تبييض المنطقة الحساسة .. مضمونه مليون بالمية .. تجربتي الخاصه

مساء الورد

أنا جربت الخلطة لي 5 أيام
بصراحة كنت خايفه من ريحتها أن زيت الزيتون لما يمسك في الملابس تطلع ريحته شي مو حلو
بس بالعكس الريحة طلعت مقبوله جداً بوجود الليمون وموية الورد
حطيت كاس جبن صغير زيت زيتون يعني نص كاس كبير وليمونه كامله وملعتين ماء ورد
وحطيتها في غرشة أو قارورة قزاز
مرتين استخدمتها بقطنه، وبعد كذا ألغيت القطنه وصرت استخدم يدي
لأن بصراحة القطن يشرب الزيت ونصه يروح فيها
المهم صرت استخدم يدي، واستخدمها مرتين في اليوم
الأفضل من هذا كله إن الجسم يمتص الخلطة يعني بعد كم ساعة تلقين مكان الخلطة نشف
وهذا شي حلو لأنه البشرة بكذا راح تستفيد
ولأن الجسم يمتصه ولأن ريحته مقبوله أساساً مافيه ريحه وإنتِ عليك ملابسك
هذا الشي مايخليني أضطر أتروش عشان الريحه
يعني بما أننا في الشتاء ماراح تضطرين تتروشين كل يوم
وبالخلطة ماراح تتروشين بعد كل مره تستخدمينها فـ صرت أحط الخلطة على الخلطة بدون ماأتروش
لكني خصصت لها ملابس داخلية لأن مهما كان المسأله فيها زيت
وخصصت لها شورتات معينه ألبسها قبل بنطلون البجامة عشان مايتوصخ بالزيت لأننا في الشتاء
والحمدلله كل هذا ينفع
يعني لما تكون عندي طلعه وماوراي ترويشه وقتها أكتفي بتغيير الملابس الداخلية فقط
حتى ممكن أرجع ألبس بنطلون البجامة اللي كان علي وقت الزيت (أبين لكم أنو الزيت مايوصخ والريحة مافيه)
طبعاً الكلام هذا لغير المتزوجات
يعني متزوجة لا تروشي وتنظفي وخلي ريحتك حلوه حتى لو مافيه ريحه
لأنها تنعدم فقط لما يكون عليك ملابس
أما بدون ملابس أو ريحة الخلطة مقبوله
لكن للمتزوجات يُفضل روائح حلوه مو مقبوله يعني مافيه خلطة على خلطة *_^
وعندي أمل كبير أن الخلطة هذي تجيب نتيجة خصوصاً بعد:
http://www.3roos.com/forums/t298487.html

وبالتوفيق جميعا