بنات انا انتهيت .. لكن الحمدلله على كل شي

انشاء الله ماكو من كل هذا اذا بطنك قاعدة تكبر فشلون يكون متوقف نموه من شهرين اصلا بس يتوقف النمو بقدرة الله سبحانة يلفضه الرحم اهي السالفة مب لعبة
والله سبحانه مايخلي عبده اذا كان الحين وانتي في الشهر الرابع مابين النبض شوفي مكان ثاني لاني كنت في الاسبوع 18 وقالت لي الدكتور ة ما شفت النبض وانا قاعدة احس بالحركة في بطني وهو تقول لي ما فيه نبض يعني كان الخلل يا في الجهاز او في مخ الدكتورة الي خلتني انطر ساعة ليمن تفضى حجرة السوونار
اذا الله لا يقوله انه كلامهم صحيح فثقي انه الله راح يعوضك باحسنه منه انشاء واجرك مارح يكون قليل في مصيبتك

أختى روحي أخصائي أشغة وشوفي النبض عن طريق السونار،، لأن أنا كنت بالأسبوع التاسع والدكتورة قالت النبض واقف عند 6 أسابيع، وتصدقين كان بطني يكبر حتى أكبر من حملي الأول يوم كنت بنفس الأسابيع.. ورحت بعدين أخصائية أشعة وشافت بالسونار كان وايد متطور ن فعلا الكيس أكبر من حجم الجنين ومافي نبض،، هنا تأكدت لأن هالدكتورة شاطرة مافي عليها خبرة أكثر من 30 سنة. وبس كنت باموت من الصياح بس فوضت أمري لله قلت صلاح لو بقى يمكن يكون مشوه او به عاه.. والحمدلله على كل حال وربي يعوض الجميع..

شوفي شو يقولون لك وطمنينا عليك...

لا حول ولا قوة الا بالله
مثل ما قالوا ليش الخوات روحي لدكتورة شاطرة
وفي اجهزةحديثة بتأكد ليش
اذا كان البيبي بخير او لا
بس طمنينه عليك وخلينا نسمع اخبار حلوة
وفي كل الأحوال فوضي امرش الى الله
وما تشوفين شر

لا حول ولا قوة الا بالله .. حبيبتي يمكن الدكتوره الاولانيه اللي قالتلج ان حملج سليم كانت
صادقه بس بعدها بكم يوم توفى الجنين .. لا تظلمينها .. بس غريبه ليش بطنج يكبر
دام ان الجنين ما ينبض ؟؟
وبعدين بسألج الام اللي يتوفى في بطنها الجنين تحس بنفس الكره في بطنها تتحرك وتدور
هل انتي تحسين بهالاحساس؟؟

حبيبتي لا تقولين انا انتهيت .. انتي ماجوره على هالشي ووانشاءلله هالطفل بيشفعلج يوم
القيامه بأذن الله ..

وبعدين احمدي ربج انه توه فالشهر الرابع مب فالاشهر الاخيره .. يمكن لو عرفتي جنس الجنين
كنتي بتحزنين اكثر بس الحمدالله انه توه ما بين ..

توكلي على ربج والحياه جدامج حبيبتي .. ارتاحيلج كم شهر وانشاءلله بتحملين وبتيبين
العيال وانشاءالله يكونون صالحين يارب ..

قدر الله وماشاء فعل

ولا تحزنين يا حبيتي في غيرج اخس منج كل مايحملون يسقطون ويتعبون

واذا ماصار هالحمل .. انشاءالله الله بعوضك باللي احسن منه

وشوفي دكاتره غير والحين الحمدلله في اجهزه متطوره وكل شي

واللي فيه الخير بيكتبه رب العالمين

مشكورات والحمدلله على كل شي
وبطمنكم قريب ان شاءالله

ان شاءالله ربي يطمن قلبج يالغاليه

ماتشووفين شر يالغاااليه
اعرف وحده قالولها ان الجنين الي في بطنك ميت لازم تسوين تنظيف اهي ماقتنعت راحت لحرمه اعرفها في القصيم لمستها عن طريق العرق في الرقبه وقالت لها لاتسوين تنظيف الجنين حي سبحان الله روحي بعد اسبوع وِوشوفي النبض يوم شافت النبض الجنين حي مامات اختي لاتستعجلين واذا تبين رقم الحرمه عندي واتصلي عليها وقولي لها حالتك وشوفي شتقول لك
وان شاء الله ماتشوفين شر

sounya;3741681:
عزيزتي انصحج تروحي مستشفى خاص وتتاكدي او ترجعي عن طبيبتك الاولى وتتاكدي منها وتطلبي سماع النبض.. ولا تخافي ..ولن يصيبك شي الا ما كتب الله.. واشكري الله على كل حال وادعي وصدقييني بتنفرج .. انه ارحم الراحمين
دعواتنا معك

لا حول ولا قوة الا بالله

عزيزتي الحمدلله على كل حال والله يقويج

وطمنينا عليج

ودعواتنا معاج

حاسة فك حبيبتي

انا اول بيبي عندي كانت الفرحة ما توصف واهلي مو سايعيني من زود الفرحة بس الله ما راد رحت المستشفى لأن نزل علي دم وقالت لي الدكتورة كل شي اوكي بس للتأكيد تعالي بكرة الصبح رحت ونفس الكلام قالت

بعد 3 اسابيع قبل يوم واحد من رمضان اللي فات رحت لدكتورتي الأولانية وكنت فرحانة لأني بشوفه كبران وبصوروني فيديو هالمرة طبعا قالت لي البيبي ما فيه نبض ونموه متوقف من 3 اسابيع

يعني بالضبط من يوم نزفت وذيك الدكتورة كذبت علي وقالت لي ما فيج شي
انهرت طبعا وكل اللي معي خذوا علي تحليل للبيبي طلع ما فيه ولا شي سبحان الله قدرة قادر الله اذا اختار عبد وطبعا مشيت حالي ولي قبل شهرين كنت تعبانة نفسيا وما قدر انسى حبيب قلبي ولدي لكن قلت بدعي ربي ليل ونهار وتقربت منه اكثر والحمدلله الله عوضني بغيره وانشاءالله الله يتمم علي بخير في هالحمل

الله يصبرج حبيبتي ترة ساعات يصير ان محد يعرف شنو بالجنين الله وحده العالم باللي يدور فيك في بطنك اهم شي ادعي ربك والله كريم ما يرد سائل ومحروم

تحياتي

شهلاوية

هلا والله وغلا بكل اخواتي الي ردوا علي وتجاوبوا
معي جزاكم الله كل خير

اولا سامحوني لاني انقطعت فتره عن المنتدى بظروف مايعلم فيها الا الله
لكن الحمدلله عدت
ويوم رجعت اليوم وشفت ردودكم ودعواتكم
فرحت من قلب
الله يسعدكم يارب
وبالنسبه للجنين طلع ميت مثل ماقالوا من شهر ونص
وتنومت وعملت العمليه
والحمدلله على كل شي
الله بيعوضنا خير ان شاءالله
انا وكل المحرومات ياااااااااااارب
اشكركم من كل قلبي

الله يعوض عليك

الله يعوضج اختيه (وعسى ان تكرهوا شيء وهو خير لكم)
خويتج بنت المزايين.

الله يعوضج خير ان شاء الله

والله يجعله عصفور من عصافير الجنه

حمدالله على سلامتج انتي

والله يعوضج بداله بأحسن منه.. تأكدي انه هذا كان خير لج.. لو ماكان صلاح لج ولزوجج ماكان الله كتب لج جذي..

دامج وزوجج موجودين تعيشون وتجيبون.. الله يخليكم لبعض ونسمع عنج حامل من جديد يارب

تحياتي

الحمد لله على سلاامتك

وان شاء الله يكون من طيور الجنه
والخيره فيما اختاره الله

حمد لله على سلامتج اختي .... والله يعوضج خييييييييييييييييير


روووووووووز