أمي حاسة فيني بس ماتبيني أكون مطلقه دلوني

أصعب سنوات الزواج هي السنتين الاولى
واحيانا تستمر الى خمس سنوات

هالسنوات تكون بين مد وجزر


بس على الزوج او الزوجه انهم يحددوا كيف يزلوا هالعقبات في حياتهم الزوجية
المطلوب
الصبر
ورجاحة العقل
والتغلب على العواطف الجياشة
والتفاهم
وعدم تدخل الاهل السلبي

السلام عليكم

الله يصبرج اختي بس المثل يقول نامي على الجنب الي يريج

اذا انتي مرتاحه للرجعه ارجعي له واذا العكس طنشي الموضوع واطلبي الطلاق لان من جد لريال معقد حيل و

اسغفر الله العظيم بنات انتو اشفيكم على الطلاااااااااااااااااااااااااق

ليش اتشجعون على الطلاق حرام

انتي اختي شوفي ايجابياته و حكمي بعدين

خليها تستخير ربها بموضوع الطلاق

لانه يمكن افضل لها

لساتها عروسة ويسوي كذا......؟؟

بكرة مع الاولاد ومسؤلياتهم وهمومهم ايش بيسوي


وبعدين لساتها صغيرة وربي بيرزقها افضل منه

اهم شي تستخير والطلاق مو عار

مو احسن ماتنهبل مع هاالتعقيد

بصراحة مستغربة رجال طول بعرض يسويلها اختبارات سخيفة

يبدولي والله اعلم انه عنده مشكلة نفسية

اهم شي الاستخارة لان الخير لايعلمه الا الله

أم إلياس:
اسغفر الله العظيم بنات انتو اشفيكم على الطلاااااااااااااااااااااااااق

ليش اتشجعون على الطلاق حرام

انتي اختي شوفي ايجابياته و حكمي بعدين

لا ياعمري انا ضد الطلاق

بس والله حرام عمرها 23 وعروسة وهابلها

ارجع واكرر الاستخارة

وان كانت تشوف ان ايجابياته اكثر من سلبياته

تصبر وتحاول تأثر عليه


ربي يفرج همها وييسر لها الخير

اختي انا شايفه برغم كل هالعيوب هى متحامله عليه ومدققه على كل شيء بشخصيته مهما كانت صغيره ومكبرتها ممكن يكون فيها مبالغه واحس انه ممكن اختلاف وفرق البيئه بينهم السبب الرئيسي في هالمشاكل والرجل بشعر بالنقص او انه اقل منها دايما عشان كدا بفعتل المشاكل معها عشان يثبت قدرته امامها وطبعا بالنهايه هى ادرى بطبعه بس تجلس مع نفسها وتراجع نظرتها لنفسها وله وتقرر وتحاول تعطى نفسها فرصه وخاصه انها باول زواجها 5 شهور حرام في بدايه اى زواج صعب التاقلم والتعود على الطباع فلا تستعجل وتعطى فرصه مره تانيه واذا حاسه انه المشاكل بتكبر يوم عن التانى الانفصال افضل قبل ما يجيوا الاولاد ويستحيل الطلاق بعدها وربنا يصلح حالها ويفرجها عليها وترجع لزوها عن قريب يارب

ليش تنصحون بالطلاق وليش هو مهبل فيها وليش هي يوم تزوجت ما كانت تعرف الزواج مسؤوليه.

انا بحملي لما كنت اتعب اقوله تعبانه كان يقولي سلامتك ما يقدم ولا ياخر وشفته مطنش واستغربت حاله وحز بنفسي، لين صارحته قالي ليش اماهاتنا وجداتنا يستحملون وهالاشياء طبيعيه، فهمته ان امه وجدته يشتغلون بالبيت وعندهم من يوقف معاهم وامراضهم وتعبهم اشيا محدوده، وانا انا موظفه واشوف البيت ووضعي غير وتفاهمت معاه وتغير كليا والحمدلله، يعني انا مو صغيره ليش استحملت ليش ناقشته كان خذت اغراضي ورحت البيت.

بصراحه اللي بتنصح بالطلاق لمجرد انه حل رجاء لا تقول لان مو سهل على البنت تكون مطلقه لا وعقب خمس شهور من زواجها، وبكره هي بتعيش بنار واللي نصحوها بالطلاق ماراح يفيدونها.

اختي كلنا بدايه زواجنا والله تلتهنا وتعبنا وكل كلامنا احنا ببيوت اهالينا غير واهني يهاوشنا ومن هالكلام بس عقب نفكر دام قبلنا بالزواج معناتها قبلنا بالمسؤوليه.


وعلى موضوع انا حطيت هالغرض هالمكان وما شليتيه والله انه وحده من ربعي نفس الحاله، لان بس زوجها دقيق بهالمسائل.

بذمتكم انتوا يالحريم مو دقيقين بسالفه اي ماركه جاب لي، وشلون دلعني.

توكلي على الله وخذي بنصيحه امك وصلي استخاره وادعي ربج يهديج ويهدي زوجك باذن الله.

وموفقه ان شاء الله

في كل الحالات محد بينفعها لا انا ولا انتوا
الموضوع يباله تفكير
ةاعتقد البنت فكرت واااااااايد قبل لا تكتب
فكري الغاليه اللي مايحترمج وقاعد ينتقد هالكثر وانتي ساكته باجر شو بيسوي ومب كل الرياييل نفس شي يمكن واحد كثر ماتناقشينه بيقتنع وواحد راسه يابس ع باله اللي يقول صح
الناس انواع
والغلا استخيري وفكري وربي يكون في عون اليميع

desert_girl



السلام عليكم


طلبتي نصيحة وان شاء الله البنات ماقصرو

بس من وجهة نظر عمييقة ومن تجارب كثير من البنات والحريم الي قرينا عنهم


ابقولك شي نعرفة من جداتنا وامهاتنا ان الطبع مراح يتغير ابدااااااااااااااااااااااااااااااااااااااااااااااااااااااااااااااااااااااا

لو يتغير كل شي الا الطبع الا اذا شاء الله انتي ادرى فيه مننا احنا والبنات نحكم على كلامك بس


هل انتي تجادلينه متقدرين تصبرين وتعصبين تطلعي من طورك طبعا الحرمة ماتطلع من طورها بدون سبب الا اذا كان الزوج له الدور فية



اذا كانت كلها لا لا لا فماعليكي الا انك تستخيرين الله سبحانه وتعالى وتطلبين منه قبل اي مرحلة ايش تعملين وتعرفين ايش هية الاستخارة مش مرة ولامرتين خليكي مداومة شهر والله الذي لاا الة غيرة لتشوفين الخيرة قدامك بدون الم ولا ثقل ولا اي شي

لمدة شهر مع قراية سورة يس مع اليقين وقراءة السورة بنية الخيرة في الامر اذا طلاقك بيكون فيه خير لكي بدنا والاخرة بيسرة ربي ماتندمين علية
واذا العكس يبدل حالة



احسن انك تتورطين بالاولاد

وبدال ماتكونين وحدة بيكون انسان صغير ماله ذنب من كلامك انتي ماتقدرين تتحملين وعلى فكرة انتي جالسة تتحملين عشانك حاطة ببالك انه بيوم بيتبدل وراح تنصدمين اذا ماتحقق الحين العمر يمشي


وانتي تنتظرين


واذا قدرتي تصبري اصبري وكوني مع الله وربي بيعوضك لان العمر اذا فات ماينفع الندم

وربي يخيرك بالي يطمنك يارب وماعليكي من كلام الناس والله عادي وكل انسان بحاله لاتخلين كلامهم حاجز او يجبرك على شي

ام اليأس ا عرف شعورك طيب صبرت جابت اولاد انا متاكدة انه عندة حالة نفسية

متسلط طبعا نتيجة تربية الاهل ومن امن العقوبة اسااااااااء الادب بيتعود وتعود وخلص

الان احسن من تجيب اطفال يتربون يتامى بدون ام وتعرفين المحاكم ووو والله يسر الامور الا مايحبة ربي



انا اكثر مايحزني الاولاد ولا الرجال بيلاقي الي توافق علية والمرة لو عندها خمس اولاد بتلاقي من يزوجها بس هذولا المساكين

ريحانة القلوب:
اختي اصبري على زوجك ما دام خلاص هو زوجك وترا الرجال في ساعات الغضب يقولو واجد . وبالنسبة لتصرفاته أختي ما في رجل في هالدنيا كلها كامل او له صفات أنتي كنتي تحلمي بيها لازم في تناقض والكمال لله وحده. اختي أنتي ببداية حياتكم الزوجية مثل هالأمور تحدث بس انتي هدي وهوني المواضيع لحد ما تفهمية . كلنا اختي واجهنا صعوبة لحد ما فهمنا ازواجنا ترا يقولو أول 5 سنوات زواج يكون فيها إمتحان صعب وبعد الخمس يبتدي الأستقرار فعشان كذا أتلاحضي معظم المطلقين تطلقو ببداية زواجهم.

مشكلتك أختي احسها عادية ما توصل لدرجة الطلاق. أحمدي ربك أن زوجك مو سكار خمار يصبحك بطراق ويمسيك بطراقين أو بخيل يمنع عنك حتى اللقمة أو فاسق أو بصاص أو زناي . أحمدي ربك زوجك مثل كل الرجال العادية قد تكون حياتنا بعضنا اللي اهنية أسوء منك والحمد لله عايشين.

صح كلامك من نظرتك انتي

طيب شوفي النظرة الي مامرت عليكي اعرف حريم معرفة شخصية والله على مااقول شهيد بعد 8 سنوات جابت ثلاث اطفال من قبل الطفل الاول امها حكيمة قالت خليكي على واحد مراح يتغير واصبري



اتحملت عشان كلمة انتي مطلقة وجلست وبعذاب وزوجها نفس هذا يبغى يثبت شخصيته


المهم جابت الثاني ونفس الشي الا زادت نفسيته سوء



وتحملت يالله يمكن يخلص دراسته ويستقر



جابت اثالث وانفجرت لانه خلص دراسة وبنا بيت وجلس يدور حرمة عليها وكل يومين يخطب اي احد يقابلها طبعا بمجال عملة


والاخلاق رايحة فيها الله المستعان الحرمة جاها نفسية ومرض براسها من الضغط


طلبت الطلاق وبالاخير خلعت بدون اولاد




الحمد الله وربي يصبر ويعوض


وهوة اتزوج مرتين بعد زوجته بس الحال هوة الحال بس الضايعين الاولاد


:confused:

مهما كانت الحلول التي ستجديها عن طريقنا هنا في المنتدي فزميلتك هي الوحيدة صاحبة القرار الاول والاخير في كل ما ستقرره بالنسبة لمشكلتها مع زوجها
وانا مع راي واحدة من الاخوات كانت كتبت رد قالت فيه ان علي زميلتك ان تكتب في ورقة ايجابيات وسلبيات هذا الزواج او الطلاق اذا حدث وتري اي امر فيهم له الغلبة ان شاء الله
فأن كانت ايجابيات هذا الزواج اكثر من سلبياته تتوكل علي الله وتظل مع زوجها
واذا كان هذا الزواج سلبياته تغلب علي ايجابيته تتوكل علي الله ايضا وتطلب الطلاق من زوجها
واولا وقبل كل شيء الحياة الزوجية لها اركان اساسية تبني عليها وكل اركانها في نفس الاهمية
وليس فيها ركن اهم من الاخر فالحب والعطاء والتفاهم والانسجام والصراحة والوضوح وانكار الذات وتبادل المشاعر الحلوة من اهم مقومات اي علاقة زوجية ناجحة
وفي هذه المشكلة التفاهم والانسجام وانكار الذات غير موجود بالمرة في ظل وجود زوج مستبد بالراي وغير متفاهم بالمرة ومدقق في اتفه الامور البيتية التي هي من حق كل زوجة فالبيت مملكة كل زوجة وليس من حق اي رجل ان يدس انفه في كل صغيرة وكبيرة في ترتيب البيت
وبالفعل هو لديه عقدة الاضطهاد بسبب تحكم زوجة اخيه في اخيه ولقد وجد مصدر لتفريغ كل شحناته المرضية في زوجته هو
وفي الختام ادعوا من الله ان يهديه علي زوجته ويبصر له قلبه وعقله المظلم ويحببه فيها اكثر واكثر ويبعد عنه شيطانه ن شاء الله

أختي حبيبتي أنا مريت بشي مشابه يعني لحقت على نفسي من أيام الملكة .... لأني عرفته زين
ولمن ققرت اني انفصل امي وابوي رفضوا وسارت مشاكل كثيره........ لآكــــــــــــــــــــن بقلك الحل هي كلمة وحده وجهتها لربي وقلت{فوضت الأمر لك يارب}
وكنت استخير الله وهذا أهم شي الي هو الإستخـــــــــــــــــــــــــــــــــــــاره حتى في الطلاق.....

والله ييسرلك الخير...........

[grade="00008B FF6347 008000 4B0082"]اختي الفاضلة اذا هذا اوله ينعاف تاليها
وابيك من الحين تجزمين على شي واحد
يااما الرجوع ومواصلت طريقك وتحمل العواقب
او الطلاق
وانا من وجهة نظري الاستخارة في الامر
وشكرا[/grade]

بارك الله فيكم وجزاكم الله خير والله انه ردودكم تشفي الغليل وتشرح الصدر :clap:

السلام عليكم حبيبتى واللة الواحد ماودة يشجع على الطلاق بس حرام تجيبين عيال وبعدين تدهور حياتكم وعلى فكرة شكلة هو اللى مايبى العشرة المهم صلى إستخارة واللة يكتب اللى فى الصالح:think:

اختي
من ر ايي اصبري الصبر زين
وبصراحة تصرفاة زوجها طبيعية جدا
اولا بحكم سنة يكون الرجل مابعد نضج عقلة كثيرا
ثانيا بحكم المسؤولية اللتي على عاتقة فاهله وزوجتة وسنة صغير صدقيني هذا فوق طاقتة لكن هو متصبر واتخذ سبيل لتفريغ ضغطة
لكن اصبري
لان زوجك واضح انه عاقل جدا
ولا ماتحمل مسؤولية بهالعمر الصغير
اختي تمنياتي لك بالتوفيق
والطلاق مهوب حل ابد

اختي العزيزة انا الى الان ما ني شايفه فيه عيب يخليك تتركينه والاخوات الي يقولولك اتركيه شكلهم مثلك صغار بالسن وبعدهم ما اعرفوا اش معنى الزواج والمسؤولية اختي زوجك بعده صغير ... والرجال في هذا العمر يحبون التحكم والسيطرة يفتكر انه بهذا الاسلوب راح يفرض شخصيته
اختي الكريمة اولا عليكي بالصبر وثانيا ابتعدي عن اسلوب المواجهة معها يعني لمن يقولك شي يزعلك احقريه لا تردين عليه ولمن يكون مزاجه رايق فاتحيه باسلوب الدلع انك زعلتي من كلامه واسلوبه معاك وهو شوي شوي بيتغير بعدين اختي لا تفتكري انه اول سنة زواج هي احلى سنة بالعكس اول سنتين من زواج تكون صعبة على الزوجين لانهم بعدهم يتعرفون على بعض ويتعودون على طباع بعض
اختي انتي توك صغيرة ونصيحة مني اي مشكلة بينك وبين زوجك لا تروحين وتقولينها لامك الله يحفظها لان الام بطبعها حنونة وعاطفتها راح تخليها تنحاز لك .... مشاكلك ابعديها عن اهلك وخصوصا اخواتك البنات لانك بكذا بتعقدينهم في الزواج وانتي مو حاسة واي مساعدة او استشارة حنا خواتك في المنتدى بنساعدك

واختي اذا على الوظيفة اسمحيلي هو معاه حق لا الشرع ولا الدين قال انه العمل في جو مختلط حلال

وبالنسبة للاخوات الي يشوروا عليها بالطلاق خافوا الله فانفسكم وقولوا خير او اصمتوا

سلام

قريت موضوعج اكثر من مره و ما شفت اي مشكله...حتى ذكرتيني بزوجي و ضحك

و انا من النادر ارد على مواضيع هذا القسم ...لكن مع احترامي للعضوات ...بس ارتفع ضغطي من التايد البعض او التلميح للطلاق ..

انتي بعدج ما كملتي سنه حتى ....و الطلاق و المجتمع ما يرح لا صغير و لا كبير

المشكله الاولي انتي روحج قلتي سببها تحمله المسؤوليه اهله...يعني هو متعود على السمع و الطاعه من اهله...يشبه زوجي شوي لان دايما هو بنظر اهله الصح و هو يعرف كل شي بالدنيا ..فمايتقبل اني اغلطه او اقول هذا غلط .. و هذي مب مشكله كل الرجال يحبون يكونون مسيطرين هذي طبيعتهم


عنيد مب مشكله كبيره تستاهل الطلاق و تدمرين نفسج و مستقبلج علشانها ...عادي هذا طبع في كل الناس ...انا شخصيا عنيييييييييييييييييده و اروفع ضغط زوجي من عنادي ...على جذي عيل مسكين زوجي مستحملي لازم يطلقني لاني عنيده

عنده عقدت اخوه ...عادي كل الرياييل الي في الدنيا يخافون من ان زوجاتهم تتحكم فيهم ...فما بالج جدامه واحد زوجته متحكمه فيه و هذا الشي هو الي ادى الي المشكله المستشار الي ما يسمع كلامه.. و الى انه يصير سي سيد ...لانه يحس اذا سمع كلامج بتصيرين تتحكمين فيه ...و مع الوقت هذا الشي بيروح لانه بيشوف الفرق بينج و بين زوجه اخوه ...طاوعين في كل شي و لا تعاندينه و مشي كلامه و دااااااااااايما حسسيه انه هو المتحكم و كلامه يمشي .... و بعد فتره بتشوفين ان نسى خوفه من انج تسيطرين عليه و بتصير حياتج عاديه ...

و انتقادي هذي خليها في صوب ....لاني يوم قريت هذي النقطه مت من الضحك زوجي بالضببببببببببببببببببببببببببببببببببببببببببط....حتى في مره اعترف قالي ما اقدر اقول شي حلو و لا زين ما اروم ما اقدر ...يحطم الواحد من كثر انتقاده ...و لا يوم يحط لج شي بمكان يسوي فيني ريلي نفس الشي يفر تيشيرت و ما انتبه له و يقول لي ليش ما شليتيه من كم يوم مفرور انتي مهمله بيتج ....و ياااااااااااما تناقشنا في هذا الموضوع و خلاص انا تعودت و صرت اطلع الكلام الايجابي بالغصب منه ...و من كثر ما تكلمنا عن الايجابيات و السلبيات و النتقاد قام قلل انتقاده على الي حولينه من اهله و اكيد انا بيني الدور جريب .....لكن في نظرج هل هذا الموضوع يستاهل الطلاق ؟؟؟؟ ممممم بعد تفكير عميق يمكن تقولين لا

قالج ما تسوين شعره شو يعني كلمه و هو معصب ...ضربج كفخ كسرج سبج سب اهلج ... لا .... يستاهل الطلاق مممم لا ...بس بعد ما رضيتوا قول له تراك قلت جذي و ما يعبني

قالج روحي بيت اهلج يمكنه لانه حس انج زعلانه و متضايقه ....بس روحي الحييييييييييينه اتصلي فيه و قولي له اشتقتلك ما اشتقت لي مر علي خلاص مليت من بيت اهلي.....خل نروح نتعشى في مكان حلو و نروح بيتنا ..و شوفي جان ماياج و هو طاااااااااااير

الطلاق مب شي سهل و مب على اي شي تاااااااااااافه ...انتوا شخصين مختلفين كل واحد يبي الثاني مثله بالضبط و هذا الشي ما يصير مستحيل ...هو عنيد متوتر بس اكيد انتي بعد فيج عيب ثاني

و يتحمل مسؤليه اهله هذي ايجابيه و مب سلبيه مثل ما يعتقدها بعض البنات ...خيركم خيركم لاهله ...الي مافيه خير حق اهله عمره ما بيكون فيه خير لج و لا لعيالج في المستقبل ...مثل ما هو يبر اهله و امه و ابوه عيالج بيتعلمون منه و باجر بيبرونج مثل ما ابوهم يبر اهله ..

فكري عدل الحياه الزوجيه فيها صعوبات بس الواحد يحكم عقله و ما يتخذ اي قرارا و هو معصب ...و كلمه الطلاق عمرج ما تبين طاريها لا بمصخره و لا بزعل ...لان لو تعود يسمعها منج كل مره بيستسهلها و بقولها من غير وعي في لحظت غضب

و تعوذي من البليس و روحي اتصلي فيه الحينه و ردي بيتج ... و لا تعودين ريلج على فراقج لصقي فيه لصقه و عن الدلع

و السموحه اختي

و ربي يوفقج و يهدي سرج و يباركلج في ريلج و يخليه يحبج اكثر و اكثر