اللي تمارس تمارين رياضيه وقت(الدوره الشهريه، بعد الولاده )امر ضروري تعالوا بسرعه

سامحوني عزيزاتي على التأخير
ماكنت متوقعه الموضوع راح يشدكم لهدرجه
كنت متوقعه اني ببقى هالاسبوع كله متواجده بالمنتدى عشان اتابع رددودكم
وارد على استفساراتكم
بس للاسف صادفتني ضروف مفاجئه عطلتني عنكم
تعرفون الامتحانات على الابواب واخواني يبون من يذاكر لهم
انشاء الله بأذن اللي ماتنام عينه يوم السبت
راح اكون متواجده وارد عليكم وحده وحده وارد على استفساراتكم بالتفصيل الممل
انتظروني وانشاء الله اني بكون موجوده
اسعدني تواجدكم جميعا بدوووون استثناء

موفقين جميعا :9_33:

قمر الشارجه;3768622:
اختي عندي استفسار اتمنى انج تجاوبين علي اذا تعرفين
كم كميه من الماي لازم اشربه وانا مسويه رجيم؟
ومشكوره اختي

عزيزتي قمر الشارجه
تقرين تشربين 4 اكواب ماء قبل الوجبه بساعه
يساعدك في الرجيم اللي تسوينه

موفقه عزيزتي

شوق العيوووون;3771462:
موضوع رائع ....سلمت يمينك:clap:

بس أنا عندي سؤال ...
أنا توني والد لي شهر و6 أيام ....
الكرررش موضوع الكرش مسبب لي أزمه :sad:
مع العلم انوولادتي كانت عمليه
وانا سمعت انه اللي تولدبعمليه مايروح كرشها
مع انو قبل ماكان فيني ابد
وجسمي نحيف مره قولي لي وش اسوي :sad:
يووووه عطيتك قصة حياتي ونسيت اطرح سؤالي :gum:
المويه ... يقولون انها تنفخ الكرش خاصه اذا كانت مويه بارده
والمفروض ماأكثر منها وانا توني والد
بس انا ارضع واعطش بسرررررعه .......
ياليت اذا عندك فكره عن صحة الموضوع او تسألين اخصائية التغذيه
اكون لك شااااااااااااااكره.....

يعطيك العافيه عيوني والسموحه اذا طولت :B_wink:

الغاليه شووق العيون
الكرش امره سهل جدا لا يسبب لك ازمه ولا شئ
بس انتي مثل ماقلت لك سوي التمارين على خفيف بعد ماتحطين المشد على بطنك
بس لانك عمليه ما ادري اذا راح تقدرين ولا لأ عشان الجرح
بس اذا انتي شايفه نفسك تقدرين مافي مشكله
وحاجه ثانيه اكلي زبادي كثير يساعد على رد البطن لوضعه السابق
وبالنسبه للمويه
نظريه خاطئه ان كثر الماي يسبب كرش الا في حاله وحده
اذا كنتي تشربينه مع الكل
افضل شئ قبل الاكل بساعه تشربين على الاقل 4 اكواب
وانشاء الله يارب ترجعي لنحافتك ومثل ماكنتي واحسن
انشاء الله اني اكون افدتك

موفقه عزيزتي

عـيـ المها ـون;3771766:
يسلموووووووو عالنصيحه

بس شو يعني خطوات الستب
لاني انا بطلع وبنزل الدرج لمدة 10 دقايق بس
يعني هيك خطير ؟؟

عزيزتي عيون المها
خطوات الستب هي ترقين وتنزلين على عتبه وحده بس مو اكثر
هذي مفيده جدا ونتائجها سريعه
اما اللي انتي تسوينه ما اظن ان فيه خطوره لانك ماتمارسينه فتره طويله
بس الاحتياط واجب
انشاء الله اكون افدتك

موفقه عزيزتي

~~زورقـــ~~;3772762:
يعطيك العاافيه ومااقصرتي
والله كنت احسب الرياضه ايام الدوره زينه وتساعد على تنظيف الرحم
طيب حتي لو المشي العادي ؟؟ بعد مو زين


وعندي سؤال بعد

شنو احسن ريااضه للبطن والمنطقه المحيطه فيه
وبذات الي يكون عندها حزام البطن متدلي ؟؟؟؟

عزيزتي زورق
الله يعافيك يارب
مثل ماقلت لك التمارين مرهقه ومتعبه للجسم فترة الدوره
وخاصتا الايام الثلاثه الاولى
المشي ممكن اذا كانت عندك القدره على ذلك اما اذا حسيت بتعب انتي مو مجبره اكيد
جسمك محتاج تريحينه
بالنسبه التمارين لحزام البطن كثيره بس اهم شئ الاستمرار
وهذا بعض الروابط
http://go.3roos.com/ylmBKRE8qOa
http://go.3roos.com/in4jfaNYd3h
http://go.3roos.com/F3yua7NuUAx

انشاء الله اكون افدتك
موفقه عزيزتي

ام ولودي و رورو;3772842:
تسلمين حبيبتي على الموضوع لكن ماهي تمارين الستب ؟وماهي التمارين اللي بتخفف من الاكتاف؟

عزيزتي حطوات الستب مثل ماذكرت تصعدين درجه وحده وتنظلين من عليها
كل مره برجل لمدة عشر دقائق يوميا
والافضل تزيدين مع الوقت
بالنسبه لتمارين الاكتاف
التمارين في هالصفحه راح تفيدك
http://go.3roos.com/in4jfaNYd3h


موفقه عزيزتي

الحلــوه;3774245:
خطوات الستب ادا ما خاب ظني ..
الستب نوع من انواع ادوات الرياضه .. شي بلاستيكي .. مرتفع عن الارض بشويه .. ويتم الرياضه عليها برفع الارجل وهيك ..


انا ادري ان الرياضه بايام الدورة مو زينه ..

بس عندي سؤال .. شلون التدليك اليومي لشد الصدر ؟

عزيزتي الحلوه
التدليك سهل جدا وفي انوا كثيره منه
اسهل شئ وقت الاستحمام ترفعين يدك لفوق بتلاحظين ان الثدي راح يكون بأستداره كامله
تحت الدش والماي دافي ابتدي التدليك بشكل دائري مره مع عقارب الساعه
ومره بعكس عقارب الساعه
وعندك تمارين بنت عذاري رائعه وسريعه جدا تقدرين تطلبينهم منها وترسلهم لك على الخاص


موفقه عزيزتي

عووواااطف;3778722:
جزاج الله الف خير حبيبتي عالموضوع بس انا عندي مداخله بسيطه من واقع تجربه انا والده مرتين قيصري ومن يصير لي 10 ايام ابدي اربط بطني اسوي رياضه شد البطن بشكل خفيف و بعد الاربعين اشد اكثر وانا ما اتكلم من فراغ هاذي نصيحت دكتوري لي و اهو استشاري و متخصص ولادات قيصريه ومتمكن واهو قالي كل شي مسموح لج بعد 10 ايام من العمليه باستثناء تشيلين شي ثقيل والحمد لله ما ضرني شي بالعكس بطني مشدود ولازق بظهري واللي يشوفني ما يتوقع اني والده مرتين و قيصريه وهاذا جسمي من كنت بنت ما تغير الا شي بسيط .

عزيزتي عواطف
انا كلمت الاخصائيه وقلت لها عنك واستغربت واجد
عشان كذا انا ما انصح الباقين يسوون اللي انتي سويتيه
انتي عارفه ان الي انتي قدرتي عليه يمكن الباقي مايقدرون
وخصوصا ان الموضوع فيه جرح وتعب
عموما مبروووووك عليك النتائج اللي وصلتي لها
والباقين اللي حابه تجرب ممكن تجرب بس بشويش على روحكم
واللي ماتقدر لاتخاطر عشان صحتها
الموضوع مو سهل


موفقين جميعا