق امج وابوج يوم يرجعون يمكن اخوج عنده مرض نفسي ولا شيء وان شاء الله ما يصير الا اللي فيه الخير

السلام عليكم ورحمة الله وبركاته

اولا أنا اسفة الغاليه على التأخير لكن الظروف تمنعني من المشاركة باستمرار

اختي أظن والله العالم ان البنت ما صابها شي ممكن انه يفقدها العذرية الحمدلله
واظن بان التحرش كان سطحي فقط لان الصغيرة كانت بتكون حالتها غير وبتكون هناك اثار تدل على الحاصل لكن الحمدلله اجزم بأنها 99% ما صابها شي ولا فقدت شي الا ان هالحادث مستحيل ينمحي من ذاكرتها طول عمرها لان الطفل ذكي وفي هالمرحله بالذات الذاكرة أقوى ما يكون فلازم تنحل المشكله بهدوء وبعقلانية والمفروض ما نهمل احساس الصغيرة او نعاتبها لانها راحت عند اخوها او طاوعته لان العتاب بيزيدها احساس باللي سوته وممكن انه يزرع في نفسها شي يظل معاها للكبر .. عقدة نفسيه مثلا ومن هالقبيل ..

لكن الموقف محتاج لتدخل سريع تاخذ منه البنت حقها عشان ما يترسخ في ذاكرتها للأبد ويحس الولد على دمه ويرجع لوعيه وتعرفون أسباب انحرافه وتسيطرون عليها من الحين وهو في شوركم قبل لا يكبر ويطيح الفاس بالراس ..

اول شي تسوينه الغاليه انج تهدين اختج وتحاولين تفهمين منها بالضبط اللي حصل وتحسسينها وهي تتكلم بالأمان وانها لازم ما تنحرج او تحس بشي غريب وهي تقول لج هالشي وتصارحج ..
يعني تشجعينها على الصراحه خاصه في هالامور لان الاطفال لما يتعرضون لهالمواقف يفضلون السكوت ويبقى هالشي داخلهم ومحد يعرف عنه لانهم ولو ما يعرفون شي عن هالامور الا انهم يحسونه شي مب طبيعي ولازم يسكتون عنه ..

المهم بعد ما تخبرج حاولي تحسسينها بأنها مالها ذنب وان اللي سوته شي صار وانتهى خلاص مثل أي لعبة تلعبها وتنساها بس لاااااازم تفهمينها بعد وبأسلوب لطيف ان اخوج هو المذنب وان هالشي غلط كبييييييير وتشرحين لها ان الواحد لازم ما يخلي أحد يلمس جسده أو ذيك المنطقة بالذات لانها خطره بس الحمدلله انها ما صار لها شي فلازم الشي هذا ما ينعاد واذا انعاد تركض لج وتخبرج عشان انتي تتصرفين وتتدخلين ..

ثاني شي البنت لازم ما تغيب عن عينج ولازم تكون تحت مراقبتج حتى بعد رجعة اهلج لان الاعداء حوالينها كثر مب لازم من داخل العايله .. حتى بعد ما تروح المدرسه تحاولين تفهمين منها الاحداث اللي تصير وياها والمواقف وعن صديقاتها وكل شي .. الله العالم باللي ينوون لنا بالشر دون ما نحس بهم .. يعني المراقبة لازم تكون دايمه عشان نحمي البنت من هالمواقف مستقبلا خاصه هالايام اللي ما قمنا نشوف فيها غير الشر يتطاير من العيون .. ومالج الا انج تقوين علاقتج بها من الحين عشان تضمنين صراحتها معاج في المستقبل ..

علاقة البنت بأخوها .. أكيد الحين تغيرت 180 درجه وصار الخوف في قلب المسكينه .. حاولي تشيلين هالخوف وتحلين مكانه ثقة .. بس بنفس الوقت تفهمينها بأسلوب ان قعدتها بروحها ويا هذا الاخ من اليوم ورايح ممنوعة حتى لو طلب منها تساعده في شي أو أي طلب آخر ..

بالنسبة للأخ

أفضل ان الموضوع يصل للأم فقط .. حاليـــــــــا ..
بعد ما يرجعون اهلج بالسلامه .. عطيهم يوم راحه وبعدها تاخذين الوالده على صوب وتخبرينها باللي صار .. بشرط انج تفهمينها ان الموضوع ما يوصل للأب وانه ما صار شي كبير ولله الحمد ..
الأم لازم تتخذ اجراءات حاسمه في هالموضوع ..
لااازم تكلم الولد ولااازم تعرف الشي اللي تسبب بالحادث .. يعني من هم ربعه ؟؟ وشو عنده .. ممكن تشوفون الاشياء اللي يشوفها في النت او حتى جواله وكل شي له دخل في انه يفسده ويعلمه هالامور ..
طبعا هو مستحيل يعترف .. لكن لازم اسلوب الوالده يكون هادىء وحازم في نفس الوقت ..
يعني تفرض شخصيتها عليه بلطافة وتحاول تفهمه الامور من الوجه المطلوب وتشرح له سلبياتها واثارها ..
لازم تخليه يحس على دمه ويستحي من اللي سواه ولا يفكر يعيده لا مع اخته ولا مع أي احد ثاني ..
والولد هذا لازم يبقى تحت المراقبه بعد لان مثل هالامور صعب ان الواحد ينساها او يقدر يحرر نفسه منها الا بشي واحد فقط .. هو زيادة الوازع الديني عنده ..
لاااازم يقوى الايمان عنده لان الايمان بيكون رادع له عن كل اللي يفكر فيه والله يهديه ويصلحه امين
والام لازم ما تعاتب الصغيره ولا تحسسها بالذنب .. خلاص فهموها انه شي صار وانتهى وهي مافيها شي ولله الحمد ..

أنا ما أفضل تدخل الوالد الا اذا تطور الموضوع .. يعني الولد ما شفتوا منه أي احساس بالذنب .. والا انه صرخ عليكم بدون احساس وكأنه ما سوى شي وتمادى .. بالمختصر ما عطاكم ويه ولا سوى لكم أي سالفة ولا خااف من أمه ومن اللي سواه .. هنا يفضل تدخل الوالد لان الولد محتاج لتشديد الرقابة عليه وللرعايه ..
وفي النهايه كتمان الامر عن محيط العايله طول العمر اذا انصلح الوضع باذن الله تعالى

اسفة على الاطاله هذا رأيي وان شاء الله تحل المشكله سريعا امين

بنات والله خوفوني أنا أسبح بنتي وولدي اعمارهم 5 و3 سنوات مع بعض .

ياربي كيف أنتشرت هالفاحشة بهالشكل الكبير كثير صرنا نسمع مثل هالقصص كيف هو شو صاير في هالدنيا؟؟؟؟؟؟؟؟؟؟ بصراحة أنا في ذهول تام.

اخواتي المشاركات في الموضوع

الله يجزاكم خير وماقصرتوا كنتوا مع الاخت على قلب واحد

وحنا كلنا نعرف انا في مجتمع شرقي ينكر تدخل اي شخص غير العائله

لحل المشكله لا من قريب او بعيد حفاضاً على سمعة العائله....فقط رساله حبيت اوصلها

والله من وراء القصد

اللهم اني اعيذكم بكلماته التامه التي لايجاوزهن بر ولافاجر من شر ماخلق وبرأ وذرأ

ومن شر ماينزل من السماء ومن شر مايعرج فيها , ومن شر ما ذرأ في الارض ومن

شر مايخرج منها , ومن شر فتن اليل والنهار , ومن شر كل طارق إلا طارقاً

يطرق بخيراً يا رحمن ,,,,, اختي الزمي هذا الدعاء..