شاركونا استبيان حلو :)

layoola 17-05-2007 20 رد 4,772 مشاهدة
l
استبيان بسيط يفيدنا كلنا بسم الله نبداء


ماهي اساسيات المكياج والعناية بالبشرة عندك ؟



ماهي ميزانيتك الشهرية لشراء المكياج وادوات العناية للبشرة ؟



ما مدى استهلاكك للمكياج وهل تنفذ ام تنتهي مدتها ؟



هل تستخدمي المكيجا الموجود في الكوافيرات ام تحضري مكياجك معك ؟



ماهي الماركات التي تحبذيها ؟



اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟



هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟


ما مدى متابعتك لأخبار الجمال واحدث الوسائل والتقنيات العالمية ؟


في نظرك اين هو العالم العربي والخليجي خاصة في الجمال ؟



انتظر ردودكم وان شاء الله الاستبيان يفيد الجميع


:icon26:
س
layoola:
استبيان بسيط يفيدنا كلنا بسم الله نبداء


ماهي اساسيات المكياج والعناية بالبشرة عندك ؟


النوم بعد تنظيف البشرة
بعض الاقنعة الطبيعية
ماء الورد احبه حييل واحس انه يعطيني نضارة
كريم الاساس يكون للمناسبات فقط واحيانا استغني عنه ببودرة بعد

ماهي ميزانيتك الشهرية لشراء المكياج وادوات العناية للبشرة ؟


شهر عن شهر يفرق
واحيانا تكون بالالاف صراحة


ما مدى استهلاكك للمكياج وهل تنفذ ام تنتهي مدتها ؟

بالنسبة للروج الوردي بسرررعة يخلص واللي حولي يشكون اني اكله ههههههه
المسكره برضو تخلص بسرعة
البودرة المضغوطة والبلاشر الوردي
والباقي احيانا يخرب ورمية خصوصا كريمات الاساس اذا طلع زيتها وصارت طبقتين :sad:



هل تستخدمي المكيجا الموجود في الكوافيرات ام تحضري مكياجك معك ؟


مكياجي معي وبيني وبينكم انا تقريبا كوافيرة ماكياج لكن على مزاجي اشتغل


ماهي الماركات التي تحبذيها ؟
كثيير
فوريفر
ماك
بن ناي
لانكوم
ماكس فاكتور
شانيل
ديور
كريولان
يعني من كل بستان قطرة



اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟

اتمنى اصير صاحبة صالون هههههه


هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟

جدا


ما مدى متابعتك لأخبار الجمال واحدث الوسائل والتقنيات العالمية ؟
متابعة مستمرة ويهمني كل جديد


في نظرك اين هو العالم العربي والخليجي خاصة في الجمال ؟
عالم خلال خمس سنوات مضت اصبح ملفت نوعا ما
خصوصا الماكييرات الكويتيات وعلى راهم دشتي



انتظر ردودكم وان شاء الله الاستبيان يفيد الجميع


:icon26:



ان شاءالله انك استفدتي مني
تحياتي للجميع
م
هلا اختي راح اشارك معك موضوعك حلوو وفيه تغيير
بسم الله ...

ماهي اساسيات المكياج والعناية بالبشرة عندك ؟
اهم شي بشرتي نظيفة ومترطبة ومتهئية للميكاج والاساس والكونسيلر والبودرة والبلاشر والروج او الغلوس اهم احب الكحلة وايد
ماهي ميزانيتك الشهرية لشراء المكياج وادوات العناية للبشرة ؟
ما شهريا اخذ مكياج يمكن اخر مرة خذيت كانت لكوليكشن باربي .. بالمعني احاول امسك نفسي قدر الامكان واحاول اخذ وقت ما احسه حاجة باني ممكن اشتري بشكل مفاجى وما مستعده له

ادوات العناية على حسب الاستخدام اذا خلص اخذ الي ناقص عندي

ما مدى استهلاكك للمكياج وهل تنفذ ام تنتهي مدتها ؟
الحمدلله في اشياء تخلصت منها واحاول اسوي جرد للاغراض وارمي بعضها
استهلاكي يومي تقريبا

هل تستخدمي المكيجا الموجود في الكوافيرات ام تحضري مكياجك معك ؟
اممممممم يمكن لاني احط مكياج اذا المناسبة من الاهل بس ما اكون من اهل العروس او العريس او المناسبة ما تستدعي اروح صالون

بس اذا فيها صالون اثق بالخبيرة وبادواتها ونظافة الاغراض والمنتجات

ماهي الماركات التي تحبذيها ؟
الماركات الي اتعرف على مستحضر وذلك بعد ما اشتريها واجربها بحكم اذا ناسبني المستحضر او لا يعني مثلا احب كلينك وديور بودرتهم حلووة ونفسي اجرب استي لادور الاساس وجيرلاين الاساس بعد تجربتي للبيس

اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟
هذا السؤال حلوو
نفسي اعمل شركة تستورد شركات او ماركات مكياج من حول العالم على الاقل ادخلهم السوق لاننا ما متوسعين خاصة صار عندنا في وعي من حيث البضايع والبحث عن الجودة فليش لا ما نتعرف وندخل ماركات جديدة

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟
والله باني ما جربت الا مرة وحده بس وكانت من نفس البلد بس احس ما شاء الله عليهم وعيني عليهم باردة وباني احسه متعب بس الجهد حلوو لما يكون في اقبال على البضايع والاهتمام بالي تبيعه اشجع كل اخت حبت تكون تاجرة وفقها الله

ما مدى متابعتك لأخبار الجمال واحدث الوسائل والتقنيات العالمية ؟
يمكن من دخولي المنتدى انا اتعرف على شي جديد وصرت اي جريدة او مجلة ادور فيها صالونات ومشاغل واذا بيع مكياج او معارض والتقنيات كثيرة بس ما احسها تستخدم كثير

في نظرك اين هو العالم العربي والخليجي خاصة في الجمال ؟
بصراحة عالمنا العربي والخليجي النساء وايد يحبون الميكاج بشكل كبير والاهتمام والبحث عن كل ما هو جديد صار يزيد كل يوم واحس احنا من ها الناحية وصلنا لمراتب حلووة

اشكرك على الاستبيان واتمنى قدرت اجاوب على قد السؤال :shy:
w
layoola:
استبيان بسيط يفيدنا كلنا بسم الله نبداء


ماهي اساسيات المكياج والعناية بالبشرة عندك ؟

اهم شئ تكون لون بشرتي وحده بعد وضع الفاونديشن بدون زياده او نقصان في مكان ما((انا استخدم البودره المضغوطه))


ماهي ميزانيتك الشهرية لشراء المكياج وادوات العناية للبشرة ؟


لا اضع ميزانيه للميك آب لأني مااشتريه الا نادر جدا جدا..


ما مدى استهلاكك للمكياج وهل تنفذ ام تنتهي مدتها ؟



تنتهي مدتها..

هل تستخدمي المكياج الموجود في الكوافيرات ام تحضري مكياجك معك ؟


انا تعاملي يكون مع صالون واحد والحمدالله ثقتي فيه كبيره..ومع بعض الموثوق فيهم..وشغلهم نظيف وادوات اتبين نظيفه..


ماهي الماركات التي تحبذيها ؟

بودي شوب

والماسكرا>>شانيل



اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟


أحب الميك الآب اللي يكون زي بودي شوب..والوان جديده واشكال غريبه..عشان تجذب المشتري


هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟

الصراحه..لا..لانه اغلبة الميك مش اصلي..وهذا بعد تجربه مع احدى العضوات..

ما مدى متابعتك لأخبار الجمال واحدث الوسائل والتقنيات العالمية ؟

10 بالميه

في نظرك اين هو العالم العربي والخليجي خاصة في الجمال ؟

ماشاء الله هناك الكثير من النساء يخضن هذا المجال..وتنافس كبير عالساحه..ولكن هو مجال ايجابي وسلبي في نفس الوقت..لانه سألت سماحة الشيخ عبدالله الحمادي مره من المرات لما كانت بنت خالتي تبي تخوض التجربه وتعدل..قالي أحسن شئ تعدل ناس تكون واثقه منهم وقريباتها..لانه هيه ماتعرف باقي الناس ممكن تعدلهم وهالبنت تتغطى والا لا فالأثم عليها..ثاني شئ اللي حاصل هالايام والعياذ بالله بعض البنات يتعدلون لاغراض اخرى..الله يحفظنا يارب من كل سوء..

انتظر ردودكم وان شاء الله الاستبيان يفيد الجميع


:icon26:
l
ماشاء الله عليكم حبيباتي على المجهود الحلو وننتظر باقي العرايس
ن
ماهي اساسيات المكياج والعناية بالبشرة عندك ؟


التنضيف الجيد للبشرة
وضع تونك لان بشرتي دهنيه
كريم مرطب وحمايه

ماهي ميزانيتك الشهرية لشراء المكياج وادوات العناية للبشرة ؟



تقريبا من 200-400 جنيه

ما مدى استهلاكك للمكياج وهل تنفذ ام تنتهي مدتها ؟




بستهلك بعض المنتجات اكتر

كلها بتنفذ قبل الصلاحيه هههههههههه:shy:
هل تستخدمي المكيجا الموجود في الكوافيرات ام تحضري مكياجك معك ؟



استخدم الموجود عند الكوافيره لاني بتعامل مع مكان مضمون

ماهي الماركات التي تحبذيها ؟

اساس بوبا
بودرة لوريال
شادوهات بورجوا
جلوس من اماندا - لونا - تشاو
بلاشر فلورمار
اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟



كريمات لامعه واضاءة للجسم باحجام كبيرة

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟


نعم جدا لانهم بيوفروا علينا لف وبحث كتير

ما مدى متابعتك لأخبار الجمال واحدث الوسائل والتقنيات العالمية ؟

كانت متوسطة لكن الفترة الحاليه زاد متابعتي واهتمامي

في نظرك اين هو العالم العربي والخليجي خاصة في الجمال ؟


على القمه ههههههههههه:shy:
ل


ماهي اساسيات المكياج والعناية بالبشرة عندك ؟


التنظيف والتقسير من أساسيات العنايه
والبشره الصافيه من أساسيات المكياج


ماهي ميزانيتك الشهرية لشراء المكياج وادوات العناية للبشرة ؟


شهريا ما لا يقل عن 2000 ريال ..

ما مدى استهلاكك للمكياج وهل تنفذ ام تنتهي مدتها ؟



لا تنتهي مدة صلاحياتها ..:sad:

هل تستخدمي المكيجا الموجود في الكوافيرات ام تحضري مكياجك معك ؟



على حسب نوع الصالون اذا كبير ومعروف لا استخدم اللي عندهم اذا مش متأكده مكياجي معاي لازم لأني أخاف من ان عدوى الأمراض الجلديه تنتقل لي

ماهي الماركات التي تحبذيها ؟

في العنايه كلينك وشانيل ولانكوم وأستي لودر
المكياج ماك بلامنازع وبعدها شانيل وديور



اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟


منتجات أكثر للبشره الدهنيه ومشاكلها وخصوصا التان

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟

بصراحه لا .. ما اثق بحد ما اعرفه وما اعرف النتجات اللي عندهم كيف كان تخزينها

ما مدى متابعتك لأخبار الجمال واحدث الوسائل والتقنيات العالمية ؟

متابعه كبيره .. لأن كل يوم فيه شي جديد


في نظرك اين هو العالم العربي والخليجي خاصة في الجمال ؟


بصراحه لحد الآن نحب المبالغه في كل شي العنايه والمكياج ..

أتمنى نكون وسطيين أكثر ((أنا بالذات أعاني كثير من المبالغه في العنايه ))

شكرا للأستبيان
ع
ماهي اساسيات المكياج والعناية بالبشرة عندك ؟
أساسيات المكياج:
بيس!!
أساس + باودر!!
مسكارا + كحل!!
قلوس!!

العناية بالبشره:
بشره نظيفه ورطبه "غسول + تونر + مرطب"
تقشير + ماسك اسبوعي!!
مرطب الشفايف ظروري!!
،،

ماهي ميزانيتك الشهرية لشراء المكياج وادوات العناية للبشرة ؟
مافي ميزانيه محدده!!
لأن شرائي مب كل شهر!!
وعلى حسب حاجتي !!
والكولكشنات الموجوده!!
بس في الغالب طلعة الشوبنق للميكب الواحد
اتكلفني حدود 2000 ريال
،،

ما مدى استهلاكك للمكياج وهل تنفذ ام تنتهي مدتها ؟
اكثر شي أستهلكه الأساس والمساكارا!!
وبعض انواع البلاش باالذات الدرجات الطبيعيه!!
لكن بطبيعتي احب اجدد!!
واسوي جرد كل فتره !!
،،

هل تستخدمي المكيجا الموجود في الكوافيرات ام تحضري مكياجك معك ؟
الحمدلله اعتمادي على نفسي يشكل 70%
لكن اذا المناسبه كبيره واحس اني احتاج!!
تعاملي دايم مع صالون معروف في قطر!!
وثقتي فيهم كبيره!!
،،

ماهي الماركات التي تحبذيها ؟
Makeup forever
MAC
Guerlain
Benefit
وغيرهم ...
بس بشكل عام
اختياري يكون للمنتج مش الماركه :)
،،

اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟
خاطري انتج مكياج يكون طبيعي وملائم للبشره!!
واقصد بهالشي المكياج الطبيعي مادري اذا سمعتي عنه!!
لكن!!
مش في بالي هالفكره!!
بس جاتني فتره كان ودي اكون وكيل لماركة ميكب عندنا بقطر!!
،،

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية؟
طبعا!!
،،

ما مدى متابعتك لأخبار الجمال واحدث الوسائل والتقنيات العالمية ؟
اول باول!!
برامج تلفزيون + مجلات + نت + وايد اقزقز لوكات البنات لو شدني لوك وحده في مكان معين!! :cool:
،،

في نظرك اين هو العالم العربي والخليجي خاصة في الجمال ؟
الصراحه!!
اشوف صحووه في كل مكان!!
والدليل ارتفاع الذوق العام عند البنات !!
عندج خبراء تجميل لبنان في المقدمه!!
ومن عقبها الخليج ... الكويت والبحرين وقطر!!
ولو لاحظتي البنات قاموو يحرصوون انهم ينموون نفسهم في هالمجال!!
و كثير منهم بدو يفتحوون لهم بزنس في الميكب!!
،،

استمعت بالإجابه!!
وتسلمييين على هالاستيبان!!
وعساج عالقوه (f)

l
مشكورة حبيباتي تفاعل اكتر من رائع واستمتعت واستفدت كتير من كل وحدة
p
هلا عزيزتي......

بصراحة موضوع مميز و غير شكل:clap:
layoola:
استبيان بسيط يفيدنا كلنا بسم الله نبداء


ماهي اساسيات المكياج والعناية بالبشرة عندك ؟

العناية بالبشرة:
تقشير مرتين أسبوعياً
تونيك من نيفيا بالفيتامينات وخلاصة الأعشاب و الأملاح البحرية
مرطب للبشرة من كلارنس

أساسيات المكياج:
من الأهم إلى الأقل أهمية بالنسبة لي:
الكحل الأسود
قلم تحديد الحواجب
القلوس+محدد الشفاه+ الروج
البلاشر
كريم الأساس + البيس+ البودرة
الماسكارا

ماهي ميزانيتك الشهرية لشراء المكياج وادوات العناية للبشرة ؟

ماني حاطة ميزانية لأني نااااااادراً أشتري مكياج.. و أهتم بشراء أداوت العناية بالبشرة أكثر:shy:

ما مدى استهلاكك للمكياج وهل تنفذ ام تنتهي مدتها ؟


نادراً استخدم المكياج و غالباً تنتهي صلاحيته و ثلاثة أرباعه ما خلص و اكثر شي استهلكه الكحل و قلم تحديد الحواجب:gum:
هل تستخدمي المكيجا الموجود في الكوافيرات ام تحضري مكياجك معك ؟
ما عمري رحت للكوافيرة عشان تعمل لي المكياج إلا في يوم ملكتي و فرحي و دايماً أسوي المكياج لنفسي و ماشالله كأني رحت للكوافيرة بس ما احب شغلهم لأنه الغالب ثقيل!!:angry:

ماهي الماركات التي تحبذيها ؟
بورجوا + سيفورا + ريفلون + ماكس فاكتور :shy:


اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟

أنه يكون عندي باقي الماركات الغير متوفرة عندنا في البلد و أفتح فروع في أغلب مدن المملكة مو بس الرئيسية:qaq:

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟
أشجعهم و بقوة بس من غير مبالغة في الأسعار مثل مانشوف من البعض مع التأكد من جودة المنتجات اللي يبيعوها..!:think:

ما مدى متابعتك لأخبار الجمال واحدث الوسائل والتقنيات العالمية ؟
سابقاً كانت شبه معدومة بس حالياً أتابع بس مو بشغف!:shy:

في نظرك اين هو العالم العربي والخليجي خاصة في الجمال ؟

من ناحية العناية بالبشرة متوسطة و يحتاج للوعي اكثر بأهميتها أكثر من الاهتمام المبالغ بالمكياج! :angry:


I'm done
مشكووووورة ما قصرتي :clap:


:icon26:
l
شكرا حبيبتي وننتظر المزيد من الردود
ا
ماهي اساسيات المكياج والعناية بالبشرة عندك ؟
ساسيات المكياج عندي بسيطه و غير مكلفه

تنظيف البشره بشكل يومي وتقشيرها مره بالشهر يعني اسوي فيشل بالصالون مره بالشهر

مرطب نهاري ومرطب بالليل و تونيك بشكل يومي ن ماركه مكياجي بصراحه روعه


هذا كله قبل بعدين
دائما احط شي خفيف بودره مضغوطه من ماكس فاكتور واضائه حول العين وكحل اسود دخل العين فقط وروج


ماهي ميزانيتك الشهرية لشراء المكياج وادوات العناية للبشرة ؟



ما مدى استهلاكك للمكياج وهل تنفذ ام تنتهي مدتها ؟

بصراحه قبل كانت تنتهدي بس الحين اتخلص


هل تستخدمي المكياا الموجود في الكوافيرات ام تحضري مكياجك معك ؟
استخدم اللي في لكوافيره اذا كان معروف اما اذا كان مكان صغير احط ابروحي


ماهي الماركات التي تحبذيها ؟

ماكس فاكتور بلا منازع

بعدين ودي شوب على مكياجي

اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟

نبي باليت فيه كل الالوان الاي شدو

ونبي مستحضر كريم اساس ثانبت ولا يسيح بالماي وبالعرق

هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟
شي مناسب للبعض بس بالنسبه لي ما حبيت

ما مدى متابعتك لأخبار الجمال واحدث الوسائل والتقنيات العالمية ؟
بشكل شبه يومي

في نظرك اين هو العالم العربي والخليجي خاصة في الجمال ؟

متقدم بنوعا ما
ع
ماهي اساسيات المكياج والعناية بالبشرة عندك ؟
المكياج : فونديشن + بودره + بلاشر + مسكره + كحل + روج او قلوس
العنايه بالبشره : غسول , تونر , مرطب , واقي شمس .


ماهي ميزانيتك الشهرية لشراء المكياج وادوات العناية للبشرة ؟
على حسب الاشياء الي بشتريها بس غالبا تكون ميزانيتي من 1500 الى 1800 ريال
للمكياج أو مستحضرات العنايه بالبشره .



ما مدى استهلاكك للمكياج وهل تنفذ ام تنتهي مدتها ؟
استخدم المكياج كل يوم تقريبا واكثر شي استهلكه البودره
والكحل والمسكرا .
مافي شي ينفذ عندي اكثر الاغراض امل منهم بعد فتره فابتدي
اوزع منهم .


هل تستخدمي المكياج الموجود في الكوافيرات ام تحضري مكياجك معك ؟
عموما انا اسوي مكياج بنفسي باغلب المناسبات الا في حاله وحده بس
وهي اذا كانت المناسبه مهمه فانا اعتمد على خبيره وحده بس في عمل مكياجي
ومكياجها ماشاء الله كله ماركات يعني مامنه خوف اما اذا كانت مسافره فاعتمد
على نفسي بعمل المكياج .


ماهي الماركات التي تحبذيها ؟
بالمكياج : جيرلان , ايف سان لوران , استلودر , هلينا روبنشتياين , ماك
ميك اب فورايفير , جيفنشي , شانيل .
العنايه بالبشره : كيلنك , كلارنس , شانيل .


اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟
ودي انتج مكياج تكون جودته عاليه جدا جدا وبنفس الوقت متجدد ويعطي اختيارت كثيره
ويناسب كل الاذواق .


هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟
شي أكيد

ما مدى متابعتك لأخبار الجمال واحدث الوسائل والتقنيات العالمية ؟
بشكل مستمر من خلال المنتديات , المجلات , التلفزيون , مواقع الماركات العالميه .


في نظرك اين هو العالم العربي والخليجي خاصة في الجمال ؟
بصراحه احس ان صرنا في المقدمه خصوصا ان مستوى الوعي والذوق العام ارتفع عن بناتنا كثير
وصارو يهتمون بهالامور ويتابعونها .



يعطيج العافيه اختي
وتسلمين على الاستبيان الحلو

عاشقه الدوحه

:gum:
l
شكرا حبيباتي مجهود حلو وخبرات احلى وان شاء الله كلنا نستفيد من بعض
l
انتظر المزيد من الاستبيانات عزيزاتي
م
ماهي اساسيات المكياج والعناية بالبشرة عندك ؟

بشرة صحية رطبة و نظيفة: يعني تنظيف بالغسول مرتين في اليوم..
تونر.. مرطب للبشرة.. مرطب للعيون
واقي شمس ما أطلع بره
كريم ليلي
المكياج: أساس خفيف خالي من الزيت
بودرة مضغوطة
كحل أسود
روج أو غلوس بلمعة و ألوان طبيعية..


ماهي ميزانيتك الشهرية لشراء المكياج وادوات العناية للبشرة ؟

ما أحط ميزانية شهرية..متى ما أحتجت شي و عجبني شي أروح أشتريه


ما مدى استهلاكك للمكياج وهل تنفذ ام تنتهي مدتها ؟

يومي..في أشياء تخلص مثل البودرات والأساس و الأرواج و الغلوسات
و في أشياء أرميها لما تقدم.. مثل المسكارا و الظلال و البلاشرات..


هل تستخدمي المكيجا الموجود في الكوافيرات ام تحضري مكياجك معك ؟

عادة أحط مكياجي بنفسي.. بس إذا مناسبة كبيرة أحط عند كوافيرة أثق فيها:)


ماهي الماركات التي تحبذيها ؟
أحب ماك..غرلاين..ديور.. بوبي براون من المكياج
كانيبو..سيسلي..ديور..شيسيدو..شانيل..من العناية بالبشرة


اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟

أتمنى أبتكر ماركة مكوناتها طبيعية و ألوانها قوية و أسعارها معقولة.. و أكيد علب مبتكرة و عملية:shy: :shy:


هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية ؟
بصراحة مقصرة معاهم :(

ما مدى متابعتك لأخبار الجمال واحدث الوسائل والتقنيات العالمية ؟
متابعة أولى للمجلات و المنتديات العربية و الأجنبية و السايتات ..


في نظرك اين هو العالم العربي والخليجي خاصة في الجمال ؟
زمان كنت أشوفنا بصوب و العالم بصوب.. بس بنات الخليج اللحين مو أقل على العكس أشطر من الأجانب في الخبرات و الرسمات..

انتظر ردودكم وان شاء الله الاستبيان يفيد الجميع

أشكرج على الإستبيان
ر
هلا وغلا
حبيت أشـاركم الإستبـيـان!!
وأتمـنى أكون عند حسن الظـن!!
رغـم إن خبرتـي بالماكـياج ليست بالطويـلة!! ولكـن أعـرف الأساسيـات العامـة!!

ماهي اساسيات المكياج والعناية بالبشرة عندك ؟


الماكيـاج: أهم شئ عندي ( المرطب+ الكونسيـلر+ البودرة+ الكحـل+ البلاشـر+ الماسكرا+ التحديد)
البشـرة: ( المنـظف+ المرطـب+ الماسك+ البيلنغ+ كريم حمـاية من الشمـس)

ماهي ميزانيتك الشهرية لشراء المكياج وادوات العناية للبشرة ؟
بكـل صراحـة أحس إنـي وايد أصرف على الماكيـاج ومنتجـات البشـرة!!
يعني على كـل طلعـة أصرف 1500 درهم من المحـل الواحد!!
يعني أحس إني في الشهر وايـد أصرف!!
لكـن في باقي الشهور أحـاول أمسك نفسي قد ما أقدر!!
لإن الماكياج ما يخلص وكل يوم ينزل شئ أحلى وأحلى!! ونحن ما نحـاسب!!
ما مدى استهلاكك للمكياج وهل تنفذ ام تنتهي مدتها ؟

إستخدامـي له أكثر شئ في المناسبـات،، أمـا للدوام شئ بسيط بس!!
يا دوووب مرطب وبودرة وماسكرا وتحديد خفيف!!
لكـن في المناسبـات ما أخلي لا أخضر ولا أصفر!! كله أستخدمـته!!
أعوض عن فترات الإنقـطاع،، وأقـول لازم أخلصه قبل ما أشتري غيره!!

هل تستخدمي المكياج الموجود في الكوافيرات ام تحضري مكياجك معك ؟
بصراحـة نادر إذا رحت
الصالون أسوي ماكيـاج،، إذا المناسبه بسيطـه أسوي ميك أب بروحي
لكـن إذا مناسبه مثل العرس أحب تجيني الماكييرة والكوافييرة في البيت!!
ما احب أروح بنفسي الصالون،، أحب الخصوصيـة والهدوء!!
ماهي الماركات التي تحبذيها ؟

الميك آب: مـاك ، فور إيـفر، نـارس، بنفت ، جيرلان
العنايـة بالبشـرة: كلارينس، كلينك ، نيتروجيـنـا

اذا كنني صاحبة شركة مكياج ماهي احلامك او ماذا تريدي ان توفر لك الشركات الكبيرة ؟
هذا إذا كنت،، لـكن ما أريـد أكـون
هل تشجعي انشطة سيدات الاعمال في توفير كل ما تحتاجيه من مكياج جديدة ومتميزة في المنتديات التجارية
أكـيد!! يعرضون أفكـارهم المتميـزة،، ويساهمون لو بالبسيـط في خدمـة السيدات،،

ما مدى متابعتك لأخبار الجمال واحدث الوسائل والتقنيات العالمية ؟
أتابع بإستمرار حتى قـبل ما أدش منتدى عروس كنت أحب الإهتمام بالجمـال
لكـن زادت الخبرة بعد ما عرفت المنتدى والبنات ،،
وأحب أتابع عن طريق المواقع الأجنبيه،، والمجلات،،

في نظرك اين هو العالم العربي والخليجي خاصة في الجمال ؟

الحمد الله ،، البنات الحين في سبـاق مع الموضـة،، يعني نادر إذا شفتي بنت شكلها مب حلوو
الحين الكل فيه لمسه جمال،، وأحس إن البنات لهن طرق خاصه في التجميل،، وبصراحـة أحب
البنت المرتبه واللي تعرف كيف تبرز جمالها وتهتم بأنـاقتها ،، حتى تحسين إنها تلفتج ،،
لكـن ما يطغى على جوهـر البنت!!
l
شكرا حبيباااااااااتي انتظر المزيد من الردود
l
فين الحلوات
ا
مشكووووووووورة اختي ع الموضوع الحلو
X