تتبعي الخطوات واجعليه بين يديك

هااااااااااااااااااااااااااااي حبوباتي:shy: اتمنى ياعرايسنا الحلوين اني افيدكم بمواضيعي المتميزه التي عن تجربه وخبره انتوا عارفين حبوباتي ان الوحده فينا اذا كانت مقبله على الزواج انها تحب تكون لها شخصيه او بمعنى اصح انها تبغى تشوف محبة زوجها لها وتبدا تعطيه تشرطات واوامر وتكون كلمتها مسموعه في كل الاحوال وان مااطاعها اونفذ كلامها راح تقلب عليه الدنيا فوق حدر وانا ماقلت هذا الكلام الا من تجربه انا مريت فيها واتمنى مافيكم وحده تمر فيها عشان ماتخسر زوجها:sad: :sad: :sad: انا حبيباتي في بداية زواجي كنت على مايقولون مسترجله يعني كنت ابغى كل شي يجيني باسرع وقت وان مااتنفذ كلامي قلبت الدنيا على زوجي كان اهو اذا عاندته يجي اعند مني وكنت والله العظيم دايم بمشاكل رغم ان زوجي يحبني موووت واتزوجنا عن حب لكن انا كنت ابغى اشوف غلاوتي عنده فكنت دايم مشكلجيه:angry: واحب اصارخ عليه وهو كان مطنشني وانا تنحرق اعصابي:confused: وفي يوم من الايام كنت حامل ببنتي (مايا)وانتوا عارفين الحامل مايحتاج تهاوشت انا وزوجي وخرج وخلاني تقريبا تسع ساعات ولا سال عني رغم انه ماشاء الله دايم جالس بالبيت لكن حس ان جلسته بتسبب مشاكل فخرج وانا مقهوره وجلست مع نفسي وراجعت حركاتي وتصرفاتي معه رغم انه طيب وحسيت بالندم وتذكرت كلامه اول يوم الزواج قالي:(تبغيني اكون خاتم باصبعك كوني طيبه معاي وامشي على طاعتي وكلامي) كنت اظن ان الرجال ماينعطون وجه واكتشفت اننا حنا اللي ماننعطى وجه فقلت في نفسي ياالله يابنت نفذي كلامه وشوفي اذا كان صادق والا لا والله العظيم ومن غير مبالغه انه فعلا صار ماشاء الله مثل الخاتم باصبعي صرت اعامله بالطيب كل اللي اتمناه القاه واول يوم اني مسويه شخصيه عليه اتمنى الشي ولا القاه وهذي والله قصتي ولا اتمنى احد فيكم يوقع في نفس غلطي بالعكس اتمنى انكم تتبعوا الخطوات اللي باقولكم عليها عشان تحسوا بالحياه السعيده والله يسعدكم ويوفقكم دنيا واخره واليكم نصايحي: اولا:استقبليه بشكل جميل وضحك وترحيب وضم وبوسات:salam: ثانيا:كوني دايما نظيفه ومرتبه وجميله:shy: ثالثا:حاولي انك تكوني فرفوشه ودلوعه وتسوين له حركات تجذبه بس مو في كل وقت :clap: رابعا:اختاري الوقت المناسب للنقاش في امور البيت يعني لما تشوفيه مروق:qaq: خامسا:اذا خرج من البيت وجاء استقبليه بالقهوه والحلى والكلام الحلو سادسا:اعطيه وقت يرتاح فيه من غير نقاش اوكلام سابعا: لا تكوني زنانه يعني تطلبيه الشي اكثر من مره حاولي تذكريه باسلوب حلو والا بطريقة المزح وشوفي راح يستحي ويجبلك طلاباتك ثامنا:اتناقشي واتفقي معاه بهدوء ومن غير انفعالات تاسعا:اذا شفتيه معصب وناوي على مشكله اسكتي واشغلي نفسك بشغل البيت ولاكان في احد يتكلم واذا سالك بشئ ردي عليه بهدوء وادب عاشرا:حاولي تخصصي وقت للكلام الحلو والبوسات والضحك وللفرفشه عشان تحببيه بجلست البيت احد عشر:اذا جاء ينام سويله جو هادئ بعيد عن الازعاج:gum: اثنا عشر:البسي اللبس المناسب يعني قميص نوم وريحتك تكون فايحه ومكياج خفيف وخليه بحضنك ثلاثة عشر:بوسيه قبل ما ينام واهمسي باذنه بالكلام الحلو واخيرا والله العظيم ماكنت اسوي ولا شئ من هذا كله كنت مااحس اني متزوجه وبعد مااتبعت هذي الطريقه وانا الحمدلله من اسعد الناس وماقلت لكم الا وانا اعتبركم مثل خواتي ولا اتمنى لكم التعاسه والهم وانتوا عارفين ان الرجال مثل الاطفال اذا اهتميتي فيه يكون معك طيب ويسمع كلامك واذا عاندتيه يجي اعند منك فاكسبيه قبل مايضيع من يدك عشان ماتندمي في الاخير واحب اقول لكم اني طولت الكلام معاكم وثقلت دمي شوي لكن والله من محبتي لكم يابنات حواء وانا الحين الحمدلله صار لي متزوجه اربعه سنوات وعندي طفلتين مايا وراما وانعم ولله الحمد بحياه سعيده مع زوجي وبناتي بــــــــس بعد مااتبعت الخطوات هذي واللي حابه تسوي اكثر الله يوفقها اختكم:ام مــــــــــــــــايـــــــا:clap: :clap: