شرايكم زواج ولا شهر عسل

البنات ماقصرواا وانا من رائي العرس اهم من شهر العسل يعني عرس بسيط وشهر عسل بسيط


خير الامور الوسط ,, ربي يوفقك

[mark=FFCCCC]اكييييييييييييييييييييييييييييييييد زواااااااااااااااااااااااااااااااااج
لانه الزواااااااااااااااااااااااج مابيرجع

لكن السفر بتروحون وبتستانسون والايام يايه لكن العررررررررررس وشنيوووووووووووووول ليله في العمر :)[/mark]

أنا بخالف البنات في ارائهم

وتبين نصيحتي من القلب الى القلب

سافري روحي اوربا ولا شرق اسيا
بدال ماتحطين الفلوس في الزواج والقصر

اول شي احنا سوينا اكثر من زواج حق عيال خالتي وكان على مستوى وحركات وكل شي فيه راقي

يوم ثاني انوع الأنتقادات
التقديم موحلو والطقاقه مالها خلق تطق والعروس شكلها زعلانه والمرس شكلة مغصووب والعشا كان بارد ومتأخر

يعني الناس غاية لاتدرك

اذا مرة تبين زواج سويه عائلي مرة ماراح يكلفه كثير العائلي

اما تجمعين الناس وماراح يدعون لك بقدر مايحسدونك اذا تبين نصيحتي سافري وانبسطي معاه وفعلا بتكون يام لاتنسى

فكري في الموضوع كثير حبيبتي

حبيبتي سافري وانبسطي ترى سعادتك انتى وزوجك بشهر العسل اهم من ارضاء الناس

واللي يقولك السفر لاحقين عليه غلطان شهر العسل غير عن اي سفره بتسافرينها معاه بعدين

الحكمه تقول ... لاتكون لينا فتعصر
ولا صلبا فتكسر
زواج لا تتنازلين عنه
ترى مشوار التنازل يبداء بخطوه
ومساعده لا تساعدينه الا بالقليل القليل
ناظري كم وحده عطت زوجها روحها وبالاخير سحب عليها
لا تتدبرين اموره
ترى هو الرجل مو انتي
انا مملكه بس لسى ماتزوجت
وكنت في نفس وضعك
واجلت الزواج سنه
كل همي اني ماتزوج اي كلام .. لان بكره لو حظرت حفلة زواج طكبيره باكل نفسي قهر لاني ماسويت مثلها
الله يوفقك وييسر امرك

أنا رايي حبيبتي تراعي ظروف زوجك والله ان الحفله الكبيره مالها داعي يعني ممكن تسوين الحفله بينكم بس وراح تطلعين عروس بالحالتين يعني خليك أحلى عروس وانتي رح تكونين مبسوطه أكيد وهو بعد رح يكون مرتاح والمهم انه يحبك يعني ترى سالفة الزواج بالقصر مايستانس فيها الا الحاضرين واذا كان الموضوع رح يكون فوق طاقة زوجك بلاش منه والله أهم شي انه يحبك وشاريك ورح يعوضك انشالله ويسعدك بس انت لاتثقلين عليه عشان بعد الزواج يكون رايق ومرتاح ويقدر يسوي لك اللي تبينه وبالنسبه لي السفر أهم من الحفل نفسها يعني أكيد رح يختلف السفر وانتي عروس والله شهر العسل مايتعوض والله يووفقك وييسر لك يارب

والله اني لو منج حتى لو تكون حفلة الزفاف بسيطة بس المهم اسوية حتى يكون يوم تتذكرين بي يوم وليلة العمر سوية والله يوفقج ان شاء الله السفر بيجي بلايام الجاية ويتعوض بس ليلة العمر هاي حبيبتي مبروكة عليج ان شاء الله

الزواج والحفله
والسفر لاحقه عليه
خذي نصيحة مجرب
حفلة الزواج وحلم الطفوله احسن من السفره
تزوجت سنة1425وماسافرت إلاسنة1427

انا من رايي


سوي حفلة عرس

لانها ليلة العمر .. اما السفر لاحقه علييييييه مردج بتسافرين انشالله لكن العرس ماتكرر و نفس ماقلتي حلم اي بنات بفستتن عرسها ...


الله يوفقج يا رب

(f) (f) (f) (f) (f) :salam: (f) (f) (f) (f) (f)

ليلة العرس هي ليلة العمر أبدا ماحدا يقدر ينساها ,,,,:shy: وفيها تكونين الإنسانة المميزة

لا تتخلي عنها مهما حصل حتى لو أجلت موعد العرس ......أما بالنسبة إلى شهر العسل فهي

دائما تعوض ....وإن شاء الله تكون أيامك كلها عسل في عسل......

:flower: :flower: :flower:
:flower: :flower:
:flower:

انزين الغالية سوي العرس في مكان تكلفته اقل او حتى لو في البيت
بس المهم انج تسوين عرس لانج بتذكرين كلما عزمج احد على حفلة عرسه
انا في رايي العرس شي ما اقدر اتنازل عنه ابد ومو مهم يكون وايد فخم المهم انه حفلة عرس وما علي من كلام الناس لو بيتكلمون من اليوم للصبح

لا تضغطين على الريال وقدري ظروفه ومو شرط تستانسين بفرح كبير ولا شهر عسل اهم شي تكونون مع بعض

أنا من رأي أنك تسوين حفلة بسيطة بدل القصر وبنفس الوقت ماتخسرين السفر،، يعني حرام الرجل ماقصر معاك جهز لك عش الزوجية ومو ذنبه انه ماقدر الحين يدبر باقي فلوس القصر،،، والله حرام ترى بكرة الديون تكسر ظهركم وتقعدون تحاتون ليل ونهار.
يعني أنا وزوجي اول ماتزوجنا كنا تونا متخرجين من الجامعة ويادوب لنا سنتين من أشتغلنا وماكان الصراحة قادر يعمل بنفس الوقت حفلة زفاف وتأثيث عش الزوجية والسفر..
فوصلنا بالنهاية أن نعمل حفلة بسيطة في بيت أهلي ونسافر كم أسبوع ،، لأن الحفلة كلها كم ساعة وتخلص بعدين راح نبقى بالديرة مجابلين نفس الناس شو راح نسوي،، لكن والله بالسفر تونسنا كثير وبعدنا عن الناس وصار عندنا وقت لنا بروحنا ولاحد يشغله عنك.
وحفلتي في بيتنا بشهادة الكل كانت حلوة والكل قال أنهم خذوا راحتهم بالبيت أكثر من لو كان بفندق ماتدرين من يشوفك وينكشف عليك.يعني سافرت وبنفس الوقت لبست فستاني،، يمكن ياتني فترة عقب الزواج كان خاطري بحفلة كبيرة بس أرجع وأفكر بزوجي وأقول الحمدلله ماحطيته عليه ديون زيادة..

راجعي نفسك والله يسخر أموركم ومبروك مقدماً...

خلاص اجلي الفرح 3 شهور....ويسير وقتها تقدري تسافري كمان\

3 شهور مو كتير تعدي بسرعه..